Morgunblaðið - 03.10.2002, Side 10

FRÉTTIR
10 FIMMTUDAGUR 3. OKTÓBER 2002 MORGUNBLAÐIÐ
MENNTAMÁLARÁÐHERRA,
Tómas Ingi Olrich, hefur með bréfi
til Þorfinns Ómarssonar fellt niður
frávikningu hans úr starfi fram-
kvæmdastjóra Kvikmyndasjóðs Ís-
lands frá 19. september síðastliðn-
um. Morgunblaðið birtir hér bréf
menntamálaráðherra til Þorfinns í
heild.
„Með bréfi, dagsettu 23. júlí sl.,
var yður vikið tímabundið úr emb-
ætti framkvæmdastjóra Kvik-
myndasjóðs Íslands á grundvelli
ávirðinga, er varða þóttu við 3. mgr.
26. gr. laga nr. 70/1996, um réttindi
og skyldur starfsmanna ríkisins.
Nefnd sem var skipuð í samræmi við
27. gr. sömu laga til að rannsaka mál
yðar hefur í álitsgerð frá 19. síðasta
mánaðar komist að þeirri niðurstöðu
að ákvörðun þessi hafi ekki uppfyllt
þau skilyrði sem nefnd 3. mgr. 26. gr.
laga nr. 70/1996 gerir kröfu til. Í ljósi
þessa álits nefndarinnar hef ég því
ákveðið að fella niður frávikningu
yðar frá og með 19. september sl.
Í niðurstöðu álitsgerðarinnar er
fallist á það með Ríkisendurskoðun
að þér hafið sýnt af yður hirðuleysi
við að halda bókhaldsgögnum Kvik-
myndasjóðs Íslands til haga vegna
áranna 2000 og 2001, en það leiddi
m.a. til þess að fylgiskjöl týndust og
erfiðleikar sköpuðust við að loka
reikningum sjóðsins. Í greinargerð
Ríkisendurskoðunar segir að ekki
hafi fundist gögn fyrir útgjöldum á
vegum Kvikmyndasjóðs að fjárhæð
um 363 þúsund krónur, en skv. upp-
lýsingum frá Ríkisbókhaldi í dag, er
sú fjárhæð nú 215.246 krónur.
Fullnægjandi skil á bókhalds-
gögnum hafa því enn ekki farið fram.
Jafnframt segir í álitsgerðinni að
misfellur hafi verið í vörslu bók-
haldsgagna og uppgjöri ferðareikn-
inga hjá sjóðnum á árunum 2000 og
2001. Fyrir liggur að dráttur hefur
orðið á framlagningu endanlegra
ferðareikninga og ferðagagna fyrir
árin 2000 og 2001 bæði vegna yðar
sjálfs og viðskiptavina sjóðsins. Sem
forstöðumaður Kvikmyndasjóðs
berið þér ótvírætt ábyrgð á bókhaldi
sjóðsins í samræmi við lög um fjár-
reiður ríkisins nr. 88/1997, lög um
bókhald nr. 145/1994, lög um réttindi
og skyldur starfsmanna ríkisins nr.
70/1996 og erindisbréf yðar, dags.
30. desember 1999.
Skv. þessu hafið þér brotið starfs-
skyldur yðar og lít ég það mjög al-
varlegum augum. Ég er ósammála
niðurstöðu nefndarinnar um að
framangreindar ávirðingar á hendur
yður hafi ekki verið fullnægjandi til-
efni til brottvikningar um stundar-
sakir, skv. 3. mgr. 26. gr. laga um
réttindi og skyldur starfsmanna rík-
isins. Hins vegar er hér um að ræða
niðurstöðu lögskipaðrar nefndar og
við hana mun ég una.“
Bréf menntamálaráð-
herra til framkvæmda-
stjóra Kvikmyndasjóðs
HÖRKUTÓL veigra sér ekki við
að gleypa fiskaugu og háma í sig
saltað selspik. Það er augljóst eftir
gærdaginn en þá fór fram val á
þátttakendum í keppnina Hörku-
tól. Til að sanna að hörkutól væru
á ferð þurftu þátttakendur að
snæða fremur óhefðbundið fæði,
þ.e. fiskaugu og selspik.
236 manns sýndu keppninni
upphaflega áhuga, en af þeim hafa
nú verið valdir sex einstaklingar,
þrjár konur og þrír karlar, sem
munu taka þátt í Hörkutólinu sem
fram fer 2. nóvember á Garðatorgi
í Garðabæ. Matseðill gærdagsins
gefur smjörþefinn af því sem
koma skal í keppninni en þar verð-
ur líka keppt í áhættuþrautum.
Styrmir Bolli Kristjánsson, einn
aðstandenda keppninnar, segir að
viðræður séu nú í gangi um að
sýna keppnina í sjónvarpi, en
keppnin er í anda sjónvarpsþátt-
anna Fear Factor. „Næstum öllum
tókst að leysa þrautina,“ sagði
Styrmir eftir undankeppnina í
gær.
Hann sagðist sjálfur ekki vera
svo hrifinn af fiskaugum og sel-
spiki. „Ég er mjög ánægður með
að halda keppnina og að þurfa
ekki að keppa sjálfur,“ sagði hann
hlæjandi og bætti við að þátttak-
endurnir sex væru á öllum aldri
og allt stefndi í hörkukeppni.
Hörku-
tól fúlsa
ekki við
fisk-
augum
Morgunblaðið/Golli
Það voru ekki allir sammála um að fiskaugun brögðuðust vel.
LÆKJARSKÓLI í Hafnarfirði á 125
ára afmæli um þessar mundir. Af
því tilefni munu nemendur og kenn-
arar skólans gera sér dagamun á
morgun, föstudag. Kennarar munu
fara yfir sögu skólans með nem-
endum og um kl. 11 verður mynduð
samfelld röð nemenda milli gamla
og nýja skólans. Skólabjalla sem
hefur verið í eigu skólans áratugum
saman og var notuð þar til raf-
magnsbjalla tók við verður látin
ganga frá gamla skólanum og til
þess nýja.
„Lækjarskóli í Hafnarfirði, sem
hét áður Barnaskóli Hafnarfjarðar,
og þar á undan Barnaskóli Garða-
hrepps, á sér óslitna sögu allt frá
árinu 1877 þegar prófastshjónin á
Görðum, Þórarinn Böðvarsson og
Þórunn Jónsdóttir, gáfu stórfé til
minningar um son sinn Böðvar til
að koma á fót alþýðuskóla,“ segir í
fréttatilkynningu frá skólanum.
Lækjarskóli
í Hafnarfirði
Á 125 ára
afmæli
ANNAR þingfundur Alþingis á
þessu löggjafarþingi hefst kl. 10.30 í
dag. Er þá stefnt að því að fram fari
umræða utan dagskrár um eignarað-
ild að bönkum. Lúðvík Bergvinsson,
þingmaður Samfylkingarinnar, er
málshefjandi umræðunnar en Val-
gerður Sverrisdóttir, iðnaðar- og
viðskiptaráðherra, verður til and-
svara.
Að auki er stefnt að því að önnur
utandagskrárumræða fari fram kl.
13.30 í dag, um velferð barna og ung-
menna. Steingrímur J. Sigfússon,
formaður Vinstrihreyfingarinnar –
græns framboðs, er málshefjandi
umræðunnar en Páll Pétursson fé-
lagsmálaráðherra verður til and-
svara.
Að öðru leyti er miðað við að mælt
verði fyrir nokkrum frumvörpum
þingmanna í dag. Gert er ráð fyrir
því að fundi ljúki um kl. 15.
Á fyrsta þingfundi vetrarins urðu
nokkrar breytingar á skipan sjálf-
stæðismanna í fastanefndum þings-
ins. Björn Bjarnason tók sæti í utan-
ríkismálanefnd, en Árni R. Árnason
fór úr þeirri nefnd og tók sæti í efna-
hags- og viðskiptanefnd. Úr þeirri
nefnd fór Sigríður Anna Þórðardótt-
ir.
Tvær
utandag-
skrár-
umræður
ÓLAFUR F. Magnússon, borgar-
fulltrúi F-listans, ætlar að leggja
fram tillögu á fundi borgarstjórnar
Reykjavíkur í dag þess efnis að borg-
arstjórn skori á ríkisstjórn og Alþingi
að hækka skattleysismörk til sam-
ræmis við þróun verðlags og kaup-
gjalds frá 1998. Samkvæmt tillögunni
er lagt til að skattleysismörkin verði
hækkuð í þremur jöfnum áföngum frá
og með þessu hausti þannig að í lok
árs 2004 verði þau sambærileg því
sem þau voru þegar staðgreiðsla var
tekin upp hér á landi 1988.
Í greinargerð kemur fram að þegar
staðgreiðsla var tekin upp 1988 hafi
því verið lýst yfir að skattleysismörk
myndu fylgja þróun verðlags og
kaupgjalds. Ekki hafi verið staðið við
þetta með þeim afleiðingum að skatt-
ar á tekjur lægri en 140.000 kr. á
mánuði hafi hækkað. Skattleysis-
mörk væru nú 67.467 kr. en væru
82.188 kr. hefðu þau fylgt þróun verð-
lags frá 1990 og 104.461 kr. hefðu þau
fylgt þróun kaupgjalds.
Ólafur segir jafnframt í greinar-
gerð með tillögunni að vegna of lágra
skattleysismarka nýtist ýmsar bóta-
greiðslur og félagsleg aðstoð veitt af
sveitarfélögum ekki sem skyldi. Auk
þess sé ljóst að hækkun skattleysis-
marka nýtist best handa þeim lakast
settu í þjóðfélaginu.
Tillaga Ólafs F. Magnússonar
Skattleysismörk
verði hækkuð
172 BÖRN eru í varanlegu fóstri á
Íslandi. Í tímabundnu fóstri eru 60
börn. Þetta kemur fram í grein
Hildar Sveinsdóttur, félagsráð-
gjafa hjá Barnaverndarstofu, sem
birt er í nýjasta tölublaði Uppeldis.
Markmið með tímabundnu fóstri
er að barnið fari aftur heim til for-
eldra sinna að ákveðnum tíma liðn-
um. Tilgangur með varanlegu
fóstri er að barnið dvelji hjá fóstur-
foreldrum þangað til það hefur ald-
ur og þroska til að lifa sjálfstæðu
lífi. Segir Hildur að í dag sé börn-
um nánast eingöngu komið í fóstur
að frumkvæði barnaverndar-
nefnda.
Hildur segir ástæður þess að
börn séu send í fóstur margvísleg-
ar, en nefna megi bágar heimilis-
aðstæður, erfiðleika foreldra eða
vanda barnsins sjálfs. Hildur bend-
ir í grein sinni á að mikilvægt sé að
þaulreyna allar stuðningsaðgerðir
til að barnið geti áfram verið hjá
foreldrum sínum ef þess er nokkur
kostur og dvöl á fósturheimili á því
að vera það úrræði sem síðast er
notað.
Kennsluefni í undirbúningi
Barn sem er í varanlegu fóstri á
rétt á umgengni við foreldra sína. Í
grein Hildar kemur fram að í flest-
um tilfellum gangi umgengni barns
við kynforeldra vel, en þó eru
dæmi þess að umgengnin sé kvöð
fyrir barnið og fósturfjölskylduna.
Hildur segir að þegar ákvörðun um
umgengni sé tekin vanti oft skiln-
ing barnaverndaryfirvalda á út-
haldi kynforeldra, fósturbarns og
fósturforeldra, sérstaklega þegar
ekki gengur vel að mynda tengsl.
Hildur bendir á að gæði umgengn-
innar skipti meira máli fyrir barnið
en magnið.
Barnaverndarnefndir sækja um
fósturheimili til Barnaverndarstofu
þurfi barn að fara í fóstur. Hjá
Barnaverndarstofu er listi yfir fólk
sem hefur fengið leyfi sem fóstur-
foreldrar að undangengnu hæfnis-
mati.
Í grein Hildar kemur fram að
Barnaverndarstofa sé nú í sam-
vinnu við Félag vistforeldra í sveit-
um og Landssamtök bænda að
leita leiða til að kaupa sérstakt
kennsluefni sem hefur það að leið-
arljósi að bæta bæði vinnubrögð í
fósturmálum svo og að undirbúa
fósturforeldra betur. Kennsluefnið
kallast Pride og er bandarískt að
uppruna.
232 börn eru í fóstri
Ástæður
margvíslegar
FORSETI Íslands, Ólafur
Ragnar Grímsson, fer í opinbera
heimsókn í Húnavatnssýslur
dagana 14.–16. október. Heim-
sóknin hefst í Húnaþingi vestra
þar sem forsetinn mun m.a.
heimsækja byggðasafn og
bændabýli, fara að Bjargi í Mið-
firði og heimsækja fyrirtæki og
stofnanir á Hvammstanga.
Daginn eftir liggur leið for-
seta í A-Húnavatnssýslu þar
sem Ólafur Ragnar mun m.a.
heimsækja söfn, fyrirtæki og
stofnanir á Blönduósi og Skaga-
strönd. Þá mun forseti líta inn í
Kántrýbæ og heimsækja skóla í
sýslunum tveimur.
Örnólfur Thorsson, sérfræð-
ingur á skrifstofu forseta Ís-
lands, segir að forsetinn muni
fara víða um Húnavatnssýslurn-
ar. „Megináherslan í þessari
heimsókn er að forsetinn kynn-
ist því sem helst er á seyði í
byggðum landsins, hitti fólk og
heyri af sjónarmiðum þess.“
Heim-
sækir
Húnaþing