Morgunblaðið - 03.02.2002, Síða 41

Vonandi líður afa vel á nýjum, fal-
legum og fjörugum stað.
Jóhanna, Dagbjört og Kristján.
Með Valdimar Andréssyni er fall-
inn frá öðlingur, einn af mörgum
sem settu sterkan svip á Neskaup-
stað á liðinni öld.
Frá blautu barnsbeini ólst hann
upp við sjómennsku og störf sem
henni tengdust. Hann vann á skipum
Norðfirðinga sem sjómaður, mótor-
isti og formaður frá 14 ára aldri,
1923, til ársins 1973 eða í hálfa öld
og öðlaðist reynslu og yfirsýn sem
fæst við að lifa og hrærast í síbreyti-
legri atvinnugrein.
Fyrsta fleytan sem hann réð sig á
var Gauti, elsti vélbátur Norðfirð-
inga og nú safngripur, og þaðan lá
leiðin um stækkandi flota upp í tog-
ara, en sjósóknina endaði Valdimar á
trillu.
Vinna í landi við fiskverkun og
viðhald báta og veiðarfæra var fast-
ur liður lengst af og útgerð frá
Hornafirði og víðar úr verstöðvum
sjálfsagður þáttur í tilveru Valdi-
mars eins og margra norðfirskra
sjómanna fram undir miðja öldina.
Valdimar fæddist í hjarta þorpsins
á Nesi þar sem hét Nesstekkur og
síðar reis stórhýsi kaupfélagsins
Fram. Hann kom til utan hjóna-
bands og var tekinn í fóstur mán-
aðargamall af Vilborgu Þorkelsdótt-
ur og Birni Eiríkssyni, sem
drukknaði þegar Valdimar var að-
eins 10 ára. Ekki að undra að hann á
efri árum minntist oft fóstru sinnar
Vilborgar með virðingu og hlýhug og
helst að eiginkonan Pálína Ísaks-
dóttir tæki henni fram. Með henni
kom Valdimar sér upp fallegu heim-
ili sem fylltist af fjórum tápmiklum
piltum sem allir fetuðu í fótspor föð-
ur síns og urðu landsfrægir skip-
stjórar og aflaklær. Fereykið Sig-
urjón, Ísak, Hjörvar og Helgi urðu
eðlilega stolt foreldra sinna sem gáfu
þeim ekki aðeins sjómennskuna í arf
heldur líka menningarlegt uppeldi.
Ég kynntist þessu heimili fljótlega
eftir að við Kristín fluttum til Nes-
kaupstaðar 1963, áttum heima við
sömu götu og starfsstöð mín sem
kennara nánast í næsta húsi. Fyrir
landkrabba var gefandi að skynja
andrúmsloftið innan veggja hjá
Valdimar og Pálínu og hlýða á tal
þeirra feðga og gestkomandi. Oft
teygðist úr þessum húsvitjunum og
þá voru ljóð og aðrar bókmenntir
brátt orðin umræðuefnið og stutt í
heimsmálin.
Ég hafði ungur lesið bókmennta-
sögu Kristins E. Andréssonar, hálf-
bróður Valdimars, og þótti sjálfsagt
að sjómaðurinn væri á svipaðri
bylgjulengd. En landið þvert og ólík
viðfangsefni skildu þá bræður að og
meiri kynni munu hafa tekist með
Valdimar og Kristjáni hálfbróður
hans í Hafnarfirði.
Eftir að ég varð Homo politicus að
aðalstarfi átti ég færri stundir með
Valdimar og hans fólki þótt alltaf
hittumst við öðru hvoru á götu eða
þá ég leit við á vinnustað hans í salt-
fiskverkun SVN. Þar stóð þessi
kempa yfir stömpum og körum fram
yfir áttrætt eins og ekkert væri
sjálfsagðara. Heilræði átti hann oft
til að gefa, ekki síst tengd reynslu-
heimi hans á sjónum. Friðun fiski-
stofna á uppvaxtarstöðvum var hon-
um hjartans mál og hann galt
varhug við stórtækum veiðarfærum
eins og snurvoð og botnvörpu og
hvatti til varfærni við notkun þeirra.
Valdimar var í senn heilsteyptur
maður og margbrotinn, sjálfmennt-
aður og bókelskur, lá ekki á skoð-
unum sínum við kunnuga, glettinn
og hlýr og afar raungóður.
Þau Pálína fluttu sig um set við
Mýrargötuna um 1990 og áttu þar
saman að ég best veit góða daga síð-
asta áratuginn. Hvers geta menn
óskað sér frekar, með skýran huga
og styrka hönd fram á tíræðisaldur
og ævistarf að baki til að vera hreyk-
inn af.
Það er gott að hafa átt samleið
með slíku fólki sem með elju sinni
lyfti íslensku samfélagi frá fátækt til
velmegunar.
Pálínu, sonum, tengdafólki og
vandamönnum öllum sendum við
Kristín samúðarkveðjur.
Hjörleifur Guttormsson.
MINNINGAR
MORGUNBLAÐIÐ SUNNUDAGUR 3. FEBRÚAR 2002 41
Reykjavíkurprófastsdæmi: Hádegis-
fundur presta verður í Bústaðakirkju á
morgun, mánudag 4. febr., kl. 12.
Hallgrímskirkja. Æskulýðsfélagið Örk
mánudagskvöld kl. 20.
Háteigskirkja. Félagsvist fyrir eldri
borgara í Setrinu á neðri hæð safn-
aðarheimilis mánudag kl. 13. TTT-
klúbburinn kl. 17. Lifandi og fjöbreytt
starf fyrir börn úr 4.–6. bekk í umsjón
Andra, Gunnfríðar, Guðrúnar Þóru og
Jóhönnu. Öll börn velkomin og alltaf
hægt að bætast í hópinn.
Laugarneskirkja. 12 spora hópar
koma saman mánudag kl. 20 í safn-
aðarheimilinu. Margrét Scheving sál-
gæsluþjónn er við stjórnvölinn. (Sjá
síðu 650 í Textavarpi).
Neskirkja. 6 ára starf mánudag kl. 14.
Öll börn í 1. bekk velkomin. TTT-starf
(10–12 ára) mánudag kl. 16.30. Öll
börn í 4. og 5. bekk velkomin. Alfa
námskeið mánudag kl. 19. Síðustu
forvöð að skrá sig. Litli kórinn, kór eldri
borgara, þriðjudag kl. 16.30. Stjórn-
andi Inga J. Backman. Nýir félagar vel-
komnir. Foreldramorgunn miðvikudaga
kl. 10–12. Fræðsla frá Málbjörg, félagi
um stam. Umsjón Elínborg Lárusdóttir.
Seltjarnarneskirkja. Æskulýðsfélagið
kl. 20.
Árbæjarkirkja. Sunnudagur: Æsku-
lýðsfundur kl. 20. Mánudagur: TTT-
klúbburinn frá kl. 17–18.
Fella- og Hólakirkja. Mánudagur: Fjöl-
skyldumorgnar (mömmumorgnar)
mánudag í safnaðarheimili kirkjunnar
kl. 10–12. Heitt á könnunni og eitt-
hvað hollt og gott fyrir börnin. Starf fyr-
ir 11–12 ára stúlkur kl. 17–18. Starf
fyrir 9–10 ára drengi kl. 17–18. Ung-
lingastarf á mánudagskvöldum kl.
20.30.
Grafarvogskirkja. Sunnudagur: Bæna-
hópur kl. 20. Tekið er við bænarefnum
alla virka daga frá kl. 9–17 í síma 587-
9070. Mánudagur: KFUK fyrir stúlkur
9–12 ára kl. 17.30–18.30. KFUM
yngri deild í Borgaskóla kl. 17–18.
Kirkjukrakkar fyrir 7–9 ára kl. 17.30–
18.30. TTT (10–12 ára) kl. 18.30–
19.30 í Korpuskóla.
Hjallakirkja. Mánudagur: Æskulýðs-
félag fyrir unglinga 13–15 ára kl. 20.
Þriðjudagur: Prédikunarklúbbur presta
í Reykjavíkurprófastsdæmi eystra er í
Hjallakirkju kl. 9.15–10.30. Umsjón
Sigurjón Árni Eyjólfsson.
Seljakirkja. Mánudagur: KFUK fundur
fyrir stelpur á aldrinum 9–12 ára kl.
17.15 í kirkjunni. Fjölbreytt fundarefni.
Allar stelpur velkomnar.
Vídalínskirkja. Fjölbreytt kristilegt
starf fyrir 9–12 ára drengi í Kirkjuhvoli
á mánudögum kl. 17.30 í umsjón
KFUM.
Fríkirkjan í Hafnarfirði. Mánudags-
kvöld kl. 20–22 eldri félagar.
Lágafellskirkja. Mánudagur: Al-Anon
fundur í kirkjunni kl. 21. Bænahópur á
mánudagskvöldum í Lágafellskirkju kl.
20. Kirkjukrakkafundur í Varmárskóla
kl. 13.15–14.30. TTT-fundir í safnað-
arheimili kl. 16–17. Fundir í æskulýðs-
félaginu Sánd kl. 17–18.
Þorlákskirkja. TTT-starf í kvöld sunnu-
dag kl. 19.30.
Hvammstangakirkja. KFUM&K starf
kirkjunnar í Hrakhólum mánudag kl.
17.30.
Krossinn. Almenn samkoma í Hlíða-
smára 5 kl. 16.30. Allir velkomnir.
Landakirkja Vestmannaeyjum. Mánu-
dagur: Kl. 16.45 æskulýðsstarf fatl-
aðra, eldri deild.
Fíladelfía. Brauðsbrotning kl. 11.
Ræðumaður Erling Magnússon. Al-
menn samkoma kl. 16.30. Lofgjörð-
arhópur Fíladelfíu leiðir söng. Ræðu-
maður Dave Smethuret. Allir
hjartanlega velkomnir.
KEFAS, Vatnsendavegi 601. Sunnu-
dagur: Samkoma kl. 16.30. Bæna-
stund fyrir samkomu kl. 16. Ræðu-
maður Helga R. Ármannsdóttir.
Lofgjörð og fyrirbænir. Tvískipt barna-
starf fyrir börn frá eins árs aldri. Allir
velkomnir.
Þriðjudagur: Brauðsbrotning og bæna-
stund kl. 20.30. Miðvikudagur: Sam-
verustund unga fólksins kl. 20.30.
Mikil lofgjörð og orð guðs rætt. Allt
ungt fólk hjartanlega velkomið.
Séra Jürgen Jamin býður einu sinni í
mánuði upp á leiðsögn til skilnings á
helgihaldi (litúrgíu) kirkjunnar og mik-
ilvægi heilagrar messu í lífi okkar í
safnaðarheimili Kristskirkju við Há-
vallagötu 16. Næsti fundur verður
mánudaginn 4. febrúar og hefst kl. 20.
Þátttaka ókeypis og allir eru hjartan-
lega velkomnir.
Akureyrarkirkja. Fundur í Æskulýðs-
félagi kirkjunnar kl. 17.
Safnaðarstarf
UM þessar mundir er að hefjast
nýtt námskeið um kristna trú í
Hafnarfjarðarkirkju undir heitinu
„Hvað viltu mér, Kristur?“ Á nám-
skeiðinu verður leitað svara við
ýmsum brennandi spurningum um
málefni samtímans og kristinnar
trúar.
Námskeiðinu er skipt í eftirfar-
andi þemu: 1. Kynning. 2. Biblían.
3. Jesús. 4. Dauðinn og eilífðin sam-
kvæmt Biblíunni. 5. Guð. Hver er
Guð kristinnar trúar? 6. Hið illa í
heiminum. 7. Kirkja. 8. Kristin sið-
fræði.
Leiðbeinandi á námskeiðinu er
sr. Þórhallur Heimisson. Auk hans
munu fjölmargir gestir koma í
heimsókn og taka þátt í umræðum.
Öllum sem hafa áhuga er bent á að
skrá sig í síma Hafnarfjarð-
arkirkju. Einnig er hægt að fá nán-
ari upplýsingar hjá sr. Þórhalli með
því að senda tölvupóst á theimis@-
simnet.is. Námskeiðið hefst þriðju-
daginn 12. febrúar.
Þorragleði eldri borg-
ara í Langholtskirkju
EINS og undanfarin ár fagna eldri
borgarar í Langholtssöfnuði þorra
með gleðisamkomu í kirkjunni sinni
miðvikudaginn 6. febrúar nk. kl.
13–16. Stundin hefst með kaffisopa
í safnaðarheimilinu kl. 13. Síðan
verður gengið til kirkju þar sem
sóknarprestur, djákni og organisti
ásamt góðum gestum flytja bæna-
gjörð, hugvekju, stýra söng og
gleðimálum.
Eftir stundina verður gengið að
borðum sem svigna undan gómsæt-
um þorramat. (Verð veitinga er að-
eins 1.200 krónur.) Að borðhaldi
loknu gefst tími til spjalls eða spila-
mennsku og gleðinni lýkur síðan kl.
16.
Góðar leiðir eru að Langholts-
kirkju með Strætó bs. Leið 2 stans-
ar fyrir framan kirkjuna, einnig
stoppar leið 5 á Langholtsveginum,
göngubraut liggur upp að kirkj-
unni. Eldri borgurum og hreyfi-
hömluðum í hverfinu er boðið upp á
akstur heiman og heim.
Áhugasamir um þátttöku í þorra-
gleðinni eru beðnir að hafa sam-
band við Svölu í síma 520 1300 eða
862 9162 ekki síðar en fyrir hádegi
5. febrúar. Allir velkomnir.
Starfsfólk Langholtssafnaðar.
Aðalfundur Safn-
aðarfélags Graf-
arvogskirkju
AÐALFUNDUR Safnaðarfélags
Grafarvogskirkju verður nk. mánu-
dag, 4. febrúar, kl. 20:00.
Fundurinn hefst með venjulegum
aðalfundarstörfum, síðan mun Sig-
rún Aðalbjarnardóttir prófesor
flytja erindi sem nefnist: Uppeldi til
virðingar fyrir sjálfum sér og öðr-
um. Allir velkomnir.
Stjórnin.
Hvað viltu mér,
Kristur?
Hafnarfjarðarkirkja.
Bridsdeild Barðstrendinga
og Bridsfélag kvenna
Þar sem húsnæði Bridssambands
Íslands í Síðumúla 37 er að verða
tilbúið hafa deildir okkar ákveðið að
endurvekja bridskvöld okkar á
mánudögum.
Mánudaginn 4. febrúar nk. kl.
19.30 hefst tveggja kvölda tvímenn-
ingur. Rauðvín í verðlaun fyrir bestu
skor bæði í N/S og A/V. Sérstök
verðlaun fyrir samanlagðan árangur
bæði kvöldin. Spilagjald er 700 kr. en
600 kr. fyrir eldri borgara. Spilað í
Síðumúla 37, 3. hæð (lyfta) mánu-
dagskvöld kl. 19.30. Skráning á spila-
stað ef mætt er stundvíslega. Spila-
stjóri verður sem fyrr Ísak Örn
Sigurðsson.
Við förum aftur á stað í von um að
okkar fjölmörgu félagar séu ekki
búnir að gleyma hve gaman var að
spila brids á mánudagskvöldum hjá
Bridsdeild Barðstrendinga og Brids-
félagi kvenna.
Bridsmót nemenda
í Háteigsskóla
Sl. laugardag fór fram bridsmót í
Háteigsskóla þar sem þátttakend-
urnir voru á aldrinum 10–12 ára og
var spilað á 13 borðum. Mótið var
hluti af uppskeruhátíð því allir 10–12
ára nemendur skólans höfðu hlotið
20 kennslustunda námskeið í barna-
brids í umsjón Ljósbrár Baldurs-
dóttur.
Mikil spilagleði ríkti meðal
barnanna og foreldrar og systkini
fylgdust með af áhuga. Í lok móts
fengu allir þátttakendur vinninga
sem gefnir voru af fjölmörgum fyr-
irtækjum og þakka aðstendendur
mótsins stuðninginn.
Úrslit:
1 Atli Sigurðsson og Brynjar Kristjánsson
2. Hulda Þorsteinsd. og Áslaug Haraldsd.
3. Birkir B. Ingólfss. og Mímir Guðvarðss.
Beðið eftir úrslitunum í bridsmótinu sem fram fór í Háteigsskóla sl. laugardag.
Sigurvegararnir í bridsmótinu í Háteigsskóla. Talið frá vinstri: Hulda
Þorsteinsdóttir, Áslaug Haraldsdóttir, Brynjar Kristjánsson, Birkir
Blær Ingólfsson, Atli Sigurðsson og Mímir Guðvarðsson.
BRIDS
Umsjón Arnór G.
Ragnarsson
Vesturlandsmót í sveitakeppni
Vesturlandsmót í sveitakeppni
verður spilað á Hótel Borgarnesi
föstudaginn 8. febrúar og laugardag-
inn 9. febrúar. Skráningu skal lokið
miðvikudag 6. febrúar fyrir kl. 23:00.
Tekið er við skráningu hjá Dóru í
síma 437-1241, Sveinbirni í síma 437-
0029 og hjá Bridssambandi Íslands.
Spilagjald ákvarðast af þátttöku en
líklegt er að það verði kr. 20.000 á
sveit með hádegisverði á laugardag
og standandi kaffi.
Bridsfélag Borgarfjarðar
Nú stendur yfir aðalsveitakeppni
félagsins með þátttöku átta sveita.
Eftir þrjár umferðir er staðan þessi:
Sv. Sindra Sigurgeirssonar 60
Sv. Ingólfs Helgasonar 54
Sv. Sigurðardætra 50
Sv. Guðmundar Péturssonar 50
Sparisjóðurinn í forystu hjá
Bridsfélagi Akureyrar
Sex umferðum af níu er lokið í að-
alsveitakeppni Bridsfélags Akureyr-
ar og hafa tvær sveitir náð nokkru
forskoti þótt allt geti gerst enn. Sveit
Sparisjóðs Norðlendinga er komin í
toppsætið eftir að hafa náð fullu húsi
stiga sl. þriðjudagskvöld. Þar munar
mest um góða frammistöðu Sveins
Pálssonar og Jónasar Róbertssonar,
en þeir eru efstir í fjölsveitaútreikn-
ingi. Staða fimm efstu sveita:
Sparisjóður Norðlendinga 128
Páll Pálsson 124
Ævar Ármannsson 110
Stefán Vilhjálmsson 96
Sveinn Stefánsson 96
Efstu pör í „Butler“:
Sveinn – Jónas 1,95
Grettir Frímannss. – Hörður Blöndal 1,88
Gylfi Pálsson – Helgi Steinsson 0,88
Pétur Guðjónsson – Stefán Ragnarss. 0,85
Einnig er spilað á sunnudags-
kvöldum og er spilaður eins kvölds
tvímenningur.
Spilað er kl. 19.30 í Hamri.
KIRKJUSTARF