Morgunblaðið - 12.09.2003, Blaðsíða 8

FRÉTTIR
8 FÖSTUDAGUR 12. SEPTEMBER 2003 MORGUNBLAÐIÐ
Grafarvogsdagurinn
Þátttaka farið
stigvaxandi
Grafarvogsdagurinnverður haldinn há-tíðlegur, í sjötta
skipti, á morgun, laugar-
daginn 13. september. Það
er Fjölskylduþjónustan í
Grafarvogi sem stendur
fyrir deginum en innan
raða hennar er m.a. Þrá-
inn Hafsteinsson, íþrótta-
og tómstundafulltrúi Graf-
arvogs. Morgunblaðið
lagði nokkrar spurningar
fyrir Þráin og var hann
fyrst beðinn um að segja
frá fyrirbærinu Fjöl-
skylduþjónustunni í Graf-
arvogi.
„Jú, það má segja að
Fjölskylduþjónustan í
Grafarvogi sé tilrauna-
verkefni Reykjavíkur-
borgar til að færa ýmiss
konar þjónustu út í hverf-
in og efla samhliða hverf-
isvitundina. Verkefnið hófst árið
1997 og eru 29 manns í fullu
starfi. Hér er um að ræða margs
konar fjölskylduþjónusta, m.a.
heimahjúkrun og þjónustu fyrir
fatlaða. Stór hluti af starfinu er
einnig að efla hverfisvitund íbúa
svæðisins og það má segja að þar
komi Grafarvogsdagurinn sterk-
ur inn. Þetta er í sjötta skipti sem
hann er haldinn, fyrst var hann
haldinn 1998, og tilgangurinn
með honum er að gefa Grafar-
vogsbúum tækifæri til að hittast
og skemmta sér saman yfir tóm-
stundum og menningu.“
– Hafa Grafarvogsbúar svarað
kallinu og nýtt þetta tækifæri?
„Grafarvogsbúar hafa tekið
Grafarvogsdeginum fagnandi og
þátttaka hefur farið stigvaxandi.
Í fyrra tóku t.d. milli fjögur og
fimm þúsund manns þátt í hinum
ýmsu uppákomum dagsins og vel
á fimmta hundrað manns komu að
meira eða minna leyti að skipu-
lagningu og framkvæmd dagsins.
Við vonumst eftir svipaðri ef ekki
meiri þátttöku nú og til viðbótar
við hefðbundna skipulagninu og
undirbúning má nefna skemmti-
lega nýjung sem á annan tug
nemenda í Borgarholtsskóla legg-
ur til, en það er heimasíða sem
þegar hefur verið opnuð og er til-
einkuð Grafarvogsdeginum.
Heimasíðugerðin er hluti af
skólaverkefni og hefur tekist afar
vel til.“
– Segðu okkur eitthvað meira
um Grafarvogsdaginn?
„Eins og ég gat um áðan hefur
hann frá upphafi verið til þess að
sameina Grafarvogsbúa og skapa
þeim tækifæri til að hittast,
skemmta sér og öðrum og koma
því mikla og merkilega menning-
arstarfi á framfæri sem fer fram í
hverfinu. Dagskránni er ætlað að
höfða til allra aldurshópa og hefur
alltaf verið stíluð á að fjölskyldan
taki þátt í deginum saman. Dag-
skráin er mismunandi frá ári til
árs og einnig staðsetning hátíð-
arhaldanna. Ákveðnar skemmti-
legar hefðir hafa þó skapast í dag-
skránni sem sjálfsagt þykir að
séu fastir liðir. Sögu-
gangan, helgistundin,
Grafarvogsglíman, af-
hending Máttarstólp-
ans, kvöldvakan og
flugeldasýningin eru
fastir punktar í annars mjög fjöl-
breyttri dagskrá. Grafarvogsdag-
urinn hefur líka orðið fyrirmynd
að nýjum hverfishátíðum í öðrum
og eldri hverfum Reykjavíkur,
t.d. í Vesturbæ og Breiðholti.“
– Hefur dagurinn eitthvert sér-
kenni í ár?
„Það má segja það. Þegar
ákveðið var að meginhluti hátíð-
arhalda Grafarvogsdagsins færi
fram við Korpúlfsstaði þótti sjálf-
sagt að gera sögu staðarins eins
aðgengilega fyrir gesti Grafar-
vogsdagsins og mögulegt væri.
Birgir Aðalsteinsson bóndi mun
verða leiðsögumaður í sögugöngu
um húsið. Birgir er alinn upp á
Korpúlfsstöðum og því öllu kunn-
ugur þar. Einnig verður sett upp
spjald við húsið með texta og
myndum sem lýsa sögu hússins
og þeirri starfsemi sem þar hefur
farið fram í gegnum tíðina. Í
þriðja lagi verður svo sýnt mynd-
band á risaskjá þar sem sögu
Korpúlfsstaða eru gerð skil. Meg-
inhluti hússins verður opinn al-
menningi þennan dag.“
– En það er væntanlega margt,
margt fleira?
„Já. Fjölbreytileikinn hefur
alltaf verið í ríkum mæli og svo er
og nú. Það er af mörgu að taka ef
nefna á eitthvað. Fjölbreytt
skemmtidagskrá verður á sviði í
Golfskálanum þar sem listamenn
úr Grafarvogi koma fram og leik-
skólabörn og krakkar úr öllum
grunnskólum Grafarvogs koma
líka og leika, syngja og spila á
hljóðfæri. Félagsmála- og menn-
ingarverðlaun hverfisráðs Graf-
arvogs, „Máttarstólpinn“ verða
afhent fyrir framúrskarandi
framlag til félags- og menningar-
starfs í hverfinu.
Fleira mætti nefna. Nokkur
Grafarvogsskáldanna munu lesa
úr verkum sínum í skólaportinu á
Korpúlfsstöðum þar sem nem-
endur og foreldrar Korpuskóla
verða með kaffisölu og hand-
verkafólk úr Grafarvogi sýnir og
selur verk sín. Myndir leikskóla-
barna verða þar einnig til sýnis.
Það er í raun allt of langt mál
að tína til allt sem á
boðstólum er. Sunda-
brautartillögur verða
til sýnis, lifandi mynd-
list, opið hús í Korpu-
skóla, helgistund og
heimagert messubrauð utanhúss
að Korpúlfsstöðum, skrúðganga,
leikir, leiktæki, hestar og golf.
Síðan kvölddagskrá þar sem
Dáðadrengir og fleiri efnilegir
munu halda uppi fjörinu og dag-
skráin endar með flugeldasýn-
ingu klukkan tíu. Ef fólk vill
kynna sér dagskrána betur er
hún á vefslóðinni www.midgar-
dur.is.“
Þráinn Hafsteinsson
 Þráinn Hafsteinsson er fædd-
ur 6. september 1957 á Selfossi.
Hann er útskrifaður íþróttafræð-
ingur frá Háskólanum í Alabama
í Bandaríkjunum og hefur starfs-
ferill hans alla tíð tengst íþrótt-
um. Síðasta hálft þriðja árið hef-
ur hann starfað sem íþrótta- og
tómstundafulltrúi í Grafarvogi.
Efla samhliða
hverfis-
vitundina
Ármúla 44 • Sími 553 2035 • www.hphusgogn.is
• Borðstofuborð m. stækkun 172.760 –
• Stóll 25.920 Stóll m. örmum 31.860 – Skenkur 90.720
• Hornskápur 79.380 – Skápur 177.660
borðstofuhúsgögn úr eik
Fáanlegt í 7 viðarlitum
Stærð á borði 160x100 sm
Stækkanlegt í 205 sm