Morgunblaðið - 07.07.2002, Side 49
Litla lirfan sem allt snýst um. Vonir standa til að hægt sé innan tíðar að
hefja stórfelldan útflutning á íslenskum lirfum.
ÍHÚSAKYNNUM Caoz hefurkomið sér fyrir í fundar-herberginu nánasta fjölskyldaLirfunnar; Hilmar Sigurðsson
framkvæmdastjóri, Gunnar Karls-
son, höfundur myndarinnar og aðal-
myndskreytir, Friðrik Erlingsson,
höfundur sögunnar um Lirfuna, og
Jakob Þór Einarsson, leikstjóri tal-
setningar.
Eftir að hafa horft á kynningar-
myndband um Litlu lirfuna ljótu
innir blaðamaður þá félaga eftir for-
sögu þessar litlu grænu skepnu. Þá
er byrjað á að upplýsa hann um að
Friðrik Erlingsson hafi skrifað þessa
sögu árið 1990. Og þá tekur hann við:
„Þegar ég skrifaði söguna átti hún að
koma út í bókarformi. Upphaflega
ætlaði ég sjálfur að myndskreyta
hana. Dunda mér við það á kvöldin
þegar ég hefði tíma. Svo hafði ég auð-
vitað aldrei tíma. Ég leitaði því til
Gunnars og hann byrjaði að prófa sig
áfram með þetta.“
„Gunnar er auðvitað landsþekktur
myndskreytir og hefur teiknað og lit-
að ýmislegt af því besta sem gert hef-
ur verið hérna,“ segir Hilmar og
heldur áfram að rekja sögu Lirf-
unnar: „Gunnar var mjög áhuga-
samur og þeir Friðrik ákvaðu að
vinna saman og gera þetta að lifandi
sögu. Þeir fengu styrk frá Kvik-
myndasjóði og Menningarsjóði út-
varpsstöðva árið 1998 til að hefja
ferðina. Síðan þegar við stofnuðum
Caoz í byrjun febrúar það ár kom
Gunnar inní þetta með Lirfuna með
sér. Svo má eiginlega segja að við
höfum sett í fjórða gírinn um mitt síð-
asta ár. Gunnar hefur farið fyrir
teiknimyndagerðinni og við höfum
verið að fá mann og annan með okkur
inní verkefnið.“
Ævintýri kolbítanna
Aðspurður um söguþráð Lirfunnar
litlu og ljótu svarar höfundurinn
Friðrik: „Þetta er eiginlega bara
dæmisaga, klassísk dæmisaga.“
– Hefur sagan að geyma einhverja
tilvísun í Litla ljóta andarungann
eins og nafnið gefur til kynna?
„Já á vissan hátt,“ svarar Friðrik.
„Þetta er saga í þeim flokki. Þetta
kallast á íslensku kolbíts-ævintýri.
Kolbítarnir sem verða á endanum
miklu merkilegri en allir héldu.“
– Nú hafa verið gerðar nokkrar
teiknimyndir undanfarin ár sem eiga
sér stað í skordýraheiminum, t.d.
stórmyndirnar Pöddulíf og Maurar.
Af hverju eru teiknimyndirnar svona
hugfangnar af þessu sögusviði?
„Ég veit ekki af hverju okkur datt í
hug að gera pöddumynd. En hug-
myndin hentar þrívíddinni mjög vel,“
segir Gunnar. „En við vorum reynd-
ar löngu byrjaðir á lirfunni áður en
Disney og þeir komu með sínar
myndir. Þetta hefur bara tekið miklu
lengri tíma hjá okkur því við erum
töluvert færri.“
„Það sem er líka heillandi við lirfu
er að hún fer svo á púpustigið og
verður að lokum fiðrildi. Það er þetta
upphaf, miðja og endir sem er góður
rammi á frásögn,“ segir Friðrik.
„Þetta er svona eins og það umbreyt-
ingaskeið sem allir ganga í gegnum.
Það er skemmtilegt að vinna með
það. Skordýrin bjóða líka uppá ýmsa
möguleika í persónuleikasköpun.“
– Hvað eru margir sem vinna við
að teikna myndina?
„Það eru 6 manns núna í fullu
starfi,“ svarar Gunnar. „En við erum
búnir að vera svona tveir–þrír með
þetta síðasta árið. Það var svo ekki
fyrr en fyrir svona tveimur mánuðum
að allt var sett á fullt og bætt var við
mannskapinn.“
- Hvernig er vinnsluferlið á svona
teiknimyndum, í hvaða röð er unnið?
„Það má kannski segja að röðin á
þessu hjá okkur sé svolítið óvenjuleg
miðað við hvað er venjulega gert.
Þegar sagan var tilbúin var hún lesin
af einum leikara í staðinn fyrir að
fara út í fulla hljóðsetningu. Það var
aðallega peningaleysi sem hamlaði
því í upphafi,“ segir Himar.
„Þetta hefur líka bara smám sam-
an vaxið. Þetta átti aldrei að verða
neitt stórt. Upphaflega átti þetta að
verða upplestur í Stundinni okkar
með nokkrum stillimyndum en er
núna að enda sem bíómynd,“ segir
Gunnar.
„Verkefnið sem í upphafi var lirfa
en er sem sagt að enda sem fiðrildi,“
segir Friðrik og uppsker hlátur fé-
laga sinna.
Talið berst því næst að hljóðsetn-
ingu Litlu lirfunnar og er Jakob Þór,
leikstjóri hljóðsetningarinnar, spurð-
ur að því hvort búið sé að velja leik-
ara til að ljá aðalpersónunum raddir.
„Nei við erum ekki búin að ganga
frá því alveg. Við erum búnir að vera
að taka nokkrar prufur og út frá
þeim verður væntanlega ákveðið
hverjir verða með í þessu,“ segir Jak-
ob Þór.
„Er þetta ekki merkilegasta hlut-
verkaskipanin í langan tíma á Ís-
landi?“ spyr Hilmar félaga sinn.
„Jú það held ég að sé ekki spurn-
ing. Það hefur aldrei verið gerð
teiknimynd af þessari tegund þannig
að þetta er algerlega nýtt fyrir held
ég alla sem að þessu koma,“ segir
Jakob Þór. „Líka fyrir okkur sem
höfum verið að talsetja teiknimyndir
í mörg ár, þetta er allt annað. Við höf-
um einungis verið í að talsetja er-
lendar myndir hingað til.“
Lirfan fer úr landi
Litla græna lirfan hefur einnig
opnað sína eigin heimasíðu, með smá
hjálp Gunnars og félaga. Veffangið er
www.thecaterpillar.com og þar er
hægt að fara í ýmsa leiki, sjá svip-
myndir úr myndinni og senda vinum
sínum rafkort svo fátt eitt sé nefnt.
„Vefsíðan er hluti af þeirri hug-
mynd að koma Lirfunni á framfæri
erlendis,“ upplýsir Hilmar.
„Já það er stefnan,“ segir Gunnar.
„Eftir því sem verkinu hefur miðað
lengra áfram höfum við verið að gera
okkur betur grein fyrir gæðum þess.
Þegar ákveðið var að gefa myndina
út á myndbandi kom í kjölfarið
hugmynd að sýna hana í bíó. Þetta
hefur bara undið uppá sig. Verk sem
átti að vera nokkur hreyfimynda-
spjöld er orðið að heilli bíómynd.
Þegar þetta fór að gera sig hér heima
fórum við að þreifa fyrir okkur í
útlöndum og það lofar góðu.“
„Það er búið að semja sjónvarps-
þáttaröð með Lirfunni og félögum í
aðalhlutverki. Þetta er 26 þátta röð
sem er í rauninni annað verkefni þótt
það beri sama nafn,“ segir Himar.
„Þáttaröðin var valin til að taka þátt í
keppni sem heitir Cartoon Forum,
sem er samkeppni evrópskra teikni-
myndagerðarmanna. Hún er því
komin þar inn í ákveðinn farveg og er
í fullum gangi. Keppninni lýkur í Wa-
les í haust þar sem hún verður eitt af
70 verkefnum sem verða sérstaklega
kynnt fyrir dreifingaraðilun, fjár-
festum og öðrum í þessum teikni-
myndageira. Við vorum voða ham-
ingjusamir að fá hana þangað inn.“
–- Hver er ástæðan fyrir því að
Lirfan reynist frumkvöðull í íslenskri
kvikmyndasögu? Af hverju hefur
enginn gert tölvuteikninmynd áður?
„Það er bara enginn eins brjálaður
og við að leggja út í þetta,“ segir
Gunnar og þeir félagar hlæja.
„Tæknin hefur líka ekki verið til stað-
ar hingað til, eða allavega fáir sem
hafa aðgang að henni. Fjármagnið
hefur líka mikið að segja.“
„Heildarkostaður við þessa einu 26
mínútna mynd er um 36 milljónir,“
upplýsir Hilmar. „Þótt upphæðin sé
svona há eru samt margir að gefa
vinnu sína að einhverju leyti. Myndin
væri miklu dýrari ef við værum að
borga öllum full laun. Okkar mark-
mið með þessu verkefni er að sjálf-
sögðu að búa til grundvöll til að vinna
áfram í þessum geira og vonandi að
búa til vinnu fyrir okkur öll. Ein-
hversstaðar þarf maður að byrja.“
„Ég held að enginn okkar hafi
reiknað með því í upphafi hvílík vinna
væri framundan, kannski sem betur
fer,“ gantast Friðrik. „Maður er
svona rétt núna farinn að sjá fyrir
endann á þessu. Það er oft ágætt að
hugsa ekki alla leið með svona byrj-
unarverkefni,“ segir Gunnar.
„En hugmyndin er að geta lifað á
þessu. En þetta er alveg hörkuvinna,
maður getur ekki sagt annað. Vinnan
við svona mynd tekur mörg manns-
ár,“ segir Hilmar að lokum.
Lirfan sem á endan-
um varð að fiðrildi
Morgunblaðið/Golli
Nánasta fjölskylda Lirfunnar; Gunnar Karlsson, Jakob Þór Einarsson,
Friðrik Erlingsson og Hilmar Sigurðsson.
Í lok sumars stendur til
að frumsýna teiknimynd
um Litlu lirfuna ljótu,
en þar er á ferð fyrsta
íslenska tölvugerða
teiknimyndin. Birta
Björnsdóttir kynnti sér
æviferil lirfunnar og
framtíð hennar.
birta@mbl.is
TENGLAR
.....................................................
www.thecaterpillar.com
Teiknimyndin Litla lirfan ljóta frumsýnd í ágúst
FÓLK Í FRÉTTUM
MORGUNBLAÐIÐ SUNNUDAGUR 7. JÚLÍ 2002 49
debenhams
S M Á R A L I N D
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
D
EB
1
82
66
07
/2
00
2
hunang...
*Á meðan birgðir endast.
Nú þarft þú ekki lengur að liggja á sólarströnd til þess að húðin fái fallegan og hraustlegan
lit. Með því að bera á þig HONEY GLOW SELF TANNING öðlast húðin einstaklega
jafnan og fallegan hunangsgullin lit sem endist.
Þegar keypt er krem eða annað úr nýju BODY CARE línunni býðst brúnkukremið
HONEY GLOW SELF TANNING á 50% afslætti, aðeins 1.395 kr.
Tilboðið gildir 4. -11. júlí.