Morgunblaðið - 28.03.2003, Blaðsíða 12
FRÉTTIR
12 FÖSTUDAGUR 28. MARS 2003 MORGUNBLAÐIÐ
NANCY Myklebost, sendiherrafrú
Noregs á Íslandi á árunum 1965–
1968, er látin. Hún andaðist í Osló
mánudaginn 24. mars sl.
Eiginmaður Nancyar var Tor
Myklebost sendiherra. Þau hjón
voru vel þekkt og virt í íslensku sam-
félagi á sjöunda áratugnum. Þau
eignuðust þrjú börn sem öll eru
starfandi blaðamenn í Osló, Nils, f.
1948, Terje, f. 1950, og Tone, f. 1954.
Útför Nancyar fer fram fimmtu-
daginn 3. apríl nk.
Andlát
NANCY
MYKLE-
BOST
SAMRÆMD próf til stúdentsprófs
verða haldin í fyrsta skipti í fram-
haldsskólum landsins á næsta ári.
Samkvæmt reglugerðarbreytingu
menntamálaráðuneytisins frá 18.
mars hefur verið tekin upp þessi
nýjung í skólastarfi á framhalds-
skólastiginu. Verða því haldin
samræmd próf í einni grein, í ís-
lensku, í maí 2004 og tvö sam-
ræmd próf í maí 2005.
Íslenskuprófið á næsta ári er
valkvætt, en nemendum verður
skylt að taka bæði samræmdu
prófin árið 2005. Það ár verður
boðið upp samræmd próf í ís-
lensku, ensku og stærðfræði og
ráða nemendur hvaða tvær grein-
ar þeir taka.
Tómas Ingi Olrich mennta-
málaráðherra kynnti breyting-
arnar á blaðamannafundi í gær og
sagði að verið væri að koma til
móts við ábendingar sem hann
fékk hjá Félagi framhalds-
skólanema og Félagi framhalds-
skólakennara. „Ábendingarnar
lutu allar að framkvæmd máls-
ins,“ sagði hann. „Það var óskað
eftir því að prófin yrðu tvö og við
höfum fallist á það. Síðan var ósk-
að eftir vandaðri kynningu á próf-
unum sjálfum og framkvæmdinni.
Þess vegna var farið fram á það
að framkvæmd prófanna yrði
frestað og við urðum líka við
þessari ábendingu. Fyrstu prófin
verða árið 2004 og verða val-
kvæð, en síðan hefjast samræmdu
prófin árið 2005 sem skylda fyrir
framhaldsskólanemendur.“
Í haust mun Námsgagnastofnun
halda kynningar- og umræðu-
fundi um prófin í öllum fram-
haldsskólum, þar sem fjallað
verður um uppbyggingu og inni-
hald þeirra, svo og framkvæmd
og tilgang. Á fundunum verða
einnig sýnd sýnishorn af sam-
ræmdu stúdentsprófunum.
Tilgangur með prófunum er í
fyrsta lagi að veita nemendum og
viðkomandi skóla upplýsingar um
námsárangur og námsstöðu nem-
enda í samræmdu námsgrein-
unum. Í öðru lagi að veita við-
tökuskólum upplýsingar um
námsstöðu einstakra nemenda og
gera viðmið fyrir inntöku í ein-
stakar deildir á háskólastigi. Í
þriðja lagi að veita fræðslu-
yfirvöldum upplýsingar um náms-
árangur m.a. eftir framhalds-
skólum og hvort markmiðum
aðalnámsskrár hafi verið náð.
Fram kom á fundinum hjá
fulltrúum Félags framhalds-
skólanema og Félags íslenskra
framhaldsskólakennara, að
ánægja væri með fyrirhuguð sam-
ræmd próf.
Morgunblaðið/Golli
Samkvæmt reglugerðarbreytingu, sem Tómas Ingi Olrich menntamálaráð-
herra kynnti í gær, stendur nemendum til boða að taka samræmt stúdents-
próf í íslensku næsta vor, en 2005 verður skylda að taka tvö samræmd próf.
Hægt að taka
samræmd próf í
íslensku 2004
Nýjungar boðaðar í skólastarfi
á framhaldsskólastiginu
NEFND samgönguráðherra sem
fjallaði um öflun viðbótarfjár til reið-
vega hefur lagt til að aukið fjármagn
til uppbyggingar og viðhalds reið-
vega komi m.a. frá gjaldeyristekjum.
Sturla Böðvarsson kynnti tillögur
nefndarinnar á blaðamannafundi í
Íþróttasambandi Íslands í gær. Um
137 milljónum hefur verið varið til
uppbyggingar reiðvega síðan árið
1999.
Nefndin leggur til að hálft prósent
af áætluðum gjaldeyristekjum Ís-
lendinga af hestatengdri ferðaþjón-
ustu fari til reiðvega. Áætlað er að
framlag þetta nemi um 38 milljónum
króna á ári, næstu fjögur árin. Sturla
sagði 20% erlendra ferðamanna nýta
sér þjónustu þeirra fyrirtækja sem
gera út hesta. Hann sagði þá þjón-
ustu nú orðna umtalsverða atvinnu-
grein. Hann sagði ennfremur að sú
uppbygging sem þegar hefur átt sér
stað á reiðvegum sé farin að skila ár-
angri.
Nefndin leggur einnig fram þá til-
lögu að skattur verði lagður á eig-
endur reiðhesta. Lagt er til að eig-
endur hrossa, fjögurra vetra eða
eldri, greiði ákveðið gjald árlega sem
færi til viðhalds og uppbyggingar
reiðvega. Gjald þetta yrði lagt á í
fyrsta lagi eftir fjögur ár.
„Reiðvegirnir eru mjög mikilvæg-
ir, annars vegar vegna þess að þeir
færa reiðumferð frá aðalumferðar-
æðum þjóðveganna og hins vegar
eru reiðvegir sem liggja inn á há-
lendið mjög mikilvægir svo hægt sé
að halda uppi þeirri þjónustu sem
þar er. Bættir reiðvegir eru forsenda
fyrir því að við getum aukið þjónustu
við ferðamenn í þessum hestatengda
ferðaiðnaði,“ sagði Sturla.
Sturla sagði það hafa komið sér
nokkuð á óvart að ein tillagan hefði
verið að skattleggja reiðhesta en í
nefndinni sat fulltrúi frá Landssam-
bandi hestamannafélaga.
„Það verður að ná samkomulagi
við Landssamband hestamanna-
félaga um það. Ef hestamenn eru til-
búnir að leggja fram fjármuni með
þessum hætti teljum við það vera af
hinu góða. Ríkisvaldið mun ekki
leggja til sérstaka skattlagningu. Ef
hestamenn vilja taka þá ákvörðun, er
það af hinu góða,“ sagði Sturla.
Farið verður yfir tillögurnar á
næstunni og verða þær hugsanlega
lagðar fyrir fyrir afgreiðslu fjárlaga
næsta haust.
„Við vitum ekki á þessu stigi hvort
aukið fjármagn verður veitt í reið-
vegi. Ég tel að það séu allar líkur á
því miðað við þessar tillögur, að það
verði hægt að leggja meiri fjármuni
fram ef samkomulag næst um það
við hestamenn, en þetta eru þeirra
tillögur,“ sagði Sturla.
Hluti gjaldeyristekna
fari í gerð reiðvega
Morgunblaðið/Jim Smart
Sturla Böðvarsson samgönguráðherra kynnti í gær tillögur um reiðvegi.
Hæstiréttur féllst á það að ákvörðun stjórnar
félagsins hefði verið ólögmæt jafnframt því sem
ákvörðun byggingarfulltrúans í Reykjavík, sem
var órjúfanlega háð gildi fyrstnefndu ákvörð-
unarinnar, væri ógild. Þar sem lögmætur fé-
lagsfundur Rekstrarfélags Kringlunnar hafði
hins vegar samþykkt hina umdeildu ákvörðun
stjórnarinnar eftir uppsögu héraðsdóms var tal-
ið að fyrirtækin hefðu ekki lengur lögvarða
hagsmuni af því að krafa þeirra um rúllustig-
arnir yrðu settir upp aftur upp næði fram að
ganga. Sama máli gegndi um kröfu þeirra á
RÚLLUSTIGAMÁL í Kringlunni, sem staðið
hefur á annað ár, hlaut endi í Hæstarétti í gær
þegar kröfu nokkurra verslunareigenda um að
stigarnir verði settir upp á ný var vísað frá.
Rétturinn féllst hins vegar á að ákvörðun
stjórnar Rekstarfélags Kringlunnar, um að fjar-
lægja tvo rúllustiga milli 1. og 2. hæðar í syðri
hluta norðurhúss Kringlunnar, hefði verið ólög-
mæt.
Héraðsdómur hafði áður dæmt ákvörðun
stjórnar félagsins ólögmæta og skipað félaginu
að setja rúllustigana upp aftur.
hendur Reykjavíkurborg. Var þessum kröfum
því vísað frá dómi en að öðru leyti var héraðs-
dómur staðfestur.
Málið dæmdu hæstaréttardómararnir Guðrún
Erlendsdóttir, Garðar Gíslason, Hrafn Braga-
son, Markús Sigurbjörnsson og Pétur Kr. Haf-
stein.
Lögmenn Rekstrarfélags Kringlunnar voru
Hanna Lára Helgadóttir hrl. og Halldór Jóns-
son hdl. Lögmenn Kringluverslana voru hæsta-
réttarlögmennirnir Björn Ólafur Hallgrímsson,
Sigurbjörn Magnússon og Hilmar Magnússon.
Kröfu um að rúllustigar
verði settir upp vísað frá
við forvarnir. Mikill tími mun því
sparast hjá lögreglunni í allri tölvu-
vinnslu sem leiðir til þes að lögreglan
mun verða öflugri og sýnilegri við
löggæsluna sem því nemur,“ sagði
dómsmálaráðherra.
SÓLVEIG Pétursdóttir dómsmála-
ráðherra undirritaði í gær samning
við Skýrr hf. um smíði og hönnun nýs
upplýsingakerfis fyrir lögregluna en
því er ætlað að koma í stað fimm
eldri lögreglukerfa sem lögreglan
hefur nú til umráða. Kerfinu er ætlað
að halda utan um dagbókarskráning-
ar lögreglunnar, skýrslugerð,
vinnslu mála, handtökur og önnur
gögn þessu tengd. Lögreglukerfið
verður keyrt á lokuðu tölvuneti
dómsmálaráðuneytisins sem nær til
lögregluembætta um allt land.
Á fundi með blaðamönnum sagði
Sólveig að hið nýja upplýsingakerfi
myndi án efa skipa Íslandi í farar-
brodd á þessu sviði. Nefndi ráðherra
í þessu samhengi að unnt yrði að
nota Tetra-kerfið með markvissari
hætti sem gagnaflutningsleið og
unnt yrði að færa hluta tölvuvinnsl-
unar á vettvang. „Kerfið mun klár-
lega auka skilvirkni lögreglunnar og
flýta allri tölvuvinnslu auk þess sem
mögulegt verður að vinna með skil-
virkari hætti ýmsa tölfræði, bæði
upplýsingar fyrir almenning og eins
til að nýta við stjórn löggæslu sem og
Nýtt upplýsingakerfi
fyrir lögregluna
Morgunblaðið/RAX
F.h. Hreinn Jakobsson, forstjóri Skýrr, Sólveig Pétursdóttir dóms-
málaráðherra og Haraldur Johannessen ríkislögreglustjóri.