Morgunblaðið - 07.07.2002, Side 17

MORGUNBLAÐIÐ SUNNUDAGUR 7. JÚLÍ 2002 17
Skógarhlíð 18, sími 595 1000. www.heimsferdir.is
Heimsferðir bjóða nú ótrúlegt
tilboð um verslunarmannahelgina til Verona. Beint flug þann 1. ágúst
til þessarar fegurstu borgar Ítalíu þar sem þú getur notið hins besta af
ítalskri menningu. Í boði eru góð 3 og 4 störnu hótel og nú getum við
boðið miða á Carmen óperuna þann 2. ágúst á einstökum kjörum, en
hún er flutt í Arenunni í Verona.
Aðeins 40 sæti í boði
Óperan Carmen í Arenunni í Verona 2. ágúst
Miðar á Carmen kr. 2.900
Verð kr. 57.150
Flug, gisting á hótel Maxim, 3
stjörnur, með morgunmat. Skattar.
Ekki innifalið: Forfallagjald, kr. 1.800,
ferðir til og frá flugvelli, kr. 1.800.
Verð kr. 33.050
Flugsæti með sköttum.
Verslunarmannahelgin í
Verona
frá kr. 33.050
hafa notað Hrafn en það hafi verið
til að selja folaldið og Orra hafi
hann aldrei notað og það standi
ekki til.
Fróðlegt er að líta yfir mótskrá
landsmótsins og skoða ættir þeirra
hrossa sem þar koma fram. Eins
og víða hefur fram komið er Orri
mjög ríkjandi meðal einstaklings-
sýndra kynbótahrossa, er þar með
26 afkvæmi en auk þess á hann þar
fyrir utan 28 afkomendur í annan
lið. Forfaðir hans Hrafn frá Holts-
múla á sjálfur sex afkvæmi í dómi
en afkomendur hans fyrir utan
þessa 54 Orraniðja eru 107 talsins
eða alls 161. Þetta er samkvæmt
lauslegri talningu og vera kann og
nánast fullvíst að þeir eru séu fleiri
því öllum vafaatriðum var sleppt
og auk þess er ættartalan í skránni
takmörkuð. Samkvæmt þessum
tölum eru í það minnsta 60%
sýndra kynbótahrossa út af Hrafni
frá Holtsmúla sem verður að telj-
ast mikil útbreiðsla í úrvalinu af
því besta. Þá eru hér ótalin áhrif
þeirra í keppni gæðinga en ljóst er
að Orri á þar nokkuð drjúgan
fjölda afkvæma og vafalaust leyn-
ast þræðir Hrafns þar mjög víða.
Meðal afkvæmasýndra hrossa á
Hrafn góðan skerf af erfðaþátt-
unum og er þar fyrst að nefna
Sleipnisbikarhafann Þorra sem er
sonur Orra og er það út af fyrir sig
einsdæmi að sonur fái þennan bik-
ar á næsta móti á eftir föður sín-
um. Að vísu verður að geta þess að
Orri hefði getað fengið bikarinn
1998 á Melgerðismelum en eigend-
ur hans kusu að fresta sýningu
hans til heiðursverðlauna þar til
árið 2000 í Reykjavík. 12,5% skyld-
leiki er milli Gusts frá Hóli og
Hrafns því sá síðarnefndi er langa-
langaafi þess fyrrnefnda í móð-
urætt. Oddur frá Selfossi er tengd-
ur Hrafni í gegnum föður sinn
Kjarval sem er sonur Hervars frá
Sauðárkróki sem var sonur Her-
varar frá Sauðárkróki en hún var
dóttir Hrafns og því um 6,25%
skyldleika að ræða.
Víða kemur Hrafn við sögu
Á meðal fyrstu verðlaunahest-
anna kemur Hrafn alls staðar við
sögu. Kormákur frá Flugumýri er
sonur Kolskarar frá Gunnarsholti
sem er dóttir Kolfinns frá Kjarn-
holtum sem er sonur Hrafns.
Skyldleikinn er 12,5%. Næstur er
Andvari frá Ey I en hann er sonur
Orra og gegnum hann kemur
skyldleikinn við Hrafn sem er á þá
leið að Orri er sonur Dömu frá
Þúfu sem var aftur dóttir Adams
frá Meðalfelli sem var sonur
Hrafns. Orri er einnig skyldur
Hrafni gegnum föður sinn Otur frá
Sauðárkróki sem er undan Hervari
og Hervar dóttursonur Hrafns
eins og áður var getið. Samtals er
því skyldleiki Orra við Hrafn
18,75% og skyldleiki Andvara við
Hrafn því 9,37%. Næstur á blaði er
Galsi frá Sauðárkróki sem er son-
ur Gnóttar en hún er dóttir Her-
vars. Skyldleiki Galsa við Hrafn er
því 6,25% en heldur hann meiri hjá
Hrynjanda frá Hrepphólum því
hann er sonur Vonar frá Hrepp-
hólum sem er dóttir Hrafns og
skyldleikinn þar 25%. Roði frá
Múla er sonur Orra og því eru þeir
jafn skyldir Hrafni með 9,75%.
Þær tvær hryssur sem fá heið-
ursverðlaun fyrir afkvæmi eru Þrá
frá Hólum sem er að því er virðist
ekkert skyld Hrafni en Kolskör frá
Gunnarsholti er í 25% skyldleika
við Hrafn. Það sem kannski dregur
örlítið úr skyldleikanum við Hrafn
er sú staðreynd að hann er ekki
undan útbreiddum eða fyrrum vin-
sælum hesti en hins vegar er á bak
við hann í langfeðratali styrkir
stofnar eins og Nökkvi frá Hólmi
og frægir hestar af Svaðastaða-
kyni.
Þótt margt sé líkt með frama-
ferli þeirra frænda Orra og Hrafns
má líka segja að ævi þeirra hafi
verið ólík. Hrafn var lungann af
sinni ævi í eigu hrossaræktarsam-
taka og því ekki keyrt á fulla ferð
á markaðs- og peningahyggjuna
heldur hugsað meir um að gefa
sem flestum kost á að halda undir
hann og aldrei hljóp nein verð-
bólga í folatollana hjá honum.
Fljótlega eftir að Orri hafði verið
sýndur var stofnaður félagsskapur
um hann og einstaklingar keyptu
hlut í honum. Þorvaldur á Kjart-
ansstöðum segir að mjög vel hafi
verið staðið að málum hjá Orra-
félaginu og nánast allt gengið upp
eins og best var á kosið í allri
markaðssetningu hestsins. Fljót-
lega fór verð á folatollum að
hækka og hefur um árabil staðið í
350 þúsund krónum. Athygli vakti
á sínum tíma þegar nokkrir með-
limir félagsskaparins gerðu tilboð í
og keyptu alla þá tolla sem áður
höfðu verið seldir á frjálsum mark-
aði og gengu þar með fram fyrir
skjöldu og sýndu fram á hversu
arðvænlegur Orri var orðinn.
Keyptu þeir tollana á 150 þúsund
krónur og þótti mikið. Margir hafa
velt því fyrir sér hvort hægt hefði
verið að leika svipaðan leik með
Hrafn á sínum tíma og ná hærra
verði á folatollana hjá honum.
Efast ýmsir um að svo hefði verið
og hafa bent á að allar aðstæður
hefðu verið með öðrum hætti en nú
er og þá verið að höfða til fjár-
magnsins. Peningaveltan er um-
talsvert meiri nú í hestamennsk-
unni en var þá og hugsanlegt að
tískusveiflur hafi ekki verið eins
sterkar og áhrifaríkar og nú er.
Framdrifnir bolkálfar
Af því sem hér kemur fram og
viðbrögðum fleiri aðila en hér er
vitnað í virðast menn nokkuð ró-
legir yfir þessari miklu útbreiðslu
Hrafns og Orra. Gildir þar einu
hvort um er að ræða yfirlýsta
aðdáendur hestanna eða þá sem
ekki eru aðdáendur. Enginn efast
um miklar erfðaframfarir sem
þessir hestar hafa skilað inn í ís-
lenska hrossarækt. Allar samsær-
iskenningar hafa fallið um sig
sjálfar enda hefðu býsna margir
þurft að koma að málinu ef svo
væri. Umræðan um Orra hefur
verið býsna óvæginn á köflum en
Hrafn sigldi nokkuð lygnan sjó og
var líkast að hann væri yfir dæg-
urþrasið hafinn. Helst var það að
Andrés heitinn í Kvíabekk næði að
skjóta nokkuð föstum skotum að
klárnum og þótti fyndinn þegar
hann sagði þessa Hrafnssyni eins
og framdrifna bolakálfa. Eftir því
sem Orri hefur sannað yfirburði
sína betur hefur umræðan færst
upp á hærra plan og gagnrýnin
orðið málefnalegri og þá um leið
gagnlegri.
Ágúst Sigurðsson óttast hvergi
og vissulega hægt að gleðjast með
honum yfir því að stóðhestar af
öðrum meiði en hér um ræðir nái
að slá í gegn með góðum afkvæm-
um. En spennandi verður að sjá
hvaða stóðhestur muni taka við af
Orra sem yfirburðahestur í ís-
lenskri hrossarækt.
Morgunblaðið/Vakri
Þorri frá Þúfu er í dag hæst metna afkvæmi Orra. Sylvia Rossel heldur í Þorra.
Morgunblaðið/Vakri
Forseti frá Vorsabæ er hæst dæmdi stóðhestur undan Hrafni frá Holtsmúla.
vakri@mbl.is