Morgunblaðið - 16.08.2002, Blaðsíða 21

VIÐSKIPTI/ATHAFNALÍF
MORGUNBLAÐIÐ FÖSTUDAGUR 16. ÁGÚST 2002 21
V A L D A R F E R Ð I R Á L Æ G R A V E R Ð I - V E R Ð L Æ K K U N !
Hjá Heimsklúbbi Ingólfs
kosta gæðin minna!
Sudur um höfin
SIGLINGAR- HÁMARK ÞÆGINDA
OG ÁNÆGJU Á FERÐALÖGUM!
með sérkjörum Heimsklúbbsins-PRÍMA nú á færi allra
Umboð á Íslandi fyrir fremstu
skipafélög heims:
PRINCESS og
CARNIVAL
Aldrei jafn
ódýrar og nú!
Pöntunarsími 56 20 400
Verð í tvíb.frá kr.157.500 í 9 d.eða kr.169.900 í 12 d.
innif. sigling 8 d., flug, gist. Orlando 4 n. flutn. milli flugv./hótela/skips,
flugvsk.hafnargj.þjórfé
2002-2003
Geymdu mig!
Austurstræti 17, 4 hæð 101 RVK.
Sími: 56 20 400 • Fax 562 6564
www.heimsklubbur.is
BETRI VETRARFERÐIR – BETRA VERÐ!
Kynnið ykkur vandlega nýja bæklinginn
Pantið tímanlega.
OPIÐ FYRIR SÍMPANTANIR KL. 13-15
laugardag og sunnudag
Pöntunarsími 56 20 400
Sudur um höfin
STJÓRNIR upplýsingatæknifyrir-
tækjanna Skýrr hf. og Teymis hf.
hafa samþykkt að ganga til formlegra
viðræðna um að sameina fyrirtækin.
Frosti Bergsson, stjórnarformaður
beggja félaganna, segir að þau hafi
unnið mikið saman undanfarið ár við
innleiðingu upplýsingakerfis hjá rík-
inu sem byggist á hugbúnaði frá
Oracle. Sú samvinna gekk það vel að
hans sögn að menn fóru að velta fyrir
sér mögulegu hagræði sem hlotist
gæti af sameiningu félaganna.
„Menn telja að það sé hægt að ná
enn betri árangri með því að sameina
félögin. Eignarhald félaganna er að
hluta til sambærilegt. Opin kerfi hf.
eru t.d. stærsti hluthafi í báðum fé-
lögum, með tæplega 52% hlut í Skýrr
og tæplega 40% hlut í Teymi,“ segir
Frosti, en hann er einnig stjórnarfor-
maður Opinna kerfa.
Möguleiki á útrás
Frosti segir að verkefnið fyrir ríkið
hafi haft heilmikið að segja í þeirri
ákvörðun að hefja sameiningarvið-
ræður, því þar hafi fyrirtækin farið að
vinna mjög þétt saman. „Við sjáum
mörg sóknarfæri í því að vinna enn
þéttar saman auk þess sem það er
augljóst hagræði fólgið í samnýtingu
húsnæðis, upplýsingakerfa og fleiri
hluta. Ennfremur gefur þetta fyrir-
tækjunum möguleika á að sækja af
meiri krafti á erlenda markaði, en
þangað eigum við fullt erindi.“ Rekst-
ur beggja félaga hefur gengið ágæt-
lega undanfarin ár að sögn Frosta.
Skýrr skilaði t.d. 8 milljóna króna
hagnaði eftir skatta á fyrri hluta árs-
ins en Teymi hagnaðist um 17 millj-
ónir króna á árinu 2001.
Aðspurður segir Frosti að viðræð-
ur megi ekki taka langan tíma og
áformað sé að ljúka þeim fyrir haust-
ið.
Skýrr er elsta upplýsingatæknifyr-
irtæki landsins og fagnar 50 ára af-
mæli sínu 28. ágúst nk. Teymi er mun
yngra fyrirtæki, stofnað árið 1995 og
er með starfsemi bæði á Íslandi og í
Danmörku. Starfsmenn Skýrr eru
170 en starfsmenn Teymis eru 65.
Skýrr og Teymi taka upp
sameiningarviðræður
AFKOMA Sæplasts hf. á fyrri
helmingi ársins var mun betri en á
sama tíma í fyrra. Hagnaður félags-
ins margfaldaðist milli tímabila,
nam um 46 milljónum króna í ár en
rúmum 5 milljónum í fyrra. Rekstr-
artekjur námu 1.478 milljónum
króna en voru 1.282 milljónir á fyrri
helmingi síðasta árs og nemur
aukningin um 16%. Rekstrargjöld
jukust um 12%, námu 1.262 millj-
ónum króna miðað við 1.125 millj-
ónir á sama tíma 2001. Hagnaður án
afskrifta og fjármagnsliða
(EBITDA) var tæplega 216 millj-
ónir króna, eða 14,6% af tekjum, en
var um 157 milljónir króna, eða
12,2% af tekjum á sama tímabili á
síðasta ári. Hlutfall EBITDA-hagn-
aðar af tekjum hefur aldrei verið
hærra en á fyrstu sex mánuðum
þessa árs.
Hagnaður Sæplasts fyrir skatta
nam rúmri 61 milljón króna en um 8
milljónum í fyrra.
Veltufé frá rekstri félagsins við
lok tímabilsins var tæpar 145 millj-
ónir miðað við 103 milljónir á sama
tíma í fyrra. Eignir félagsins voru
2.464 milljóna króna virði hinn 30.
júní sl. en nettóskuldir lækkuðu á
tímabilinu úr 593 millljónum í 429
milljónir króna. Eigið fé félagins
nam 816 milljónum króna og eig-
infjárhlutfall því um 33% við lok
tímabils. Veltufjárhlutfall Sæplasts
var 1,43 við lok tímabilsins og arð-
semi eigin fjár nam 12,1%.
Í tilkynningu frá félaginu segir að
það hafi látið af verðleiðréttum
reikningsskilum en til samanburðar
námu reiknaðar tekjur vegna verð-
lagsbreytinga um 28 milljónum
króna fyrir fyrstu sex mánuði árs-
ins 2001.
Sölutekjur á fyrri helmingi ársins
hafa í heild aukist um tæplega 16%
miðað við sama tíma í fyrra. Í til-
kynningunni segir að sölumarkmið
hafi þó ekki náðst að fullu. Munar
þar mestu að salan í Ameríku var
nokkuð undir áætlunum á fyrsta
ársfjórðungi. Hagræðing í rekstri
er farin að skila sér, að því er fram
kemur í tilkynningunni, og kostn-
aður félagsins jókst einungis um
12,2%. Ennfremur kemur fram að
allar einingar Sæplasts hf. skila
arði, ef reksturinn í Kanada er und-
anskilinn.
Batnandi afkoma Sæplasts hf.
AUGLÝSINGADEILD
netfang: augl@mbl.is eða sími 569 1111