Morgunblaðið - 12.09.2003, Blaðsíða 20
AKUREYRI
20 FÖSTUDAGUR 12. SEPTEMBER 2003 MORGUNBLAÐIÐ
www.islandia.is/~heilsuhorn
SENDUM Í PÓSTKRÖFU
Glucosamine (870 mg
Glucosamine í hverjum belg)
ásamt engifer og turmeric
Fyrir vöðva og liðamót
Glerártorgi, Akureyri, sími 462 1889
Fæst m.a. í Lífsins lind í Hagkaupum,
Árnesapóteki, Selfossi og
Yggdrasil, Kárastíg 1.
Jakkar • kápur
dragtir • peysur
samkvæmisklæðnaður
Krónunni, 2. hæð, sími 462 3505,
Hafnarstræti 97, 600 Akureyri.
HELDUR hefur lifnað yfir Nausta-
hverfi, nýjasta byggingasvæði
Akureyringa sunnan Eyrarlands-
holts, eftir að nýr leikskóli tók þar
til starfa í síðasta mánuði. Leikskól-
inn, sem heitir Naustatjörn, er
fyrsta byggingin sem tilbúin er í
hverfinu. Fyrstu íbúarnir, fimm
manna fjölskylda, sem er að byggja
sér einbýlishús, stefna hins vegar
að því að flytja í hverfið í lok þessa
mánaðar.
Aðeins tvö íbúðarhús hafa risið í
hverfinu og búið er að steypa upp
fjóra grunna til viðbótar. Annað
húsanna er í eigu Þórhalls Berg-
þórssonar og stendur við Vaðlatún
7. Þórhallur og kona hans eiga þrjú
börn og hann sagði stefnt að því að
flytja inn í nýja húsið í lok mán-
aðarins. Um er að ræða timburhús,
sem fyrirtækið Trégrip hefur reist,
samtals rúmlega 150 fermetrar að
stærð.
Þórhallur sagði að í júlí hefði
verið hafist handa við að reisa hús-
ið og hefðu framkvæmdir gengið
mjög vel. Hann sagði að sér litist
vel á hverfið og að það legðist vel í
sig og fjölskyldu sína, að verða
fyrstu íbúar þess. Þórhallur sagði
að yngsti fjölskyldumeðlimurinn
væri þegar kominn á leikskólann
Naustatjörn og hann vonast til að
grunnskóli risi í hverfinu sem fyrst.
Leikskólinn Naustatjörn tók til
starfa 18. ágúst sl., þegar börn á
leikskólanum Árholti í Glerárhverfi
færðu sig um set en leikskóla-
rekstri hefur verið hætt á Árholti.
Allir glaðir og ánægðir
á leikskólanum
Inda Björk Gunnarsdóttir aðstoð-
arleikskólastjóri sagði að eftir að-
lögun yrðu 98 börn á leikskólanum í
fjórum deildum. Hún sagðist hæst-
ánægð með húsnæði leikskólans og
útisvæðið. Þá sagði Inda Björk að
staðsetning skólans byði upp á
mikla möguleika. „Okkur finnst við
ekki vera úti í sveit, við sjáum hér
mikla möguleika og það verður
skemmtilegt að fá að fylgjast með
uppbyggingu hverfisins.“
Í starfi leikskólans verður lögð
sérstök áhersla á náttúru og um-
hverfi, sem felur m.a. í sér endur-
vinnslu og umhverfismennt og enn-
fremur verður lögð áhersla á
samfélag og menningu. Í Nausta-
tjörn eru 23 starfsmenn, „hér starfa
bara konur, nema hvað við fengum
karlkynskokk í eldhúsið og ég held
að honum líði bara vel. Hér er gott
starfsfólk sem smellur mjög vel
saman. Það er því bjart yfir okkur,
allir glaðir og ánægðir enda spenn-
andi tímar framundan,“ sagði Inda
Björk.
Fyrsta skóflustunga að fyrsta
íbúðarhúsinu í Naustahverfi var
tekin með viðhöfn um miðjan maí
sl. en húsið er við Stekkjartún 23.
Áætlað er að hverfið byggist upp á
15 árum og að íbúafjöldi verði á
bilinu 6–8 þúsund manns í tvö til
þrjú þúsund íbúðum. Hverfið skipt-
ist í tvö skólahverfi og eina kirkju-
sókn. Í fyrsta áfanga verða 158
íbúðir en í öðrum áfanga 170 íbúðir
og er gert ráð fyrir að lóðir í þeim
áfanga verði byggingarhæfar 1.
nóvember nk.
Leikskólinn Naustatjörn tekur til starfa í nýja Naustahverfinu
Fyrstu íbúarnir
að flytja í hverfið
Þórhallur Bergþórsson og dóttirin Katrín við heimili sitt í Vaðlatúni 7.
Morgunblaðið/Kristján
Stefán Karlsson og Björn Ingi Hermannsson hjá SJBald ehf. í Grýtubakka-
hreppi setja saman sperrur á grunni húss í Naustahverfi. Í dag verða reist-
ir veggir á næsta grunni en einingarnar eru smíðarar á Grenivík.
Börn að leik á útisvæði leikskólans Naustatjarnar.
Tríótónleikar verða haldnir í Dalvík-
urkirkju í kvöld, föstudagskvöldið 12.
september, kl. 20.30. Flytjendur eru
Sigurður Ingvi Snorrason klarínettu-
leikari, Pawel Panasiuk sellóleikari
og Helga Bryndís Magnúsdóttir pí-
anóleikari.
Tónleikarnir verða endurteknir í sal
Tónlistarskólans á Akureyri daginn
eftir, laugardaginn 13. september, kl.
16. Skólinn er nýfluttur í sér-
innréttað Linduhúsið á Hvannavöll-
um 14 og er húsnæðið allt hið glæsi-
legasta, salurinn bjartur og vel
hljómandi segir í frétt um tónleikana.
Á efnisskránni er Tríó op. 11 eftir
Ludwig van Beethoven, Tema senza
variazioni eftir Þorkel Sigurbjörns-
son og Tríó op. 114 eftir Johannes
Brahms.
Aðgöngumiðar fást við innganginn.
Í DAG
RÁÐNING í stöðu slökkviliðsstjóra
hjá Slökkviliði Akureyrar er gild að
því er fram kemur í úrskurði félags-
málaráðuneytisins. Þá vísaði ráðu-
neytið frá kröfu um að ráðning í
embætti aðstoðarslökkviliðsstjóra
verði ógild, en ástæða þess sé sú að
enn hafi ekki verið tekin lögformleg
endanleg ákvörðun um ráðningu í
það starf.
Einn af tíu umsækjendum um
stöður slökkviliðs- og aðstoðar-
slökkviliðsstjóra hjá Slökkviliði
Akureyrar kærði ráðningar í stöð-
urnar og taldi að þær hefðu byggst á
ólögmætum sjónarmiðum sem og að
ekki hafi verið færð fullnægjandi
rök fyrir því að þeir sem ráðnir voru
hafi verið hæfari en hann. Ráðu-
neytið kemst að þeirri niðurstöðu að
eðlilega hafi verið staðið að ráðn-
ingu í stöðu slökkviliðsstjóra og hún
því gild. Varðandi ráðningu í stöðu
aðstoðarslökkviliðsstjóra kemur
fram að stjórnvaldsákvörðun verði
að vera tekin af aðila sem til þess
hefur vald samkvæmt lögum, en
ráðuneytið telur að slökkviliðsstjór-
ann hafi brostið vald til að taka end-
anlega ákvörðun þar að lútandi.
Þannig telur ráðuneytið að enn hafi
ekki verið tekin lögformleg ákvörð-
un um ráðningu aðstoðarslökkviliðs-
stjóra hjá Slökkviliði Akureyrar.
Forsendur skorti því til að taka
kröfu kæranda til umfjöllunar og
henni vísað frá.
Ráðning hjá slökkviliði
kærð til ráðuneytisins
Eðlilega
staðið að
ráðningu
SÝNINGIN Þrettán plús þrjár
hefur verið í Lystigarðinum á
Akureyri frá því í byrjun ágúst
og er haldin til heiðurs konun-
um sem gerðu garðinn fyrir 91
ári, en henni lýkur nú á sunnu-
dag, 14. september.
Aðsókn hefur verið einstak-
lega góð, en hundruð gesta hafa
heimsótt garðinn og skoðað
sýninguna. Þó hafa einhverjir
óprúttnir náungar séð ástæðu
til að fjarlægja hluta verkanna
og vona sýnendur að viðkom-
andi sjái að sér og skili þeim
aftur t.d. í Eyrarlandsstofu.
Sýnendur eru þrettán norð-
lenskar listakonur og þrjár frá
Færeyjum og vinna þær verk
sín í textíl, leir, tré, grafík, stein
o.fl.
Góð aðsókn
NORÐLENSKA er um þessar
mundir að hefja útflutning á lamba-
kjöti til Bandaríkjanna með skipi en
fram til þessa hefur kjötið verið flutt
vestur um haf flugleiðis. Fyrsti gám-
urinn fer í skip í dag, föstudag, en
margvíslegur ávinningur er af því fyr-
ir fyrirtækið að nýta þessa flutninga-
leið.Ingvar Már Gíslason útflutnings-
stjóri Norðlenska sagði að um nokkur
tímamót væri að ræða í sögu fyrir-
tækisins nú þegar byrjað væri að
fyrsta 40 feta gámi eru 8,2 tonn af
lambakjöti, allt unnar lambaafurðir
og gerði Ingvar Már ráð fyrir að
sendingin yrði komin til Bandaríkj-
anna að liðnum 12 dögum eða svo.
„Þetta er fyrst og fremst gerlegt
vegna þess að við höfum nú yfir að
ráða gaspökkunarvél, en með þessari
gaspökkun verður geymsluþol vör-
unnar mun meira en ella, eða allt að
helmingi meira,“ sagði Ingvar Már.
Margvíslegur ávinningur
Hann sagði að ávinningurinn væri
margvíslegur. Fyrst og fremst væri
horft til þess að nú væri hægt að
koma mun meira magni en áður á
markað, þá væri sparnaður umtals-
verður með þessum flutningsmáta og
loks mætti nefna aukið geymsluþol.
Þannig sæu menn nú fram á að geta
sent jólakjötið út í lok nóvember, bú-
ast mætti við því í verslanir í byrjun
desember og sölutíminn næði til ára-
móta. „Það að geta lengt sláturtíðina í
báða enda er það eiginlega það sem er
mikilvægast í þessu,“ sagði Ingvar
Már.
Gert er ráð fyrir að á þessu ári
muni Norðlenska flytja út um 150
tonn af lambakjöti, en útflutningur
hefur að sögn Ingvars Más farið vax-
andi. Í vikunni voru á ferð norðan
heiða verslunar- og innkaupastjórar
Whole Foods verslana frá nokkrum
stöðum í Bandaríkjunum, en tilgang-
ur ferðarinnar var að
fræðast og kynnast íslenskum
landbúnaði af eigin raun. Norðlenska
selur afurðir úr lambakjöti í 90 versl-
unum Whole Foods í Bandaríkjunum.
Hópurinn skoðaði m.a. vinnslulínu
Norðlenska á Akureyri fyrir grísa- og
nautakjöt og vinnslulínu fyrirtækisins
á Húsavík fyrir lambakjöt.
„Í kjölfar þessarar heimsóknar
sjáum við fram á aukinn útflutning,
því menn voru mjög áhugasamir og
leist vel á. Nú vilja þeir helst fá meira
kjöt og treysta sér vel til að selja
meira magn en áður,“ sagði Ingvar
Már.
Norðlenska hefur útlutning á lambakjöti með skipi
Hægt að senda meira
magn og auka sparnað
Ljósmynd/Ingvar Már Gíslason
Sigmundur Ófeigsson, fram-
kvæmdastjóri Norðlenska, ásamt
Blair Gordon og Glenn Goddard frá
Whole Foods-verslununum.