Morgunblaðið - 30.04.2002, Blaðsíða 57

FRÉTTIR
MORGUNBLAÐIÐ ÞRIÐJUDAGUR 30. APRÍL 2002 57
IÐNNEMASAMBAND Íslands,
Bandalag íslenskra sérskólanema og
Samband íslenskra námsmanna er-
lendis bjóða í Fjölskyldu- og hús-
dýragarðinn 1.maí kl. 10 – 17.
Námsmannahreyfingarnar
(SÍNE, INSÍ og BÍSN) halda fjöl-
skylduhátíð í Fjölskyldu- og hús-
dýragarðinum með skemmtiatriðum
og ræðuhöldum. Ókeypis aðgangur
verður í garðinn þennan dag og er
tilgangur þessa að fjölskylduvæða
daginn sem og reyna að draga úr að
1. maí er orðinn að degi sem margir
nýta til yfirvinnu, segir í fréttatil-
kynningu.
Skemmtiefni verður fyrir unga
sem aldna, meðal annars tískusýn-
ing, ávörp fulltrúa hreyfinganna,
Latibær, Magnús Ver, hljómsveitin
Kaffi ofl., segir ennfremur.
Ókeypis í Fjöl-
skyldu- og hús-
dýragarðinn LÖGREGLUMESSA verður haldin
í Langholtskirkju, miðvikudaginn 1.
maí kl. 11. Séra Kjartan Örn Sig-
urbjörnsson þjónar fyrir altari, Lög-
reglukór Reykjavíkur syngur og Sól-
veig Pétursdóttir dómsmála-
ráðherra flytur ávarp. Kaffi og
veitingar verða í boði eftir messu,
segir í fréttatilkynningu.
Lögreglumessa í
Langholtskirkju
ÞINN flokkur, Þ-listinn á Seyðis-
firði, opnar formlega kosningaskrif-
stofu miðvikudaginn 1. maí, á Norð-
urgötu 3 (Láruhús), kl. 16.
Frambjóðendur Þ-listans á Seyð-
isfirði verða á staðnum. Boðið verður
upp á kaffi og meðlæti. Allir stuðn-
ingsmenn Þ-listans og aðrir áhuga-
samir eru velkomnir, segir í frétta-
tilkynningu.
Seyðisfjörður
Þ-listinn
opnar kosninga-
skrifstofu
KLÚBBURINN 40–60 heldur fund í
dag, þriðjudaginn 30. apríl, kl. 20 á
veitingahúsinu Catalina, Hamra-
borg, Kópavogi.
Á fundinum verður m.a. kynnt
næsta óvissuferð. Klúbburinn 40–60
er hópur fólks á aldrinum 40–60 ára
sem vill lifa lífinu lifandi, hittast og
fara saman í óvissuferðir.
Allar nánari upplýsingar fást hjá
gydarich@mi.is, segir í fréttatil-
kynningu.
Klúbburinn
40–60 fundar
HEIMAHLYNNING verður
með samverustund fyrir að-
standendur í dag, þriðjudaginn
26. apríl, kl. 20–22 í húsi
Krabbameinsfélags Íslands,
Skógarhlíð 8.
Margrét Gunnarsdóttir
sjúkraþjálfari heldur erindi um
mikilvægi hreyfingar fyrir al-
menna vellíðan, segir í frétta-
tilkynningu. Kaffi og meðlæti
verður á boðstólum.
Opið hús
hjá Heima-
hlynningu
GULLMERKI Umferðarráðs var
veitt við hátíðlega athöfn nýlega en
tilgangur þess er að heiðra menn
fyrir mikil og góð störf að umferð-
aröryggismálum.
Merkið hlutu þeir Ólafur W. Stef-
ánsson, sem setið hefur í Umferð-
arráði frá stofnun þess árið 1969,
og Þórhallur Ólafsson, sem hefur
verið formaður ráðsins síðastliðin
tíu ár eða frá 1992 til 1. mars síðast-
liðinn.
Hófið var haldið í Borgartúni 6
þar sem Óli H. Þórðarson, fram-
kvæmdastjóri Umferðarráðs,
sæmdi þá félaga merkinu. Á mynd-
inni eru frá vinstri Ólafur, Óli og
Þórhallur.
Morgunblaðið/Jim Smart
Tveir sæmdir gullmerki
Umferðarráðs
Rangfeðraður
Ólympíuverðlaunahafi
Í sunnudagsblaði Morgunblaðsins
var rangt farið með föðurnafn Vil-
hjálms Einarssonar fyrrverandi
skólameistara Menntaskólans á Eg-
ilsstöðum. Á sama stað kemur einnig
fram ranglega að Vilhjálmur hafi
hlotið bronsverðlaun en hann hlaut
að sjálfsögðu silfurverðlaun. Hann
er hér með beðinn afsökunar á rang-
færslunum.
Aðalleikkonan í
Maður eins og ég
Í viðtali við Jón Gnarr aðalleikara
myndarinnar Maður eins og ég í
Morgunblaðinu 17. apríl var rangt
farið með nafn móttleikkonu hans.
Rétt nafn hennar er Stephanie Che.
Hún og aðstandendur myndarinnar
eru beðnir afsökunar á mistökunum.
LEIÐRÉTT
PRÓFKJÖR fór fram á vegum
sjálfstæðisfélaganna Fróða og
Fjölnis í Rangárvallasýslu 27. apr-
íl, til uppröðunar á D-lista í hinu
nýja sameinaða sveitarfélagi sem
nær yfir núverandi sveitarfélaga-
mörk Rangárvallahrepps, Djúpár-
hrepps og Holta- og Landsveitar,
fyrir sveitarstjórnarkosningarnar
hinn 25. maí.
Hér að neðan eru birt úrslitin í
prófkjörinu: 1. Valtýr Valtýsson,
250 atkv. í sæti, 313 alls, 2. Guð-
mundur I. Gunnlaugsson, 161 atkv.
í sæti 291 alls, 3. Sigurbjartur
Pálsson, 134 atkv. í sæti, 254 alls,
4. Engilbert Olgeirsson, 104 atkv. í
sæti 243 alls, 5. Ingvar P. Guð-
björnsson, 141 atkv. í sæti, 289
alls, 6. Sigrún Ólafsdóttir, 138
atkv. í sæti, 221 alls, 7. Fjóla Run-
ólfsdóttir, 155 atkv. í sæti, 240 alls,
8. – 9. Sighvatur B. Hafsteinsson,
170 atkv. í sæti, 209 alls og 8. – 9.
Þórhallur Jón Svavarsson, 170
atkv. í sæti, 250 alls.
Nánar má sjá um framboðið og
prófkjörið á eftirfarandi slóð:
http://www.rang.is/xd/
Prófkjör
sjálfstæðisfélag-
anna í Rangár-
vallasýslu
INGA Dóra Björnsdóttir mann-
fræðingur flytur opinberan fyrir-
lestur á vegum Rannsóknastofu í
kvennafræðum fimmtudaginn 2. maí
kl. 16 í Norræna húsinu. Inga Dóra
mun greina frá rannsókn sinni á lífi
Ólafar Sölvadóttur, sem þekkt var í
Bandaríkjunum undir nafninu Olof
Krarer.
„Ólöf fæddist á Íslandi en fluttist
ásamt föður sínum og systkinum til
Vesturheims árið 1876, þá átján ára
gömul. Ólöf var dvergur og fljótlega
eftir að hún kom vestur fékk hún
starf í bandarísku fjölleikahúsi þar
sem hún sýndi sig sem „furðuveru“
(freak). Ólöf yfirgaf fjölleikahúsið að
nokkrum árum liðnum, brá sér í
gervi eskimóakonu og hóf að flytja
fyrirlestra um líf sitt á Grænlandi
og menningu eskimóa. Hún varð
brátt eftirsóttur fyrirlesari og einn
helsti sérfræðingur Bandaríkjanna
um menningu og líf eskimóa. Fyr-
irlestrarferill hennar stóð í um þrjá
áratugi.
Inga Dóra mun m.a. fjalla um
menningarbundna merkingu líkam-
ans og tilurð „sjálfsins“, um þá
menningarpólitísku strauma sem
gerðu Ólöfu að eftirsóttum fyrirles-
ara, hvernig Ólöfu tókst að blekkja
bandarískan almenning og af hverju
þeir fáu sem vissu hið sanna um
uppruna Ólafar kusu að þegja,“ seg-
ir í fréttatilkynningu.
Inga Dóra Björnsdóttir er
stundakennari og „research asso-
ciate“ við Háskólann í Kaliforníu í
Santa Barbara.
Fyrirlestur um
Ólöfu Sölvadóttur
UM HELGINA var 31
ökumaður grunaður um
of hraðan akstur en 5
um ölvun við akstur. Á
laugardagskvöld var tilkynnt um
skemmdir á bifreiðum á bifreiða-
stæði í vesturbænum. Þarna hafði
bifreið verið lagt í stæði en hún
rann á aðra bifreið sem aftur rann á
þá þriðju. Bifreiðirnar voru allar
mannlausar er þetta gerðist.
Aðfaranótt laugardags veittu lög-
reglumenn athygli mönnum í tveim-
ur bifreiðum sem hafði verið lagt í
stæði við Álfabakka. Höfð voru af-
skipti af mönnum í báðum bifreið-
unum og fundust þrjár tegundir
fíkniefna. Allir mennirnir voru
handteknir og færðir á stöð þar sem
þeir voru vistaðir. Einnig var lagt
hald á peninga.
Tilkynnt var um hund sem skilinn
hafði verið eftir í bifreið. Tilkynn-
andi sagði þetta þriðju nóttina í röð
sem hann kæmi að hundinum í bif-
reiðinni. Hundurinn fékk gistingu á
hundahóteli.
Ítrekað var kvartað undan mikl-
um hávaða frá unglingapartýi í
Seljahverfi en foreldrar unglingsins
voru ekki heima. Unga fólkið stóð
ekki við loforð um að minnka hávað-
ann og að lokum varð að vísa gest-
unum á brott.
Braut rúðu og beit mann
Tilkynnt var um mikið ölvaðan
mann utan við veitingahús í mið-
borginni. Hann var búinn að brjóta
rúðu. Gerandi var handtekinn og
færður í fangaklefa en hann hafði
bitið mann sem hélt honum þar til
lögreglan kom.
Tilkynnt var að hópur af piltum
væri að boxa í boxpúða og var ekki
svefnfriður fyrir. Púðinn er í svefn-
herbergi íbúðarinnar og leiðir hljóð-
ið um allt hús. Í ljós kom að gestir
höfðu farið í boxpúðann í leyfisleysi
og var húsbóndinn búinn að senda
þá heim þegar lögreglan kom á
staðinn. Nokkrum sinnum um nótt-
ina þurfti lögreglan að fara að veit-
ingahúsum í miðborginni vegna ölv-
aðra manna sem voru í slagsmálum.
Á laugardag var tilkynnt innbrot í
gróðrarstöð í Mosfellsbæ. Stolið var
stórum lömpum. Á laugardagskvöld
var tilkynnt um par sem hafi borðað
og drukkið fyrir um 18.000 krónur á
veitingastað í austurborginni.
Heyrst hafði á tal þeirra þar sem
þau voru að skipuleggja að hlaupast
á brott frá reikningnum. Starfsfólk
náði konunni og var henni haldið á
staðnum þar til lögreglan kom. Kon-
an kvaðst hafa haldið að maðurinn
væri með peninga en maðurinn
kvaðst hafa haldið að konan væri
með peninga.
Aðfaranótt sunnudags var al-
mennt ástand gott í miðborginni.
Ölvun var miðlungs mikil og ung-
lingar undir 16 ára aldri ekki áber-
andi. Alls voru 6 menn handteknir,
einn vegna líkamsmeiðinga, einn
vegna óspekta og fjórir vegna ölv-
unar. Einn var færður í fangamót-
töku. Alls var fjórum mönnum ekið
á slysadeild, þar af var einn nefbrot-
inn og annar með minniháttar
áverka í andliti. Seint á laugardags-
kvöld var tilkynnt um hópslagsmál í
veitingahúsi í Mosfellsbæ. Kærend-
ur þekktu ekki deili á þeim sem réð-
ust á þá en ætluðu að kæra atvikið.
Sjúkralið kom á staðinn og leit á
mennina.
Leigubílstjóri tilkynnti
líkamsárás
Aðfaranótt sunnudags tilkynnti
leigubílstjóri líkamsárás. Tveir
menn höfðu hótað honum og reynt
að ná af honum peningum. Þeir
hlupu á brott er fólk kom að og er
leitað. Snemma á sunnudagsmorgun
var tilkynnt innbrot í hús í vest-
urbænum. Þarna hafði verið brotin
rúða, farið inn og stolið skiptimynt.
Þá var tilkynnt innbrot í safnaðar-
heimili í austurborginni. Þar hafði
verið spenntur upp gluggi og farið
inn í herbergi þar sem mikið var
rótað í öllu. Saknað var einhvers af
peningum. Tilkynnt var um mann
að fara inn í bifreiðir við Skúlagötu.
Hann var handtekinn skömmu síðar
og hafði meðferðis bíltæki, sólgler-
augu og myndmálunarsett. Maður-
inn gat ekki gert grein fyrir þessum
munum og var vistaður í fanga-
geymslu. Ekki er vitað hvort hann
fór inn í bifreiðir við Skúlagötu.
Kona lenti í vandræðum með
heita vatnið í austurborginni á
sunnudag, hún gat ekki skrúfað fyr-
ir. Lögregla var send á staðinn og
skrúfaði fyrir vatnið.
Eldur í
barnaherbergi
Síðdegis á sunnudag kom upp
eldur í íbúð í Blönduhlíð. Þar hafði
barn verið að fikta með eldspýtur í
herbergi sínu og kveikt í pappa-
kassa. Móðirin náði barninu út úr
herberginu og lokaði því. Íbúar voru
komnir út þegar lögregla kom á
staðinn. Skemmdir af völdum elds
urðu í herberginu og reykskemmdir
annarsstaðar í íbúðinni. Þá kom upp
eldur í bíl á verkstæði við Mýrar-
götu. Þar hafði verið í gangi suðu-
vinna og neisti hlaupið í aftursæti
bílsins. Talin var nokkur sprengi-
hætta en slökkviliðið slökkti eldinn
fljótlega. Miklar skemmdir urðu af
völdum reyks sem fór um allt húsið.
Á sunnudagskvöld voru höfð af-
skipti af þekktum mönnum úr fíkni-
efnaheiminum. Á þeim fundust efni
og tæki til neyslu. Mennirnir voru
fluttir á stöð og vistaðir. Þá var til-
kynnt um að reyk legði frá íbúð við
Hverfisgötu. Þarna fór lögregla inn
í íbúðina með því að brjóta rúðu í
útihurð. Fyrir innan lá maður með-
vitundarlítill. Í íbúðinni var lítils-
háttar reykur, sem virtist koma frá
brunnum pappír á eldavél, en slökkt
hafði verið á henni er lögregla kom
inn. Maðurinn var fluttur á slysa-
deild til aðhlynningar.
Aðfaranótt mánudags var til-
kynnt innbrot í verslun í austur-
bænum. Þar hafði útihurð verið
spennt upp og tekið talsvert af pen-
ingum.
Úr dagbók lögreglunnar 26.–29. apríl
31 ökumaður grunaður
um of hraðan akstur
SAUÐBURÐUR er hafinn í Hús-
dýragarðinum en í fyrranótt komu
fyrstu lömbin, sem fæðast í sumar í
garðinum, í heiminn. Ærin Blika
bar þremur lömbum, tveimur gim-
brum og einum hrúti. Faðir lamb-
anna heitir Garpur og er frá
Broddanesi á Ströndum. Lömbin
eru spræk og burðurinn gekk vel,
að sögn Einars Þórs Karlssonar hjá
Húsdýragarðinum.
Fyrstu lömb vorsins eru kölluð
lambakóngur og lambadrottning
og er það talið vera fyrir góðu
sumri sé fyrsta ærin þrílembd.
Flestir vona eflaust að sá spádómur
eigi eftir að rætast.
Sauðburður
hafinn í
Húsdýra-
garðinum