Morgunblaðið - 28.03.2003, Blaðsíða 4

FRÉTTIR
4 FÖSTUDAGUR 28. MARS 2003 MORGUNBLAÐIÐ
EGGERT Ágúst Sverrisson, fram-
kvæmdastjóri einstaklingstrygg-
ingasviðs hjá VÍS, tekur ekki undir
það sem fram kemur í fyrirsögn
Morgunblaðsins í gær að skaðabóta-
lög hafi ekki hækkað ökutækja-
tryggingar. Héldu talsmenn trygg-
ingafélaganna fram því gagnstæða í
Morgunblaðinu á miðvikudaginn.
Áður hafði komið fram að ábyrgð-
artryggingar ökutækja hafa tvöfald-
ast í verði á undanförnum sex árum.
Eggert segir misskilning að tengja
hækkun iðgjalda við vísitölu neyslu-
verðs líkt og gert var í frétt Morg-
unblaðsins. Miða eigi hana frekar við
launavísitölu sem hafi hækkað mun
meira en vísitala neysluverðs eða um
tæp 60% á þessu tímabili.
„Rósmundur Guðnason, deildar-
stjóri hjá Hagstofu Íslands, er ekki
að segja að skaðabótalögin hafi ekki
hækkað ökutækjatryggingar,“ segir
Eggert um frétt blaðsins í gær og út-
skýrir frekar: „Árið 1999 er mismun-
andi hækkun [iðgjalda] hjá trygg-
ingafélögunum en flest voru að
hækka um 37–41%. Menn átta sig
ekki á að Hagstofan segir að við út-
reikning vísitölunnar af þessari
hækkun sé hluti hennar gæðabreyt-
ing í hækkuninni vegna þess að með
breytingu á skaðabótalögum séu
neytendur að fá viðbótargæði. Það
er mat Hagstofunnar. Þess vegna
mælist það ekki inni í vísitölu trygg-
inga hjá Hagstofunni nema að hluta
þó að iðgjöldin hafi hækkað.“
Tjónabætur vegna líkamstjóna
byggjast á launum
Eggert segir það rugla marga að
iðgjöld í ábyrgðartryggingum öku-
tækja breytist ekki miðað við breyt-
ingar á neysluverðsvísitölu heldur
við breytingar á vísitölu ökutækja-
trygginga. Þessar vísitölur taki m.a.
mið af breytingu á launavísitölunni
en ekki vísitölu neysluverðs.
„Stærsti hluti í greiðslu á tjóna-
bótum vegna líkamstjóna byggjast á
launum viðkomandi en samkvæmt
skaðabótalögunum ber að verð-
tryggja þau miðað við launavísitölu.
Bætur vegna t.d. þjáninga- og miska
taka hins vegar mið af breytingu á
neysluverðsvísitölunni.“ Þetta segir
Eggert skýra af hverju iðgjöld hafi
hækkað mun meira en vísitala
neysluverðs segi til um. „Launavísi-
talan hefur hækkað meira en vísitala
neysluverðs eins og þegar hefur
komið fram. Það er skýringin. Gróft
mat mitt er að einhvers staðar milli
50–60% hækkun verður vegna verð-
lagsbreytinga og 40–50% vegna
taxtahækkunar á tryggingum. Enn-
fremur má benda á að í mars 1997
voru iðgjöld í lægri kantinum miðað
við undanfarin ár og m.a. lækkuðu
iðgjöldin rúmlega 20% haustið
1996.“
Iðgjöld tengd við
launavísitölu
FÉLAGSBÚSTAÐIR hf. í
Reykjavík hafa nú keypt 50
íbúðir af þeim 150 íbúðum, sem
ákveðið hefur verið að kaupa á
árinu.
Stjórn Félagsbústaða ákvað
árið 1999 að kaupa 100 íbúðir á
ári. Það ár voru keyptar 96
íbúðir en síðan hafa 100 íbúðir
bæst við á ári. Um nýliðin ára-
mót var 881 umsækjandi á bið-
lista eftir félagslegri íbúð frá
Félagsbústöðum og í samræmi
við flýtiframkvæmdir var
ákveðið að kaupa 150 íbúðir í
ár, 100 íbúðir 2004, en 75 íbúðir
2005 og jafnmargar 2006.
Sigurður Friðriksson, fram-
kvæmdastjóri Félagsbústaða,
segir að það sem af sé árinu sé
búið að kaupa 50 íbúðir. Verið
sé að byggja fjölbýlishús við
Þórðarsveig 1–5, þar sem verði
50 tveggja herbergja þjónustu-
íbúðir fyrir aldraða og fatlaða
og verði þær afhentar seinni
partinn í júlí. 16 þessara íbúða
hafi verið keyptar í fyrra en 34 í
ár en auk þess hafi 16 íbúðir
verið keyptar á þessu ári, þar af
tvær í gær.
Að sögn Sigurðar er mesta
áherslan lögð á að kaupa
tveggja herbergja íbúðir enda
sé mest spurn eftir þeim eða
um tveir þriðju hlutar biðlist-
ans, en því miður sé afskaplega
lítið af þessari stærð á mark-
aðnum. Með byggingunni við
Þórðarsveig sé því verið að
koma til móts við þörfina.
Hafa
keypt 50
íbúðir
á árinu
KAUPÞING banki hf. átti frum-
kvæðið að því að óska eftir viðræðum
við bankaráð Búnaðarbanka Íslands
hf. um samvinnu eða sameiningu
bankanna.
Í tilkynningu frá Búnaðarbankan-
um kemur fram að bankanum hafi
borist bréf frá Kaupþingi banka,
dagsett 25. mars síðastliðinn, þar
sem óskað er eftir viðræðum milli
stjórnar Kaupþings banka og banka-
ráðs Búnaðarbanka Íslands um nán-
ara samstarf, sameiningu eða sam-
runa bankanna. Segist bankaráð
Búnaðarbankans hafa fjallað um bréf
Kaupþings banka í gær og ákveðið að
hefja viðræður við Kaupþing banka.
Sterkir bankar hvor á sínu sviði
Hjörleifur Jakobsson, formaður
bankaráðs Búnaðarbanka Íslands
hf., segir það vera mjög áhugavert
verkefni að skoða hugsanlegt sam-
starf bankans og Kaupþings banka.
Hann segir að bankarnir séu báðir
sterkir, hvor á sínu sviði. Sameinaður
banki geti veitt viðskiptavinum sín-
um betri þjónustu jafnframt því sem
hann yrði vel í stakk búinn til frekari
sóknar innanlands sem utan.
Viðræður milli bankanna hefjast
að sögn Hjörleifs strax í næstu viku.
Hann segir að menn komi ágætlega
undirbúnir til viðræðna. Ýmsir
möguleikar í sambandi við hugsan-
legt samstarf banka hér á landi hafi
verið skoðaðir. Hann reikni því með
að aðilar verði fljótir að finna út
hvernig hlutirnir liggi í þessum efn-
um.
Aðspurður segir Hjörleifur að Vá-
tryggingafélag Íslands, VÍS, hafi
ekki komið til tals í sambandi við
hugsanlegt samstarf Búnaðarbank-
ans og Kaupþings banka.
Bankar sem falla
ágætlega saman
Sigurður Einarsson, stjórnarfor-
maður Kaupþings banka hf., segist
lítast ágætlega á hugsanlegt sam-
starf bankans og Búnaðarbankans.
Hann segir að í fljótu bragði virðist
þessir tveir bankar falla ágætlega
saman. Búnaðarbankinn sé mest
með hefðbundna bankastarfsemi
sem og fjárfestingarbankaarm, sem
sé að gera nokkurn veginn það sama
og Kaupþing banki. Það eigi hins
vegar eftir að koma í ljós hvort kom-
ist verði að niðurstöðu og því sé of
snemmt að segja nokkuð frekar um
fyrirhugaðar viðræður.
Að sögn Sigurðar eru báðir aðilar
sammála um að reyna að láta viðræð-
ur taka sem stystan tíma. Hægt sé að
gera ráð fyrir nokkrum vikum þó
ekki sé unnt að gefa ákveðin tíma-
mörk.
Kemur á óvart
Íslandsbanki keypti í gær 155
milljónir króna að nafnverði í Bún-
aðarbankanum. Eignarhlutur Ís-
landsbanka í Búnaðarbankanum er
nú 7,85% en var áður 4,99%.
Bjarni Ármannsson, forstjóri Ís-
landsbanka, segir að bankinn líti á
Búnaðarbankann sem góðan fjár-
festingarkost og hafi verið að auka
hlut sinn í honum á undanförnum
vikum.
Það hefur ekki farið leynt að Ís-
landsbanki hefur haft hug á að sam-
einast Búnaðarbankanum og óskaði
m.a. eftir því að taka þátt í einkavæð-
ingu hans síðastliðið sumar.
Að sögn Bjarna var það stefna rík-
isstjórnarinnar á þeim tíma að fjár-
málafyrirtæki tækju ekki þátt í
einkavæðingarferli viðskiptabank-
anna. Hann segir það hins vegar ekki
koma á óvart að viðræður um sam-
einingu á fjármálamarkaði séu hafn-
ar nú enda hafi það verið vitað að
hagræðingarferli fjármálafyrirtækj-
anna myndi hefjast eftir einkavæð-
ingu Búnaðarbanka og Landsbank-
ans. „Það kemur hins vegar á óvart
að bankaráð Búnaðarbankans hafi
kosið að ræða við Kaupþing þar sem
fyrirfram mætti ætla að hægt væri
að ná meiri samlegðaráhrifum ann-
ars staðar með hagsmuni hluthafa í
huga,“ segir Bjarni.
Aðspurður segist hann þar eiga við
Íslandsbanka og Landsbanka.
Spurður um hvort sameining Ís-
landsbanka og Búnaðarbanka gæti
orðið vegna samkeppnissjónarmiða
segir Bjarni að ekki sé hægt að full-
yrða neitt í þeim efnum öðruvísi en
að láta á það reyna.
Meiri samlegð af samruna
viðskiptabanka
Halldór J. Kristjánsson, banka-
stjóri Landsbanka Íslands, segir að
ekki komi á óvart að viðræður um
samruna á fjármálamarkaði hefjist
eftir að einkavæðingu bankanna
lauk. Það sé eitthvað sem allir hafi
búist við. Hann segir að samrunaferli
sé hafið annars staðar á Norðurlönd-
um eftir niðursveiflu síðustu tveggja
ára. Þar séu að verða til stórar ein-
ingar innan fjármálageirans og við-
horf samkeppnisyfirvalda á Norður-
löndum sé að breytast í að heimila
stærri einingar.
„Það sem þó kemur á óvart er að
ferlið hefjist með viðræðum um sam-
einingarkost sem, samkvæmt alþjóð-
legri reynslu, ekki skilar mestri og
öruggastri samlegð á markaði, þ.e.
að viðræður hefjist milli viðskipta-
banka og fjárfestingarbanka. Mark-
aðurinn hefði líklega frekar átt von á
að fyrst hefði verið freistað að ná
fram samruna tveggja almennra við-
skiptabanka sem skilar mun meiri
samlegðaráhrifum. Það er vel þekkt
innlend og alþjóðleg reynsla að sam-
legðaráhrif af samruna tveggja við-
skiptabanka sem starfa á sama
markaði og reka sambærilega þjón-
ustu skilar 12-15% kostnaðarlækkun
af samanlögum rekstrarkostnaði.
Samruni fjárfestingarbanka, eins og
Kaupþing er, og viðskiptabanka skil-
ar ekki nema 6-8% kostnaðarlækk-
un,“ segir Halldór.
Viðræður að hefjast um sameiningu Kaupþings og Búnaðarbankans
Frumkvæði að viðræðun-
um kom frá Kaupþingi
Morgunblaðið/Sigurður Jökull
Morgunblaðið/Árni Sæberg
DEYFÐ á bandarískum ferðamark-
aði sem rekja má til stríðsátakanna
í Írak varð til þess að Flugleiðir
ákváðu að fresta því að hefja áætl-
unarflug til og frá New York um
rúmlega þrjár vikur, að sögn Guð-
jóns Arngrímssonar, upplýsinga-
fulltrúa félagsins. Flugið átti að
hefjast 14. mars en hefst þess í stað
7. apríl. Guðjón segir að þessi deyfð
hafi verið yfir ferðamarkaði í
Bandaríkjunum um nokkra hríð og
óvíst hvenær hann taki við sér. Fé-
lagið bregðist við með því að herða
róðurinn í sölu- og markaðsstarfi.
Sumarið líti vel út en meiri óvissa
ríki um sölu í vor.
Guðjón segir að áætlunarflugið
sem hefst 7. apríl verði sams konar
og átti að hefjast 14. mars. Engin
áform séu um að breyta þeirri áætl-
un sem ákveðin var í fyrrahaust.
Aðspurður segir hann ómögulegt að
spá fyrir um hvenær lifna muni yfir
ferðamarkaði í Bandaríkjunum eða
hvaða aðstæður þurfi til þess. Þar í
landi virðist almenningur vera
smeykari við ferðalög en Evrópubú-
ar. Guðjón segir viðbúið að í upphafi
stríðsátaka fyllist fólk óhug og fé-
laginu hafa borist fyrirspurnir um
hvort öllu sé óhætt á áfangastað og
sumir hafa frestað för sinni. Að
nokkrum dögum liðnum skynji
flestir að stríðið hafi engin sérstök
áhrif á daglegt líf þeirra, viðhorfið
breytist og fljótlega líði þessi ótti
hjá. Guðjón segir því að engin áform
séu um frekari breytingar hjá Flug-
leiðum vegna stríðsins í Írak. Stríði
virðist fyrst og fremst hafa áhrif á
flugið milli Evrópu og Bandaríkj-
anna. Bókanir í ferðir til Íslands í
sumar séu ágætar og íslenski mark-
aðurinn hafi verið líflegur.
New York-
flugi frest-
að vegna
Íraksstríðs