Morgunblaðið - 19.02.2003, Blaðsíða 6

FRÉTTIR
6 MIÐVIKUDAGUR 19. FEBRÚAR 2003 MORGUNBLAÐIÐ
ORKUVEITA Reykjavíkur hyggst
flýta framkvæmdum fyrir um 1.200–
1.700 milljónir króna svo megin-
þungi þeirra verði á þessu ári og því
næsta í stað áranna 2005–2006. Al-
freð Þorsteinsson, stjórnarformaður
Orkuveitu Reyjavíkur, segir að
Reykjavíkurborg og fyrirtæki henn-
ar muni í heild flýta framkvæmdum
fyrir um þrjá milljarða króna. Þetta
sé gert vegna hinna miklu fram-
kvæmda sem fyrirhugaðar eru
vegna byggingar Kárahnjúkavirkj-
unar og einnig með tilliti til atvinnu-
ástandsins. Stjórn OR mun í næstu
viku ákveða hvort ráðist verður í
þessar flýtiframkvæmdir og segist
Alfreð ekki eiga von á öðru en það
verði samþykkt.
Varmaframleiðsla
á Nesjavöllum aukin
Alfreð segir að fyrir dyrum standi
að flýta framkvæmdum á Nesjavöll-
um við aukningu raforkuvinnslunn-
ar úr 90 MW í 120 MW, sem fáist
með því að bæta fjórðu vélasam-
stæðunni við. „Það hangir saman við
útvegun á raforku til Norðuráls sem
Landsvirkjun, Hitaveita Suðurnesja
og Orkuveitan ætla að útvega raf-
magn til,“ segir Alfreð.
Einnig verði varmaframleiðslan
aukin úr 200 í 300MW, en þá verði
hún fullnýtt. Vegna stækkunar
varmaversins og fjórðu vélasam-
stæðunnar megi flýta framkvæmd-
um í gufuveitu og byggingarfram-
kvæmdum fyrir tæpar 300 milljónir
króna. Þá sé hægt að flýta borfram-
kvæmdum á Nesjavöllum á þessu
ári fyrir um 220 til 250 milljónir
króna. Alfreð segir að ákveðnum
áföngum við aukningu raforku-
vinnslunnar verði flýtt, lokadagsetn-
ingu hafi ekki verið breytt og því
standi enn til að framleiðslan aukist
árið 2005.
Þá geti OR flýtt ýmsum verkefn-
um í dreifikerfi og endurnýjunar-
verkum fyrir á bilinu 200–400 millj-
ónir króna sem og flýtt verkum við
vatnsból, lághitaborholur, tanka og
fleira fyrir 400–600 milljónir króna.
Stendur sömuleiðis til að flýta út-
breiðslu ljósleiðaranets Orkuveit-
unnar til Akraness sem kostar um
50 milljónir.
Tvöfalt fleiri sumarstörf
Tvöfalt fleiri unglingar verða
ráðnir til starfa í sumar hjá Orku-
veitunni en áður stóð til, samþykki
stjórn OR flýtiframkvæmdirnar.
Þannig er ætlunin að um 200 ung-
lingar vinni að gróðursetningu og
frágangi á starfssvæði OR í sumar,
en það er á höfuðborgarsvæðinu,
Akranesi og Borgarfirði. Kostnaður
vegna þessa er á bilinu 60–80 millj-
ónir. Þá ætlar OR að ráða á milli 10
og 20 háskólastúdenta í sumar til að
sinna ýmsum rannsóknar- og hönn-
unarverkefnum og er kostnaðurinn
talinn munu nema á milli 10 og 20
milljónum króna.
Á blaðamannafundi í gær, þar
sem þessar tillögur Orkuveitunnar
voru kynntar, sagði Alfreð að
Reykjavíkurborg hefði ákveðið að
flýta vissum framkvæmdum á veg-
um borgarinnar og fyrirtækja í eigu
hennar, með sama hætti og ríkið
hefði þegar gert. Framkvæmdum
væri bæði flýtt vegna atvinnu-
ástandsins og þeirrar þenslu sem
væntanlega yrði í kjölfar fram-
kvæmda við Kárahnjúka. Yrðu flýti-
framkvæmdirnar samþykktar í
stjórn, sem Alfreð gerir ráð fyrir,
yrðu þær fjármagnaðar með lántök-
um, eins og aðrar stórframkvæmdir
fyrirtækisins.
Sagði Alfreð að borgarráð hefði
óskað eftir því við Orkuveituna að
kannað yrði hvaða framkvæmdum
fyrirtækisins væri hægt að flýta. Í
næstu viku yrði kynnt hvaða fram-
kvæmdum á vegum borgarverk-
fræðings yrði hægt að flýta. „Þar
má búast við að menn sjái tillögur
um flýtiframkvæmdir við skóla-
byggingar, íþróttamannvirki, gatna-
framkvæmdir, þjónustuíbúðirfyrir
aldraðra, í húsnæðismálum og ým-
islegt fleira,“ sagði Alfreð.
Verkefni sem koma sér vel
Guðmundur Þóroddsson, forstjóri
Orkuveitu Reykjavíkur, sagði að
fyrirtækið myndi ekki ráða fleiri
starfsmenn vegna flýtiframkvæmd-
anna, fyrir utan sumarstarfsfólkið,
verkefnin yrðu fyrst og fremst unn-
in af verktökum og hönnunarfyrir-
tækjum. „Þetta eru útboðsverkefni
sem kalla á mannskap annars staðar
frá. Þetta eru verkefni sem eiga eft-
ir að koma sér mjög vel; þessar 300
milljónir á Nesjavöllum eru til dæm-
is að uppistöðu til járnsmíðavinna
og við vitum það hér að það er af-
skaplega lítið að gera hjá smiðum
núna, það er slæmt ástand. Sama er
með þessi verkefni hér innanbæjar.
Þetta eru verkefni sem almennir
verktakar fara í, t.d. pípuvinna, en
það er mjög dapurt ástand á þeim
markaði,“ sagði Guðmundur. Frum-
undirbúningur vegna útboða á þess-
um framkvæmdum er hafinn, að
sögn Guðmundar, en samþykki
stjórn að ráðast í þessar fram-
kvæmdir verða verkefnin boðin út á
næstu mánuðum. Meginhluti þeirra
verður framkvæmdur á vor-, sumar-
og haustmánuðum þessa árs. Sagð-
ist Guðmundur gera ráð fyrir að
Orkuveitunni yrði hagur að því að
flýta framkvæmdunum þótt það
hefði ákveðinn fjármagnskostnað í
för með sér þar sem verktakar byðu
lágt í framkvæmdir um þessar
mundir. „Við höfum séð mjög hag-
stæð tilboð síðustu mánuði eða í
kringum 80% af kostnaðaráætlun,“
segir Guðmundur.
OR flýtir framkvæmdum
fyrir 1.200–1.700 milljónir
Morgunblaðið/Kristinn
Alfreð Þorsteinsson og Guðmundur Þóroddsson kynntu á blaðamannafundi í gær hvaða framkvæmdum Orkuveit-
an geti flýtt. Meginþungi þeirra mun eiga sér stað í vor, sumar og haust.
Reykjavíkurborg
setur um þrjá
milljarða króna í
flýtiframkvæmdir
NÝLEG samþykkt fræðslu-
ráðs Reykjavíkurborgar um að
samræma vetrarfrí grunnskóla
er brot á kjarasamningum að
mati Félags grunnskólakenn-
ara.
Hefur formaður félagsins,
Finnbogi Sigurðsson, sent
Stefáni Jóni Hafstein, for-
manni fræðsluráðs, bréf þar
sem gerðar eru alvarlegar at-
hugasemdir við samþykkt
fræðsluráðs. Þar segir hann
m.a. að samþykktin sé hreint
og klárt brot á þeim kjara-
samningi sem Reykjavíkur-
borg sé aðili að og gildi fyrir
grunnskólana. Farið er fram á
að fræðsluráðið endurskoði
hug sinn og beini þess í stað
tilmælum til skólanna um
ákveðna samræmingu.
Í bréfinu bendir Finnbogi á
að í kjarasamningi KÍ og
Launanefndar sveitarfélaga sé
samið um ákveðinn sveigjan-
leika í skólastarfi, s.s. við upp-
haf og lok skólaárs og mögu-
leika skóla á töku vetrarfrís. Í
bréfinu segir orðrétt: „Í kjara-
samningi og túlkun hans er í
öllum tilfellum gert ráð fyrir
að það sé hver skóli sem vinn-
ur að og ákveður með hvaða
hætti skólastarf skuli skipu-
lagt, sbr. 31. grein grunn-
skólalaga og spurningar og
svör um kjarasamning fyrir
grunnskóla.“
Í þessum spurningum um
kjarasamning, sem formaður
félagsins vitnar til, er spurt
hvort hverjum skólastjóra sé í
sjálfsvald sett hvort vetrarfrí
verði í skólanum, hvort fríið
þurfi að vera á einhverju
ákveðnu tímabili og hvort
skólastjórinn þurfi að sam-
ræma sig við aðra skóla á
svæðinu. Svarið er eftirfar-
andi: „Vetrarfrí verður að
koma fram á skóladagatali
sem þarfnast staðfestingar
skólanefndar. Fríið getur ver-
ið hvenær sem er á skólaárinu.
Vetrarfrí skóla getur verið háð
samræmingu á milli skóla á
sama svæði.“
Samræmt
vetrarfrí
brot á
samningi
ÁRLEGRI keppni í pokakasti, nýstárlegri
íþróttagrein heimilismanna á sjúkradeildum
Hrafnistu í Hafnarfirði, lauk í gær með sigri
þeirra Guðrúnar Ingvarsdóttur og Páls Guð-
jónssonar. Mikil stemning var meðal áhorf-
enda og ætlaði allt um koll að keyra þegar
keppendur skoruðu sem mest með hárná-
kvæmum köstum. Rúna og Palli hlutu 1.850
stig og hrepptu hinn eftirsótta verðlauna-
bikar að launum.
Sigurvegarinn frá í fyrra, Ágúst Benedikts-
son, átti titil að verja en taldi Rúnu og Palla
vel komin að sigrinum. Ágúst verður 103 ára
11. ágúst og er elsti karlmaður landsins,
fæddur á aldamótaárinu 1900. „Heilsan er
svona sæmileg,“ segir hann og bætir við að
sér hafi verið að skána í maga eftir lasleika.
Ekki segist hann ákveðinn í að taka þátt í
næsta pokakasti þótt keppnin að þessu sinni
hafi verið góð. „Ég fór ekki að stunda íþróttir
fyrr en ég varð hundrað,“ segir hann. „Ég
náði samt góðum tökum á pokakastinu, en var
illa upplagður núna. Ég held að það sé ágætt
að skiptast á með sigurinn og svo held ég að
keppnin hafi góð áhrif á félagsandann.“
Pokakastið gengur þannig fyrir sig að
keppandi tekur sér 400 gramma grjónasekk í
hönd og kastar honum í átt að hringum á
gólfinu. Hringirnir gefa mismunandi mörg
stig eftir því í hve mikilli fjarlægð þeir eru
frá keppanda. Um 60 heimilismenn á Hrafn-
istu stunda pokakastið auk fleiri íþrótta.
„Maður er bara farinn að safna gulli
hérna,“ segir Páll Guðjónsson sigurvegari og
er hinn brattasti, en hann vann einnig
kringlukastkeppni á Hrafnistu fyrir skömmu.
Hann ætti að þekkja til íþróttanna, stundaði
knattspyrnu á yngri árum og var einn stofn-
enda Hauka í Hafnarfirði árið 1931. „Svona
mót eru afar spennandi og hvetja menn til
þess að gera betur, enda alltaf hægt að bæta
sig,“ segir hann. Rúna segir ekki skipta
mestu máli að vinna, heldur sé þátttakan sjálf
mikilvægust. „Mér finnst það vera mikils
virði. Þessi mót eru ákaflega jákvæð,“ segir
hún.
Nýir bikarmeistarar í pokakasti
Morgunblaðið/Halldór Kolbeins
Páll Guðjónsson og Guðrún Ingvarsdóttir, ný-
krýndir meistarar, að lokinni drengilegri keppni.
Ágúst Benediktsson, elsti karlmaður landsins og
fyrrum bikarhafi í pokakasti, sýnir góð tilþrif.
Á FUNDI þingmanna Sam-
fylkingarinnar með norska
Verkamannaflokknum um
Evrópumál, sem haldinn var í
Ósló um síðustu helgi, bauð
Össur Skarphéðinsson, for-
maður Samfylkingarinnar,
Jens Stoltenberg, formanni
norska Verkamannaflokksins
og þingmönnum flokksins, til
ráðstefnu á Íslandi um sjáv-
arútvegsmál.
Össur sagði í samtali við
Morgunblaðið að meginefni
ráðstefnunnar verði að fjalla
um hina sameiginlegu fisk-
veiðistefnu ESB og hvaða
áhrif hún hefði á sjávarút-
vegshagmuni Íslands og Nor-
egs ef til aðildar kæmi. „Til-
laga mín var að við myndum
einangra okkur við eitt af
þeim efnum sem hvað mik-
ilvægust væru. Jens tók
þessu mjög vel og sagðist
myndu þekkjast þetta boð hið
fyrsta. Ráðstefnan verður
haldin síðar á þessu ári,“
sagði Össur.
Jens Stoltenberg
kemur til Íslands
Fundar um
sjávarút-
vegsmál