Morgunblaðið - 07.07.2002, Síða 25
LISTIR
MORGUNBLAÐIÐ SUNNUDAGUR 7. JÚLÍ 2002 25
Hlí›asmára 15 • Sími 535 2100
Kanarí
tilbo›
28. október í 33 nætur
56.940kr.
miðað við að 2 fullorðnir og 2 börn, 2ja-11 ára ferðist saman.
Ef 2 ferðast saman 89.130 kr.
Innifalið: Flug, gisting á Aloe, flugvallarskattar, ferðir til og
frá flugvelli erlendis og íslensk fararstjórn.
TILBOÐ ÓSKAST
í Dodge Durango SLT árgerð 2000
með 4,7 l. V-8 vél (ekinn 19 þús. mílur)
og aðrar bifreiðar, er verða sýndar að
Grensásvegi 9 þriðjudaginn 9. júlí kl. 12-15.
Ennfremur óskast tilboð í Cadillac Eldorado
árgerð 1992 með 4,9 l. V-8 vél.
Tilboðin verða opnuð á sama stað kl. 16.
ATH.
Þetta er síðasta bifreiðaútboð fyrir sumarleyfi,
sem verður frá 15. júlí til 19. ágúst.
UMSÝSLUSTOFNUN VARNARMÁLA
SALA VARNARLIÐSEIGNA
HINN danski Polyfoni-kór er á
söngferðalagi hér á landi og heldur
þrenna tónleika á næstu dögum:í
Selfosskirkju annað kvöld, mánu-
dagskvöld, 8. júlí, í Akraneskirkju á
fimmtudag og í Seltjarnarneskirkju
á laugardag, og hefjast allir kl. 20.
Kórinn er skipaður 40 félögum úr
Tækniháskóla Danmerkur. Á efnis-
skránni eru verk eftir Svend S.
Schults, R. Langaard, W. Spivery,
W. Stenhammer og Hugo Alfvén auk
amerískrar gospeltónlistar og ís-
lenskra þjóðlaga.
Stjórnandi kórsins er Jann Thorn-
berg.
Danskur kór
í söngför
RUNGWE Kingdon, forstjóri
breska bronssteypufyrirtækisins
Pangolin Editions í Englandi, heldur
fyrirlestur í Listasafni Sigurjóns
Ólafssonar á morgun, mánudag, kl.
20.30 um bronssteyputækni.
Hann fjallar um hinar ólíku að-
ferðir við bronssteypu: „a cire
perdue“ – að steypa með bráðnu vaxi
og að steypa í sandi. Hann mun einn-
ig sýna dæmi á myndskyggnum um
mismunandi „patineringu“ brons-
mynda, þ.e.a.s. hvernig hægt er að
gefa þeim annan lit eða blæ, og í því
samhengi fjalla um verk eftir nokkra
þekkta myndhöggvara, þar á meðal
Jon Buck, Pétur Bjarnason, Lynn
Chadwick, Ann Christopher, Te-
rence Coventry, Geoffrey Dash-
wood, Antony Gormley, Damien
Hirst, David Nash, Sir Eduardo
Paolozzi og Olivier Strebelle.
Fyrirlesturinn verður haldinn á
ensku og er öllum opinn.
Bjarga tveimur verkum
Sigurjóns frá eyðileggingu
Rungwe Kingdon er staddur hér á
landi ásamt aðstoðarmönnum sínum
á vegum Listasafns Sigurjóns Ólafs-
sonar. Þeir eru að gera steypumót af
tveimur lágmyndum Sigurjóns, sem
standa úti við safnið, í þeim tilgangi
að bjarga verkunum frá eyðilegg-
ingu.
Fyrirlestur
um brons-
steyputækni
GUÐ-
MUND-
ARVAKA
hefur að
geyma
bestu lög-
in sem
leikin voru
á tón-
leikum
hollenska píanistans Hans Kwakker-
naats og félaga á Jazzhátíð Reykjavík-
ur í fyrra.
Jazzvaka voru yfirskrift tónleikanna
sem voru samvinnuverkefni hátíð-
arinnar og Jazzvakningar og helgaðir
minningu Guðmundar Ingólfssonar og
Viðars Alfreðssonar og kom út tvö-
faldur diskur með þeim Guðmundi og
Viðari, samnefndur, í tilefni tónleik-
anna.
Mörgum fannst sem Guðmundur
Ingólfsson væri sjálfur kominn er
Kwakkernaat lét gamminn geisa í
sterkri sveiflu.
Hans Kwakkernaat, Björn Thorodd-
sen gítarleikari, Gunnar Hrafnsson
bassaleikari og Guðmundur Stein-
grímsson trommari leika lög Guð-
mundar Ingólfssonar; Blús fyrir Birnu
og RóskIngó, Mávaskelfi eftir Björn
Thoroddsen og tvo ópusa er jafnan
voru á efnisskrá Guðmundar; Sweet
Georgia Brown og Blue Monk. Krist-
jana Stefánsdóttir syngur tvo söng-
dansa með kvartettnum: Secret Love
og Lady be Good.
Síðan lýkur disknum á mikilli blás-
araveislu þar sem Birkir Freyr Matt-
híasson trompetleikari og saxófón-
leikararnir Ólafur Jónsson og Jóel
Pálsson blása með kvartettnum hinn
víðkunna sveifluópus Guðmundar Ing-
ólfssonar; Seven Special.
Í tilefni útgáfunnar mun kvartettinn
með Hans Kwakkernaat í broddi fylk-
ingar halda ferna tónleika hérlendis.
Fyrstu tvennir tónleikarnir verða á
Kringlukránni í Reykjavík 11. og 12.
júlí, þriðju tónleikarnir verða á Djass-
hátíð Egilsstaða í Valaskjálf 13. júlí
og þeir fjórðu á Listasumri á Akureyri í
Ketilhúsi 14. júlí.
Miðaverð á alla tónleika kvart-
ettsins er kr. 1.500 kr. og hefjast þeir
allir kl. 21.
Útgefandi geislaplötunnar er Jazz-
vakning.
Djass
VERKI á vegi þín-
um er ætlað að
sýna fjölbreytta
og metnaðarfulla
notkun stein-
steypu á Íslandi
á síðustu öld í
máli og myndum.
Myndirnar eru all-
ar í lit og fylgir
ýmis fróðleikur um hverja byggingu
fyrir sig, s.s. staðsetning, hönnun
og byggingarár. Bókinni er einkum
ætlað að vera ferðalöngum um
landið til gagns og gamans. Tilefni
útgáfunnar er 30 ára afmæli Stein-
steypufélags Íslands, í desember
árið 2001. Bókin kemur einnig út á
ensku.
Ritstjóri er Gísli Sigurðsson. Í rit-
nefnd voru Ólafur Erlingsson og Jón-
as Frímannsson verkfræðingar og
Pétur Ármannsson arkitekt. Auk
þeirra yfirfóru byggingafulltrúar víða
um land texta um mannvirki á
þeirra svæði og margir tæknimenn
komu með athugasemdir, ábend-
ingar, sömdu texta eða lögðu til
myndir.
Útgefandi er Steinsteypufélag Ís-
lands. Bókin er 56 bls., prentuð í
Slóveníu. Forsíðu prýðir mynd sem
Einar Hafliðason tók af Borgarfjarð-
arbrú.
Mannvirki
SPURNINGUNNI hvers vegna
ein ljósmynd telst myndlistarverk
frekar en önnur getur verið vandi að
svara og mörkin oft óskýr. Algeng
afstaða á meðal listþenkjandi
manna er að ljósmynd sé myndlist
ef hún er niðurstaða eða ákjósanleg
útfærsla á hugmynd eða hugmynda-
vinnu. Þannig má aðgreina ljós-
myndarann sem rekur ljósmynda-
stofu frá myndlistarmanninum sem
notar eiginleika ljósmyndarinnar til
að gera skil á hugmyndum sínum og
lífssýn. Sjálfur er ég nokkuð sáttur
við þessa útskýringu en vil þó ekki
útiloka þá sem taka ljósmyndir ljós-
myndanna vegna líkt og aðrir mynd-
listarmenn sem eru að skapa mynd-
listarinnar vegna.
Í galleríi Sævars Karls sýnir Egill
Prunner ljósmyndir sem hann hefur
tekið í London, París og Reykjavík á
síðastliðnum tveim árum. Nöfn
borganna er yfirskrift sýningarinn-
ar, en það er ekki að sjá að Egill
vinni með borgirnar eða reyni að
gera sérkennum þeirra skil. Allar
ljósmyndirnar á sýningunni hefðu
þess vegna getað verið teknar í
einni borg.
Skipta má sýningunni í tvo þætti
innan ljósmyndaformsins. Það eru
uppstilltar portrettmyndir og svo
augnablik tekin í mynd eða „snap
shots“. Portrettmyndirnar eru flest-
ar af ungum konum sem falla undir
frjálslynda evrópska kvenímynd
sem við þekkjum úr kvikmyndum
eins og Betty Blue og Frantic. Ljós-
myndirnar eru heldur dæmigerðar
með áherslu á kynþokkann umfram
persónuleikann.
Í augnabliksmyndunum er Egill
að bregðast við aðstæðum sem
skapast í hans augsýn. Listamaður-
inn þarf því að vera vakandi fyrir lít-
ilsháttar atvikum eða hlutum sem
standa upp úr í umhverfinu, sjá list-
ræna eiginleika þeirra og festa á
filmu. Þær myndir gefa okkur sýn
ljósmyndarans á umhverfi sitt.
Egill talar einnig til okkar með
framsetningunni á myndunum.
„Money, Paris“ og „Plastic airgun
on wooden floor, Paris“ eru tvær
ólíkar ljósmyndir sem hanga hlið við
hlið. Sú fyrri er af fáklæddri Par-
ísardömu sem liggur á rúmi ásamt
nokkrum dollaraseðlum og sú síðari
er, eins og titillinn gefur til kynna,
af loftbyssu á trégólfi. Saman minna
þær á kyrrmyndir úr glæpamynd.
„D.mon driving from rue D’avron,
Paris“ er ljósmynd tekin inni í bíl og
„My grandmothers drive in,
Reykjavík“ er tekin af bílum á bíla-
stæði. Myndirnar hanga þétt hlið
við hlið og þótt þær séu sjálfstæðar
hvor fyrir sig hafa þær áhrif á hvor
aðra eins og að um eitt verk sé að
ræða.
Af verkunum að dæma er Egill
listamaður sem notar ljósmyndavél-
ina til skrásetningar en er jafnframt
snortinn af fagurfræðilegum eigin-
leikum ljósmynda. Myndir hans
bera með sér faglegan metnað en
sýninguna skortir hugmyndalega
heild. Það er einmitt hugmyndalegt
inntak ásamt faglegum metnaði sem
gerir ljósmyndara eins og Andreas
Gursky, Rineke Dijkstra, Thomas
Ruff og Thomas Struth áberandi í
alþjóðlegri myndlist í dag.
Augnablik í mynd og
uppstillt portrett
MYNDLIST
Gallerí Sævars Karls
Sýningin stendur til 27. júlí og er opin á
verslunartíma.
LJÓSMYNDIR
EGILL PRUNNER
Ljósmyndir á sýninu Egils Prunner í galleríi Sævars Karls.
Jón B. K. Ransu
LÚPÍNUBLÁMI nefnist fyrsta ljóðabók
Bjarna Gunnarssonar og hefur að
geyma ljóð ort á árunum 1995-2002.
Titillinn vísar í þá huglægu upp-
græðslu sem falist getur í ljóðlistinni
þegar vel tekst til, segir í fréttatilkynn-
ingu.
Forsíðuna prýðir grafíkmynd eftir
Guðjón Rúdólf Guðmundsson, móð-
urbróður Bjarna. Höfundur gefur bók-
ina út, sem er 46 bls. í kiljubroti. Bók-
in er prentuð í Prentmeti ehf.
Ljóðabók
♦ ♦ ♦