Morgunblaðið - 19.02.2003, Blaðsíða 53

MORGUNBLAÐIÐ MIÐVIKUDAGUR 19. FEBRÚAR 2003 53
ÁLFABAKKI
Lokabaráttan er hafin!
KRINGLAN
EINNIG SÝND Í LÚXUS VIP Í ÁLFABAKKA KL. 5.50, 8 OG 10.15. B. I. 16.
KVIKMYNDIR.IS
/
ÁLFABAKKI / KRINGLAN / AKUREYRI / KEFLAVÍK
Sýnd kl. 5.45, 8 og 10.15. B.i. 10 ára.
ÁLFABAKKI / AKUREYRI
ÁLFABAKKI
Sýnd kl. 4, 6 og 8.
ÁLFABAKKI
Sýnd kl. 4 og 6. Ísl. tal.
Sýnd kl. 6, 8 og 10. B. i. 14. / Sýnd kl. 8 og 10.
ÁLFABAKKI / KEFLAVÍK
KRINGLAN
Sýnd kl. 5. enskt tal
Sýnd kl. 8.
KRINGLUNNI
Sýnd kl. 8 og 10.15.
Sýnd kl. 3.45, 5.50, 8 og 10.15. / Sýnd kl. 4.45, 6.50, 9 og 10.15. / Sýnd kl. 6, 8 og 10. / Sýnd kl. 8 og 10.
Sýnd kl. 4 og 6. Sýnd kl. 6.
HJ MBL
ÞAÐ er margt og mikið á seyði hjá
framleiðslufyrirtækinu íslenska
Saga Film. Þannig hefur fyrirtækið
og einn leikstjóri þess, Lárus Jóns-
son, vakið töluverða athygli í hinum
alþjóðlega auglýsingaheimi fyrir
auglýsingu sem unnin var fyrir
slóvenska dekkjaframleiðandann
Sava Tires.
Auglýsingin er um vetrardekk
Sava, Eskimo S3, og skartar m.a.
forláta kafbáti, eskimóa og hrika-
legri vetrarauðn.
Auglýsingin var þannig tilnefnd á
Eurobest-verðlaunahátíðinni, vann
Pýramídann á EPICA-hátíðinni,
fékk silfurverðlaun á alþjóða aug-
lýsingahátíðinni í Moskvu og var til-
nefnd á alþjóða auglýsingahátíðinni
í London. Auglýsingin var tekin
upp hér á Fróni í ágúst í fyrra.
Annar innanhússleikstjóri hjá
Saga Film, Árni Þór Jónsson – sem
fékk á dögunum íslensku tónlist-
arverðlaunin fyrir myndband
Singapore Sling við lagið „Listen“ –
var þá tilnefndur á dögunum í hinu
virta fagtímariti auglýsingageir-
ans, Boards, sem einn af athyglis-
verðustu leikstjórum í auglýs-
ingaheiminum í dag. Árni Þór er nú
nýkominn frá Moskvu þar sem hann
vann að auglýsingu fyrir rússneska
bjórfyrirtækið 3 Knights og svaraði
góðfúslega nokkrum spurningum.
Bretland og Holland
Árni er vígreifur eftir góða ferð
til Rússlands, segir hana hafa verið
skemmtilega en auglýsingarnar eru
tvær og þrjátíu sekúndna langar.
„Þetta er í fyrsta skipti sem þetta
fyrirtæki fer í einhverja alvöru her-
ferð. Myndin er nett miðaldarleg
með íshokkíívafi, þar sem fyr-
irtækið ætlar að tengja inn á vænt-
anlegt heimsmeistaramót. Þá leik-
um við okkur með þessa þrjá
riddara en slagorðið er: „Saman er-
um við sterkir“. Miðaldapæling-
arnar ganga einnig og út frá bar-
áttu Rússa við krossfara í fyrndinni
en í rússneskri sögu eru krossfarar
„ljótu kallarnir“.“
Tímaritið Boards er kanadískt og
er eitt virtasta fagtímarit auglýs-
ingaheimsins. Því er dreift um allan
heim og sérstaklega hefur það
mikla vigt vestan hafs.
„Blaðið birtir árlega lista yfir þá
þrjátíu manns sem það telur vera
heitasta í auglýsingaheiminum í
dag,“ útskýrir Árni og því ljóst að
þetta er frekar stórt mál, enda er
Árni þegar farin að fá upphring-
ingar frá stórum auglýsingastofum,
frá Bretlandi og Hollandi m.a.
„Árið hefur farið mjög vel af stað
hjá mér. Það er nóg að gera fram-
undan heima og erlendis og ég hef í
raun ekki undan.“
Tilbúinn
Árni játar því að innra með hon-
um bærast draumar um kvikmynd í
fullri lengd en hann segist passa sig
á því að vera þolinmóður.
„Ég vil ekki fara út í slíkt fyrr en
ég er orðinn tilbúinn. Mér hefur oft
fundist ungir leikstjórar flaska á
því að ráðast of snemma í kvik-
myndagerð. Ég vil vera orðinn
nógu þroskaður og vil alls ekki flýta
mér að þessu.“ Hvað Saga Film
varðar, almennt, segir Árni að
verðlaunin sem greint var frá í byrj-
un séu vissulega fjöður í hattinn.
„Svona hlutir peppa okkur upp
og áfram. Það er búið að byggja
fyrirtækið upp á um 25 árum, sam-
bönd erlendis eru sterk og leik-
stjóralistinn okkar er góður. Fyr-
irtækið getur í raun ekki stækkað
hérna heima þar sem markaðurinn
er ekki stærri. Við lítum því til út-
landa því þar eru möguleikarnir.“
Morgunblaðið/Árni Sæberg
Árið hefur farið vel af stað hjá Árna Þór Jónssyni auglýsingaleikstjóra og
hann er að drukkna í verkefnum um þessar mundir. Árni í góðum félagsskap, austur í Moskvu.
Slóvensk dekk og
rússneskur bjór
Atriði úr verðlaunaauglýsingu Lárusar.
arnart@mbl.is
Auglýsingagerð Saga Film vekur athygli ytra
MARGIR þekkja Carl Hiaasen
fyrir mergjaðar glæpasögur sem ger-
ast allar í Flórída, nefna má Double
Whammy, Sick Puppy, Skin Tight,
sem varð að kvikmynd, og Strip
Tease. Hiaasen er mikill spaugari en
undir niðri kraumar djúp alvara þar
sem hann dregur
sundur og saman í
háði nýríka og sí-
gráðuga athafna-
menn sem láta auð-
inn alltaf njóta
vafans þegar nátt-
úruvernd er annars
vegar og eru á
góðri leið með að
gera Flórída að steinsteypu- og stál-
paradís í stað náttúrufegurðarinnar
sem menn voru upprunalega að sækj-
ast eftir. Það kemur því ekki á óvart
að Hoot, fyrsta barnasaga Hiaasens,
snúist öðrum þræði um náttúruvernd
þó að ekki sé verið að troða henni ofan
í lesendur eins og margra náttúruvina
er siður. Fyrir vikið er bókin
skemmtilesning með beinskeyttum
boðskap, barnabók af bestu gerð.
Hoot segir frá Roy Eberhardt sem
er sífellt að flytja vegna starfs föður
hans sem starfar hjá hinu opinbera, í
mikilli ábyrgðarstöðu þó að aldrei sé
fyllilega ljóst við hvað hann vinnur.
Roy er því orðinn býsna sjóaður í því
að eiga við nýja skóla og nýja skóla-
félaga, sérstaklega kann hann vel á
hrekkjusvín en aðalóþokkinn í nýja
skólanum, Trace-miðskólanum í Coco-
nut Grove í Flórída, er svo siðblindur
að illt er við að eiga. Hann eignast
óvæntan bandamann í Beatrice, há-
vaxinni og þrekvaxinni stúlku sem
buffar hrekkjusvín þegar sá gállinn er
á henni, og einnig kemst hann í tæri
við dularfullan flökkudreng. Inn í allt
saman blandast svo pönnukökukeðja
sem ætlar að reisa nýjan pönnuköku-
stað á lóð þar sem búa smávaxnar
jarðuglur. Roy ákveður að leggja þeim
lið sem bjarga vilja uglunum og lendir
í ýmsum ævintýrum.
Hiaasen er frægur fyrir ævintýra-
legan söguþráð, mergjaða kímni og
ríkan boðskap. Persónusköpun hans
er annáluð og víst eru margar persón-
ur úr glæpasögum hans minnisstæð-
ar löngu eftir að lestri bókarinnar er
lokið, í því svipar honum óneitanlega
nokkuð til Toms Sharpes hins breska,
ef einhver man þá eftir honum lengur.
Í Hoot fer Hiaasen aftur á móti
hvergi yfir strikið, er skemmtilegur
án þess að vera klúr eða groddalegur.
Beinskeyttur
boðskapur
Hoot, unglingabók eftir Carl Hiaasen.
276 síðna kilja sem Macmillan gefur út
2002. Kostar 2.275 kr. í Máli og menn-
ingu en er einnig til innbundin í Penn-
anum-Eymundssyni.
Árni Matthíasson
Forvitnilegar bækur
EDUARDO Sanchez Junco, eigandi
tímaritsins Hello, bað í gær lögfræð-
ing leikkonunnar
Catherine Zeta-
Jones að flytja henni
afsökunarbeiðni sína
vegna þeirra sárinda
sem birting tímaritsins
á ósamþykktum mynd-
um úr brúðkaupi henn-
ar og Michael Douglas hefði valdið
henni. Þá sagði Junco leikarahjónin
hafa gert allt of mikið úr myndbirt-
ingunni en Douglas og Zeta-Jones
kærðu tímaritið fyrir birtingu mynd-
anna og kröfðu það um milljón doll-
ara skaðabætur.
Junco andmælti því jafnframt við
réttarhöldin í dag að myndirnar
hefðu skaðað ímynd brúðhjónanna og
sagði að þær hefðu ekki verið birtar í
tímaritinu hefðu þær sýnt þau í óhag-
stæðu ljósi. Catherine Zeta-Jones
sagði m.a. við réttarhöldin í síðustu
viku að það hefði skaðað ímynd henn-
ar hvernig hún leit út á myndunum
og að það hefði eyðilagt minningar
hennar frá brúðkaupsdeginum
…Íþróttakryddið Melanie C er sögð
hafa aftekið að fara í hljómleikaferð
með Kryddpíunum
Victoriu (Fína krydd-
innu), Emmu (Barna-
kryddinu), Geri (Engi-
fer-kryddinu) og Mel
B (Ógnarkryddinu) en
stúlkunum munu hafa
verið boðnir sex millj-
arðar íslenskra króna fyrir að fara í
slíka ferð. Píurnar, sem hafa ekki hist
allar saman í rúm fimm ár, hittust í
„Beckinghamhöll“, heimili Victoriu
og Davids Beckham í fyrrakvöld og
er Mel B sögð hafa farið fyrst heim
úr boðinu eða um klukkan 11:45. Geri
hætti í Kryddpíunum árið 1998 og
fljótlega eftir það lognaðist sveitin út
af. Melanie C hefur síðan fengið við-
urnefnið Hæfileika kryddið á sama
tíma og aðrir meðlimir hljómsveit-
arinnar hafa átt erfitt uppdráttar
sem sólólistamenn.
FÓLK Ífréttum