Morgunblaðið - 30.03.2003, Blaðsíða 6

FRÉTTIR
6 SUNNUDAGUR 30. MARS 2003 MORGUNBLAÐIÐ
Auglýsing um sveinspróf
í matvæla- og framreiðslugreinum
Sveinspróf verða haldin í bakaraiðn,
framreiðslu, kjötiðn og matreiðslu 2.-5. júní
2003 í Hótel- og matvælaskólanum í Kópavogi.
Umsóknarfrestur er til 1. maí
Ekki verður tekið við umsóknum eftir þann tíma.
Ath. að greiða þarf leyfisgjald
sveinsbréfa kr. 5.000 við innritun.
Upplýsingar og umsóknir:
Fræðsluráð hótel- og
matvælagreina, Stórhöfða 31,
110 Reykjavík, sími 580 5254,
fax 580 5255. http://www.fhm.is
Fræðsluráð hefur heimild til að fresta prófi
í einstökum greinum ef þátttaka verður ónóg.
Með umsókn skal fylgja afrit af
námssamningi og brautskráningarskírteini
eða námsferilsblað iðnmenntaskóla.
Fræðsluráð hótel- og matvælagreina
S
TEMMNINGIN er eins og að fara á landsleik. Það sópast
fólk úr öllum áttum að Höllinni, öll bílastæði eru yfirfull og
umferðarhnútur við Suðurlandsbrautina. Ef til vill er stóri
munurinn sá að fólk er ekki beint með hnút í maganum af
spenningi, meira fiðring. Það eru aftur á móti fjölmargir
með bindishnút. Svo virðist sem bindi séu komin aftur í tísku. Margir
eru í sínu fínasta pússi og stór dagur runninn upp í lífi hvers sjálf-
stæðismanns. Landsfundur er að hefjast.
Þetta er viðburðurinn sem allt snýst um; það missir enginn sjálf-
stæðismaður af setningunni. Í raun væri hálfdauft að vera sjálfstæð-
ismaður ef ekki væri fyrir þessa eins og hálfs tíma athöfn. Enda
mæta margir snemma. Og allir eru sestir þegar kórinn hefur upp
raust sína.
– Ísland, farsælda frón …
Hvert sem auga er litið getur að líta sjálfstæðismenn. Þeir eru í öll-
um stærðum og gerðum. Ýmist alvarlegir eða brosandi. Vakandi eða
geispandi. Í fljótu bragði virðist ekki neitt sérstakt sem einkennir þá.
Ef ekki væri fyrir bláa litinn í fötum, dúkum, veifum,
merkjum og íslenska fánanum, þá gæti þetta verið
hvaða stjórnmálaflokkur sem er.
– Komdu nú að kveðast á …
Vel á annað þúsund sjálfstæðismenn sitja hljóðir og
hlusta á kórinn og klappa ákaft á milli laga.
– Ég sé tvo náfrændur mína sem eru bolsévikkar í
kórnum, hvíslar sessunautur blaðamanns. Annar flett-
ir landsfundarmöppunni í örvæntingarfullri leit að spennandi lesn-
ingu, þriðji gerir þá ánægjulegu uppgötvun að Írak rímar Chirac.
Gegnt honum er ungur sjálfstæðismaður í óða önn að senda SMS. Ef
til vill kærustu sem er ekki í flokknum. Blaðamaður hafði raunar rek-
ist á ófríska konu, sem hafði verið keyrð að stéttinni fyrir utan Höll-
ina og skilin eftir þar. Henni hafði ekki tekist að snúa manni sínum,
þrátt fyrir mikinn sannfæringarkraft. En náttúran gerði það að verk-
um að hún hafði betur. Ófætt afkvæmi þeirra var mætt á sinn fyrsta
landsfund.
– Ísland, farsælda frón, er spilað á blásturshljóðfæri á meðan kór-
inn gengur úr salnum hylltur af sjálfstæðismönnum. Sessunautur
blaðamanns réttir honum símann og segir umhyggjusamur:
– Það eru leikir ef þú vilt.
Davíð Oddsson forsætisráðherra er stiginn í pontu. Það er hlustað í
alvöru, en líka hlegið og klappað meðan á ræðunni stendur. Og hann
klykkir út með:
– Áfram Ísland!
Eftir ræðuna kvartar sjálfstæðismaður að austan yfir því að vera
orðinn þreyttur í höndunum. Þar eru menn ekkert að liggja á kröft-
um sínum.
– Tókstu lagið? spyr blaðamaður söngelskan fyrrum þingmann.
– Fundurinn á nú eftir að standa í nokkra daga, svarar hann og er
ekkert að flýta sér.
Í anddyrinu er sjálfstæðismaður í köflóttri skyrtu, sem vekur at-
hygli á flíkinni og segir glaðbeittur:
– Stétt með stétt.
Þegar líður á kvöldið hefjast mikil veisluhöld víða um borgina. Einn
sjálfstæðismaður drífur sig strax aftur út á land til að flýja lands-
byggðarhóf í kjallara Valhallar, sem nær hápunkti þegar norðlenskur
sjálfstæðismaður syngur njallann á færeysku.
Snemma á föstudagsmorgni sitja ráðherrar Sjálfstæðisflokksins
fyrir svörum. Í salnum er gamall bóndi frá Þórshöfn sem mætti á
sinn fyrsta landsfund árið 1963.
– Hefurðu eitthvað haft upp úr allri þessari fundarsetu? spyr blaða-
maður.
– Ég hef kynnst fólki og öðrum lífsviðhorfum en heima, svarar
hann. Það getur verið hollt fyrir bændur sem ferðast lítið og það gef-
ur þeim allt aðra sýn á tilveruna.
Gegnt honum situr Raufarhafnarbúi sem safnar filmum með mynd-
um af fólki í þar til gerðar möppur og varðveitir eins og frímerki.
Hann stimplar blaðamann með myndavélinni.
Gamalgróinn sjálfstæðismaður var 15 ára þegar hann fékk full-
trúaráðsskírteini árið 1954.
– Ég slóst á vörubílspöllum undir stjórn Þorbjarnar á Borg í plak-
atastríðinu, segir hann í spurðum fréttum.
– Ha!?
– Þetta var fyrir kosningarnar árið 1956 þegar það komst í tísku að
líma auglýsingaplaköt á ljósastaura og víðar. Herdeildir Heimdellinga
voru gerðar út og herkænskan gekk út á að átta sig á því hvaða leið
Allaballar færu og sigla svo í kjölfarið.
Fyrir utan er skýjað og rigning, enda er búið að nota upp allan
bláa litinn í Höllinni. En það er hlýtt og gróðurinn að taka við sér.
– Hvað talar fólk um? spyr blaðamaður þegar leigubíllinn siglir frá
Höllinni.
– Veðurfarið, svarar leigubílstjórinn og ljóst að úti í þjóðlífinu talar
fólk um allt annað en pólitík, eða hvað?
– Fólk er hrætt við að bráðum komi gaddur sem skemmi gróð-
urinn.
Morgunblaðið/Árni Sæberg
Lífið á
landsfundi
SKISSA
Pétur Blöndal
gaumgæfði
sjálfstæðis-
menn í Höll-
inni
ÞRÁTT fyrir litla fiskneyslu þjóðarinnar afþakka
krakkarnir í Háteigsskóla ekki fiskmáltíðirnar sem
Þröstur Harðarson matsveinn ber á borð fyrir þá einu
sinni til tvisvar í viku. Þröstur segist leggja mikla
áherslu á gæði fisksins og því velji hann langoftast
þorsk framyfir ýsuna, enda sé hann einfaldlega mun
betra hráefni og sú staðreynd að hann sé útflutnings-
verðmæti endurspegli það.
Þröstur segir mikilvægt að matreiða fisk á einfaldan
hátt fyrir börn. „Ég held að nútímaforeldrar séu að
brenna sig á því að vera að gumsa einhverju sósusulli
yfir og setja í ofn. Síðan tína börnin grænmetið úr. Það
er best að hafa fiskinn sem náttúrulegastan og fram-
reiða hann soðinn eða steiktann. Svo lætur maður með-
lætið bara til hliðar.“
Hann segist telja að ástæðu lítillar fiskneyslu þjóð-
arinnar sé að finna í því að fiskurinn sé einfaldlega
ekki í tísku. Nútíma uppskriftir innihaldi miklu frekar
kjúklingakjöt eða annað hráefni en fisk. „Ég hvet bara
matreiðslumenn sem starfa í þessum stóru mötuneyt-
um að hafa fisk oft á boðstólum og velja hann vel, það
er lykilatriði.“
Lykilatriði að velja fiskinn vel
Morgunblaðið/Árni Sæberg
Á SEX ára tímabili, frá árinu 2000
til 2006, mun Evrópusambandið
verja 213 milljörðum evra til mál-
efna sem tengjast byggðastefnu, en
meginmarkmið byggðastefnu ESB
er að stuðla að efnahagslegum og
félagslegum jöfnuði milli allra
svæða sambandsins. Um er að ræða
þriðjung útgjalda sambandsins, en
byggða- og landbúnaðarstefna þess
mynda bróðurpart útgjalda þess.
Þetta kom fram í erindi Valgerðar
Sverrisdóttur iðnaðar- og viðskipta-
ráðherra á ráðstefnu um ESB og
byggðamál sem haldin var í Háskól-
anum á Akureyri á föstudag.
Valgerður sagði að Íslandi hafi
nýlega verið boðið að taka þátt í
einni framkvæmdaáætlun innan
byggðastefnunnar, svonefndri
Norðurslóðaáætlun, og tæki iðnað-
arráðuneytið þátt í henni. Ákveðið
var í framhaldi af því að framlag ís-
lenskra stjórnvalda til áætlunarinn-
ar yrði 25 milljónir króna á ári á
tímabilinu frá 2002 til 2005. „Þetta
er okkar eina beina aðkoma að
byggðaáætlun ESB,“ sagði Val-
gerður. Norðurhéröð Noregs, Sví-
þjóðar, Finnlands og Skotlands auk
Færeyja og Grænlands eiga einnig
aðild að Norðurskautsáætluninni en
norðvesturhluta Rússlands stendur
einnig til boða að taka þátt í verk-
efninu. Sagði ráðherra þessi svæði
margt eiga sameiginlegt, þar væru
gjöfular náttúruauðlindir, hrein en
viðkvæm náttúra, víða fjalllent og
samgöngur erfiðar en á svæðunum
byggi vel menntað vinnuafl sem
byggi dreift og atvinna þess oft háð
náttúruauðlindum svæðisins. Sam-
merkt væri með þessum svæðum að
fólki fækkaði í dreifbýli. „Markmið
þessara verkefna er m.a. að finna
lausnir og stunda rannsóknir á sviði
samgöngu- og fjarskiptamála,
stuðla að atvinnuþróun og vist-
vænni nýtingu náttúruauðlinda. Í
mínum huga er það enginn vafi að
þátttaka í Norðurslóðaáætluninni
muni verða bæði lærdómsrík og já-
kvæð fyrir Ísland,“ sagði Valgerð-
ur.
Varfærnir útreikningar
„Reyndar tel ég að við fengjum
sérstöðu okkar viðurkennda eins og
Svíar og Finnar í sínum aðildar-
samningum,“ sagði hún og benti á
að Finnar hefðu fengið um 30%
meira úr byggða- og uppbygginga-
sjóðum ESB en þeir létu í þá. „Ég
sé enga ástæðu til þess að við yrð-
um eftirbátur þeirra. Af hverju ætti
dreifbýlasta land Evrópu með
óblíðust veðurskilyrði og hlutfalls-
lega dýrasta vegakerfi í Evrópu að
fá minna úr uppbyggingarsjóðum
ESB en Finnar?“ spurði ráðherra.
Valgerður taldi að þeir sem reiknað
hefðu út kostnað Íslands við hugs-
anlega aðild að ESB hefðu verið of
varfærnir, þeir hefðu áætlað að
framlög til Íslands úr byggðasjóð-
um ESB yrðu 1.500 til 2.000 millj-
ónir, „en ég tel nærri lagi að tvö-
falda þá upphæð,“ sagði Valgerður
og taldi líklegt að sérstaða Íslands
yrði viðurkennd í þeim stækkunar-
viðræðum sem nú ættu sér stað um
ESB.
Telur spár um hlut Íslands úr sjóðum ESB varfærnar
Eigum ekki að vera
eftirbátur annarra