Morgunblaðið - 22.09.2002, Page 4
FRÉTTIR
4 SUNNUDAGUR 22. SEPTEMBER 2002 MORGUNBLAÐIÐ
GEIR H. Haarde fjármálaráðherra
segir að hann hafi fullan vilja til að
leysa vandamál sem tengjast mis-
munandi kjörum félagsmanna Al-
þýðusambands Íslands (ASÍ) sem
starfa hjá ríkinu og félagsmanna ann-
arra stéttarfélaga opinberra starfs-
manna, eins og fram hafi komið í yfir-
lýsingu hans 13. desember síðast-
liðinn. Samráðsfundur aðildarfélaga
ASÍ, sem hafa kjarasamning við fjár-
málaráðherra, hefur skorað á Geir að
jafna réttindi félagsmanna sam-
bandsins hjá ríkinu við réttindi fé-
lagsmanna annarra stéttarfélaga op-
inberra starfsmanna eins og hann
hafi lofað í umræddri yfirlýsingu.
„Því verður ekki trúað að ráðherra í
ríkisstjórn Íslands undirriti yfirlýs-
ingu gagnvart heildarsamtökum á
vinnumarkaði og telji síðan að hann
beri ekki frekari ábyrgð á niðurstöðu
málsins,“ segir í ályktun samráðs-
fundar ASÍ. Einnig að níu mánuðir
séu liðnir frá yfirlýsingu ráðherra og
þrátt fyrir fjölda funda ASÍ með emb-
ættismönnum og ráðherrum sé málið
enn óleyst.
Geir segir að í umræddri yfirlýs-
ingu hafi hann lýst fullum vilja ráðu-
neytisins til að halda viðræðunum við
ASÍ áfram og freista þess að ná við-
unandi niðurstöðu í málinu. „Í svona
yfirlýsingu er að sjálfsögðu ekki hægt
að fullyrða það að niðurstaða náist,
enda var það ekki gert. Það hafa verið
í gangi viðræður um þetta mál, en við
höfum ekki komist að niðurstöðu. Það
þýðir ekki að viðræðunum sé lokið
eða málið sé óyfirstíganlegt. Mér
finnst leitt að þeir skuli bregðast við
með þeim hætti sem gert er í þessari
yfirlýsingu,“ segir Geir.
ASÍ vill ganga lengra en
ríkið er tilbúið að gera
Hann segir að ASÍ vilji ganga
lengra en fjármálaráðuneytið sé
tilbúið að gera. „Við höfum gert þeim
grein fyrir því um hvað við teljum að
þetta mál snúist. Þeir vilja ganga
lengra en við og taka upp atriði sem
myndu hafa víðtæk áhrif á vinnu-
markaði og eiga heima í kjarasamn-
ingsviðræðum, en ekki milli kjara-
samninga. Á því hefur strandað.“
Geir nefnir lífeyriskerfi sem dæmi,
ljóst sé að ef gerðar yrðu breytingar
hjá félögum ASÍ sem eru á launaskrá
hjá ríkinu myndi það hafa víðtæk
áhrif út á hinn almenna vinnumarkað.
„Það er stærra mál en svo að menn
vippi því fram úr erminni í einni svip-
an,“ segir Geir en bætir við að önnur
samningsatriði séu auðveldari við-
fangs, t.d. mismunandi veikinda- og
slysaréttindi og reglur um sjúkra-
sjóð.
Geir segir málið ekki vera úr sög-
unni, hann sé tilbúinn til áframhald-
andi viðræðna, en þá þurfi ASÍ að
koma til móts við ríkið.
ASÍ gagnrýnir fjármálaráðherra fyrir að jafna ekki réttindi á vinnumarkaði
Ráðherra segist ekki hafa
fullyrt að niðurstaða næðist
LÁTINN er Áskell
Jónsson, söngstjóri á
Akureyri. Áskell var
fæddur 5. apríl 1911 á
Mýri í Bárðardal í
S-Þingeyjarsýslu. Hann
lést á Akureyri 20. sept-
ember sl.
Foreldrar Áskels
voru Jón Karlsson bóndi
á Mýri í Bárðardal og
Aðalbjörg Jónsdóttir
húsfreyja.
Áskell stundaði nám
við Héraðsskólann á
Laugum í S-Þingeyjarsýslu, 1931–
1932. Tónlistarnám stundaði hann í
Tónlistarskólanum í Reykjavík 1940–
1942.
Á árunum 1934–1939 starfaði hann
við söngkennslu í Héraðsskólanum á
Reykjum við Hrútafjörð
og í Héraðskólanum á
Laugum, 1939–1940,
Samvinnuskólanum í
Reykjavík 1940–1942 og
Gagnfræðaskólanum á
Akureyri 1943–1975.
Hann var stjórnandi
Karlakórs Akureyrar
1943–1966, aðstoðar-
stjórnandi Kantötukórs
Akureyrar 1951 og org-
anisti Lögmannshlíðar-
sóknar 1945–1987. Þá var
hann formaður Kirkju-
kórasambands Eyjafjarðar frá 1950.
Áskell hlaut íslensku fálkaorðuna
árið 1983.
Eftirlifandi eiginkona Áskels er
Sigurbjörg Hlöðversdóttir húsmóðir.
Þau áttu sjö börn.
Andlát
ÁSKELL JÓNSSON
RÚMLEGA sautján milljónir frá
tveimur bankastofnunum í Reykja-
vík, sem höfðu verið týndar í tvo mán-
uði, komu nýlega fram í Danmörku.
Peningarnir voru í póstsendingu sem
var send af stað 19. júlí sl. með flugi
áleiðis til Danmerkur en virtist ekki
hafa skilað sér á áfangastað.
Danski pósturinn neitaði við eftir-
grennslan að hafa tekið við póstpok-
anum með peningunum á umræddum
degi. Lögreglan í Reykjavík hefur
rannsakað hvarf peningasendingar-
innar og miðaði rannsóknin m.a. að
því hvort póstsendingunum hefði ver-
ið stolið eða hvort um vanskráningu
hefði getað verið að ræða einhvers
staðar í meðförum þeirra. Nýlega
kom í ljós að dönskum viðtakendum
höfðu á endanum borist peningasend-
ingarnar. Ekki er vitað hvers vegna
svo langur tími leið frá sendingu og
þangað til þær voru opnaðar á
áfangastað.
Að sögn Ómars Smára Ármanns-
sonar, aðstoðaryfirlögregluþjóns í
Reykjavík, mun lögreglan ekki rann-
saka þetta mál frekar enda hafa við-
komandi aðilar farið yfir það og
gaumgæft hvað mætti betur fara til
að minnka líkur á að þetta gæti gerst
aftur.
Týndar
milljónir
komnar í
leitirnar
ÍRIS Dögg Héðinsdóttir, 15 ára
stúlka sem lögreglan í Reykja-
vík hafði lýst eftir, fannst heil á
húfi í borginni í fyrrinótt.
Lögreglan hafði lýst eftir
henni undanfarna daga en ekk-
ert var vitað með vissu um ferðir
hennar frá því síðastliðinn
sunnudag.
Fannst heil
á húfi í
Reykjavík
HAUSTHÁTÍÐ Breiðholtsskóla
var haldin í gær í sjötta sinn en í
ár var einnig haldið upp á 20 ára
afmæli foreldra- og kennara-
félags skólans.
Hátíðin hófst klukkan 10.30
með skrúðgöngu þar sem Lúðra-
sveit Árbæjar og Breiðholts voru
í fararbroddi auka skátanna. Boð-
ið var upp á andlitsmálun auk
þess sem börn og fullorðnir seldu
ýmsan varning á markaðstorgi.
Lögreglan var á staðnum og fór
yfir umferðarreglurnar með
börnunum og gestum og gang-
andi gafst kostur á að prófa velti-
bíl frá Sjóvá-Almennum. Þá
mættu slökkviliðsmenn á svæðið
með körfubíl sem fólk fékk að
skoða. Morgunblaðið/Jim Smart
Hausthátíð
við Breið-
holtsskóla
SÓLVEIG Pétursdóttir dóms-
málaráðherra flutti ávarp á fundi
sýslumanna á Egilsstöðum á föstu-
dag. Þar ræddi hún m.a. um hug-
myndir um tilflutning löggæslu frá
ríki til sveitarfélaga sem hún sagði
að væri án efa skref aftur á bak fyr-
ir alla þróun lögreglunnar. „Ég tel
það grundvallaratriði að öll lög-
gæsla í ríkinu sé og verði áfram í
höndum ríkisins og mér kæmi það á
óvart ef þið væruð á öðru máli,“
sagði hún við sýslumenn. Þá gerði
hún fíkniefnavandann að umtals-
efni en hún sagði sýslumenn hafa
staðið sig ákaflega vel í hertri bar-
áttu gegn fíkniefnum. Morgunblaðið/Steinunn
Ríkið sjái um löggæslu
KRÖFUR sem gerðar eru til sam-
gangna eru allt aðrar en þær voru
fyrir nokkrum árum og því er eðlilegt
að Vestmannaeyingar séu óþolinmóð-
ir, segir Sturla Böðvarsson sam-
gönguráðherra.
Fólk vill komast leiðar sinnar fljótt
og vel en þeir sem búi á eyju verði á
hinn bóginn að miða kröfur sínar við
það þær samgöngur sem hægt er að
að byggja upp, miðað við það fjár-
magn sem er fyrir hendi.
Á fjölmennum borgarafundi í Vest-
mannaeyjum á föstudagskvöld var
þess krafist að ríkisvaldið tryggði
a.m.k. tvær ferðir á dag með Herjólfi
og geri nú þegar ráðstafanir til að fá
nýja ferju til landsins. Þá verði rann-
sóknum á mögulegu ferjulægi við
suðurströndina hraðað svo niðurstaða
fáist sem fyrst.
Sturla segir ástæðu til að ítreka að í
kjölfar mjög fjölmenns borgarafund-
ar um samgöngumál í Vestmannaeyj-
um síðasta vetur hafi verið skipaður
starfshópur til að gera úttekt á þess-
um málum og gera tillögur um úrbæt-
ur. Í áfangaskýrslu starfshópsins hafi
verið lagt til að fjölga ferðum og þeg-
ar hafi verið ákveðið að fjölga ferð-
unum í 510 á þessu ári og upp í 570 á
næsta ári. Gert er ráð fyrir að
greiðslur ríkisins til Samskipa muni
hækka úr 70 milljónum í um 100 millj-
ónir vegna aukningarinnar.
Erfið siglingaleið
Næsta verkefni starfshópsins sé að
kanna hvaða kröfur ný ferja þurfi að
uppfylla. Undirbúningur að kaupum á
nýrri ferju verði að vera vandaður
enda sé sjóleiðin frá Þorlákshöfn til
Vestmannaeyja erfið. „Ég get ekki
sagt annað um þetta mál í þessari
stöðu. Ég bíð eftir þessum tillögum. Í
þessum starfshópi eru mjög trúverð-
ugir menn sem ég treysti,“ segir
Sturla. Þá bendir hann á að innan-
landsflugið hafi verið að styrkjast og
að endurbætur hafi verið gerðar á
Bakkaflugvelli. Spurður um rann-
sóknir á hugsanlegu ferjulægi á suð-
urströndinni segir Sturla, að um
geysilega flókið mál sé að ræða. Öldu-
far og mikill framburður valdi því að
hingað til hafi menn ekki talið mögu-
legt að byggja höfn allt frá Þorláks-
höfn til Hafnar í Hornafirði. Á borg-
arafundinum síðasta vetur hafi hann
tekið ákvörðun um að láta hraða
rannsóknum eftir mætti. „Við vinnum
að þessu mjög skipulega og með full-
komlega eðlilegum hætti,“ segir
Sturla.
Kröfur þurfa að
miðast við það
sem er mögulegt
Ýmislegt verið gert til að bæta
samgöngur til Vestmannaeyja
FLUGLEIÐIR gera ráð fyrir að af-
koma farþegaflutninga félagsins í
ágúst verði mjög góð vegna betri
nýtingar og hagkvæmari samsetn-
ingar farþegahópsins. Í ágúst
minnkaði fyrirtækið sætaframboð í
millilandaflugi um 14% og farþegum
fækkaði í sama mæli. Sú fækkun
kom fyrst og fremst fram á Norður-
Atlantshafsmarkaði, sem gefur
minnst af sér í rekstri fyrirtækisins.
Þetta er sama þróun og undanfarna
mánuði sem leiddi til verulegs af-
komubata á fyrri helmingi ársins.
Í ágúst voru farþegar á leiðum til
og frá Íslandi 65% af heildarfjölda
farþega en í ágúst í fyrra var þetta
hlutfall 57%. Fyrstu átta mánuði árs-
ins voru farþegar á leiðum til og frá
landinu 61% en á sama tímabili í
fyrra var þetta hlutfall 52%.
24,5% fækkun á
Atlantshafsleið
Áhrif á afkomu félagsins vegna
breytinga á eldsneytisverði, gengi
gjaldmiðla og vegna vaxtabreytinga
voru óveruleg í ágústmánuði.
Farþegum sem áttu erindi til Ís-
lands eða frá Íslandi fjölgaði um
5,2% í ágúst, en þeim sem fljúga yfir
Norður-Atlantshafið um Ísland í vél-
um Flugleiða fækkaði um 24,5%.
Farþegum í millilandaflugi Flug-
leiða fækkaði í heild um 7,8% í ágúst
í samanburði við sama mánuð á síð-
asta ári. Þeir voru 153.443 nú en voru
166.422 í ágúst 2001. Farþegum á al-
mennu farrými fækkaði um 7,8% en
á viðskiptafarrými fækkaði farþeg-
um um 8,3%.
Sætanýting
hjá Flugleið-
um mjög góð