Morgunblaðið - 30.04.2002, Blaðsíða 4
FRÉTTIR
4 ÞRIÐJUDAGUR 30. APRÍL 2002 MORGUNBLAÐIÐ
1. Audi A4 Quattro 1.8 Turbo,
f.skr.d. 14.09. 2001, ek. 4 þ.
km., 4 d., bsk., 17" álf.,
leðurinnrétting, sóllúga o.fl.
Verð 3.780.000.
Nánari upplýsingar hjá
Bílaþingi.
Opnunartímar: Mánud.-föstud.
kl. 10-18 og laugard. kl. 12-16.
Laugavegur 170-174 • Sími 590 5000 • Heimasíða: www.bilathing.is
Netfang: bilathing@hekla.is
ERLENDUM ferðamönnum til Ís-
lands fækkaði á síðsta ári eftir
tæplega 8% aukningu síðasta ára-
tug. Í Hagvísum Þjóðhagsstofnun-
ar kemur fram að fyrstu fimm
mánuði ársins 2001 hafi ferða-
mönnum fjölgað en þá hafi sam-
dráttur hafist sem enn sjái ekki
fyrir endann á. Færri ferðamenn
komu til landsins síðustu fjóra
mánuði ársins 2001 en á sama tíma
árið 1999. Í yfirliti um afkomu at-
vinnugreina fyrir árin 1999 og
2000 kemur fram að afkoma í hót-
el- og veitingarekstri, hjá sömu
fyrirtækjum bæði árin, versnaði.
Tapið jókst úr 0,5% í 3,3% af
rekstrartekjum og versnaði af-
koma í samgöngum einnig þrátt
fyrir metfjölda ferðamanna.
Erlendum ferðamönn-
um fækkaði í fyrra
SÍÐASTA Nýkaupaverslunin í
Kringlunni verður að Hagkaupa-
verslun í næstu viku, en Nýkaupa-
verslanirnar voru upphaflega sjö.
Þessi ákvörðun þýðir að vöruverð
mun lækka í versluninni.
Finnur Árnason, framkvæmda-
stjóri Hagkaupa, sagði að tvær Ný-
kaupaverslanir hefðu verið seldar til
Kaupáss á sínum tíma, tveimur versl-
unum hefði verið breytt í Bónusversl-
anir og þrjár verslanir hefðu orðið
Hagkaup aftur.
Síðasti rekstrardagur Nýkaupa-
verslunarinnar í Kringlunni verður á
sunnudaginn kemur. Daginn eftir
verður lokað til að gera nauðsynlegar
breytingar, sem lúta fyrst og fremst
að vörumerkingum og slíku, að sögn
Finns, og á þriðjudaginn verður
verslunin síðan opnuð sem Hagkaup.
Aðspurður hvort það rekstrarform
sem lagt var upp með í Nýkaupum að
leggja fyrst og fremst áherslu á meiri
þjónustu gengi ekki upp, sagði Finn-
ur að þeir teldu árangursríkara að
tefla fram vöruverðinu. Lágvöru-
verðsmarkaðurinn hefði verið að
stækka og þeir hefðu fengið mjög já-
kvæð viðbrögð við þeirri verðbreyt-
ingu sem þeir hefðu farið í fyrir
tveimur til þremur vikum. „Við ætl-
um okkur að taka meiri þátt í þeim
slag,“ sagði Finnur ennfremur.
Hann sagði að þessi ákvörðun
hefði það í för með sér að verðlag í
versluninni í Kringlunni lækkaði um-
talsvert. Þeir legðu líka áherslu á að
verslunin yrði opnuð á þriðjudaginn í
næstu viku með sama vöruúrvali.
Þeir myndu gefa sér nokkra mánuði
til að aðlaga verslunina að rekstri
Hagkaupa og meta það eftir óskum
viðskiptavina hvað færi út og hvað
ekki.
Í frétt frá Hagkaupum af þessu til-
efni kemur einnig fram að stöðugt
aukin krafa neytenda um lægra vöru-
verð sé grundvöllurinn að þessari
ákvörðun. „Ofangreind breyting hef-
ur nokkur áhrif á útreikning vísitölu
og þar með hagstæð áhrif á verð-
bólgumælingu til lengri tíma.
Ákvörðunin mun því enn frekar
styrkja þær stoðir sem leggja grunn-
inn að stöðugleika í íslensku efna-
hagslífi,“ segir síðan.
Síðasta Nýkaupaversl-
unin verður Hagkaup
MIKIÐ hefur snjóað norðan- og
norðaustanlands síðustu dagana og
hafa orðið truflanir á samgöngum
af völdum ófærðar. Þá lá flug niðri
fram eftir degi í gær, en eftir há-
degið var hægt að fljúga til flestra
viðkomustaða, nema Ísafjarðar.
Veðurstofan spáir áfram norð-
lægum áttum og köldu veðri fram
eftir vikunni og éljagangi í dag
einkum um norðvestanvert landið.
Illfært var á Húsavík vegna snjó-
þyngsla í gærmorgun. Mikill skaf-
renningur var í fyrrinótt og dró
víða í mittisdjúpa skafla í bænum
en í úthverfum bæjarins var nánast
ófært nema fyrir stóra jeppa.
Víða voru erfiðleikar í sam-
göngum um helgina og í gær.
Vegna hvassviðris og sjógangs
flæddi sjór yfir Ægisgötuna í
Keflavík í gærmorgun og varð hún
ófær öllum bílum. Barst grjót og
þari upp á götuna vegna þessa.
Ökumaður, sem ók niður Ægisgöt-
una festi bíl sinn sem fór á kaf í sjó.
Morgunblaðið/Hafþór Hreiðarsson
Unnið var hörðum höndum við að moka snjó af götum Húsavíkur í gær,
enda hefur ekki snjóað þar jafnmikið í vetur og gerði nú í kuldakastinu.
Mikil snjókoma
norðanlands
KRAKKARNIR á leikskólanum
Mýri við Skerplugötu heimsóttu
nýja nágranna sína hjá Íslenskri
erfðagreiningu í Vatnsmýrinni í
gær. Afhentu þau fyrirtækinu að
gjöf litskrúðugan vaðfugl sem þau
höfðu sett saman á síðustu vikum í
tilefni af samvinnuverkefni leik-
skólanna í vesturbænum, „Vest-
urbærinn okkar“.
Fengu krakkarnir höfðinglegar
móttökur. Starfsmaður Íslenskrar
erfðagreiningar sýndi efnafræðit-
ilraunir, leikarinn Björgvin Franz
Gíslason var með töfrabrögð og síð-
an voru gestirnir leystir út með for-
láta gjöfum. Leikskólinn fékk að
gjöf tölvu frá fyrirtækinu og krakk-
arnir fengu íspinna, sem var vel
þeginn þrátt fyrir hrollinn í sum-
arbyrjun.
Morgunblaðið/Kristinn
Gáfu fugl og
fengu tölvu
og ís frá ÍE
RÍKISSAKSÓKNARI beindi í lið-
inni viku ákveðnum þáttum vegna
máls varðandi forstöðumenn Þjóð-
menningarhúss og Þjóðskjalasafns
til ríkislögreglustjóra og eru þeir þar
til rannsóknar.
Haraldur Johannessen, ríkislög-
reglustjóri, segir að allt verði gert til
að hraða afgreiðslu málsins.
Um miðjan mars sl. lauk efna-
hagsbrotadeild ríkislögreglustjóra
gagnaöflun sem ríkissaksóknari ósk-
aði eftir í tilefni af skýrslu Ríkisend-
urskoðunar á fjárreiðum Þjóðmenn-
ingarhúss og Þjóðskjalasafns og
athöfnum forráðamanna stofnan-
anna, en gögnin hafa síðan verið til
skoðunar hjá embætti ríkissaksókn-
ara.
Þjóðmenningarhús
og Þjóðskjalasafn
Málið hjá ríkis-
lögreglustjóra
EITT stærsta listmunauppboð sem
fram hefur farið hér á landi til þessa
var haldið í Súlnasal Hótels Sögu á
sunnudag. Þar voru boðin upp 163
listaverk af ýmsum toga. Að uppboð-
inu stóð listmunasalan Gallerí Fold
og var fjölmennt í uppboðssalnum.
„Uppboðið gekk vel og sjáum við
fram á að listmunamarkaðurinn hér
á landi sé heldur á uppleið eftir erf-
iða tíð,“ segir Tryggvi Friðriksson
hjá Gallerí Fold.
Meðal verka sem seld voru var
olíuverk frá Húsafelli eftir Ásgrím
Jónsson á 1.410.000 krónur.
Tæp ein og hálf
m. kr. fyrir
verk Ásgríms
♦ ♦ ♦
RÍKISSJÓÐUR var í gær dæmdur í
Héraðsdómi Reykjavíkur til að
greiða hjúkrunarfræðingi, konu á
sextugsaldri, rúmlega 8,3 milljónir
með vöxtum og dráttarvöxtum í rúm
tvö ár vegna slyss sem hún varð fyrir
í skurðstofu á Landspítalanum
snemma árs 1996 er verið var að
framkvæma þar kransæðaaðgerð.
Slysið varð við það að hjúkrunar-
fræðingurinn rak vinstri fót í skemil
sem var á gólfi skurðstofunnar. Við
það missti hún fótanna og féll utan í
skáp og borð. Af þessu hlutust
meiðsl í hægra hné og læri.
Vegna afleiðinga slyssins komst
hjúkrunarfræðingurinn ekki til
starfa fyrr en tæpu ári eftir slysið og
byrjaði þá í hlutastarfi. Sú vinna
reyndist henni mjög erfið en hún
þraukaði fram á sumar, eða þar til
hún var úrskurðuð óvinnufær.
Héraðsdómur komst að þeirri nið-
urstöðu að staðsetning skemilsins
hefði stafað af aðgæsluleysi annarra
og verið brot á viðteknu verklagi á
skurðstofunni þar sem reglufesta í
hvívetna væri einkar nauðsynleg.
Um staðsetningu skemilsins rétt aft-
an við fætur sína vissi hjúkrunar-
fræðingurinn ekki og mátti treysta
því að hann væri þar ekki, segir í úr-
skurði Héraðsdóms Reykjavíkur.
Úrskurðaði rétturinn að ríkið bæri
ábyrgð á aðgæsluleysinu í skurðstof-
unni og bæri því bótaábyrgð eftir
reglu skaðabótaréttar um vinnuveit-
endaábyrgð. Hjúkrunarfræðingur-
inn hefði ekkert ráðrúm haft auk
þess sem bakki með lækningaáhöld-
um sem hún hélt á byrgði henni sýn
og yrði ekki talið að slysið yrði að
neinu leyti rakið til eigin sakar henn-
ar.
Ríkið greiði
hjúkrunarfræð-
ingi 8,3 milljónir