Morgunblaðið - 04.07.2002, Qupperneq 27

LISTIR
MORGUNBLAÐIÐ FIMMTUDAGUR 4. JÚLÍ 2002 27
Gallerí Klaustur, Skriðuklaustri
Sýning dönsku listakonunnar Anne
Østergaard verður opnuð kl. 11. Á
sýningunni eru vatnslitamyndir og
akrýlverk sem Anne hefur unnið
undanfarnar vikur meðan hún hefur
dvalist í gestaíbúðinni á Skriðu-
klaustri.
Anne Østergaard er lærður málari
frá listakademíunni í Árósum og hef-
ur málað mikið af myndum á norð-
urslóðum. Hún er meðlimur í Silke-
borg Kunstnerhus og hefur haldið
fjölda sýninga í Danmörku undan-
farin tíu ár.
Sýningin stendur til 18. júlí og er op-
in á sama tíma og hús skáldsins, kl.
11-17 alla daga vikunnar.
Í DAG
 Sjá einnig Staður og stund á mbl.is
NÚ stendur yfir sýning Garðars
Péturssonar teiknara á vatnslita-
myndum í Faktorshúsinu í Hæsta-
kaupstað á Ísafirði. Yfirskrift sýn-
ingarinnar er „Í húsi faktorsins“.
Gamlir og hversdagslegir hlutir
verða listamanninum oftar en ekki
að yrkisefni; ýmsir merkilegir bauk-
ar og dósir frá barnsminni; gamlir
trékassar með máðri áletrun; nær
alltaf hlutir með sögu og iðulega með
augljósri tengingu við hönnunarverk
og auglýsingar síns tíma.
Garðar útskrifaðist úr auglýsinga-
deild Myndlista- og handíðaskóla Ís-
lands árið 1982. Hann hefur haldið
nokkrar einkasýningar og tekið þátt
í fjölda samsýninga. Hann hefur
margoft hlotið verðlaun fyrir graf-
íska hönnun, og má þar m.a. nefna
merki HM í handbolta 1995, merki
fyrir hafnir landsins, „Hreint haf –
hagur Íslands“, merki Kennarahá-
skóla Íslands, merki Flugfélags Ís-
lands og merki Ferðamálasamtaka
Vestfjarða.
Sýningin í Faktorshúsinu í
Hæstakaupstað stendur til 31. ágúst.
Málverkasýn-
ing í Faktors-
húsinu
DJASSISTINN og bassaleikarinn
Ray Brown, sem lék með tónlist-
arjöfrum á borð við Dizzy Gille-
spie, Charlie
Parker og Ellu
Fitzgerald, fyrr-
verandi eig-
inkonu Brown,
er látinn.
Brown var
einn af frum-
kvöðlum bíbopp
djasstónlistar-
stefnunnar og
spannaði tónlist-
arferill hans hálfa öld. Ferill
hans hófst á fimmta áratugnum
og lék hann með hljómsveit Gille-
spies 1946-1947, auk þess sem
hann kom fram með Parker og
Bud Powell. Brown lék þá einnig
ásamt Gillespie í myndinni „Jivin’
in Be-Bop“.
Síðar varð Brown tónlistar-
ráðunautur og eiginmaður Ellu
Fitzgerald þótt þau skildu að
skiptum síðar.
Ray Matthews Brown fæddist í
Pittsburgh 1926 og flutti til New
York árið 1945 þar sem hann
hellti sér strax í bíboppið. Hann
lést í Indianapolis í Bandaríkj-
unum í fyrradag, 75 ára að aldri,
og hafði þá nýlokið tónleika-
ferðalagi um Bandaríkin.
Ray
Brown
látinn
Ray Brown
SÝNING á munum fram-
leiddum hjá ítalska fyrir-
tækinu MAGIS verður
opnuð í Epal hf., Skeifunni
6, í dag. Munirnir eru eftir
hönnuðina Michael Young,
Stefano Giovannoni, James
Irvine, Jerszy Seymour og
Sigurð Þorsteinsson og
verða þeir viðstaddir opn-
unina.
Verk Michaels Youngs
hafa verið sýnd á nýlista-
og hönnunarsöfnum m.a. í
London, París, München
og Reykjavík. Hann var
heiðursgestur á Kortrijk Design Bi-
ennale í október sl.
Stefano Giovannoni hefur hannað
fjölda hluta sem hafa hlotið alþjóðlega
frægð, m.a. Bombo stóla fyrir Magis.
Hann starfar jöfnum höndum sem
iðnhönnuður, innanhúshönnuður og
arkitekt og sérhæfir sig í hlutum úr
plasti. Verk hans hafa m.a. hlotið
margvíslegar viðurkenningarnar og
eru hluti af safneign Pompidou og
Nýlistasafns New York. Hann býr í
Reykjavík eins og er, jafnframt því
sem hann er með stúdíó í London.
Jerszy Seymour er einn af frum-
kvöðlunum í hópi ungra alþjóðlegra
hönnuða og er kunnur fyrir að kanna
mörk hefðbundinnar menningar og
neðanjarðarmenningar með notkun
nýrra hráefna og tækni. Jerszy starf-
ar við vöru-, húsgagna- og innanhús-
hönnun jafnframt því að kenna við há-
skóla í Mílanó. Hann var m.a. valinn
Dedalus evrópskur hönnuður ársins
árið 2000. James Irvine hefur hannað
allt frá Mercedes Benz strætó til hús-
gagna en sérhæfir sig nú í iðnhönnun.
Sigurður Þorsteinsson er einn af
fjórum eigendum Design Group Italia
sem er eitt virtasta hönnunarfyrir-
tæki á Ítalíu. Hann hefur hlotið fjölda
viðurkenninga, þar á meðal Comp-
asso d’Oro ADI, IF Hannover og
Rote punkt Essen. Meðal íslenskra
viðskiptavina Sigurðar eru 66° Norð-
ur og Bláa lónið.
Í tengslum við sýninguna heldur
Jerszy Seymour fyrirlestur í Lista-
safni Reykjavíkur, Hafnarhúsi á
morgun, föstudag, kl. 12.15.
Sýningin í Epal verður opin virka
daga frá mánudegi til föstudags kl. 9–
18 og stendur til mánaðamóta.
Hönnun sýnd í Epal
„Yougi Family“. Verk eftir Michael Young
á sýningunni í Epal.
CONVERTER Project II verður
sett af stað í Nýlistasafninu í kvöld,
og stendur fram á sunnudagskvöld.
Dagskráin hefst kl. 19 með opnun en
svo munu koma þar fram Gjörninga-
klúbburinn og Viðar Örn, Höggbora-
kórinn og Egill Sæbjörnsson. Plötu-
snúður mun hefja skífuþeytingar kl.
23. Aðgangur að Converter Project
er ókeypis.
♦ ♦ ♦
Gjörninga-
dagskrá í Nýló