Morgunblaðið - 02.03.2003, Page 8

FRÉTTIR
8 SUNNUDAGUR 2. MARS 2003 MORGUNBLAÐIÐ
Ísland
Verð frá
3.900 kr.*
1 dagur
Innifalið: 100 km, kaskó og skattur.
Alicante
Verð frá
14.819 kr.*
7 dagar
Innifalið: Ótakmarkaður akstur,
áfylling af bensíni, kaskó, ábyrgðar-
trygging, aukabílstjóri, skattur
og flugvallargjald.
Minneapolis
Verð frá
20.168 kr.*
7 dagar
Innifalið: Ótakmarkaður akstur, kaskó,
þjófavörn, skattur og flugvallargjald.
Ætlarðu til Mombasa,
út á Dalvík, til New Orleans
eða upp á Brávallagötu?
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
ER
2
01
96
0
2/
20
03
Sími: . . . . . . . . . . . . . . . . 5050 600
Fax: . . . . . . . . . . . . . . . . 5050 650
Netfang: hertz@hertz.is
*Gildistími verðs er 01.04. - 30.09. 2003 nema í Minneapolis 01.04. - 14.07. 2003.
Svona, Össi minn, hættu nú þessu gelti og leggstu niður, það vita allir að þú ert formaður
flokksins og allt það.
Stangaveiðisýning í Perlunni
Leyndardóm-
arnir kynntir
HAFINN er undir-búningur að um-fangsmikilli
stangaveiðisýningu sem
verður í Perlunni um mán-
aðamót apríl og maí. Sýn-
ingarstjóri er Stefán Á.
Magnússon og má segja að
hann hafi komið að slíku
sýningarhaldi áður, því
þetta er sjöunda stanga-
veiðisýningin sem hann
stendur að og hafa þær
flestar verið í Perlunni.
– Það má segja að þú
sért þessu ekki óvanur?
„Það er alveg rétt, þetta
verður sjöunda stanga-
veiðisýningin sem ég hef
staðið fyrir. Ég fór af stað
með þær þegar ég var
markaðsstjóri í Perlunni á
sínum tíma og fyrstu fjórar
sýningarnar voru þar. Síðan
skildu leiðir og ég hélt sýningar
bæði á Hótel Sögu og í Kvik-
myndaverinu Óskari á bökkum
Úlfarsár. Nú hefur Perlan aftur
orðið fyrir valinu fyrir næstu sýn-
ingu þannig að segja má að ég sé
kominn aftur á minn gamla heima-
völl. Það eru þrjú ár síðan að ég
stóð síðast fyrir stangaveiðisýn-
ingu.“
– Er það hæfilegur tími milli
sýninga?
„Tvö til þrjú ár er hæfilegur
tími. Það eru mjög örar tæknibylt-
ingar í veiðibúnaði og allt sem
tengist þessum stangaveiðiheimi
er breytingum háð. Með 2–3 ára
bili tryggir maður að nóg sé komið
af nýmeti til að standa undir sýn-
ingu af þessu tagi.“
– Hvað geturðu helst sagt okk-
ur um eðli svona sýningar?
„Öllum þeim sem tengjast
stangaveiðiíþróttinni verður boðin
þátttaka, þ.e. stangaveiðifélögum,
veiðiréttareigendum, verslunum,
umboðsaðilum að veiðivarningi og
ökutækjum og þeim er framleiða
afurðir með lax og silung. Auk
þess hef ég íhugað að bæta sjó-
stangaveiði við að þessu sinni.
Sýnendur leigja pláss undir sýn-
ingarbása og eru greiðar göngu-
leiðir um svæðið. Í rúmgóðum sal-
arkynnum í kjallara Perlunnar er
síðan aðstaða til ráðstefna, funda
og myndasýninga. Slíkar uppá-
komur hafa verið snar þáttur í
stangaveiðisýningum mínum í
gegnum tíðina og svo verður
áfram.
Þá vil ég geta þess að utandyra
verða einnig uppákomur og að-
staða. Þar verður t.d. 180 fer-
metra tjörn þar sem menn munu
geta stundað kastæfingar, fengið
kastkennslu auk þess sem þeir
sem kynna stangir innandyra geta
farið út með viðskiptavinum sínum
og leyft þeim að prófa flugustang-
ir við tjörnina. Það er ekki sama
tilfinningin og að prófa slíkan grip
á þurru.“
– Verða þetta sölubásar?
„Öll sala er heimil á sýningar-
svæðinu og hafa margir nýtt sér
það í gegnum tíðina með góðum
árangri.“
– Hvað býstu við
mikilli aðsókn?
„Ég vona bara að það
komi sem flestir eins og
gefur að skilja. Stanga-
veiði er gríðarlega vin-
sæl íþrótt á Íslandi og fer þátttak-
endafjöldinn vaxandi með hverju
árinu sem líður. Þegar best hefur
látið á fyrri sýningum mínum hef
ég náð milli 17 og 20 þúsund gest-
um á sýningu á þremur dögum.
Mestur hefur gestafjöldinn verið
þegar sýnt hefur verið í Perlunni
þannig að ég vonast til að fá a.m.k.
þennan fjölda að þessu sinni.“
– Verður þú með einhverjar
sérstakar áherslur á þessari sýn-
ingu?
„Ein megináherslan er alltaf
hin sama, þ.e.a.s. að gera gestum
og sýnendum eins vel til geðs og
frekast er kostur, enda snýst þetta
um að kynna fyrir mönnum leynd-
ardóma veiðimennskunnar. Að
þessu sinni mun ég auk þess huga
meira að byrjendum en venjulega
og alveg sérstaklega að börnum
og unglingum.
Áhugi minn fyrir barna- og ung-
lingastarfi á sér langa sögu. Fyrir
um tuttugu árum var ég að veiða í
Stekknum í Norðurá með gömlum
góðum vini mínum, Stanley Wil-
son C.B.E, og þá kom þar kona
með hóp barna og spurði hvort
þau mættu tylla sér í hlíðina og
fylgjast með. Það var velkomið og
börnin voru svo áhugasöm að Wil-
son gamli sagði mér að hafa þarna
sérstaka sýnikennslu og leyfa
börnunum að meðhöndla stöng-
ina. Þarna fengu þessi börn sína
fyrstu snertingu við stangaveiðina
í boði þessa heiðursmanns og
sjálfur hafði ég svo gaman af
þessu að ég hef lagt mig eftir því æ
síðan að huga að fræðslumálum
fyrir börn og unglinga, stofnsetti
m.a. barna- og unglingastarf
SVFR og veitti því forstöðu í mörg
ár. Ég ætla að reyna að láta þau
njóta sín sem best á
sýningunni.“
– Hvernig þá?
„Á ýmsan hátt. Það
er allt í athugun og mun
koma í ljós. Að sýningu
lokinni mun ég síðan athuga hvort
einhver hagnaður hefur orðið og
ef svo reynist þá er það ætlun mín
að nota eitthvað af þeim peningum
í stofnfé fyrir styrktarsjóð sem
miðar að því að greiða fyrir
stangaveiðiiðkun meðal barna
sem eiga annaðhvort við bágar
heimilisaðstæður að etja eða eru
þroskaheft. Það hefur lengi verið
draumur minn.“
Stefán Á. Magnússon
 Stefán Á. Magnússon fæddist á
Akureyri 15. júní 1950. Nam við
Kennaraháskóla Íslands og
stundaði nám í verslunarrekstri
og markaðsfræðum í Bandaríkj-
unum. Starfaði víða vestra, m.a.
hjá Western International Hotels
í Seattle, General Motors og
Honeywell í Kaliforníu, auk þess
að sýna föt, m.a. í tímaritinu
Vogue. Var markaðsstjóri Penn-
ington Ltd fyrir Norðurlönd og
markaðsstjóri hjá G.Helgason og
Melsteð og Perlunnar. Er nú
sjálfstætt starfandi við almanna-
tengsl, sýningarhald og ráð-
gjafaþjónustu. Hefur og verið
leiðsögumaður erlendra og inn-
lendra stangaveiðimanna um 30
ára skeið og sat lengi í stjórn
SVFR og var þar m.a. sæmdur
heiðursmerki SVFR.
… hef ég náð
17 til 20 þús-
und gestum
UMBOÐSMAÐUR Alþingis telur að
Útlendingaeftirlitið, nú Útlendinga-
stofnun, og dómsmálaráðuneytið
hefðu ekki farið að stjórnsýslulögum
er umsókn útlendrar konu um vega-
bréfsáritun til þriggja mánaða dvalar
hér á landi var synjað sumarið 2001.
Hugðist hún heimsækja unnusta sinn,
búsettan hér á landi. Ráðuneytið ger-
ir ekki athugasemdir við álitið og
bendir á að lög um málefni útlendinga
hafi breyst frá því að þetta mál kom
upp. Samkvæmt breyttum lögum hafi
Útlendingastofnun tekið til starfa um
síðustu áramót í stað Útlendingaeft-
irlitsins og málsmeðferðarreglur allar
orðnar ítarlegri en áður.
Úrskurður ráðuneytisins, um að
staðfesta synjun Útlendingaeftirlits-
ins, var í fyrsta lagi byggður á því að
tilgangur ferðar konunnar hingað til
lands hefði ekki verið trúverðugur.
Þau hefðu t.d. kynnst erlendis aðeins
þremur mánuðum áður. Í öðru lagi
hefði konan ekki sýnt fram á að hún
ætti nægt fé sér til framfærslu meðan
á dvöl hennar á Íslandi stóð. Unnust-
inn hafði ráðgert að bjóða henni gist-
ingu og fæði en konan var þá atvinnu-
laus í heimalandi sínu, sem ekki er
gefið upp í álitinu hvert er.
Meðal þess sem Útlendingaeftirlit-
ið studdist við í synjun sinni var að
sænskt sendiráð í heimalandi kon-
unnar hafði ekki mælt með því að hún
fengi vegabréfsáritun.
Umboðsmaður telur að Útlend-
ingaeftirlitið hafi ekki veitt konunni
leiðbeiningar um sönnun þess að um-
sækjandi um vegabréfsáritun gæti
séð fyrir sér meðan á fyrirhugaðri
dvöl stæði. Þá virðist sem stofnunin
hafi ekki gengið eftir því að parið
legði fram gögn sem sýndu að konan
fullnægði kröfum íslenskra reglna.
Samkvæmt þessu er það niðurstaða
umboðsmanns að málsmeðferð stofn-
unarinnar hafi ekki verið í samræmi
við ákvæði stjórnsýslulaga. Þá telur
umboðsmaður að rökstuðningur í úr-
skurði dómsmálaráðuneytisins í mál-
inu geti ekki talist fullnægjandi.
Stefán Eiríksson, skrifstofustjóri í
dómsmálaráðuneytinu, segir að ráðu-
neytið geri engar athugasemdir við
álit umboðsmanns. Það byggist í raun
á ákvæðum eldri laga og reglna og
fram komi að ráðuneytið hafi gripið til
ákveðinna aðgerða. Þannig hafi í bréfi
til Útlendingastofnunar nýlega verið
brýnt fyrir henni að efla upplýsinga-
og leiðbeiningarhlutverk sitt og einn-
ig séu komnar inn sérstakar máls-
meðferðarreglur í reglugerð um mál-
efni útlendinga sem tók gildi í janúar
sl. Stefán segir ráðuneytið geta tekið
undir með umboðsmanni um að úr-
skurður þess hafi mátt vera ítarlegri.
„Við lítum samt svo á að ráðuneytið
og Útlendingastofnun séu nú þegar
búin að bregðast við öllu því sem um-
boðsmaður gerir athugasemdir við.“
Útlendingaeftirlit og
ráðuneyti sniðgengu lög
SVARTOLÍAN, sem uppgötvaðist
við Ósland við Höfn í Hornafirði á
föstudaginn, kom úr leiðslum í gömlu
loðnubræðslunni í Óslandi, að sögn
Helga Más Pálssonar, bæjartækni-
fræðings á Höfn.
Helgi segist áætla að alls hafi farið
um 100 lítrar af olíunni í sjóinn. „Það
er búið að hindra að lekinn haldi
áfram og nú er verið að leita að leka í
þessum gömlu lögnum til að laga þá
skemmd.“ Hann segir hreinsunarað-
gerðir þegar hafnar í fjörunni þar
sem olíunni er mokað upp og telur
ekki að mengunin hafi haft mikil áhrif
á lífríkið í kring. „Ég veit t.d. ekki til
þess að æðarfugl eða annar fugl hafi
farið í þetta. Það er austanátt þannig
að þetta er á takmörkuðu svæði og
dreifist ekki þannig að það lítur sem
betur fer ekki út fyrir að þetta verði
neitt stórslys,“ segir Helgi Már.
Olíumengun
frá loðnu-
bræðslunni