Morgunblaðið - 20.09.2002, Qupperneq 1

ÍSRAELSKIR skriðdrekar um-
kringdu í gær aðalstöðvar Yassers
Arafats, leiðtoga palestínsku heima-
stjórnarinnar, í Ramallah á Vestur-
bakkanum, aðeins nokkrum klukku-
stundum eftir að Palestínumaður
hafði sprengt sjálfan sig í loft upp í
yfirfullum strætisvagni í Tel Aviv.
Týndu fimm manns lífi í hryðju-
verkaárásinni og um 60 slösuðust.
Ísraelsku hermennirnir skutu af
vélbyssum á aðalstöðvarnar og
særðust þá tveir lífverðir Arafats,
annar alvarlega. Notuðu hermenn-
irnir hátalara til að hvetja um 20
Ísraelar bregðast hart við sjálfsmorðsárás sem kostaði fimm manns lífið
manns inni í aðalstöðvunum til að
gefa sig fram, þar á meðal yfirmann
leyniþjónustu heimastjórnarinnar
og yfirmann lífvarðar Arafats. Saka
Ísraelar þá um að tengjast hryðju-
verkum. Ríkti mikil spenna á svæð-
inu og var haft eftir palestínskum
embættismanni, að reyndu her-
mennirnir að ráðast inn í aðalstöðv-
arnar, yrði „barist til síðasta
manns“.
Sprengingin í Tel Aviv var svo öfl-
ug, að hún tætti í sundur strætis-
vagninn að hluta er honum var ekið
um mesta verslunarhverfið í borg-
inni. Kemur hryðjuverkið í kjölfar
annars í fyrradag en þá lést ísr-
aelskur lögreglumaður auk hryðju-
verkamannsins.
„Slasað fólkið æpti af sársauka.
Ég sá líkamshluta á víð og dreif,“
sagði Zohara Pillo, sem varð vitni að
sprengingunni. „Ökumaðurinn sat
áfram í sæti sínu en hann var látinn.“
Hamas-hreyfingin lýsti í gær yfir,
að hún bæri ábyrgð á ódæðinu og
boðaði um leið fleiri hryðjuverk. Að-
eins nokkrum klukkustundum áður
hafði Shlomo Aharonishki, yfirmað-
ur ísraelsku lögreglunnar, sagt, að
rúmlega mánaðarlangt hlé á hryðju-
verkaárásum væri aðeins svikalogn.
Í þennan tíma hefði verið komið í veg
fyrir nokkrar árásir.
Ísraelsher setti í gær aftur á út-
göngubann í þeim borgum á Vest-
urbakkanum, sem hann ræður, nema
í Hebron.
Avi Pazner, talsmaður Ísraels-
stjórnar, sakaði í gær palestínsku
heimastjórnina um að bera ábyrgð á
hryðjuverkinu en hún hefur for-
dæmt það harðlega. Það gerði líka
George W. Bush Bandaríkjaforseti
og fleiri þjóðarleiðtogar.
Aðalstöðvar Yassers Araf-
ats í Ramallah í herkví
Tel Aviv. AP, AFP.
MIKILL fögnuður braust út í
Managua, höfuðborg Nicaragua, í
gær þegar meirihluti þjóðþings-
ins svipti Arnoldo Aleman, fyrr-
verandi forseta landsins, embætti
þingforseta. Var það liður í því
að svipta hann þinghelgi svo unnt
yrði að draga hann fyrir lög og
dóm vegna spillingar. Er hann
sakaður um hafa dregið sér
nærri níu milljarða íslenskra
króna af almannafé er hann var
forseti landsins frá 1997 og fram
í janúar á þessu ári.
Baráttu
gegn
spillingu
fagnað

„Feiti maðurinn“/20
AP
220. TBL. 90. ÁRG. FÖSTUDAGUR 20. SEPTEMBER 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 20. SEPTEMBER 2002
GEORGE W. Bush Bandaríkjafor-
seti fór í gær fram á það við banda-
ríska þingið, að það veitti honum
heimild til að beita „öllum þeim leið-
um sem hann teldi við eiga, þ. á m.
hervaldi“, til að afvopna og steypa af
stóli Saddam Hussein Íraksforseta.
Sagði Bush, að Bandaríkjamenn
myndu grípa til aðgerða upp á eigin
spýtur ef öryggisráð Sameinuðu
þjóðanna (SÞ) styngi við fótum.
Forsetinn sendi þinginu drög að
tillögu er myndi veita honum slíka
heimild til herfarar.
Þingmenn, bæði repúblíkana og
demókrata, er funduðu með forset-
anum í gærmorgun, spáðu því, að
Bush myndi hljóta stuðning beggja
flokkanna. Þingið ætti ekki annars
úrkosti. Þingmaðurinn John
McHugh lagði þó áherslu á, að hann
teldi forsetann ekki vera kominn á
fremsta hlunn með að lýsa yfir stríði.
Varnarmálaráðherra Rússlands,
Sergei Ivanov, sagði í gær að alþjóð-
legir eftirlitsmenn myndu auðveld-
lega geta gengið úr skugga um hvort
Írakar byggju yfir gereyðingar-
vopnum. Ivanov hitti Donald Rums-
feld, varnarmálaráðherra Banda-
ríkjanna, í gær, en Rumsfeld sagði í
fyrradag, að hann efaðist um, að
jafnvel hið ýtrasta eftirlit gæti skilað
tilætluðum árangri.
Frakkinn Jacques Baute, sem er
yfirmaður Alþjóðakjarnorkumála-
stofnunarinnar, sagði í gær, að eft-
irlitsmennirnir yrðu nú betur útbún-
ir en áður og hefðu notað sl. fjögur
ár til að rannsaka ýmsar upplýsing-
ar.
Naji Sabri, utanríkisráðherra
Íraks, lýsti yfir í ræðu á allsherj-
arþinginu í gær, að Írakar hefðu
ekki yfir að ráða gereyðingarvopn-
um og ítrekaði, að þeir vildu sam-
starf við SÞ. Hann sagði hins vegar,
að það væri þó háð því, að samtökin
virtu fullveldi Íraks. Ekki er ljóst
hvort Írakar eru með þessu að draga
í land og setja ný skilyrði fyrir
vopnaeftirliti.
Bush vill heimild
til valdbeitingar
Washington, Vín. AFP, AFP.

Reiðubúnir/21
SUÐUR-kóreskur hermaður með
fjarstýrðan bryndreka, sem not-
aður er við að sprengja og eyða
jarðsprengjum. Var byrjað á því í
gær á landamærum kóresku
ríkjanna til að unnt verði að koma á
samgöngum milli þeirra. Norður-
Kóreustjórn virðist alveg hafa vent
sínu kvæði í kross á skömmum
tíma. Hefur hún viðurkennt mann-
rán og njósnir, vinnur að sáttum við
S-Kóreu og Japan, aflýst eldflauga-
tilraunum og heimilað kjarnorku-
vopnaeftirlit í landinu.
Reuters
Veðrabrigði í N-Kóreu
Róttæk tillaga um
lausn á flóttamanna-
vandanum í Danmörku
Byggt yfir
fólkið í
eigin landi
MEIRIHLUTI er fyrir því á danska
þjóðþinginu að reisa fyrir danskt fé
100 ný þorp í Afganistan til að unnt
verði að senda afganskt flóttafólk í
Danmörku aftur til síns heima. Hugs-
anlegt er, að sami háttur verði hafður
á með aðra flóttamannahópa í land-
inu.
Það er stærsti stjórnarflokkurinn,
Venstre, sem hefur lagt þetta til, en
hann telur, að þannig geti danska rík-
ið sparað sér 5,8 milljarða ísl. kr. á ári.
Afganskir flóttamenn í Danmörku
eru nú um 5.000 og árlegur kostnaður
við dvöl þeirra einna er um 10 millj-
arðar ísl. kr. Hefur samstarfsflokkur
Venstre í stjórn, Íhaldsflokkurinn,
fallist á tillöguna og einnig Danski
þjóðarflokkurinn, sem tryggir stjórn-
inni meirihluta á þingi. Þá eru tals-
menn Radikale Venstre líka mjög já-
kvæðir gagnvart tillögunni.
Ný Marshall-aðstoð
Troels Lund Poulsen, talsmaður
Venstre í utanríkismálum, segir, að í
raun sé um að ræða nútímalega
Marshall-aðstoð, en auk þess að
byggja yfir fólkið á að tryggja því að-
gang að hreinu vatni, kennslu og
læknishjálp. Talað er um, að þetta
verði aðeins fyrsta skrefið, næst geti
komið að sams konar úrræði fyrir
flóttafólk frá Bosníu.
„Við erum kannski að tala um tíma-
mótalausn á flóttamannavandamálinu
í allri Evrópu,“ sagði Eyvind Vess-
elbo, talsmaður Venstre í umhverfis-
málum.
MIKIÐ verðfall varð á mörkuðum
víða um heim í gær vegna vaxandi
áhyggna af efnahagslífinu og ótta
við stríðsátök í Írak.
Á Wall Street fór Dow Jones-
vísitalan niður fyrir hina sálfræði-
legu 8.000 punkta og er nú óttast,
að botninum hafi ekki verið náð í
júlí eins og áður var talið. Lækk-
aði hún um 2,82% og endaði í
7.942,39 punktum.
Nasdaq-vísitala tæknifyrirtækja
lækkaði um 2,85%, sem er nálægt
fimm ára lágmarki, og Euro Stoxx
50 lækkaði um 2,1%.
Samdráttur hefur verið í banda-
rískum byggingariðnaði þrjá mán-
uði í röð og hefur það vakið ótta
við, að nýtt samdráttarskeið sé
hafið í efnahagslífinu. Spá því
margir, að bandaríski seðlabank-
inn muni lækka vexti næstkomandi
þriðjudag jafnvel þótt það sé ekki
talið munu hafa mikil áhrif á gengi
hlutabréfa.
Mikið
verðfall á
mörkuðum
New York. AFP.
♦ ♦ ♦