Morgunblaðið - 22.03.2003, Blaðsíða 29

LISTIR
MORGUNBLAÐIÐ LAUGARDAGUR 22. MARS 2003 29
Ráðstefna um vistunarmat
á Hótel Loftleiðum
mánudaginn 24. mars 2003
kl. 8:30 – 15:00
Dagskrá
1. kl. 8:30 Skráning
2. kl. 9:00 Ávarp Jóns Kristjánssonar, heilbrigðis- og tryggingamálaráðherra
3. kl. 9:15 Vilborg Hauksdóttir, deildarstjóri í heilbrigðis- og
tryggingamálaráðuneytinu, fjallar um lög um málefni
aldraðra og reglugerð um vistunarmat.
4. kl. 9:40 Pálmi V. Jónsson, öldrunarlæknir, talar fyrir hönd
eftirlitsnefndar með vistunarmati aldraðra.
10:15 – 10:40 KAFFIHLÉ.
5. kl. 10:45 Oddur Ingimarsson, læknanemi, greinir frá reynslu af notkun
vistunarmats í Reykjavík síðastliðin tíu ár.
6. kl. 11:20 Oddný Vestmann, umsjónarmaður vistunarmats í heilbrigðis-
og tryggingamálaráðuneytinu, fjallar um skráningu
og úrvinnslu gagna.
12:00 – 13:00 MATUR
7. kl. 13:00 Svana Helen Björnsdóttir, Bjarni Þór Björnsson og
Hjörleifur Pálsson, starfsmenn verkfræði- og tölvuþjónustunnar
Stika, segja frá rafvæðingu vistunarmats á landsvísu, fjalla
um persónuvernd, uppbyggingu netkerfisins
og notkun vistunarmatsforritsins.
8. kl. 14:35 Umræður.
9. kl. 15:00 Ráðstefnuslit.
Ráðstefnustjórar: Hrafn Pálsson og Þórdís Lóa Þórhallsdóttir.
Ráðstefnan er ætluð öllum, sem koma að vistunarmati aldraðra.
Aðgangur er ókeypis.
HARMONIKKAN hefur frá því að
Friederich Buschmann smíðaði
fyrstu nikkuna, árið 1822, verið að-
allega tengd flutningi danstónlistar.
Það sem fyrrum háði hljóðfærinu var
tónskipanin í bassanum, sem byggð
var upp á staðlaðri hljómaskipan,
þannig að möguleikarnir í að útfæra
frjálst tónferli á bassaborðið voru
mjög takmarkaðir. Þessi hljómaskip-
an var hugsuð til að auðvelda áhuga-
fólki að leika hljóma undir einfalda
danstónlist en hafði þau áhrif að önn-
ur tónskáld en þau, sem sérstaklega
sömdu fyrir harmonikku, höfðu ekki
áhuga á að nota hljóðfærið í flutningi
alvarlegrar tónlistar. Nútíma kons-
ertharmonikka er hins vegar með allt
aðra skipan á bassaborðinu, svo að
harmonikkan hefur í æ ríkara mæli
átt greiða leið upp á konsertsviðið,
enda í raun skemmtilegt og sérlega
tæknilipurt hljóðfæri., er býr auk
þess yfir töluvert margbreytilegum
blæbrigðum.
Harmonikkutónleikar Tatu Kant-
omaa í salnum sl. miðvikudagskvöld
voru einstök upplifun, því hann er frá-
bær „tekniker“, leikur auk þess mjög
fallega, af músikalskri innlifun og
með sérlega fínlegum hætti, ólíkt því
sem oft gat að heyra leikið á þetta
hljóðfæri. Tónleikarnir hófust á sér-
lega fallegum fimm þáttum eftir
Eikko Ahvenainen, sem voru ótrúlega
fallega mótaðir. Þá var leikur Kant-
omaa í Fantango-þætti eftir Jukka
Tiensuu skemmtilega mótaður og í
verki eftir Bent Lorentzen, sem nefn-
ist Tár, sem var nútímalegasta verk
tónleikanna, var allt meistaralega vel
mótað, Næturstemmningar eftir
Ahvenainen og fantasía eftir Jürgen
Ganzer voru flutt með sömu for-
merkjum og fyrri verkin, af ein-
stökum fínleik.
Eftir hlé voru flutt skemmtileg sex
smáverk byggð á dönsum eftir
finnskan 18. aldar fiðlara, í mjög mót-
aðri útfærslu eftir Einojuhani Rauta-
waara, þar sem blæbrigði hljóðfær-
isins voru frábærlega mótuð í
glæsilegum leik Kantomaa. Síðari
hluti efnisskrár var byggður á til-
brigðum, völsum og frjálslegri dans-
tónlist, þar sem Kantomaa sýndi ýmis
leiknibrögð og tónmótunartækni sína
til hins ýtrasta, svo að ljóst má vera,
að hann er frábær listamaður, bæði er
varðar nútímalegar útfærslur, hefð-
bundinn tæknileik á harmonikku og
ekki síst fyrir sérlega fallega mótaðan
leik með alls konar blæbrigði.
Fallega mótaður leikur
TÓNLIST
Salurinn
Finnski harmonikkuleikarinn Tatu Kant-
omaa flutti aðallega norræna harm-
onikkutónlist. Miðvikudagurinn 19.
mars, 2003.
HARMONIKKULEIKUR
Tatu Kantomaa.
Jón Ásgeirsson
FRUMSÝNINGARGESTUM og
gagnrýnendum ber saman um að
Theódór Júlíusson hafi unnið leik-
sigur í hlutverki Púntila bónda í
Borgarleikhúsinu á fimmtudags-
kvöld. Svo skemmtilega vildi til að
Róbert Arnfinnsson var á sýning-
unni en hann lék hlutverk Púntila
við ekki síðri viðtökur í Þjóðleikhús-
inu fyrir 35 árum og hlaut Silf-
urlampann, viðurkenningu leik-
húsgagnrýnenda, fyrir túlkun sína
á Púntila bónda og Tevje mjólk-
urpósti í Fiðlaranum á þakinu leik-
árið 1968–1969.
Róbert fagnaði Theódór innilega
í lok sýningarinnar og kvað margt
hafa rifjast upp fyrir sér við að
horfa á sýninguna nú rúmum 30 ár-
um síðar.
„Það var gaman að sjá þetta. Ég
mundi nú ekki textann nema að
sáralitlu leyti. Þetta var gjörólík
uppsetning því leikstjórinn á sínum
tíma var þýskur, Wolfgang Pinszka
að nafni, sem starfaði með Berliner
Ensemble og til stóð að hann setti
þetta upp í anda Brechts en við fór-
um pínulítið út fyrir þann ramma og
það var líklega það sem bjargaði
okkur frá stórslysi!“ segir Róbert
og hlær. „Mér þótti vænt um að
Theódór skyldi fá þetta hlutverk,
hann gerði þetta mjög vel og sótti
stöðugt í sig veðrið eftir því sem leið
á sýninguna.“
Aðspurður um hvernig honum
hefði liðið að lokinni frumsýningu
sagði Theódór að sér liði afskaplega
vel. „Fólkið tók sýningunni vel og
ég fann vel fyrir salnum og allir
voru með á nótunum. Það var svo
auðvitað toppurinn á tilverunni að
fá Róbert á bakvið. Mér þótti óskap-
lega vænt um það og það var mér
mjög mikils virði því hann hefur
alltaf verið minn uppáhaldsleikari
og ég hef alltaf litið upp til hans sem
listamanns og reynt að læra af hon-
um. Ég sá hann leika Tevje og Pún-
tila í Þjóðleikhúsinu og síðar lék ég
hlutverk Tevje á Akureyri og nú er
ég að leika Púntila. Ég var loks svo
lánsamur að leika á móti Róbert
fyrir nokkrum árum í leikritinu
Kaffi á Litla sviði Þjóðleikhússins
og við urðum miklir félagar í þeirri
sýningu,“ segir Theódór Júlíusson.
Hafa báðir leikið
Púntila og Tevje
Morgunblaðið/Árni Sæberg
Róbert Arnfinnsson samfagnaði Theódór Júlíussyni í sýningarlok.
Á afmælissýningunni er til sýnis margt persónulegra muna Kjarvals sem
tengdust lífi hans og starfi.
30 ára
vígsluaf-
mæli Kjar-
valsstaða
KJARVALSSTAÐIR voru form-
lega vígðir 24. mars árið 1973 og
eru því þrjátíu ár frá vígslunni. Af
því tilefni býður Listasafn Reykja-
víkur borgarbúum og öðrum vel-
unnurum safnsins til veislu í dag,
sunnudag, frá kl. 13–17, þar sem
boðið verður upp á veitingar í anda
Kjarvals og fjölbreytta dagskrá fyr-
ir alla fjölskylduna. Fram koma
m.a. Gunni og Felix, Barna- og
unglingakór Grafarvogskirkju,
Gunnar Eyjólfsson leikari og Davíð
Þór Jónsson píanóleikari. Auk þess
verður boðið upp á leiki af ýmsu
tagi fyrir börn og gestaþrautir fyrir
alla fjölskylduna sem tengjast Kjar-
valsstöðum og myndlistarsýningun-
um þar. Að venju verða Kjarvals-
staðir opnaðir kl. 10 að morgni
sunnudagsins en formleg dagskrá
hefst kl. 13.
Kirkjuhvolur, Garðabæ kl. 20 List-
dagar barna og ungmenna lýkur
með tónleikum. Jón Svavar Jós-
efsson syngur íslensk sönglög og óp-
eruaríur, m.a. eftir Mozart ogVerdi.
Agnes Löve leikur undir á píanó.
Eva Guðný Þórarinsdóttir fiðluleik-
ari flytur fiðlusónötu í e-moll eftir
Edward Elgar, tvö verk eftir Fritz
Kreislar og Pieceen forme de hab-
anera eftir Maurice Ravel. Undir-
leikari á píanó er Anna Guðný Guð-
mundsdóttir.
Í DAG

Sjá einnig Staður og stund á mbl.is
STÓRSVEIT Reykjavíkur heldur
tónleika í Kaffileikhúsinu í kvöld,
sunnudagskvöldið kl. 20 með
bandaríska saxófónleikaranum og
hljómsveitarstjóranum Andrew
D’angelo.
Hann er í hópi helstu tónlistar-
manna svokallaðrar „downtown“
New York klíku.
„Andrew D’angelo er afar til-
raunaglaður og uppátækjasamur og
aldrei að vita við hverju má búast
af honum,“ segir Sigurður Flosason
einn meðlima sveitarinnar.
„M.a. kann það að koma mörgum
sem til mannsins þekkja á óvart að
hann skrifi yfir höfuð tónlist fyrir
stórsveitir, en eitt verkið á efnis-
skránni er skrifað fyrir vasaljós.“
Andrew D’Angelo hefur unnið með
hljómsveitum á borð við Human
Feel (ásamt undratrommaranum
Jim Black), Matt Wilson kvartettin-
um og hljómsveit Reid Anderson.
Auk þess stýrir hann sinni eigin
hljómsveit, Morthana, og er eft-
irsóttur til námskeiðahalds í Evr-
ópu, Bandaríkjunum og Ástralíu,
ekki síst vegna ferskrar og óvenju-
legrar aðkomu sinnar að tónlistinni.
„Kaffileikhúsið er einn uppáhalds
tónleikastaður Stórsveitarinnar,
einkum vegna hljómburðarins í
þessu sögufræga timburhúsi og
mikillar nálægðar við áhorfendur
og er það von okkar að sem flestir
sjái sér fært að mæta og upplifa
þessa forvitnilegu tónlist með okk-
ur,“ segir Sigurður.
Morgunblaðið/Sverrir
Stórsveit Reykjavíkur ásamt Andrew D’angelo.
Tónverk fyrir vasaljós fyrir stórsveit