Morgunblaðið - 15.05.2003, Side 45

KIRKJUSTARF
MORGUNBLAÐIÐ FIMMTUDAGUR 15. MAÍ 2003 45
Áskirkja. Opið hús fyrir alla aldurshópa kl.
14–17 í neðri safnaðarsal. Sönghópur und-
ir stjórn Kára Þormar, organista. Kaffi og
með því eftir sönginn. Allir velkomnir.
Bústaðakirkja. Foreldramorgunn kl. 10–12
í umsjá Lovísu Guðmundsdóttur.
Hallgrímskirkja. Kyrrðarstund í hádegi kl.
12. Orgelleikur, íhugun. Léttur málsverður í
safnaðarheimili eftir stundina.
Háteigskirkja. Taizé-messa kl. 20. Eldri
borgara starf. Á morgun kl. 13.30 samvera
í Setrinu (brids-aðstoð).
Landspítali – háskólasjúkrahús, Arnarholt:
Guðsþjónusta kl. 20. Sr. Gunnar Rúnar
Matthíasson.
Langholtskirkja. Kl. 10–12 foreldra- og
ungbarnamorgunn. Guðrún Bjarnadóttir
verður með fræðslu um málþroska barna
og samskipti við þau fyrstu árin. Kaffisopi.
Söngstund. Allir foreldrar velkomnir.
Laugarneskirkja. Kyrrðarstund kl. 12 í há-
degi. Orgeltónlist, hugvekja, altarisganga
og bænastund. Léttur málsverður í safn-
aðarheimili að samveru lokinni. (Sjá síðu
650 í Textavarpi.)
Neskirkja. Nedó-unglingaklúbbur Nes- og
Dómkirkju kl. 19.30. Umsjón Munda og
Hans. Félagsstarf aldraðra laugardaginn
17. maí kl. 13. Athugið breyttan tíma. Farið
verður í stutta ferð í lok laugardagsstarfs-
ins. Þátttaka tilkynnist í síma 511 1560
milli kl. 10–13 fram á föstudag. Allir vel-
komnir. Sr. Frank M. Halldórsson.
Digraneskirkja. Foreldramorgnar kl. 10.
Kirkjustarf aldraðra: Vorferð verður austur
að Geysi í Haukadal. Lagt verður af stað frá
kirkjunni kl. 11 í dag. Heimferð áætluð um
kl. 17. Á Geysi verður hádegisverður og
safnaskoðun. Verð 3.000 kr. Upplýsingar
hjá kirkjuverði í síma 554 1620. Bæna-
stund Kl 12.10. Unglingakór Digraneskirkju
kl 17–19 (sjá nánar www.digraneskirkja.is).
Fella- og Hólakirkja. Biblíulestur og helgi-
stund í Gerðubergi kl. 10.30–12. Starf fyrir
8–10 ára stúlkur kl. 16.30.
Grafarvogskirkja. Foreldramorgnar kl. 10–
12. Fræðandi og skemmtilegar samveru-
stundir, ýmiss konar fyrirlestrar. Alltaf heitt
á könnunni, djús og brauð fyrir börnin.
Kópavogskirkja. Samvera eldri borgara í
dag kl. 14.30–17 í safnaðarheimilinu Borg-
um. Kyrrðar- og bænastund í dag kl. 17. Fyr-
irbænaefnum má koma til sóknarprests
eða kirkjuvarðar.
Vídalínskirkja. Bæna- og kyrrðarstund í
kirkjunni kl. 22. Gott er að ljúka deginum og
undirbúa nóttina í kyrrð kirkjunnar og bera
þar fram áhyggjur sínar og gleði. Bænarefni
eru skráð í bænabók kirkjunnar af prestum
og djákna. Boðið er upp á molasopa og djús
að lokinni stundinni í kirkjunni.
Hafnarfjarðarkirkja. Opið hús fyrir ung börn
og foreldra þeirra í Vonarhöfn, safnaðar-
heimili Strandbergs, kl. 10–12. Opið hús
fyrir 8–9 ára börn í safnaðarheimilinu
Strandbergi, Vonarhöfn, frá kl. 17–18.30.
Víðistaðakirkja. Foreldrastund í dag kl. 13.
Kjörið tækifæri fyrir heimavinnandi foreldra
með ung börn að koma saman í notalegu
umhverfi og eiga skemmtilega samveru-
stund. Barnastarf fyrir 10–12 ára börn í dag
kl. 17.
Lágafellskirkja. TTT-starf Lágfellskirkju er í
dag, fimmtudag, kl. 16. Allir krakkar á aldr-
inum 10–12 ára velkomnir. Safnaðarstarf
Lágafellskirkju. Æskulýðsstarfið Sound.
Æskulýðshópurinn er með fundi fimmtu-
daga kl. 17. Góður hópur fyrir ungt fólk í 8.–
10. bekk. Safnaðarstarf Lágafellskirkju.
Þorlákskirkja. Biblíupælingar í kvöld kl. 20.
Landakirkja í Vestmannaeyjum. Kl. 10.
Mömmumorgunn í safnaðarheimilinu. Fast-
ir viðtalstímar presta Landakirkju eru þriðju-
daga til föstudaga kl. 11–12. Símar prest-
anna eru 488 1501 (sr. Kristján) og
488 1502 (sr. Þorvaldur).
Kletturinn. Kl. 19 alfa-námskeið. Allir vel-
komnir.
Hvítasunnukirkjan, Fíladelfía. Eldur unga
fólksins kl. 21. Allir velkomnir.
Akureyrarkirkja. Kyrrðar- og fyrirbæna-
stund kl. 12. Léttur hádegisverður á vægu
verði í safnaðarheimili eftir stundina. Opið
hús fyrir eldri borgara kl. 15. Farið verður í
vorferð að Grund í Eyjafirði. Sr. Hannes Örn
Blandon tekur á móti hópnum og segir sögu
staðarins. Þórhildur Örvarsdóttir og Sigrún
Arna Arngrímsdóttir syngja við undirleik
Björns Steinars Sólbergssonar. Almennur
söngur. Ingvi Rafn Jóhannsson leikur á
harmonikku. Kaffiveitingar í Freyvangi. Bíll
fer frá Kjarnalundi kl. 14.15, Víðilundi kl.
14.30 og Hlíð kl. 14.45.
Í DAG, fimmtudaginn 15. maí, er
dagskrá foreldramorguns Háteigs-
kirkju óhefðbundin en ætlunin er
að fara og gefa öndunum á Reykja-
víkurtjörn brauð áður en haldið er
á Ömmukaffi þar sem allir gæða
sér á vöfflum og kakói. Lagt verður
af stað gangandi frá safnaðarheim-
ili Háteigskirkju klukkan tíu.
Hefðbundnir foreldramorgnar í
Háteigskirkju halda svo áfram
fimmtudaginn 22. maí og verða í
allt sumar. Allir velkomnir.
Ömmukaffi og
andabrauð
Safnaðarstarf
Í ÞEIRRI umræðu um skort á tón-
leikahúsum á Íslandi gleymist
stundum að ástandið er ekki bara
bágt í henni Reykjavík. Akureyr-
ingar þurfa til dæmis að vista kons-
ertflygil sinn frammi í Eyjafjarð-
arsveit. Á Akureyri hafa orðið ýmis
tónævintýri í íþróttahúsum, meðal
annars flutti Passíukórinn ásamt
smærri og stærri hljómsveitum
mörg stórvirki kórbókmenntanna í
Íþróttaskemmunni, sem upphaf-
lega var byggð sem geymsla fyrir
jarðýtur og veghefla en er nú járn-
smiðja. Margir aðrir gerðu sér að
góðu blessaða skemmuna.
Um síðustu helgi voru stórkost-
legir stórtónleikar í Íþróttahöllinni
á Akureyri og um þá hefur margt
gott verið skráð á þessi blöð. Marg-
oft hefur maður farið á tónleika í
Höllinni og komið út grátandi yfir
þeirri skelfingu að hafa ekki fengið
að njóta tónlistarinnar vegna þess
að húsið er ekki hannað til að miðla
hljóði heldur deyfa það. Í þetta
sinn hefur hins vegar svo tekist til
að hljóðmeistarar unnu verk sitt af
þvílíkri natni og fagmennsku að
iðulega ef maður hallaði aftur aug-
unum hríslaðist um mann sú til-
finning að maður væri ekki í
íþróttahúsi heldur tónleikahúsi. Ég
veit að mörgum þykir ganga guð-
lasti næst að spila í hljóðkerfi eða
hlusta á tónlist þannig, og okkur er
mikil nauðsyn á að eignast tónlist-
arhús á Akureyri, eins og sjá má á
því að húsfyllir var á þessum stór-
tónleikum. Í þetta sinn verður þó
að viðurkenna að tæknimönnum
ljósa og hljóðs tókst að gera tón-
leikana ótrúlega góða og miklu bet-
ur en ég hef áður orðið vitni að.
Hafi þeir þökk fyrir það.
SVERRIR PÁLL ERLENDS-
SON menntaskólakennari,
Ásvegi 29, Akureyri.
Tónleikar
í ótón-
leikahúsi
Frá Sverri Páli Erlendssyni
BRÉF
Alltaf á þriðjudögum
www.fotur.net
Teppi á stigaganga
Ármúla 23, sími 533 5060
HELGARTILBOÐ
fimmtudag - föstudag - laugardag
1.000 króna afsláttur
af eftirfarandi tegundum
Kringlan 4-12, sími 568 6211.
Skóhöllin, Firði, Hf., sími 555 4420.
3.990
4.990
Drappaðir
st. 36-41
2.990
3.990
Hvítir
st. 36-41
3.990
4.990
Grænir
m/dröppuðu
st. 36-41
3.990
4.990
Drappaðir/Bláir/Bleikir
st. 36-41
3.490
4.490
Drappaðir m/hvítu
Hvítir m/bláu
st. 36-41
3.990
4.990
Drappaðir
st. 36-41
Kjólar.....10% afsláttur
Brúðarmeyjar
SLÁTTUTRAKTORAR
12,5 hp - 17 hp