Morgunblaðið - 12.09.2003, Blaðsíða 4

FRÉTTIR
4 FÖSTUDAGUR 12. SEPTEMBER 2003 MORGUNBLAÐIÐ
Deilurnar um greiðslu fasteignagjalda
hinna mismunandi orkufyrirtækja
OR mun fara
að lögum
FORSVARSMENN Orkuveitu
Reykjavíkur segjast munu fara að
lögum um greiðslu fasteignagjalda,
en telja eðlilegt að það sama gangi
þá yfir orkufyrirtæki í ríkiseigu
svo sem Rafmagnsveitur ríkisins
(RARIK) og Orkubú Vestfjarða.
Eins og fram kom í Morgun-
blaðinu í gær áformar Valgerður
Sverrisdóttir, iðnaðarráðherra, að
leggja fram frumvarp um breyt-
ingu á orkulögum þannig að orku-
fyrirtæki greiði fasteignaskatta, og
segir breytingar á lögum frá 2001
vera mistök.
„Ef ég skil það sem ráðherra er
að segja rétt gengur þetta vænt-
anlega yfir öll orkufyrirtæki á
landinu,“ segir Guðmundur Þór-
oddsson, forstjóri Orkuveitu
Reykjavíkur. Hann bendir á að OR
hafi hætt að greiða fasteignagjöld
eftir að endurskoðendur bentu á að
fyrirtækinu bæri ekki að greiða
þessi gjöld.
Þessi fyrirhugaða lagabreyting
er einungis eðlileg ef það sama á
að gilda fyrir orkufyrirtæki í rík-
iseign, að mati Guðmundar:
„Hvorki RARIK né Orkubú Vest-
fjarða hafa þurft að greiða þessi
gjöld undanfarin ár og áratugi og
hafa gengið fjölmörg dómsmál þar
að lútandi. Ég skildi það þannig að
tilgangurinn á bak við lagabreyt-
inguna 2001 væri að jafna sam-
keppnisstöðu orkufyrirtækjanna,
þannig að það skipti ekki máli
hvort fyrirtækið væri í eigu rík-
isins eða ekki, þau byggju við sama
skattaumhverfi.“ Hann segir það
mundu skerða mjög samkeppnis-
stöðu ef það sama verður ekki látið
yfir alla ganga.
Guðmundur segir að þó að þessi
lagasetning hafi hugsanlega verið
mistök muni OR fara að lögum í
þessu máli sem og öðrum: „Ef lög-
in segja að við eigum ekki að
greiða fasteignagjöld þá gerum við
það ekki. Við förum bara að lög-
um.“ Hann segir að OR verði sátt
á hvorn veginn sem málið fer,
hvort sem öll orkufyrirtækin eigi
að greiða fasteignagjöld eða engin:
„Við höfum ekkert á móti því að
borga fasteignaskatta, svo lengi
sem það er hin almenna regla.“
HÆSTIRÉTTUR hafnaði í gær
kröfu konu um nálgunarbann í hálft
ár gagnvart fyrrverandi sambýlis-
manni hennar. Konan fór fram að
manninum yrði bannað að veita henni
eftirför, heimsækja eða með öðru
móti að vera í beinu og milliliðalausu
sambandi, þar með talið símasam-
bandi, við sig og sameiginleg börn
þeirra. Í dómnum er vitnað til lækn-
isvottorðs sem segir að maðurinn sé
jafnan dagfarsprúður þegar hann sé
ekki undir áhrifum áfengis. Með
þessu staðfesti hæstiréttur úrskurð
Héraðsdóms Norðurlands eystra frá
því 5. september sl.
Í héraðsdómnum kemur fram að
lögregla var kvödd á heimili mannsins
og konunnar 9. ágúst sl. að beiðni kon-
unnar vegna heimilisófriðar, ölvunar
og ofbeldis. Konan hefur kært mann-
inn fyrir eignaspjöll, líkamsárás, önn-
ur kynferðisbrot og fyrir brot á lögum
um vernd barna og ungmenna.
Í dómnum segir að líta beri til þess
að maðurinn og konan séu að slíta
sambúð en í dómi hæstaréttar kemur
jafnframt fram að maðurinn hafi ekki
flutt lögheimili. Þá segir að hann hafi
ekki veist að börnunum. Einnig segir
að sýslumaðurinn á Húsavík, sem fór
fram á nálgunarbannið, hafi ekki á
nokkurn hátt gert það „sennilegt eða
líklegt að rökstudd ástæða sé til að
ætla að varnaraðili muni fremja af-
brot eða raska á annan hátt friði [kon-
unnar] og barna hennar.“ Einnig
kemur fram að dómnum þyki of hátt
reitt til höggs af sóknaraðila.
Hæstiréttur hafnaði
kröfu um nálgunarbann
SAUÐFÉ landsmanna rennur nú af
heiðum þessa dagana. Myndin er
tekin af fjallsafni Hrunamanna í
gær en réttað verður í Hrunarétt-
um og Skaftholtsréttum í dag. Á
laugardag verður réttað í Reykja-
réttum á Skeiðum og Tungna-
réttum. Réttardagurinn er jafnan
mikill hátíðisdagur í hverri sveit.
Mikið fjölmenni sækir jafnan þess-
ar fjórar réttir þótt sauðfé fari
fækkandi í ofanverðri Árnessýslu.
Morgunblaðið/Sigurður Sigmundsson
Sauðfé af heiðum
Rætt
um sölu
Norðurljósa
FULLTRÚAR tveggja erlendra
fyrirtækja hafa verið staddir hér á
landi síðustu daga til viðræðna við
eigendur Norðurljósa um kaup á fyr-
irtækinu. Fyrirtækin tvö gáfu sig
fram þegar tilkynnt var um áhuga
eigenda Norðurljósa á að selja félag-
ið og er um að ræða sölu á öllu
hlutafé í fyrirtækinu.
Sigurður G. Guðjónsson, forstjóri
Norðurljósa, segir viðræður hafa
staðið alla vikuna, bæði hér á landi
og í Lundúnum. Engin niðurstaða er
fengin um hvort af sölu verður.
SKIPVERJAR á Rainbow Warr-
ior, skipi Greenpece-samtakanna,
fundu bát Kjartans Jakobs Hauks-
sonar, Rödd hjartans, á leið sinni
frá Ísafirði til Akureyrar á mið-
vikudag. Báturinn fannst á reki
3–4 mílur út af Rekavík, þar sem
för Kjartans endaði á sunnudag,
eftir að bát hans hvolfdi yfir hann
og rak upp brimgarðinn. Kjartan
slapp frá óhappinu með skrámur
og mar en báturinn, sem er úr
plasti og trefjaplasti, er ónýtur.
Báturinn var hífður í land á
Akureyri í gær og hefur Eimskip
tekið að sér að flytja bátinn til
Reykjavíkur, Kjartani að kostn-
aðarlausu. Kjartan var mættur á
Oddeyrarbryggju á Akureyri í
gær, til að taka á móti bát sínum.
Hann sagðist hafa frétt af því að
báturinn hefði fundist á reki, um
10 mínútum eftir að Greenpeace-
menn fundu hann. Sjálfur hélt
Kjartan að báturinn væri enn í
fjörunni í Rekavík. „Báturinn get-
ur ekki sokkið en ég vissi þó að
það gæti gerst að hann ræki frá
landi.“
Kjartan var á leið í kringum
landið á árabát sínum þegar
óhappið varð. Ferðin hófst í
Reykjavík og hann hafði verið um
þrjár vikur í báti sínum þegar
ferðalagið tók enda með áð-
urnefndum hætti. Kjartan sagði
það hafa verið sárt og leiðinlegt
að hafa ekki komist lengra en
velti sér þó ekkert upp úr því.
Hann ætlar ekki að gefast upp og
hyggst smíða nýjan bát í vetur og
halda af stað á ný í júní á næsta
ári. „Ef mér tekst ekki að ljúka
ferðinni næsta sumar mun ég
bara reyna enn og aftur, þar til
ætlunarverkinu lýkur.“
Kjartan sagði að ferðalagið á
bátnum hefði verið erfitt en þó
ekkert erfiðara en hann átti von
á. „Veðrið var frekar leiðinlegt
og ég þurfti að hafa fyrir hverj-
um metra.“ Hann er að ná sér eft-
ir volkið en sagðist enn finna til á
ýmsum stöðum og vera marinn á
baki en væri þó orðinn vinnufær.
Greenpeace-menn komu færandi hendi til Akureyrar
Fundu bátinn Rödd hjart-
ans á reki út af Rekavík
Akureyri. Morgunblaðið.
Morgunblaðið/Kristján
Kjartan Jakob Hauksson ræðari, annar frá vinstri, tekur á móti bát sínum,
Rödd hjartans, á Oddeyrarbryggju á Akureyri í gærdag.
Kallar ekki
á sérstakar
aðgerðir
ÁRNI M. Mathiesen sjávarút-
vegsráðherra segir að í raun sé
ekkert nýtt í yfirlýsingu
ríkjanna sem hafi í fyrradag
mótmælt hrefnuveiðum Íslend-
inga og því kalli hún ekki á sér-
stakar aðgerðir.
Eins og greint var frá í gær
afhenti sendiherra Bretlands á
Íslandi íslenskum stjórnvöld-
um yfirlýsingu fyrir hönd 23
ríkja sem fordæma ákvörðun
Íslendinga að hefja hvalveiðar í
vísindaskyni. Árni M. Mathie-
sen segir að þetta séu allt ríki
sem Ísland hafi samskipti við
og þeim samskiptum verði
haldið áfram. Margbúið sé að
útskýra fyrir þeim um hvað
veiðarnar snúist og áfram verði
unnið að því að skýra málið.
„Það er stöðugt verið að vinna í
þessum málum, en í þessu er
ekkert nýtt sem kallar á sér-
stök viðbrögð,“ segir hann.