Morgunblaðið - 30.04.2002, Qupperneq 19

LANDIÐ
MORGUNBLAÐIÐ ÞRIÐJUDAGUR 30. APRÍL 2002 19
FYRSTA sumardag var ný göngubrú
tekin formlega í notkun. Brúin er ofar
en brúin upp í sundlaug og er í fram-
haldi af göngustíg í gegnum lystigarð-
inn. Aldís Hafsteinsdóttir, forseti
bæjarstjórnar, ávarpaði gesti og
sagði frá því að hönnuður brúarinnar
væri Sigurður Jakobsson tæknifræð-
ingur.
Kolbrún Þóra Oddsdóttir og Gunn-
hildur Gunnarsdóttir, sérfræðingur í
japönskum stílbrigðum, hönnuðu
handriðið. Smiðir að verkinu voru
Hafnarverktakar frá Akureyri og
Steinar Hilmarsson smiður smíðaði
skápall norðan við brúna til að gera
hana aðgengilega. Aldís sagði jafn-
framt að þetta væri bara fyrsta innrás
Hvergerðinga í Ölfusið, því að þegar
komið er yfir brúna eru menn komnir
þangað. Brynhildur Jónsdóttir, fyrr-
verandi formaður Skógræktarfélags-
ins í Hveragerði, klippti á borðann,
því að þessi brú er gamall draumur
skógræktarfólks og stofnaði félagið
sérstakan brúarsjóð og lagði fram fé
til byggingar brúarinnar. Þegar
klippt hafði verið á borðann tók
Sveinn Aðalsteinsson, skólameistari
Garðyrkjuskólans, á móti gestum og
bauð þá velkomna í Ölfusið.
Síðan gengu menn fylktu liði að
Garðyrkjuskólanum með skáta í far-
arbroddi, undir lúðrablæstri Ians
Wilkinsons tónlistarkennara. Það er
von allra að þessi brú verði til þess að
gleðja göngufólk, bæði heimamenn og
gesti.
Ný göngubrú yfir Varmá
Morgunblaðið/Margret Ísaksdóttir
Brynhildur klippir á borðann með aðstoð Aldísar. Sveinn bíður gesta.
Hveragerði
Í KULDAKASTINU sem enn er ekk-
ert lát á en hófst að kvöldi síðasta
vetrardags kreppti mjög að fuglum
við Mývatn. Á Skútustöðum fann
Gylfi bóndi Yngvason flórgoða úti á
túni á sumardaginn fyrsta og var sá
heldur illa á sig kominn. Hann var
tekinn í hús yfir nóttina.
Næsta dag var reynt að sleppa
fuglinum en þá brotlenti hann á
þjóðveginum, þar sem hann lenti
undir bíl án þess þó að meiðast en
sýnt þótti að fuglinn væri ekki ferða-
fær. Því var hann aftur tekinn á hús
og hlúð að honum svo sem hægt var.
Hann hresstist og flutti heim-
ilisfólkið fuglinn í baðkarið þar sem
hann synti um, frísklegur að sjá.
Systkinin Hjörtur og Katrín
Gylfabörn höfðu fært honum síli
sem hann virtist þó ekki hafa áhuga
á. Væntanlega verður fuglinn í vist á
Skútustöðum þar til veðrið gengur
niður. Venjulega er Flórgoði ekki
mannblendinn en lónir um á frið-
sælum tjörnum, hljóður og lítillátur.
Þessa dagana eru þeir sjáanlegir
víðar við Mývatn en í venjulegu ár-
ferði og er það vegna þess að tjarn-
irnar þeirra hefur aftur lagt í hret-
inu.
Morgunblaðið/BFH
Systkinin Hjörtur og Katrín Gylfabörn fylgjast með Flórgoðanum sem
syndir rösklega um í baðkarinu þeirra og virðist á góðum batavegi.
Flórgoði í
baði eftir
hrakninga
Mývatnssveit
Á SUMARDAGINN fyrsta var sjó-
settur á Húsavík hvalaskoðunarbát-
urinn Faldur. Nýtt ferðaþjónustu-
fyrirtæki Hvalaferðir ehf. keypti
hann sl. sumar og hefur notað vet-
urinn til að breyta honum þannig að
hann henti til hvalaskoðunarferða.
Báturinn sem er 20 brúttótonna
eikarbátur var smíðaður í Vest-
mannaeyjum 1973, í upphafi hét
hann Votaberg ÞH en í árslok 1973
urðu eigendaskipti á bátnum. Upp
frá því hefur hann heitið Faldur og
allan þann tíma sem hann gegndi
hlutverki fiskibáts var hann gerður
út frá Þórshöfn á Langanesi.
Að sögn Jónasar Emilssonar, eins
af eigendum Hvalaferða ehf., var
báturinn í mjög góðu ásigkomulagi
þegar þeir keyptu hann. Lítið þurfti
að endurbæta, mikil vinna var hins
vegar lögð í það að breyta bátnum,
bæði til þess að hann hentaði til sigl-
inga með farþega og eins til að upp-
fylla allar þær kröfur sem gerðar eru
til slíkra báta en báturinn er skráður
fyrir rúmlega 40 farþega. Jónas seg-
ir að fyrsta ferðin verði farin 1. maí
nk. en þá hefjast ferðir samkvæmt
áætlun og töluvert er um pantanir
fyrir sumarið. „Við sem að þessum
rekstri stöndum erum bjartsýn á
framtíðina, bæði hvað okkar fyrir-
tæki varðar og almennt gagnvart
þessari grein ferðaþjónustunnar“
sagði Jónas.
Hvalaferðir ehf. hafa nýlega opn-
að heimasíðu á Netinu. „Við viljum
með þessu gera okkur sýnilegri fyrir
umheiminum, á síðunni er hægt að
skoða áætlun bátsins, panta ferðir
með honum, skoða kort sem sýnir
staðsetningu okkar við Húsavíkur-
höfn auk mynda m.a. frá breyting-
unum á bátnum og í framtíðinni úr
ferðum hans á hvalslóð“ sagði Jónas
að lokum. Slóðin á heimasíðu fyrir-
tækisins er www.hvalaferdir.is.
Að Hvalaferðum ehf. standa
Sölkuveitingar ehf. sem reka veit-
ingahúsið Sölku, Trésmiðjan Val ehf.
og Jón Helgason og fjölskylda.
Nýtt fyrirtæki í hvalaskoðun á Húsavík
Faldur sjósettur og
ný heimasíða á Netinu
Morgunblaðið/Hafþór Hreiðarsson
Veðrið var ekki sumarlegt á sumardaginn fyrsta þegar Faldur var sett-
ur á flot á ný eftir gagngerar breytingar úr fiskibát í hvalaskoðunarbát.
Húsavík