Morgunblaðið - 07.07.2002, Blaðsíða 2

FRÉTTIR
2 SUNNUDAGUR 7. JÚLÍ 2002 MORGUNBLAÐIÐ
HÉRAÐSDÓMUR Reykjavíkur hefur dæmt
fyrirtæki í Reykjavík til að greiða fyrrverandi
starfsmanni sínum tæplega 800.000 krónur
vegna launa sem starfsmaðurinn átti inni vegna
vangoldinna launa í uppsagnarfresti. Vinnuveit-
andinn gaf þá ástæðu fyrir uppsögninni að kon-
an hefði rofið trúnað með því að senda tölvu-
póst til vinkonu sinnar sem starfaði hjá
keppinauti og lagði fram fyrir dóminn hátt á
annað hundrað tölvupóstskeyti með samskipt-
um konunnar við vinkonu sína sem vann hjá
keppinauti fyrirtækisins, máli sínu til stuðn-
ings. Taldi dómurinn að ekki væri trúnaðar-
upplýsingar að finna í ummælunum, sem væru
almenns eðlis og ekki til þess fallin að skaða
fyrirtækið.
Lögmaður konunnar, Guðmundur B. Ólafs-
son hdl., lögmaður hjá Verslunarfélagi Reykja-
víkur, ritaði fyrr á árinu bréf til Persónuvernd-
ar og óskaði eftir áliti á því að tölvupóstur
hennar skyldi hafa verið lesinn og prentaður út
af vinnuveitanda hennar. Persónuvernd svaraði
því til að stofnunin myndi leggja málið til hliðar
þar til dómur félli. Guðmundur mun á næstunni
senda Persónuvernd annað erindi og óska á ný
eftir því að afstaða verði tekin til málsins.
Gat ekki bent á trúnaðarbrot
Konan hafði starfað hjá fyrirtækinu í tæplega
ár þegar henni var sagt upp störfum en hvergi
var getið um trúnaðarbrot í uppsagnarbréfinu.
Fyrirtækið óskaði ekki eftir starfskröftum kon-
unnar í þriggja mánaða uppsagnarfresti en
áskildi sér rétt til að kalla hana til starfa eftir
þörfum með 24 tíma fyrirvara og að hún tæki út
orlof sitt í uppsagnarfresti. Því hafnaði konan
og leit fyrirtækið svo á að hún hefði rift ráðn-
ingarsamningnum og því ekki átt rétt á frekari
launum. Á þetta féllst dómurinn ekki.
Af hálfu fyrirtækisins var því einnig haldið
fram að ljóst væri að konan hefði fyrirgert rétti
sínum til frekari launa með freklegum brotum
gegn þagnar- og/eða trúnaðarskyldu sem kveð-
ið væri á um í ráðningarsamningi. Konan hefði
daglega haft mikil samskipti við starfsmann hjá
keppinauti fyrirtækisins. Með því einu að hafa
einhver samskipti við þennan starfsmann, sem
hafði hætt hjá fyrirtækinu í fússi, yrði að telja
að hún hefði brotið gegn þagnar- og trún-
aðarskyldu. Þessu til stuðnings lagði fyrirtækið
fram hátt á annað hundrað tölvuútskrifta af
bréfasamskiptum þeirra. Fyrir dómi gat fram-
kvæmdastjóri fyrirtækisins þó aðeins bent á
fimm bréf úr þeim bunka sem hann taldi inni-
halda brot á trúnaði. „Önnur bréf snúast um
persónuleg málefni viðkomandi bréfritara og
snerta ekki deiluefni þessa máls. Ber að átelja
slíka gagnaframlagningu,“ segir í dómnum. Þá
hefði framkvæmdastjórinn ekki getað gefið full-
nægjandi skýringar á því á hvern hátt trúnaður
væri brotinn með ummælunum sem dómurinn
taldi almenns eðlis og ekki til þess fallin að
skaða fyrirtækið. Fyrirtækið hefði því ekki get-
að slitið ráðningarsamningnum fyrirvaralaust.
Féllst dómurinn á allar kröfur konunnar.
Sigríður Ólafsdóttir kvað upp dóminn. Guð-
mundur B. Ólafsson hdl. flutti málið fyrir hönd
konunnar en Bragi Björnsson hdl. var til varn-
ar fyrir hönd fyrirtækisins.
Tölvupóstur innihélt ekki
trúnaðarupplýsingar
ALÞÝÐUSAMBAND Íslands hefur
tilkynnt þátttöku í störfum verðlags-
nefndar búvara en ASÍ tók þá
ákvörðun árið 1996 að hætta þátttöku
í starfi nefndarinnar.
Að sögn Halldórs G. Björnssonar,
varaforseta ASÍ, var sú ákvörðun
umdeild þegar ASÍ ákvað árið 1996
að hætta þátttöku í starfi nefndarinn-
ar. Hann segir að undanfarin tvö ár
hafi ASÍ reynt að hafa jákvæð sam-
skipti við stjórnvöld og það vilji sam-
bandið gjarnan gera á öllum sviðum
og í trausti þess að á þá verði hlustað.
Grétar Þorsteinsson, forseti Al-
þýðusambands Íslands, og Halldór
gengu í fyrradag á fund Guðna
Ágústssonar landbúnaðarráðherra
og kynntu honum ákvörðun mið-
stjórnar ASÍ um að tilnefna fulltrúa í
verðlagsnefnd búvara en á fundi mið-
stjórnar ASÍ hinn 19. júní sl. var tek-
in ákvörðun um að taka sæti í nefnd-
inni á ný. Jafnframt var af hálfu
miðstjórnar ákveðið að leita eftir við-
ræðum við landbúnaðarráðherra um
stöðu og framtíð verðlagningar á bú-
vöru og mögulega aðkomu Alþýðu-
sambandsins að þessum málaflokki í
heild.
Að sögn Halldórs voru kosnir í
nefndina á miðstjórnarfundi Björn
Snæbjörnson, formaður Einingar-
Iðju á Akureyri, sem sæti á í mið-
stjórn ASÍ, og Kristján Bragason,
framkvæmdastjóri Starfsgreinasam-
bandsins.
Tekur sæti
í verðlags-
nefnd
búvara á ný
Alþýðusamband Íslands
Bandaríkjamaðurinn
Bruce Lindbloom hefur
tvisvar hjólað hringinn
á Íslandi á tveimur ár-
um, sem væri kannski
ekki í frásögur færandi
nema að hann hefur lent
í vandræðum í bæði
skiptin á nákvæmlega
sama stað. Í báðum
ferðunum varð hann að
láta í minni pokann og
hætta ferðinni þegar
hann átti um það bil 30
km ófarna til Reykjavík-
ur, en þar hófst ferðin.
Lindbloom var nýkom-
inn úr seinni ferðinni
þegar blaðamaður
Morgunblaðsins náði tali
af honum í gær. Hann
var svolítið þreyttur eft-
ir ferðina og sagðist að-
spurður ekki vera tilbú-
inn að svara því á
stundinni hvort hann
væri til í að reyna við
hringveginn í þriðja
sinn. En gefum honum
orðið:
„Eiginkona mín, Shar-
on, á ættingja hér á
landi og því komum við
hingað í heimsókn fyrir
tveimur árum,“ útskýrir
hann og heldur áfram:
„Í fyrri hjólreiðaferð-
inni minni var ég einn á
ferð en núna var ég með
vini mínum. Báðar ferð-
irnar tókust afar vel. Í
fyrra skiptið tók ferðin
fjórtán daga en í seinna
skiptið þrettán daga.
Það var ekki fyrr en í
lok ferðanna, þegar ég
var kominn á Kjalarnes
og var um 6 km sunnan
við mynni Hvalfjarð-
arganganna, að ég lenti
í vandræðum. Í fyrra
skiptið var svo mikill
hamagangur í veðrinu
að ég gat ekki haldið
áfram; rokið feykti hjól-
inu af veginum. Í seinna
skiptið höfðu svo margir
teinar í hjólinu brotnað
að ómögulegt var að
halda áfram. Vinur
minn gat heldur ekki
haldið áfram því teinar
höfðu líkað brotnað í
hjóli hans.“
Kemur aftur
Þar með enduðu báð-
ar hjólreiðaferðir
Lindblooms á Kjalarnes-
inu. Hann tekur þó fram
að þrátt fyrir það hafi
ferðirnar verið afar
ánægjulegar. „Mér
finnst gaman að hjóla á
Íslandi enda er landið
afar fallegt og margt að
skoða,“ útskýrir hann.
Hann segist hafa hitt
nokkra erlenda hjól-
reiðamenn á ferðum sín-
um á hringnum en enga
íslenska hjólreiðamenn.
„Ætli Íslendingar telji
ekki brjálæði að nenna
að hjóla hringinn um
landið.“ Aðspurður seg-
ist Bruce Lindbloom
fara af landi brott næst-
komandi þriðjudag en
bætir við: „Ég kem
örugglega aftur.“
Lenti í vandræðum
á sama staðnum
Morgunblaðið/Golli
Bruce Lindbloom til hægri á myndinni ásamt félaga sínum Scott Kelley.
Hjólreiðamaðurinn Bruce Lindbloom
hefur tvívegis gert tilraun til að hjóla hringinn
TVEIR ökumenn reyndu að komast
undan lögreglu í fyrrinótt en voru
báðir gómaðir. Að öðru leyti var næt-
urvaktin hjá lögreglunni í Reykjavík
tíðindalaus að mestu. Ekki sáust
slagsmál á milli manna og aðeins
einn var handtekinn en hann hafði
brotið rúðu í verslun í miðbænum.
Undir morgun taldi lögregla sig
þurfa að ræða við ungan ökumann í
miðbænum og gaf honum merki um
að stöðva bílinn. Það gerði hann en
svipti strax upp hurðinni og tók til
fótanna en tveir félagar hans sátu
áfram sem fastast í bílnum. Lög-
reglumennirnir voru snarari í snún-
ingum og hlupu ökumanninn fljót-
lega uppi og handtóku. Pilturinn
reyndist ölvaður og hafði þar að auki
misst ökuréttindi sín fyrir skömmu.
Fyrr um nóttina hafði lögregla af-
skipti af ökumanni í Espigerði sem
neitaði að sinna boðum um að stöðva
bílinn. Veitti lögregla honum eftirför
um Bústaðaveg þar sem hann var
króaður af við Ásgarð. Að sögn lög-
reglunnar í Reykjavík er maðurinn
grunaður um ölvun við akstur. Alls
voru þrír ökumenn grunaðir um ölv-
un en sá þriðji reyndi ekki að komast
undan.
Einn hlaupinn
uppi en annar
króaður af
BÓLUEFNIÐ MMR, sem öll 18
mánaða börn eru bólusett með, er
uppurið í landinu en efnið ver börn
gegn mislingum, hettusótt og rauð-
um hundum.
Guðrún Sigmundsdóttir, settur
sóttvarnarlæknir hjá Landlæknis-
embættinu, segir að þótt börn fái
bólusetningu síðar en ráð sé gert
fyrir komi þau til með að fá jafn-
góða vörn, þar sem þessir sjúkdóm-
ar hafi ekki verið greindir í sam-
félaginu.
Að hennar sögn eru vandkvæðin
sem þessu fylgja eingöngu að
heilsugæslustöðvarnar verði á eftir
áætlun. „Við erum með bólusetning-
aráætlun sem á að fylgja,“ bendir
hún á en segir jafnframt að þetta sé
ekkert stórmál.
Hún lýsir framkvæmdarferlinu
og segir að Landlæknisembættið
leggi fram bólusetningaráætlun og
ákveði hvaða bóluefni séu notuð í al-
mennri ungbarnabólusetningu. Síð-
an panti heilsugæslurnar bóluefni
eftir þörfum en reikningarnir koma
í Landlæknisembættið. Hins vegar
sjái Lyfjaverslun um að panta bólu-
efnin utan frá og eiga þau til.
Lagerinn fyrntist 1. júní
Bessi Jóhannesson, fram-
kvæmdastjóri Lyfjadreifingar, legg-
ur áherslu á að pöntunin sé vænt-
anleg eftir helgina, en skorturinn
hefur staðið yfir í tvær vikur. Birgð-
irnar af MMR runnu út 1. júní síð-
astliðinn, að sögn Bessa, en á land-
inu voru til skammtar sem hægt var
að nota fyrstu tvær vikurnar í júní.
Hann segir þetta mjög óheppilegt
og telur að um tveggja milljóna
króna lager hafi fyrnst hjá þeim.
„Það er vegna þess að pöntun sem
við þurfum að panta frá framleið-
anda er alltof stór miðað við sölu,
þannig að við fórum í rauninni aðra
leið til að fá sömu pakkningar en
það hefur tekið lengri tíma en við
áætluðum,“ bætir hann við.
„Óþægindin liggja í því að for-
eldrar þurfa að koma aftur með
börnin í bólusetningu og það er auð-
vitað afskaplega leiðinlegt,“ segir
hann og bendir jafnframt á að
nokkrir dagar til eða frá eigi ekki
að skipta máli um vörn.
Bessi segir að það geti komið fyr-
ir að bóluefni verði uppurin í land-
inu, en hann telur að þetta sé í
fyrsta skipti sem MMR klárist.
Bóluefni
fyrir 18
mánaða
börn
uppurið
ÁTTA ára íslenskri stúlku, sem slas-
aðist í umferðarslysi í Danmörku á
föstudag, er enn haldið sofandi í önd-
unarvél. Í gær fengust þær upplýs-
ingar hjá sendiráði Íslands í Kaup-
mannahöfn að læknar ætluðu að
reyna að vekja hana á mánudag.
Stúlkan var í bíl ásamt foreldrum
sínum og tveimur systkinum þegar
áreksturinn varð skammt frá bæn-
um Herning á Jótlandi. Hjúkrunar-
kona sem átti leið hjá kom stúlkunni
til bjargar en hún var þá í hjarta- og
öndunarstoppi.
Enn haldið
sofandi í
öndunarvél
♦ ♦ ♦
♦ ♦ ♦