Morgunblaðið - 07.07.2002, Blaðsíða 45
MORGUNBLAÐIÐ SUNNUDAGUR 7. JÚLÍ 2002 45
DAGBÓK
Fimm daga námskeið í blómaskreytingum
frá kl. 9-17, dagana 22.-26. júlí.
Kenndir eru mismunandi blómvendir,
brúðarvendir, skreytingar, kransar
og annað eftir óskum.
Skráning í síma 555 3932 - Uppl. í síma 897 1876.
Blómaskreytinganámskeið
VR styrkurUffe Balslev
HÉRAÐSDÓMUR Reykjavíkur
hefur sýknað Saga Film hf. og
Flugleiðir af bótakröfu Rúriks
Haraldssonar leikara vegna lest-
urs þess síðastnefnda í auglýs-
ingu sem Saga Film gerði fyrir
Flugleiðir.
Verulegur ágreiningur var um
málsatvik. Rúrik hélt því fram að
hann hefði verið staddur í húsa-
kynnum Saga Film í öðrum er-
indagjörðum þegar hann var beð-
inn að lesa inn brot úr
Hávamálum á ensku og verið sagt
að um prufulestur væri að ræða.
Upplesturinn hefði síðan verið
notaður í heimildarleysi í auglýs-
ingum Flugleiða. Byggði hann
m.a. á því að hann hefði ekki gefið
út reikning fyrir lesturinn, eins
og venja var til, og hvorki hefði
verið samið um notkun hans né
greiðslu fyrir. Krafðist hann
500.000 króna í fébætur og
250.000 króna í miskabætur.
Framleiðanda, markaðsstjóra og
hljóðmanni hjá Saga Film bar á
hinn bóginn öllum saman um að
Rúrik hefði verið sérstaklega
boðaður til upplestursins á laug-
ardegi.
Í niðurstöðu dómsins segir m.a.
að þar sem minni Rúriks um til-
drög upptökunnar væri óljóst en
framburður þremenninganna
staðfastur og trúverðugur yrði að
leggja hann til grundvallar þess
að Rúrik var fenginn til að lesa
inn á hina umdeildu auglýsingu.
Þá hafi hann ekki getað sýnt fram
á að sér bæri að fá hærri greiðslu
fyrir auglýsinguna en aðrar sem
hann vann við fyrir Saga Film,
líkt og Rúrik hélt fram.
Sigríður Ólafsdóttir héraðs-
dómari kvað upp dóminn. Sigur-
björn Magnússon hrl. flutti málið
fyrir Rúrik en Eyvindur Sólnes
hdl. var til varnar fyrir Saga Film
og Flugleiðir.
Saga Film og Flugleiðir
sýknuð af kröfum leikara
Landafundasýningin sem opnuð
var árið 2000 og hefur nú verið
framlengd.
Í undirbúningi er svo skáksýn-
ing í minningu „einvígis aldarinn-
ar“ og verður hún opnuð um miðj-
an þennan mánuð.
Ágæt aðsókn hefur verið að
sýningum og komu t.d. rúmlega
500 manns í Þjóðmenningarhúsið
17. júní. Aðgangur er ókeypis á
sunnudögum.
Þrjár sýningar eru nú í gangi í
Þjóðmenningarhúsinu. Fyrst ber
að nefna sýningu Þjóðminjasafns
á ljósmyndum úr svonefndum
Fox-leiðangri sem eru með elstu
myndum sem teknar voru á Ís-
landi, Grænlandi og í Færeyjum.
Einnig er þar að finna sýningu á
vegum Landsbókasafns á bók-
menntum Vestur-Íslendinga, en
sambærilegt yfirlit hefur ekki gef-
ist áður hér á landi og loks er svo
Sýningarnar í Þjóðmenning-
arhúsinu vel sóttar
STJÖRNUSPÁ
eft ir Frances Drake
KRABBI
Afmælisbörn dagsins:
Afmælisbarn dagsins lætur
umhverfið mjög til sín taka,
það býr yfir þokka sem laðar
fólk til sín. Líf þess er frem-
ur fastmótað og það lætur
kylfu sjaldnast ráða kasti.
Hrútur
(21. mars - 19. apríl)
Upptendrun hugans í dag
mun gera að verkum að þér
mun fljótt leiðast allt hefð-
bundið og þeir sem vilja ekki
brjótast úr viðjum vanans.
Naut
(20. apríl - 20. maí)
Þörf þín fyrir uppbyggjandi
samræður um lífið og til-
veruna fær þig til að leita að
fólki í dag sem hefur eitthvað
til brunns að bera.
Tvíburar
(21. maí - 20. júní)
Allt sem þú fæst við í dag
verður spennandi, þess vegna
mun þér ekki falla verk úr
hendi enda rekur forvitnin
þig áfram.
Krabbi
(21. júní - 22. júlí)
Kannski kemstu að orsökum
gamalla vandamála, sann-
leika sem hingað til hefur
verið á huldu. Þú munt finna
svör við flóknustu spurning-
um.
Ljón
(23. júlí - 22. ágúst)
Þú dregst að óvenjulegu fólki
í dag, einhverra hluta vegna,
og þrátt fyrir meðfædda
íhaldssemi vegsamar þú þá
sem ekki eru steyptir í sama
mót og við flest.
Meyja
(23. ágúst - 22. sept.)
Þú verður hissa á því hvað
þér mun reynast auðvelt að
hafa áhrif á einhvern mikil-
vægan í dag. Úrræði þín við
vandamálum vekja eftirtekt.
Vog
(23. sept. - 22. okt.)
Taktu þér eitthvað nýtt fyrir
hendur í dag, til dæmis
stjörnufræði, einhver vísindi,
stærðfræði, tölvunám eða
lærðu að fljúga.
Sporðdreki
(23. okt. - 21. nóv.)
Lausnir sem hingað til hafa
reynst ófinnanlegar blasa við
þér í dag, rétt eins og þær
hafi verið töfraðar fram. Víð-
sýni þín og innsæi í dag er
ótrúlega mikil.
Bogmaður
(22. nóv. - 21. des.)
Umburðarlyndi er orð dags-
ins, þú munt sýna meira af
henni en alla jafna og sætta
þig betur við skoðanir og af-
stöðu annarra.
Steingeit
(22. des. - 19. janúar)
Eitthvað mun koma þér
skemmtilega á óvart á vinnu-
staðnum, til dæmist nýjar
vinnuaðferðir sem falla munu
þér mjög í geð.
Vatnsberi
(20. jan. - 18. febr.)
Hugmyndirnar springa nán-
ast út úr höfði þínu í dag, þú
verður líflegri og áhugasam-
ari um lífið og tilveruna en
margt lengi.
Fiskar
(19. feb. - 20. mars)
Óvænt uppákoma mun raska
heimilisstörfunum í dag og
beri óvænta gesti að garði
verður glatt á hjalla.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
Árnað heilla
80 ÁRA afmæli. Í dag,sunnudaginn 7. júlí,
er áttræður Bjarni Jónsson
húsasmíðameistari, Aðal-
götu 1, Keflavík. Hann og
eiginkona hans, Ásta Árna-
dóttir, verða að heiman á
afmælisdaginn.
60 ÁRA afmæli. Í dag,sunnudaginn 7. júlí,
er sextugur Leif Halldórs-
son, útgerðarmaður, Hjöll-
um 11, Patreksfirði. Hann
og eiginkona hans, Ída
Bergmann, eru stödd í
þýsku Ölpunum á afmælis-
daginn.
40 ÁRA afmæli. Í dag,sunnudaginn 7. júlí,
er fertugur Páll Kristinn
Hólm Helgason, viðskipta-
fræðingur og tónlistar-
frömuður, Dalhúsum 47,
Reykjavík. Vegna annríkis í
dag mun Páll taka á móti
vinum og fjölskyldu á heim-
ili sínu nk. laugardag kl. 20.
MÉR virðist svo af ýmsu,
sem ég hef bæði heyrt
menn segja og skrifa, að
so. að tyrfa sé að hverfa úr
máli margra – einkum
yngra fólks – og so. að
þökuleggja að koma í
hennar stað. Ég man vel
eftir því, að ég heyrði í
fyrsta skipti fyrir nokkr-
um árum unga stúlku tala
um að þökuleggja blett,
þ.e. leggja þökur á hann.
Segja má, að þetta sé ekki
með öllu rangt mál, sbr.
að helluleggja (stétt), þ.e.
leggja steyptar hellur á
hana. Vafalaust má finna
fleiri hliðstæð dæmi í máli
okkar. Engu að síður er
óþarfi að láta gamalt og
gott orð hverfa úr máli
okkar, og þar á ég við so.
að tyrfa. Það er haft um
að leggja torfur á, þekja
með torfi: t[yrfa] hey, flag,
eins og segir í OM (1983).
Þaka, ft. þökur, merkir
einmitt þunna (ferhyrnda)
grastorfu, „til að þekja
með graslausan blett“,
eins og stendur í OM, en
einnig torf og af því er so.
að tyrfa dregin. Menn tala
um að tyrfa blett með þök-
um og því orðalagi er ég
vanur. Þess vegna hnaut
ég um fyrirsögn í blaði
fyrir nokkrum árum, þar
sem stóð: Austurstræti
þökulagt? Að mig minnir
var síðan í greininni talað
um listamann, sem lagði
það til, að strætið yrði að
einhverjum hluta lagt
þökum, þ.e. tyrft, svo að
gras kæmi í stað steypu
inn á milli. Mörgum finnst
líka, að fullmikið sé gert
að því að fækka grasblett-
um innan borgarmark-
anna. – Í OH eru mörg
dæmi um so. að tyrfa, allt
frá 17. öld og vafalítið er
hún eldri en það. Frá 19.
öld er þetta dæmi úr rit-
gerð: „þegar jeg Š fór að
tyrfa yfir [þ.e. flagið], varð
jeg opt að leita að hent-
ugum þökum á þenna eða
hinn stað í flaginu.“ Þá
þekktist ekki so. að þöku-
leggja, enda eru engin
dæmi um hana í seðlasafn
OH. Ég legg því til, að
menn noti so. að tyrfa í
þessu sambandi, svo sem
gert hefur verið um aldir.
– J.A.J.
ORÐABÓKIN
Tyrfa – þökuleggja
LJÓÐABROT
Erfiljóð
Hér blundar mey
í móðurskauti,
svarðarmeni sveipuð;
hennar við leiði
laukar grænir
sínum aldri una.
– – –
Þar hún dvelst,
unz þýðrar sunnu
geislar gylla leiði
og sætrómaðir
svanna boða
fuglar fagurt vor.
Hallgrímur Scheving.
ÍSLENSKA liðið í opna flokknum
fór vel af stað á EM í Salsomaggiore,
vann fyrsta leikinn gegn Belgum
25-2 og þann næsta gegn Lettum
23-7. Þriðji leikurinn var gegn Aust-
urríkismönnum. Þá kom þetta spil
upp:
Norður gefur; allir á hættu.
Norður
♠ –
♥ 10732
♦ KD6543
♣1043
Vestur Austur
♠ KG1032 ♠ ÁD8765
♥ G5 ♥ D9
♦ 7 ♦ G92
♣ÁG972 ♣D6
Suður
♠ 94
♥ ÁK864
♦ Á108
♣K85
Í lokaða salnum fengu Austurrík-
ismenn að spila fjóra spaða í AV, sem
alltaf vinnast, og tóku fyrir það 620.
Sú tala var reyndar algeng í mörgum
leikjum, þótt NS geti unnið slemmu í
tveimur litum. En baráttugleði Aust-
urríkismanna var mikil í opna saln-
um. Þar voru Steinar Jónsson og
Stefán Jóhannsson í AV gegn
Schifko og Gloyer:
Vestur Norður Austur Suður
Steinar Schifko Stefán Gloyer
– Pass 1 spaði 2 hjörtu
4 spaðar 5 tíglar Pass 5 spaðar!
Pass 6 hjörtu Pass Pass
Dobl Allir pass
Gloyer kaus að koma strax inn á
hjartasögn frekar en að dobla, sem
gaf Schifko í norður tækifæri til að
taka undir hjartað og sýna tígulinn í
leiðinni með fimm tíglum. Norður
hafði passað í upphafi og gat því ekki
átt einlita hönd með langan tígul. En
hvað sem því líður er fimm spaða
sögn Gloyers með ólíkindum – hann
á tvo hunda í lit mótherjanna og
keyrir spilið í slemmu á móti pöss-
uðum makker! En sögnin heppnaðist
vel. Steinar doblaði og kom út með
laufás, en fleiri urðu slagir varnar-
innar ekki: 1.660 í NS og 20 IMPar
til Austurríkismanna. Þrátt fyrir
þetta spil vann Ísland leikinn 16-14.
Ítalinn Laurenco Lauria (Lalli
Lævísi, eins og Sigurður Sverrisson
kallar hann) virðist ekki hafa tekið
ranga ákvörðun í öllu mótinu. Í
þessu spili teymdi hann makker sinn
upp í sex hjörtu. Mótherjarnir voru
Danirnir Blakset og Bruun:
Vestur Norður Austur Suður
Bruun Lauria Blakset Versace
– Pass 1 spaði Dobl
2 grönd 3 spaðar Pass 4 hjörtu
4 spaðar 5 hjörtu Pass Pass
5 spaðar Pass Pass 6 hjörtu
Dobl Allir pass
Hér doblar Versace í byrjun á spil
suðurs og Bruun sýnir góða hækkun
í spaða með tveimur gröndum.
Lauria notar tækifærið og læðir sér
inn á þremur spöðum til að sýna
hjarta og annan lit. Hann berst svo í
fimm hjörtu yfir fjórum spöðum og
kröfupassar síðan fimm spaða. Ver-
sace treysti sínum manni og sagði
slemmuna. Bruun doblaði og kom út
með spaða, svo niðurstaðan varð
1880 til Ítala fyrir alla slagina.
BRIDS
Umsjón Guðmundur Páll Arnarson
1. e4 c5 2. Rf3 d6 3. d4 cxd4
4. Rxd4 Rf6 5. Rc3 a6 6. Be2
e5 7. Rb3 Be7 8. Be3 Be6 9.
Rd5 Rbd7 10. Dd3 Bxd5 11.
exd5 O-O 12. g4 Re8 13. O-
O-O Bg5 14. h4 Bxe3+ 15.
fxe3 a5 16. a4 Rc7 17. Kb1
Ra6 18. Df5 Rac5
19. Rxc5 Rxc5 20.
Bb5 e4 21. Hdf1 f6
22. Hf2 Hc8 23.
Hhf1 Hc7 24. g5
g6 25. Dh3 f5 26.
h5 Dxg5 27. hxg6
hxg6 28. Hg2 Df6
29. Dh6 Hg7 30.
Hg5 Kf7 31. Be2
Rxa4
Staðan kom upp
á EM kvenna sem
lauk fyrir skömmu
í Varna í Búlgaríu.
Lilit Mkrtchian
(2391) hafði hvítt
gegn Johonnu Dwora-
kowska (2445). 32. Hfxf5!
Kg8 Svartur yrði mát bæði
eftir 32...gxf5 33. Hxg7+
Dxg7 34. De6# og 32...Dxf5
33. Hxf5+ gxf5 34. De6#.
Framhaldið varð: 33. Hxf6
Hxf6 34. Bh5 Kf7 35. Hxg6
Hfxg6 36. Dg5 Rc5 37. Df5+
Kg8 38. Bxg6 Hd7 39. Dg5
Kf8 40. Df6+ Kg8 41. Bf5 og
svartur gafst upp.
SKÁK
Umsjón Helgi Áss
Grétarsson
Hvítur á leik.
Smælki
Við ættum kannski
að draga aðeins úr
fóðrinu!
INNLENT