Morgunblaðið - 03.11.2002, Blaðsíða 37

SKOÐUN
MORGUNBLAÐIÐ SUNNUDAGUR 3. NÓVEMBER 2002 37
HINN 26. októbert sl. birtist í
Morgunblaðinu grein eftir Óla
Tynes fréttamann sem ber heitið
„Leynilögga“. Greinarhöfundur
fjallar þar um samskipti lögreglu og
fréttamanna og nefnir eitt nýlegt
dæmi sem virðist vera tilefni grein-
arinnar. Um leið gerir hann saman-
burð á persónulegum samskiptum
og samstarfi sínu við eldri lögreglu-
menn og þeirri þjónustu sem boðin
er í dag.
Það gerist nokkuð reglulega að
sumir fjölmiðlar og fréttamenn saka
lögregluna í Reykjavík um að liggja
um of á upplýsingum til lesenda eða
áheyrenda, eða hindra þá í starfi
sínu við fréttaöflun á vettvangi. Lík-
lega mun lögreglan lengi þurfa að
búa við slíka gagnrýni þótt hún telji
hana ómaklega og lýsa mikilli van-
þekkingu á störfum lögreglumanna,
ekki síst í ljósi þess að lögreglan í
Reykjavík hefur á undanförnum ár-
um lagt sig fram um að greiða götu
fjölmiðla við öflun upplýsinga um
mál sem lögreglan hefur til meðferð-
ar.
Hvern virkan dag svara yfirmenn
Lögreglustjórans í Reykjavík að
meðaltali fimmtíu símtölum frá
fréttastofum allra fjölmiðla, stund-
um færri, stundum miklu fleiri þegar
eitthvað markvert er að gerast. Þá
sendir embættið á hverjum mánu-
dagsmorgni frá sér yfirlit yfir helstu
verkefni helgarinnar og má lesa um
þau á heimasíðu lögreglunnar.
Í grein sinni fjallar Óli Tynes um
þá gömlu daga þegar hann átti per-
sónuleg samskipti við lögreglumenn,
sem alltaf sögðu honum nýjustu
fréttir og treystu honum fyrir upp-
lýsingum. Ég ber ekki brigður á að
svona hafi samskiptin einu sinni ver-
ið og þá hafi ríkt það traust með að-
ilum sem greinarhöfundur lýsir.
Þessi tími er hins vegar liðinn og læt
ég það liggja milli hluta hvort það sé
miður eða ei. Hins vegar tel ég mig
geta sagt með nokkurri vissu að lög-
reglan í Reykjavík á ekki ein sök á
því ef samskipti lögreglunnar og ein-
hverra fréttamanna hafa versnað á
síðustu áratugum, eins og greinar-
höfundur heldur fram. Lögreglan
hefur á þessum tíma tekið miklum
breytingum, lagað sig að nýjum og
breyttum kröfum samfélagsins og
gerir nú æ ríkari kröfur til starfs-
manna um fagleg vinnubrögð og já-
kvæð samskipti. Á sama tíma hafa
fjölmiðlar einnig breyst, þeim hefur
fjölgað mikið, samkeppnin hefur
harðnað, fréttamatið breyst og hrað-
inn í upplýsingaöflun margfaldast,
svo fátt sé nefnt. Og á báðum stöðum
hafa komið til starfa starfsmenn sem
ekki eru steyptir í mót forfeðranna.
Kannski þar sé skýringa að leita, ef
sú er raunin að samskiptin hafi
versnað gagnvart einhverjum fjöl-
miðlum. Eða kann ástæðan að vera
sú að sumir fréttamenn virðast ekki
sætta sig við það að ekkert markvert
sé að gerast eða fá ekki aðrar upp-
lýsingar en þær sem lögreglan má og
getur látið þeim í té? Eitt er þó víst,
lögreglan getur aldrei opnað svo dyr
sínar að þar sé öllum hleypt inn.
Hjá lögreglunni í Reykjavík hafa
um árabil verið í gildi sérstakar regl-
ur um fjölmiðlasamskipti. Allir fjöl-
miðlar þekkja efni þeirra og þær
boðleiðir sem þeim er þar vísað á.
Reglurnar eru í samræmi við nýjar
leiðbeiningarreglur frá Ríkislög-
reglustjóra um samskipti lögreglu
og fjölmiðla. Af eðlilegum ástæðum
getur þó lögreglan ekki alltaf látið
fréttamönnum í té allar þær upplýs-
ingar sem þeir óska sjálfir eftir,
einkum ef hætta er á að slíkt torveldi
eða spilli rannsókn máls. Leyndin
stafar því ekki af hroka eða mann-
vonsku lögreglumannsins heldur oft-
ar en ekki af því að málið er á algeru
frumstigi, verið er að afla fyrstu upp-
lýsinga um málið. Þá er vert að
árétta þá reglu sem er að finna í
ofangreindum leiðbeiningarreglum
lögreglunnar í Reykjavík að aldrei
eru gefnar upplýsingar um einstak-
linga, nöfn þeirra eða mál sem þar
eru til skoðunar.
Í upphafi greinar sinnar tiltekur
Óli Tynes nýlegt dæmi, sem hann
telur lýsandi fyrir „upplýsingafælni“
umferðardeildar lögreglunnar í
Reykjavík. Ekki veit ég af hverju
hann er að blanda umferðardeild
lögreglunnar í málið, en það er annar
handleggur. Tilefnið er frétt sem
birt var á baksíðu Morgunblaðsins
hinn 18. október sl., en þar var sagt
frá því að ekið hefði verið á gangandi
vegfaranda í Breiðholti á tólfta tím-
anum kvöldið áður og hann fluttur á
slysadeild Landspítalans í Fossvogi.
Síðan segir í fréttinni: „þar fengust
ekki upplýsingar um líðan hans áður
en Morgunblaðið fór í prentun. Lög-
reglan í Reykjavík vildi á sama tíma
ekki gefa frekari upplýsingar um
slysið.“ Af einhverjum óskiljanleg-
um ástæðum nefnir Óli síðan stymp-
ingar með unglingum í Breiðholti
helgina áður, en segist þó ekki vita
hvort samband sé á milli slyssins og
þeirra stympinga, en bætir þó við:
„En ef svo var held ég að það þýði
ósköp lítið fyrir lögregluna að reyna
að halda því leyndu.“ Hið rétta í
þessu máli er þetta, og hefðu þær
upplýsingar fengist ef eftir hefði ver-
ið leitað:
Rétt fyrir miðnætti var ekið á ung-
an mann í Breiðholti. Hann dróst
nokkurn spöl með bifreiðinni og virt-
ist mikið slasaður. Var hann fluttur á
slysadeild til aðhlynningar. Félagar
hans, svo og ökumaður bifreiðarinn-
ar, voru einnig fluttir á slysadeild,
miður sín eftir áfallið. Um kl. 3 um
nóttina var frumvinnu lögreglunnar
lokið, búið var að rannsaka vettvang,
ræða við vitni, ná sambandi við for-
eldra og afla upplýsinga um líðan
hins slasaða. Ekki er mér kunnugt
um hvenær Morgunblaðið fór í
prentun þessa nótt, en fyrir kl. 3
hafði lögreglan einfaldlega ekki
frekari upplýsingar en þær sem
Morgunblaðið greindi frá. Fyrr varð
ekkert fullyrt um tildrög slyssins
eða áverka og líðan hins slasaða. Og
að gefnu tilefni skal það tekið fram
að engar vísbendingar eru um að
slys þetta tengist á nokkurn hátt
stympingum með unglingum í Breið-
holti helgina áður.
Ég tek undir það með Óla Tynes
að það er mikilvægt að traust ríki
milli almennings og lögreglunnar.
Samkvæmt nýlegri skoðanakönnun
nýtur lögreglan mikils trausts þjóð-
arinnar og er ég ekki í nokkrum vafa
um að fjölmiðlar eiga stóran þátt í
því. Hins vegar má það ekki gleym-
ast að fyrst og fremst nýtur lögregl-
an traustsins vegna þess að almenn-
ingur skynjar að þar er unnið af
fagmennsku og hlutlægni að úrlausn
þeirra fjölmörgu verkefna sem á
borð hennar berast.
SAMSKIPTI FJÖL-
MIÐLA OG LÖGREGL-
UNNAR Í REYKJAVÍK
Eftir Ingimund
Einarsson
„Lögreglan
nýtur
traustsins
vegna þess
að almenn-
ingur skynjar að þar er
unnið af fagmennsku og
hlutlægni.“
Höfundur er varalögreglustjóri
í Reykjavík.
betri innheimtuárangur
Bæjarhrauni 10 • Hafnarfirði
ÞRASTARÁS 73 - HF. - NÝJAR ÍBÚÐIR
Nýkomnar í sölu á þessum frábæra útsýnisstað vel
skipulagðar 2ja, 3ja og 4ra herbergja íbúðir (með
bílskúr) í 12 íbúða, klæddu, litlu fjölbýli. Íbúðirnar
afhendast fullbúnar án gólfefna í des. 2002.
Tvennar svalir. Sérinng. Einstakt útsýni. Traustur
verktaki. Teiknað af Sigurði Þorvarðarsyni. Nánari
uppl. og teikn. á skrifstofu Hraunhamars.
ÞRASTARÁS 14 - HF. - NÝJAR ÍBÚÐIR
Vorum að fá glæsil. 3ja og 4ra herb. íbúðir í vönd-
uðu fjölb. á frábærum stað, útsýni. Húsið skilast
fullbúið að utan og fullbúið að innan, án gólfefna.
Lóð frágengin. Afh. mars/apríl 2003. Verð frá 12,9
millj. Byggingaraðili Fjarðarmót. Teikningar á
skrifst.
SVÖLUÁS 1 - HF. - NÝJAR ÍBÚÐIR
Glæsilegt, nýtt fjölb., 3ja og 4ra herb. íbúðir á
þessum frábæra útsýnisstað. Afhendast fullbúnar
án gólfefna. Verð frá 12.150.000. Verktaki: G.
Leifsson. Allar nánari uppl. og teikn. á skrifst.
Hraunhamars.
ÖLDUSLÓÐ - HF. - RAÐH.
Nýkomið glæsilegt raðhús með innb. bílskúr og
lítilli íbúð á jarðhæð með sérinngangi. Stærð ca
270 fm, rúmgóð svefnherbergi, nýlegt eldhús,
arinn o.fl. Stór verönd með heitum potti, suður-
svalir. Frábært útsýni og staðsetning. Eign í sér-
flokki. Áhv. hagstæð lán. Verð 22.9 millj.
HÁTÚN - ÁLFTAN. - EINB.
Nýkomið stórglæsil. einb. með innb. bílskúr, sam-
tals 240 fm. Glæsil. stórt eldh., 4-5 svefnherb.
Stofa, borðstofa, sjónvarpsskáli, sólstofa o.fl.
Glæsil. garður með hellulagðri verönd og bílaplani.
Fráb. staðs. 91104
FAGRIHVAMMUR - HF. - EINB.
Glæsilegt einbýli í toppstandi miðsvæðis í suður-
bænum í Hafnarfirði. Íbúðin er á einni hæð, um 144
fm og kjallari undir öllu húsinu eða samtals um 280
fm. Í kjallara er stór bílskúr og innangengt í íbúð.
Að auki er í kjallara herbergi, baðherbergi og góð
aðstaða fyrir séríbúð. Glæsilegur garður, innri og
ytri umlykur húsið. Nánari upplýsingar á skrifstofu
Hraunhamars. Verð 22,9 millj. 64239
TÚNHVAMMUR - HF. - RAÐH.
Nýkomið glæsil. tvílyft raðh. m. innb. bílskúr, sam-
tals ca 210 fm. Stór stofa, borðstofa. 4 svefnherb.
Sjóvarpsskáli o.fl. Svalir og terras. Fallegur garður.
Útsýni yfir höfnina. Eign í sérflokki. 92420
LÆKJARHVAMMUR - HF. - RAÐH.
Í einkas. sérl. fallegt rúmgott tvílyft endaraðh. með
innb. bílskúr, samtals ca 265 fm. Góð aðkoma. Frá-
bær staðs. Útsýni. Ákv. sala. Verð 21,9 millj.
NÖNNUSTÍGUR - HF. - EINB.
Nýkomið í einkas. á þessum góða stað mjög gott
einbýli, tvær hæðir og ris ásamt góðum bílskúr, sam-
tals um 150 fm. Góð staðsetning, 3-4 svefnherb., tvö
baðherb., góð verönd, eign í mjög góðu ástandi.
Verðtilboð.
BÆJARGIL - GBÆ - EINB.
Nýkomið í einkas. á þessum barnvæna stað mjög
gott einb. á tveimur hæðum með innb. bílskúr, sam-
tals um 185,9 fm. Stór fallegur garður, golfvöllur í
göngufæri. Fráb. staðs. Verð 23,5 millj. 86758
EFSTAHLÍÐ - HF. - RAÐHÚS
Nýkomið mjög fallegt raðhús á þessum vinsæla
stað. 4 góð svefnherb. Ekki alveg fullbúin eign. Hag-
stætt verð. Áhv. húsbréf. Verð 19,5 millj. 93244
ÞÓRODDARKOT - ÁLFTAN. - EINB.
Nýkomið í einkas. mjög fallegt rúmgott einbýli á
einni hæð með innbyggðum bílskúr, samtals ca 210
fm. Nýlegt eldhús og gólfefni. Góð staðsetning og
aðkoma. 4 rúmgóð svefnherb., áhv. hagst. lán. Verð
21,5 millj.
FASTEIGNIR mbl.is