Morgunblaðið - 19.02.2003, Blaðsíða 45

ÍÞRÓTTIR
MORGUNBLAÐIÐ MIÐVIKUDAGUR 19. FEBRÚAR 2003 45
ALEX Ferguson, knatt-
spyrnustjóri Manchester Unit-
ed, sagði á blaðamannafundi í
gær að það væri ekki rétt að
sauma hefði þurft tvö spor í
augabrún Davids Beckhams.
Ferguson sparkaði þá í reiði
sinni í fótboltaskó í búnings-
klefa liðsins, eftir tapið gegn
Arsenal í bikarnum, með þeim
afleiðingum að skórinn þeytt-
ist í andlit Beckhams.
Ferguson lagði áherslu á að
það sem ætti sér stað í bún-
ingsklefa liðsins ætti að öllu
jöfnu ekki erindi útfyrir hann.
Um það ríkti gagnkvæmt
traust á milli hans og leik-
mannanna. „Það þurfti ekki að
sauma Beckham, þetta var
smáskeina sem læknir liðsins
meðhöndlaði. Atvikið var al-
gjört slys, þótt ég reyndi þetta
100 eða milljón sinnum gæti
ég ekki leikið þetta eftir. Ann-
ars væri ég enn að spila sjálf-
ur,“ sagði Ferguson, sem bað
ekki Beckham afsökunar op-
inberlega eins og margir áttu
von á og það hefur gefið frétt-
um enskra fjölmiðla í gær byr
undir báða vængi. Þar var
meðal annars sagt að leik-
menn hefðu þurft að ganga á
milli til að koma í veg fyrir
slagsmál þeirra og að Beck-
ham hefði hrækt á Ferguson.
Beckham
ekki
saumaður

HARRY Kewell, hinn sókndjarfi
leikmaður Leeds, mun missa af
deildarleik við Manchester United 5.
mars., þar sem hann tekur út leik-
bann vegna þess að hann fékk sitt
fimmta gula spjald í leik við Crystal
Palace á sunnudaginn.

GIACINTO Facchetti, liðstjóri hjá
Inter Mílanó og fyrrverandi varnar-
leikmaður liðsins, hefur verið dæmd-
ur í tveggja vikna bann fyrir að ráð-
ast að dómara eftir tapleik Inter
gegn Chievo um sl. helgi, 2:1.

AC Milan hefur boðið fyrirliða sín-
um Paolo Maldini, 34 ára, nýjan eins
árs samning er samningur hans við
liðið rennur út í sumar. Maldini seg-
ist opinn fyrir nýjum samningi.

MATEJA Kezman, 23 ára, hinn
mikli markahrókur Eindhovens,
sem hefur skorað 22 mörk í hol-
lensku 1. deildarkeppninni í vetur,
hefur ákveðið að leika ekki með
landsliði Serbíu og Svartfjallalands
framar, þar sem hann er ekki
ánægður með starf landsliðsþjálfar-
ans Dejan Savicevic og hvernig hann
lætur landsliðið leika.

KEZMAN hefur leikið 27 lands-
leiki og skorað tíu mörk fyrir Júgó-
slavíu, sem lék fyrst undir nafni
Serbíu og Svartfjallalands gegn
Aserbajdsjan í sl. viku á heimavelli í
undankeppni EM, 2:2. Hann var ekki
ánægður með leikstíl liðsins og
ákvað að draga sig í hlé.
FÓLK
ÍSLENSKA landsliðið í skylmingum
með höggsverði vann til gull-
verðlauna á árlegu alþjóðlegu móti í
Svíþjóð um síðustu helgi og er þetta
í annað sinn sem liðið kemur með
gull af þessu móti.
Liðið skipuðu Íslandsmeistarinn
Ragnar Ingi Sigurðsson, Hróar
Hugoson og Andri H. Kristinsson.
Þeir unnu Englendinga 45:32 í und-
anúrslitum og Finna 45:34 í úrslit-
um.
Í einstaklingskeppninni, sem
fram fór daginn áður, náði Ragnar
Ingi bestum árangri íslensku kepp-
endanna, varð í þriðja sæti eftir að
hafa tapað fyrir belgískum skylm-
ingamanna. Hróar varð í 9. sæti,
Andri í því 10. og William Fr. Hunt-
ingdon-Williams í 22. sæti, Haukur
Jónasson í 26. og Þórarinn Sig-
urgeirsson í 30. en 43 keppendur frá
tíu löndum kepptu á mótinu. Þrír
síðasttöldu, unglingalandsliðið,
lentu síðan í 6. sæti í liðakeppninni.
Gullverðlaun í
skylmingum í Svíþjóð
Ragnar Ingi
Það var boðið upp á hörkuleik íVestmannaeyjum í gærkvöldi
þegar Þór Akureyri kom í heim-
sókn í 1. deildar-
keppninni í hand-
knattleik og fagnaði
sigri, 32:31. Gestirn-
ir byrjuðu betur í
leiknum og skoruðu fyrstu þrjú
mörk og héldu forystu fram í mið-
bik hálfleiksins. Þá kom góður kafli
Eyjamanna og þeir náðu þriggja
marka forystu sem þeir héldu til
leikhlés, 16:13.
Eyjamenn höfðu áfram frum-
kvæðið í seinni hálfleiknum og
héldu tveggja til þriggja marka for-
ystu. Gestunum tókst svo að jafna
25:25 þegar um tíu mínútur voru
eftir og voru eftir það alltaf skrefi á
undan Eyjamönnum.
Það gekk mikið á á lokamínútum
leiksins. Þegar tvær mínútur voru
eftir og staðan jöfn 29:29 fengu
Þórsarar mjög umdeilt vítakast og
Robert Bognar var rekinn út af.
Goran Gusic kom Þórsurum yfir úr
vítakastinu og liðin skoruðu svo sitt
markið hvort og þegar rúmar tutt-
ugu sekúndur voru eftir voru Þórs-
arar marki yfir og Eyjamenn með
boltann. Þeir fengu aukakast og á
meðan Þórsarar voru að deila við
dómarann var boltanum kastað út í
hornið á Sindra Ólafsson sem jafn-
aði metin án þess að Þórsarar
hreyfðu sig.
Tíu sekúndur voru nú eftir og
Þórsarar tóku leikhlé. Þórsarar
tóku markvörðinn út af og settu
aukamann í sóknina og glæsileg
sókn þeirra skilaði marki þegar
þrjár sekúndur voru eftir og var
þar að verki Hörður Sigþórsson,
31:32.
Eyjamenn köstuðu boltanum
strax fram á miðju og þar sem eng-
inn var í markinu átti að skjóta
strax en Þórsarar trufluðu send-
ingu fram á miðju og fékk sá leik-
maður tveggja mínútna brottvísun
en Eyjamenn sátu eftir með sárt
ennið. Á meðan dómararnir ráku
leikmanninn útaf gátu gestirnir
stillt upp að nýju og aðeins auka-
kast frá miðju eftir sem ekkert kom
út úr.
Bestur í liði Eyjamanna var línu-
maðurinn Sigþór Friðriksson sem
loks sýndi hvað í honum býr, skor-
aði sjö mörk og virkaði mjög örugg-
ur í sínum færum. Hjá gestunum
bar frábær innkoma Goran Gusic í
seinni hálfleik af, en hann varð
markahæsti leikmaður liðsins og
spilaði aðeins í þrjátíu mínútur.
Hann fór oft illa með varnarmenn
Eyjamanna og hélt Þórsurum á
floti um tíma í síðari hálfleik. Mark-
verðir Þórsara stóðu sig einnig vel,
Hörður Flóki var með þrettán varin
og Hafþór Einarsson átta.
Naumur sigur Þórs
Sigursveinn
Þórðarson
skrifar
ir Stjörnuleikinn um daginn byrjuðu
svokallaðir körfuknattleikssérfræð-
ingar að mikla möguleika meistar-
anna, en tveir tapleikir á heimavelli
um helgina sýndu að það verður ekki
svo auðvelt.
Shaquille O’Neal er enn of þungur
og stóratáin er enn að meiða hann.
Kobe Bryant er með bólgu í báðum
hnjám og getur ekki endalaust hald-
ið liðinu gangandi. Aðrir leikmenn
geta ekki skorað, svo ekki er augljóst
hvernig liðið á að geta slegið San
Antonio, Dallas og Sacramento út í
úrslitakeppninni. Það mun einfald-
lega ekki gerast nema að stórbreyt-
ingar verði á leik liðsins á næstunni.
Líklegra er að eitt af þessum þremur
liðum muni standa uppi sem sigur-
vegari í sumar.
Fjölgun erlendra leikmanna
hefði bætt NBA-deildina
Sports Illustrated, víðlesnasta
íþróttatímaritið hér í landi, gerði ný-
lega skoðanakönnun á viðhorfum til
NBA-deildarinnar.
Þrátt fyrir að nokkuð hafi dregið
úr áhuga almennings á deildinni,
voru úrslit könnunarinnar ekki svo
slæmar fyrir deildina. Flestum
fannst að nýjasta kynslóð leikmanna
hefði ekki eins mikla persónutöfra
og fyrri kynslóðir. Auk þess fannst
mörgum að leikmenn hefðu meiri
áhuga á að þéna mikla peninga í stað
þess að vinna leiki. Á móti kom að
meirihluti svarenda taldi að fjölgun
erlendra leikmanna hefði bætt deild-
ina og gert hana áhugaverðari en
annars. Í raun er staða deildarinnar
miðað við aðrar atvinnudeildir nokk-
uð góð og virðist framtíðin björt ef
marka má gæði margra leikja und-
anfarið.
AP
Michael Jordan, Washington Wizards, sækir hér að körfu Los Angeles Clippers og skorar án þess
að Corey Maggette og Elton Brand komi vörnum við.
Keppt verður í flokki 30 ára og eldri og flokki 40 ára og
eldri. Hvert félag má senda fleiri en eitt lið til keppni.
Fyrirhugaður leiktími er 2 x 10 mínútur.
Spilað verður á hálfum velli í 8 manna liðum á stór mörk.
Verðlaun verða veitt fyrir 1., 2. og 3. sæti í báðum
flokkum.
Þátttökugjald er 20.000 kr. á hvert lið.
Þátttökutilkynning verður að hafa borist
fyrir 25. febrúar 2003.
Nánari upplýsingar og skráning í síma 564 1990
eða á netfangi villi@breidablik.is.
Fífumót
í eldri flokki karla
2003 í Fífunni
dagana 8. - 9. mars