Morgunblaðið - 19.02.2003, Blaðsíða 4

FRÉTTIR
4 MIÐVIKUDAGUR 19. FEBRÚAR 2003 MORGUNBLAÐIÐ
VEGNA mistaka við gerð reglugerð-
ar um ávana- og fíkniefni, var 21 árs
gamall maður sem játaði að hafa haft
í fórum sínum 22,7 grömm af amfeta-
míni, sýknaður nýverið af ákæru
sýslumannsins í Hafnarfirði. Í dómi
Héraðsdóms Reykjaness segir að
ekki hafi verið í gildi fortakslaust
bann við vörslu amfetamíns þegar
maðurinn var handtekinn.
Maðurinn var ákærður fyrir að
hafa haft í fórum sínum 22,7 grömm
af amfetamíni í mars 2002 og auk þess
haft í vörslu sinni tvær fötur af
íblöndunarefni og tvær vogir, ætlaðar
til vigtunar á fíkniefnum. Þá hafði ný-
lega tekið gildi reglugerð sem var
gölluð að því leyti að amfetamín var
ekki flokkað sem efni sem lyti for-
takslausu banni á Íslandi, eins og
fyrri reglugerð kvað á um. Það hafði
gleymst að setja „x“ fyrir aftan
amfetamín. Reglugerðin var gefin út
14. júní 2001 en felld úr gildi með
nýrri reglugerð 27. mars 2002, fimm
dögum eftir að maðurinn var hand-
tekinn. Á þessum tíma var meðferð
amfetamíns því eingöngu heimil lyf-
sölum og öðrum sem hafa leyfi til að
ávísa á lyf, og auðvitað þeim sem taka
við slíkum lyfjum. Maðurinn bar þó
ekki fyrir sig að hann hefði haft leyfi
til að flytja inn amfetamínið eða nota
það sem lyf.
Í niðurstöðu dómsins segir að í lög-
um um meðferð opinberra mála sé sú
meginregla í gildi að ekki megi dæma
fyrir annað en það sem ákært er fyrir.
Maðurinn hafi ekki verið ákærður
fyrir að hafa amfetamín í fórum sín-
um án þess að hafa til þess leyfi og því
yrði hann ekki dæmdur fyrir það.
Maðurinn var hins vegar sakfelld-
ur fyrir tvö önnur brot sem honum
voru gefin að sök, fyrir húsbrot og
ölvunarakstur. Var hann dæmdur til
að borga 100.000 krónur í sekt til rík-
issjóðs innan fjögurra vikna en sæta
ella fangelsi í 20 daga. Þá var hann
sviptur ökurétti í sex mánuði og gert
að greiða tvo þriðju alls sakarkostn-
aðar.
Sveinn Sigurkarlsson kvað upp
dóminn. Hilmar Ingimundarson hrl.
var til varnar en Alda Hrönn Jó-
hannsdóttir, fulltrúi, sótti málið.
Annar sýknudómur í Héraðs-
dómi Reykjaness
Héraðsdómur Reykjaness sýknaði
í gær karlmann á þrítugsaldri af
ákæru um að hafa haft í fórum sínum
35 millilítra af amfetamíni í sprautu í
desember árið 2001. Byggist sýknu-
dómurinn á því að á þessum tíma hafi
ekki verið í gildi fortakslaust bann við
því að hafa amfetamín undir höndum,
vegna handvammar við setningu
reglugerðar.
Í dómnum segir m.a., að telja verði
að í orðalagi ákæruliðarins skorti það
meginatriði í verknaðarlýsinguna að
hún lýsi refsiverðu athæfi á umrædd-
um tíma, því ákærða var ekki gefið að
sök að hafa haft amfetamín án leyfis í
vörslu sinni. Ákærði var hins vegar
sakfelldur af ákæru vegna ýmissa
annarra brota, svo sem að hafa undir
höndum maríjúana, innbrot, þjófnað
og umboðssvik. Ákærða var hins veg-
ar ekki gerð sérstök refsing fyrir
þessi brot en hann var í desember
2001 dæmdur í tveggja ára fangelsi
fyrir skjalafals og ári síðar fékk hann
hegningarauka, 2 mánaða fangelsi,
fyrir brot gegn lögum um ávana- og
fíkniefni. Segir héraðsdómari að brot
ákærða nú hafi verið framin áður en
fyrrgreindir dómar voru kveðnir upp
og hefðu ekki leitt til aukinnar refs-
ingar þá.
Málið dæmdi Sveinn Sigurkarlsson
héraðsdómari. Verjandi ákærða var
Hilmar Ingimundarson hrl. Málið
sótti Sigríður Elsa Kjartansdóttir
sýslumannsfulltrúi.
Ekki dæmdur fyrir að
vera með amfetamín
MILLJÓNATJÓN varð á Seyðis-
firði í sunnan ofsaveðri sem skall
þar á í fyrrinótt. Björgunarstörf
stóðu fram á morgun en síðdegis í
gær hafði verið tilkynnt um
skemmdir á 32 íbúðarhúsum, fjöldi
bíla dældaðist og rúður í þeim
brotnuðu, tveir skúrar gereyði-
lögðust og steypistöð valt á hlið-
ina. Þetta er aðeins hluti af
skemmdunum en ekki hefur verið
lagt mat á heildartjón. Hreinsun-
arstarf hófst af fullum krafti í gær
og úti um allan bæ mátti sjá menn
gera við þök og negla hlera fyrir
glugga.
Víðar á Austurlandi urðu
skemmdir af völdum veðursins, en
hvergi í líkingu við það sem varð á
Seyðisfirði.
Einn maður slasaðist af völdum
fárviðrisins, formaður björgunar-
sveitarinnar Ísólfs sem stóð í
ströngu við björgunarstörf. Hann
er talinn hafa höfuðkúpubrotnað
þegar kerra fauk á hann en sam-
kvæmt upplýsingum frá sjúkra-
húsinu á Seyðisfirði var hann með
meðvitund í gær og líðan hans eft-
ir atvikum góð. Þegar veðrið gekk
niður um hádegisbil var hann
fluttur með sjúkraflugi til Reykja-
víkur þar sem hann gengst undir
frekari rannsóknir.
Skæðadrífa af þakplötum
Fyrsta tilkynning um tjón af
völdum veðursins barst lögregl-
unni á Seyðisfirði um klukkan
hálfeitt en veðrið skall á með full-
um krafti um klukkan tvö. Að sögn
veðurfræðings á Veðurstofu Ís-
lands sýndi vindmælir fyrir ofan
bæinn að meðalvindhraði um nótt-
ina var um 20-25 m/sek en í mestu
hviðunum rauk hann upp í um 54
m/sek. Ekki er ólíklegt að sums
staðar hafi vindurinn verið enn
meiri en skemmdirnar urðu mest-
ar innst í firðinum. Eftir því sem
leið á nóttina rigndi yfir lögreglu
og björgunarsveitir tilkynningum
um lausar þakplötur, brotnar rúð-
ur og allskyns lausamuni á ferð á
flugi. Gámur var meðal þess sem
tókst á loft og hafnaði hann ofan í
Fjarðará ásamt ýmsu braki. Tré
brotnuðu, rúður splundruðust í
einbýlishúsum og þakplötur og
klæðning rifnuðu frá húsum. Bílar
sem stóðu úti í veðurhamnum
dælduðust þegar grjót, þakplötur
og fleira skall á þeim. Í nokkrum
tilvikum brotnuðu rúður í bílunum
og er einn þeirra talinn næstum
ónýtur eftir að hafa orðið fyrir
skæðadrífu af þakplötum. Ljóst er
að tugir björgunarsveitarmanna,
lögreglumenn, slökkviliðsmenn og
smiðir sem kallaðir voru út lögðu
sig í talsverða hættu við björg-
unarstörf.
Í gærmorgun hafði björgunar-
sveitum Landsbjargar borist
beiðni um aðstoð vegna tjóns á 24
húsum, tveimur gróðurhúsum, úti-
húsi, steypustöð og þremur bif-
reiðum. Tilkynningum um
skemmdir fjölgaði jafnt og þétt og
síðdegis hafði verið tilkynnt um
skemmdir á 32 einbýlishúsum og á
um tug bifreiða. Einn bílskúr
splundraðist og annar er ónýtur af
völdum vindsins. Gera má ráð fyrir
því að næstu daga verði tilkynnt
um enn frekari skemmdir. Skilti
Vegagerðarinnar við bæjarmörkin,
sem sýnir vindstyrk á Fjarðar-
heiði, fauk um koll og klæðning
sviptist af veginum að hluta. Sam-
kvæmt upplýsingum frá Vegagerð-
inni var tjón hennar þó minnihátt-
ar.
Innandyra fram undir hádegi
Páll Elísson, formaður svæðis-
stjórnar Landsbjargar á Austur-
landi, var ásamt fleiri björgunar-
sveitarmönnum kallaður út um
klukkan tvö í fyrrinótt til að að-
stoða björgunarmenn á Seyðisfirði.
Segir hann að þegar mest var hafi
68 manns unnið að björgunarstörf-
um í bænum enda hafi ástandið
verið alvarlegt. Það hafi verið lán í
óláni að götur og vegir voru nán-
ast auð en Páll segir að hefði verið
hálka á veginum yfir Fjarðarheiði
hefði björgunarlið ekki komist þá
leið.
Hættuástandi í bænum var af-
lýst klukkan sex en almannavarna-
nefnd beindi þeim tilmælum til
fólks að halda sig innandyra fram
að hádegi en þá hafði veðrið að
mestu gengið niður. Björgunar-
sveitarmenn frá Seyðisfirði, Reyð-
arfirði, Héraði og Jökuldal og
fleiri héldu áfram störfum og var
unnið fram á kvöld við að gera við
þök og koma böndum yfir brak
sem var að finna á víð og dreif um
bæinn. Starfsmenn bæjarins unnu
einnig ötullega að hreinsunarstörf-
um.
Viðlagatrygging bætir ekki fok-
tjón. Ekki er búið að leggja mat á
heildartjón og segist Lárus
Bjarnason sýslumaður óvíst að það
verði gert. Hann reiknar þó með
því að tjónið nemi tugum milljóna
króna. Einar Guðmundsson, for-
varnafulltrúi hjá Sjóvá-Almennum
segir að tjón líkt og það sem varð
á einbýlishúsum á Seyðisfirði í
fyrrinótt sé bætt, hafi húseignend-
ur keypt fasteignatryggingu. Tjón
á kaskó-tryggðum bílum er einnig
bætt.
Íbúðarhús léku á reiðiskjálfi í fárviðri á Seyðisfirði í fyrrinótt
Milljónatjón varð í stór-
hættulegum vindhviðum
Morgunblaðið/Pétur Kristjánsson
Þessi bílskúr hvarf í heilu lagi í óveðrinu. Eftir standa nokkrir munir sem geymdir voru í skúrnum.
MJÖG hvasst var á skíðasvæðinu í
Hlíðarfjalli ofan Akureyrar í fyrra-
kvöld og -nótt. Slíkur var ofsinn að
vindmælirinn, sem staðsettur var ut-
an á skíðahótelinu, rifnaði af húsinu.
Mælirinn var tengdur við tölvu og
mesti vindhraði sem hann sýndi áður
en hann hvarf eftir klukkan níu í
fyrrakvöld var rúmir 54 metrar á
sekúndu, að sögn Guðmundar Karls
Jónssonar forstöðumanns Skíða-
staða.
Hann sagði að hviðurnar í suð-
vestanáttinni gætu oft orðið ansi öfl-
ugar í fjallinu og að ótrúlegustu hlut-
ir hefðu færst til í látunum. Verst
væri þó að nánast allur snjór væri
horfinn úr fjallinu og skíðasvæðið því
lokað. Annar vindmælir er í Strýtu
og sagði Guðmundur Karl að vind-
hraðinn þar hefði farið í 96 hnúta,
eða í um 50 metra á sekúndu.
Veðurguðirnir hafa ekki verið
skíðamönnum hliðhollir að undan-
förnu en Guðmundur Karl sagðist
ekki vera farinn að örvænta.
„Menn hafa talað um að þetta sé
svipað veðurfar og árið 1975 en þá
fór líka allt á kaf í marsmánuði. Mun
snjómagnið á Akureyri hafa verið
svo mikið að lána þurfti snjótroðar-
ann til sjúkraflutninga niður í bæ,“
sagði Guðmundur Karl.
Vindmælir-
inn rifnaði
af húsinu
HRÍÐARBYLUR á Austurströnd
Bandaríkjanna var orsök þess að
Flugleiðir felldu niður flug til Balti-
more og Boston í Bandaríkjunum,
sem fara átti frá Keflavík síðdegis í
gær. Jafnframt var flugi frá þessum
borgum til Íslands í gærnótt aflýst.
Þó var flogið til Minneapolis sam-
kvæmt áætlun.
Í fréttatilkynningu frá Flugleiðum
segir að um 150 farþegar hafi verið
bókaðir í flugið til Boston og um 100 í
flugið til Baltimore. Flestir farþeg-
anna voru erlendir og var þeim út-
veguð gisting á hótelum í nótt, að því
er fram kemur í tilkynningunni.
Jafnframt kemur fram að gert sé
ráð fyrir því að farþegarnir komist
til þessara tveggja borga samkvæmt
áætlun sídegis í dag.
Flug til Balti-
more og Boston
féll niður
♦ ♦ ♦
FULLTRÚAR Sæferða sem sjá
um rekstur Breiðafjarðarferjunnar
Baldurs hafa kannað möguleika á
kaupum á helmingi stærri ferju
frá Noregi sem myndi leysa Bald-
ur af hólmi. Fulltrúar Sæferða
fóru utan til Noregs í nóvember og
skoðuðu þá ferjuna sem hefur ver-
ið notuð til ferjusiglinga, m.a. í
N-Noregi, fram á mitt síðasta ár.
Ferjan, sem er smíðuð í lok átt-
unda áratugarins, tekur 300 far-
þega og á bilinu 60-90 fólksbíla.
Hún er 80 metrar á lengd, eða
helmingi lengri en núverandi
Breiðafjarðarferja sem var smíðuð
1990 og tekur tæplega 200 farþega
og 20 fólksbíla.
Að sögn Péturs Ágústssonar, út-
gerðarstjóra Sæferða, er skipið í
mjög góðu ástandi en skipta þarf
um bógskrúfu í því til að það nýt-
ist í siglingar hér við land auk
þess sem það þarfnast minniháttar
viðhalds. Að sögn Péturs er áætl-
aður kostnaður við kaupin með
breytingum 100-150 m. kr. Ekki er
búið að gera tilboð í skipið né
semja um breytingar á því en Pét-
ur reiknar með að endurbætur á
því taki einn mánuð. Hann reiknar
með að fé sem fengist með sölu á
Baldri myndi að mestu ganga upp
í kaupin en einnig eru uppi hug-
myndir um að Sæferðir kaupi nýja
skipið.
Hugmyndir forsvarsmanna Sæ-
ferða miðast við að hægt verði að
taka skipið í gagnið í byrjun júní á
þessu ári.
Endurskoðun á samningi
Í nýlegri skýrslu nefndar um
samgöngur yfir Breiðafjörð er
m.a. lagt til að samgönguráðherra
feli Vegagerðinni að kanna strax
grundvöll fyrir mögulegri endur-
skoðun á núverandi samningi
hennar og Sæferða hf. um rekstur
Baldurs, með það að markmiði að
rekstraraðilinn leggi til
hentugra skip og leigi Vegagerð-
inni. Reynist svo vera mögulegt er
lagt til að hafnar verði samninga-
viðræður við Sæferðir hf.
Að sögn Jóhanns Guðmundsson-
ar, skrifstofustjóra á skrifstofu
flutninga og samgönguáætlana hjá
samgönguráðuneytinu, er vinnu-
hópur nú að störfum við að skoða
hvort þessar hugmyndir séu raun-
hæfar og með hvaða hætti unnt sé
að útfæra þær. Er niðurstöðu að
vænta á næstu dögum eða vikum.
Kanna kaup á
ferju frá Noregi