Morgunblaðið - 07.04.2002, Síða 23

Morgunblaðið/Júlíus
Dr. Björn Karlsson brunamála-
stjóri með námskeiðsgögn um
yfirtendrun elds í hýbýlum og
hættur þar að lútandi.
ÁBYRGÐ á afleiðingum eldsvoða er
viðfangsefni sem slökkvilið Óslóar-
borgar hefur orðið að takast á við á
undanförnum þremur árum vegna
dómsmála sem risið hafa vegna
manntjóns og mannvirkjatjóns af
völdum bruna. Leiddu slík mál m.a.
til ákæru á hendur slökkvistjóra
borgarinnar sem hrökklaðist úr
starfi að því er fram kom hjá arftaka
hans á brunavarnaþingi Bruna-
tæknifélags Íslands sem haldið var á
föstudag.
Jon Myroldhaug, slökkviliðsstjóri
í Ósló, sagði að dómsmál vegna elds-
voða í borginni, sem sum hver hafa
ekki enn verið til lykta leidd að fullu
fyrir dómstólum, hafi haft breyting-
ar í för með sér í starfsemi liðsins og
vakið upp spurninguna um hver beri
ábyrgð á afleiðingum eldsvoða.
Bruni í íbúðarhúsi í janúar 1999 í
norsku höfuðborginni markaði
þáttaskil. Þar fórst kona en slökkvi-
liðsmenn voru komnir á vettvang níu
mínútum eftir að hún hringdi í neyð-
arlínuna. Sagði Myroldhaug mistök
á vettvangi og í samskiptum neyð-
arlínunnar og slökkviliðs hafa leitt til
þess að konan brann inni. Rakti hann
hvernig blaðið Dagsavisen, en
fulltrúi þess var á vettvangi, hefði
leitt í ljós með eftirgrennslan að
bjarga hefði mátt konunni. „Það sem
fylgdi í kjölfarið er eitthvað sem við
höfðum aldrei áður kynnst í starfi
liðsins,“ sagði Myroldhaug en forveri
hans var ákærður fyrir afglöp í starfi
og hvarf úr embætti.
Rannsóknin leiddi til þess að Ósló-
arborg, sem eigandi slökkviliðsins,
var sektuð um eina milljón króna
vegna mistaka við björgun konunn-
ar. Í ljós kom að ekki voru til hjá
slökkviliðinu nema mjög takmarkað-
ar verklagsreglur og forræði stjórn-
enda þótti óskýrt. Afleiðingin var sú
að undir stjórn Myroldhaugs hafa
verið samdar ítarlegar verklagsregl-
ur og skýrt kveðið á um stjórnunar-
þátt á hverju stigi máls. Ennfremur
hafi slökkviliðsmenn verið þjálfaðir í
að tala minna á brunastað til að
koma í veg fyrir að fólk á vettvangi
fái of miklar upplýsingar um ástand
mála og sérstaklega hefur verið
kveðið á um hverjir megi tjá sig.
Myroldhaug nefndi fleiri bruna í
millitíðinni sem leitt hefðu til rann-
sókna og dómsmála og fulltrúar á
ráðstefnunni töldu að mál af því tagi
ættu eflaust eftir að koma upp hér á
landi.
Slökkvilið Óslóarborgar tekst á við ný vandamál
Hefur sætt ábyrgð vegna
afleiðinga eldsvoða
FRÉTTIR
MORGUNBLAÐIÐ SUNNUDAGUR 7. APRÍL 2002 23
Á BRUNAVARNAÞINGI Bruna-
tæknifélags Íslands á föstudag kom
fram að Brunamálastofnun hefði feng-
ið 17 milljóna króna styrk frá Evrópu-
sambandinu til að kosta þriggja ára
doktorsnám erlends byggingaverk-
fræðings eða eðlisfræðings við Há-
skóla Íslands til að rannsaka þætti er
lúta að svonefndri yfirtendran elds og
því er súrefni hleypur inn í lokað eld-
rými.
Í máli dr. Björns Karlssonar bruna-
málastjóra kom fram að um er að ræða
verkefni sem Brunamálastofnun vinn-
ur að í samstarfi við sex erlenda aðila.
Auk þessa munu tveir meistara-
námsnemar við háskólann í Lundi í
Svíþjóð dveljast hér á vegum Bruna-
málastofnunar til að gera úttekt á olíu-
flutningum milli Reykjavíkur og
Keflavíkur og hvað gerist þegar olía er
flutt gegnum vatnsverndarsvæði.
Björn gerði í erindi sínu á þinginu
grein fyrir breytingum sem orðið
hefðu á starfsumhverfi íslenskra
slökkviliðsmanna sem yfirvofandi
væru með nýrri brunavarnaáætlun
sem væntanlega verður tilbúin í maí.
Mun hún leggja m.a. grunninn að
gæðastjórn og úttekt á starfsemi
slökkviliða og auðvelda íbúum og
stjórnendum sveitarfélaga að fá upp-
lýsingar um skipulag slökkviliðs og
markmið.
Þessu tengt sagði Björn margar
reglugerðir í smíðum sem myndu
móta starfsemi slökkviliða í framtíð-
inni. Þar á meðal væri reglugerð um
brunahönnun mannvirkja, reglugerð
um brunarvarnir í jarðgöngum,
reglugerð um flutning hættulegra
efna í slíkum göngum, reglugerð um
tækjakost og mannafla slökkviliða,
reglugerð um lágmarksbúnað
slökkviliða vegna mengunaróhappa á
landi og reglugerð um hlífðarbúnað
slökkviliðsmanna og reglugerð um
reykköfun og eiturefnaköfun.
Í þessu sambandi kom fram hjá
Birni að vinna samráðshóps um ör-
yggisþætti Hvalfjarðarganga varð-
andi viðbragðsáætlun fyrir göngin,
æfingar þar, ástand og farm vöru-
flutningabíla, áhættugreiningu og
reglugerðarsmíði í framhaldi af því
væri langt á veg komin.
Úttekt á olíuflutn-
ingum milli Reykja-
víkur og Keflavíkur