Morgunblaðið - 12.09.2003, Blaðsíða 43

MINNINGAR
MORGUNBLAÐIÐ FÖSTUDAGUR 12. SEPTEMBER 2003 43
 Fleiri minningargreinar
um Högna Jóhannsson bíða birt-
ingar og munu birtast í blaðinu
næstu daga.
En fjórtán árum síðar, hinn 17.
apríl 1954, gengu þau í hjónaband.
Saman eiga þau fimm mannvænleg
börn, tvo syni og þrjár dætur. Stöð-
ugt hefur bæst í hópinn því barna-
börnin eru orðin ellefu og barna-
barnabörnin tvö.
Að lokum vil ég hrósa systur minni
fyrir dugnað hennar og fórnfýsi í
gegnum öll þessi ár. Það má ei
gleymast.
Eitt kærleiksorð, það sólbros sætt
um svartan skýjadag.
Ó, hvað það getur blíðkað, bætt
og betrað andans hag.
(S. Th.)
Elsku systir mín og fjölskylda,
mínar innilegustu samúðarkveðjur.
Unnur Jóhannesdóttir,
börn og barnabörn.
Minningarnar hrannast upp um
Sverri, mann sem var mér alla tíð
góður. Aldrei minnist ég þess að
Sverrir hafi verið að æsa sig yfir
hlutunum við okkur, „stóru“ fjöl-
skylduna, sem vorum saman komin í
sumarbústað foreldra minna austur í
Laugardal sumar eftir sumar. Sverr-
ir var mikið á sjónum í þá tíð en
mamma og Gunna frænka voru með
okkur grísina í dalnum og ólu okkur
upp eftir bestu getu. Þegar Sverrir
kom austur kom hann alltaf færandi
hendi með góðgæti eða leikföng og
hvort sem um var að ræða hans eigin
börn eða börnin hennar mömmu var
ekki gerður mannamunur, allir
fengu sitt.
Ég gæti setið lengi við og talið upp
mannkosti Sverris og yfirvegun því
að allir sem þekktu hann vita hvaða
yndislega mann hann hafði að
geyma. Við ferðalok langar mig að
biðja Sverri þeirrar bónar að skila
kveðju til föður míns ef svo vel vildi
til að hann rækist á hann einhvers
staðar á ferli.
Elsku, elsku Gunna frænka, megi
börn þín, fjölskyldur þeirra og al-
máttugur Guð styrkja og styðja þig í
sorg þinni.
Hvíldu í ró og friði.
Edda.
Hvernig minnist maður manns
sem var sterkur, ákveðinn, heiðar-
legur, skyldurækinn, myndarlegur,
snyrtilegur, smekklegur, duglegur,
vinnusamur, reglusamur, hlýr, örlát-
ur, nákvæmur, hafði yndislega
kímnigáfu, var góður faðir og ástrík-
ur eiginmaður? Sverrir bjó yfir öll-
um þessum eiginleikum sem stund-
um er svo óskiljanlegt í ljósi þess
heilsuleysis sem hann mátti stríða
við allt frá besta aldri.
En þetta er erfitt að orða og það
stendur reyndar hvergi skráð því að
reisn Sverris var slík að aldrei þáði
hann það sem honum bar heldur
vann sína vinnu eins og aðrir full-
frískir menn og það langt fram yfir
eftirlaunaaldur.
Síðasta æviár Sverris herjuðu svo
á hann fleiri sjúkdómar en hægt er
að leggja á eina manneskju. En jafn-
vel þá lét hann ekki staðar numið
heldur hélt sínu striki við tómstundir
og störf, keyrði upp í sumarbústað,
smíðaði, sífellt eitthvað að bauka.
Þrekið og styrkurinn var hreinlega
með ólíkindum.
Suma þessa mannkosti þekkti ég
af eigin raun en flesta þó í gegnum
þá sem elskaði hann, elsku Ernu vin-
konu mína. Væntumþykjan og virð-
ing hennar fyrir föður sínum var
djúp og ekki laust við að í augum vin-
kvenna hennar yrði Sverrir eins kon-
ar dýrlingur. Auðvitað getur hann
varla hafa verið gallalaus frekar en
aðrir góðir menn en stundum hefur
hvarflað að mér að einu gallar Sverr-
is hafi verið mannkostirnir sjálfir.
Samband hans og eftirlifandi eigin-
konu, Guðrúnar, var fallegt og náið,
þau voru alltaf tvö saman, hjón og
bestu vinir sem eignuðust fimm
börn, og þegar Sverrir lést voru
barnabörnin ellefu, barnabarna-
börnin tvö. Þar hafa eiginleikar
Sverris erfst og augun sem eru eng-
um lík.
Minningin um Sverri er öllum sem
þekktu hann bætandi og upplífgandi.
Megi dyggðir hans vera ástvinum
styrkur á kveðjustund.
Sigrún Pálsdóttir.
✝ Högni Jóhanns-son fæddist í
Auðahrísdal fyrir ut-
an Bíldudal í Arnar-
firði 7. apríl 1924.
Hann lést á gjör-
gæsludeild Landspít-
alans við Hringbraut
aðfaranótt 4. septem-
ber. Foreldrar hans
voru Jóhann Eiríks-
son, f. 5.5. 1874, og
Salóme Kristjánsdótt-
ir, f. 24.6. 1889, lést af
slysförum 1943. Þau
gengu í hjónaband
21.3. 1909. Börn
þeirra auk Högna eru: 1) Gunnar,
f. 3.9. 1908, d. 19.12. 1996, 2)
Högni, f. 7.9. 1910, d. 16.7. 1924. 3)
Ragnar, f. 22.6. 1911, látinn. 4)
Gústaf Adólf, f. 5.11. 1914, dó af
slysförum í fiskiróðri 25.11. 1939,
ókvæntur og barnlaus. 5) Gunn-
laugur, f. 21.7. 1914, fórst með mb.
Þormóði frá Bíldudal 1943. 6) Jón,
f. 27.7. 1915. 7) Emma Sigríður, f.
24.6. 1917, látin. 8) Hulda Sigríður,
f. 19.11. 1918. 9) Halldóra, f. 12.9.
1922. 10) Þorsteina, f. 12.5. 1925.
Áður var Jóhann kvæntur Guð-
rúnu Ólafsdóttur, f. 14.9. 1873, d.
1906. Börn þeirra og hálfsystkini
Högna voru: 1) Valgerður, f. 21.5.
1897. 2) Eiríkur, f. 22.11. 1898, lát-
inn. 3) Kristín Pálína, f. 23.6. 1900,
látin. 4) Jóhann, f. 16.11. 1902, lát-
inn. 5) Ólafur, f. 17.1. 1904, lést af
slysförum.
Hinn 14. september 1958 kvænt-
ist Högni eftirlifandi eiginkonu
sinni, Jónu Guðlaugu Þorgeirs-
dóttur, og saman eiga þau fimm
börn, en fyrir átti Högni einn son,
óskírðan, f. 21.3. 1946, d. sama dag.
Börn Högna og Jónu eru: 1) Anna
Þorgerður, f. 23.8. 1958, sambýlis-
maður hennar er
Eggert Bergsveins-
son, saman eiga þau
þrjú börn. 2) Ólafur
Jóhann, f. 29.12.
1960, kvæntur Sæ-
rúnu Lísu, og saman
eiga þau tvö börn,
fyrir á Ólafur Jóhann
tvö börn og fyrir á
Særún Lísa tvö börn.
3) Salóme, f. 8.6.
1963, og á hún tvö
börn með Jóni Aðal-
steini en þau slitu
samvistum fyrir 14
árum. Sambýlismað-
ur Salóme í dag er Gerald Martin
Wall. 4) Unnur, f. 23.1. 1966, og á
hún þrjú börn með Arngrími Óm-
ari en þau slitu samvistum fyrir
tveimur árum. Sambýlismaður
Unnar í dag er Guðni Ársæll, fyrir
á hann einn son. 5) Arnbjörg, f.
17.5. 1972, og á hún tvö börn. Fyrir
átti Jóna Guðlaug þrjú börn. Þau
eru: 1) Andrés Þorgeir, f. 22.11.
1953, kvæntur Hugrúnu Halldórs-
dóttur, f. 24.3. 1945, og saman eiga
þau tvö börn og eitt barnabarn,
fyrir á hann einn son og tvö barna-
börn, og fyrir á Hugrún fimm
börn. 2) Hallgrímur, f. 3.5. 1957, og
á hann tvö börn, og þrjú barna-
börn. 3) Dóttir fædd andvana.
Högni var sjómaður, auk þess að
vera þúsundþjalasmiður. Hann
byrjaði til sjós aðeins 14 ára gam-
all. Þegar árin fóru að færast yfir
stundaði hann landvinnu sem á
einn eða annan hátt tengdist sjón-
um. Árin 1983 til 1989 starfaði
hann í Tollvörugeymslunni við
Héðinsgötu.
Útför Högna fer fram frá Selja-
kirkju í Breiðholti í dag og hefst at-
höfnin klukkan 15.
Kveðjan mín til þín, elsku pabbi.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þótt svíði sorg mitt hjarta
þá sælt er að vita af því
þú laus ert úr veikinda viðjum,
þín veröld er björt á ný.
Ég þakka þau ár sem ég átti
þá auðnu að hafa þig hér.
Það er svo margs að minnast,
svo margt sem um hug minn fer.
Þó þú sért horfinn úr heimi,
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sig.)
Þín er sárt saknað, guð geymi
þig.
Þín dóttir
Unnur.
Elsku besti pabbi minn, nú dap-
urt er í mínu hjarta því nú komið er
að kveðjustund, þú ert búinn að
vera svo duglegur í gegnum þín
veikindi svo lengi og þú varst orðinn
óskaplega þreyttur. Um leið og ég
kveð þig, elsku pabbi minn, þá lang-
ar mig að minna þig á hversu mik-
ilvægt hlutverk þú lékst í mínu lífi.
Það er stór gjá milli þess sem ég hef
sagt þér um ævina og þess sem ég
mundi vilja hafa sagt, ég vona að
mínar hugsanir sem ég rita hér
komi til með að minnka þessa gjá,
pabbi, ég held að þú vitir alveg
hversu mikilvægur þú varst í mínu
lífi sem pabbi og vinur, það er svo
margt sem ég hef reynt að segja þér
í gegnum árin með mínu brosi og
faðmlögum, hversu þakklát ég er að
þú sért pabbi minn, hversu náin við
vorum og hversu mikið ég lít upp til
þín. Hvenær sem heimurinn virðist
svo snauður af hetjum þá hugsa ég
til þín og ég veit að ég á mína eigin
hetju og mun alltaf eiga. Það ert þú,
pabbi minn, sá sem ég leitaði til
þegar mig vantaði leiðsögn og visku,
öryggi og stuðning, ég er þér svo
þakklát pabbi minn, takk fyrir að
vera sá sem ég gat talað við og deilt
sálu minni með, fyrir þínar bænir og
þolinmæði, fyrir að kenna mér það
sem þú gast og leyfa mér að læra
svo margt á eigin spýtur. Þú hvattir
mig til að trúa á það besta, að ganga
alltaf upprétt. Allt sem ég er í dag
ætla ég að varðveita þar til ég geng
á þinn fund því það mun alltaf
minna mig á hversu náin við vorum
og verðum. Ég bið góðan almátt-
ugan guð að geyma þig, elsku pabbi
minn, og litlu englarnir munu færa
þér laxableikar rósir frá mér.
Í þögninni ég hugsa um þig, til
þín ég tala líka. Þú varst alltaf þar,
þegar ég þarfnaðist þín, ekkert verk
of stórt eða smátt, með þitt elskandi
hjarta og viljugu hendur. Fyrir mig
þú gerðir allt.
Þín elskandi dóttir
Salóme.
Elsku afi, takk fyrir allt.
Við eigum minningar um brosið bjarta,
lífsgleði og marga góða stund,
um mann sem átti gott og göfugt hjarta
sem gengið hefur á guðs síns fund.
Hann afi lifa mun um eilífð alla
til æðri heima stíga þetta spor.
Og eins og blómin fljótt að frosti falla
þau fögur lifna aftur næsta vor.
(Guðrún Vagnsdóttir.)
Fannar Smári Erlingsson,
Arngrímur Arngrímsson,
Ellen María Arngrímsdóttir.
HÖGNI
JÓHANNSSON
Afmælis- og minningargreinum má skila í tölvupósti (netfangið er minning@mbl.is, svar er
sent sjálfkrafa um leið og grein hefur borist) eða á disklingi. Ef greinin er á disklingi þarf út-
prentun að fylgja. Nauðsynlegt er að tilgreina símanúmer höfundar og/eða sendanda (vinnu-
síma og heimasíma). Þar sem pláss er takmarkað getur þurft að fresta birtingu greina, enda
þótt þær berist innan hins tiltekna frests. Nánari upplýsingar eru á mbl.is. Um hvern látinn
einstakling birtist formáli og ein aðalgrein af hæfilegri lengd á útfarardegi, en aðrar greinar
skulu ekki vera lengri en 300 orð, u.þ.b. 1.500 slög (með bilum) eða um 50 línur í blaðinu (17
dálksentimetrar). Tilvitnanir í sálma eða ljóð takmarkast við eitt til þrjú erindi.
Lokað
í dag, föstudaginn 12. september eftir hádegi, vegna útfarar
SIGURGEIRS ÞORSTEINSSONAR skrifstofustjóra.
Tilraunastöð Háskóla Íslands
í meinafræði að Keldum.
Kær frænka okkar,
SOFFÍA VILHJÁLMSDÓTTIR,
Skeggjagötu 12,
Reykjavík,
verður jarðsungin frá Oddakirkju á Rangár-
völlum laugardaginn 13. september kl. 14.00.
Blóm og kransar vinsamlegast afbeðnir, en
þeim, sem vilja minnast hennar, er bent á
líknarstofnanir.
Systkinabörnin.
Ástkær fósturmóðir, systir, tengdamóðir og
amma,
JÓHANNA GUÐMUNDSDÓTTIR
frá Hurðarbaki,
Birkivöllum 10,
Selfossi,
verður jarðsungin frá Selfosskirkju laugardag-
inn 13. september kl. 13.30.
Fyrir hönd ættingja og annarra vandamanna,
Matthías Viðar Sæmundsson og Steinunn Ólafsdóttir.
Elskulegur eiginmaður minn,
KRISTINN HANSEN,
Santa Fe,
New Mexico,
er látinn.
Fyrir hönd fjölskyldunnar,
Joyce Hansen.
Móðurbróðir minn,
GÍSLI KETILSSON,
Hellissandi,
sem andaðist á Landspítalanum í Fossvogi
fimmtudaginn 4. september, verður jarðsunginn
frá Ingjaldshólskirkju laugardaginn 13. septem-
ber kl. 14.00.
Fyrir hönd aðstandenda,
Kristinn Breiðfjörð Eiríksson.
EIRÍKUR ELISSON,
Bláskógum 8,
Egilsstöðum,
andaðist á gjörgæsludeild Landspítalans við
Hringbraut miðvikudaginn 10. september.
Jarðarförin auglýst síðar.
Fjölskylda hins látna.