Morgunblaðið - 12.09.2003, Blaðsíða 12
VIÐSKIPTI/ATHAFNALÍF
12 FÖSTUDAGUR 12. SEPTEMBER 2003 MORGUNBLAÐIÐ
ÚR VERINU
FISKMARKAÐURINN Fishgate í
Hull í Bretlandi hefur hlotið gæða-
vottun EFSIS, fyrstur fiskmarkaða í
heiminum. Fishgate er að mestum
hluta í eigu Íslendinga og fram-
kvæmdastjóri markaðarins er Krist-
jón D. Bergmundsson. Markaðurinn
er einn sá tæknivæddasti í heimi, all-
ur tölvustýrður og sérstök áhersla er
lögð á hreinlæti og gæðamál. Fiskur
úr íslenskri, norskri og færeyskri
lögsögu er boðinn upp á markaðnum.
EFSIS stendur fyrir European
Food Safety Inspection Service eða
evrópsku matvælaeftirlitsstofn-
unina. Við afhendingu viðurkenning-
ar EFSIS til Fishgate á dögunum
sagði Alan Campbell, þaulreyndur
matsmaður sem hefur skoðað fisk-
markaði um heim allan á vegum
stofnunarinnar, að starfsmenn,
stjórnendur og þátttakendur á
markaðinum hafi sýnt aga með því að
sameinast um gæðastefnu og þannig
tekist að setja nýja staðla fyrir fisk-
markaði um heim allan. Frá þessu
segir í frétt Seafood International.
Arthur Cook, stjórnarformaður
fyrirtækisins, sagði við móttöku við-
urkenningarinnar að það hafi verið
stefna fyrirtækisins að komast í
þennan gæðaflokk allt frá upphafi.
„Toppgæðastaðallinn hefur verið
okkar markmið frá því Fishgate var
stofnað. Nú þegar minni fiskgengd
eykur sífellt virði fiskjarins verða
gæðin lykilatriði,“ er haft eftir Cook í
tilkynningu frá fyrirtækinu.
Í máli Kristjáns Loftssonar,
stjórnanda hjá Fishgate, kom fram
að gæðin fælust ekki síður í starfs-
umhverfinu sem skapað hefur verið
hjá Fishgate. „Við erum með full-
komið starfsumhverfi, höfum aflað
okkur viðurkenninga áður og hefur
nú tekist að öðlast alþjóðlegrar virð-
ingar. Gæðin eru ekki einungis fólgin
í vörunni heldur í vinnunni líka,“
sagði Kristján þegar hann tók við
viðurkenningunni.
Fishgate-markaðurinn er einn sá tæknivæddasti í heimi, allur tölvustýrður
og sérstök áhersla er lögð á hreinlæti og gæðamál.
Fishgate vottað-
ur af EFSIS
Íslenskur fiskmarkaður í Hull í
Bretlandi leiðandi í gæðamálum
HELGI Laxdal, formaður Vél-
stjórafélags Íslands, hefur ákveðið
að gefa ekki kost á sér til for-
mennsku í félaginu eftir næsta
kjörtímabil. Hann hefur nú verið
formaður VSFÍ í 21 ár.
Helgi hefur gefið kost á sér til
formennsku VSFÍ á næsta kjör-
tímabili eða til næstu fjögurra ára
en hefur ákveðið að kjörtímabilið
verði jafnframt sitt síðasta. Að því
loknu hefur hann gegnt for-
mennsku í VSFÍ í aldarfjórðung,
lengst allra formanna félagsins frá
upphafi. Hann tók við formennsku
haustið 1982, af Ingólfi Ingólfssyni.
Helgi segir að þegar næsta kjör-
tímabili ljúki verði hann kominn
fast að eftirlaunaaldri og að það sé
góður tímapunktur til að láta stað-
ar numið. „Mér finnst ég þó ekki
hafa elst um dag frá því að ég tók
við formennsku fyrir ríflega 20 ár-
um. Þetta hefur verið geysilega
skemmtilegur tími. Það hefur
gengið á ýmsu á þessum tíma og oft
hefur verið tekist hart á. Mér finnst
reyndar að harkan sé meiri á þess-
um vettvangi nú en áður. Það er
minna um að menn leysi sín mál sín
á milli á persónulegum nótum en
þeim mun algengara að málum sé
vísað til lögmanna til úrlausnar.
Auðvitað er ennþá töluvert um að
menn leysi málin sín á milli í besta
bróðerni, það eru til dæmis fjöl-
margar útgerðir sem við höfum
aldrei þurft að hafa afskipti af
vegna mönnunarmála.
En þó að við höfum oft tekist hart
á við útgerðarmenn og stundum
hafa fallið stór orð, er það nú sem
betur fer þannig að menn erfa ekki
slíkt og þegar við göngum út úr
fundarherbergjunum erum við allir
mestu mátar. Erfiðasta tímabilið á
formennskuferli mínum hingað til
var þegar við vélstjórar klufum
okkur út úr Farmanna- og fiski-
mannasambandi Íslands árið 1991.
Það voru stór skref og þung en
menn hafa löngu leyst úr þeim
ágreiningi sem þar kom upp,“ segir
Helgi Laxdal.
Helgi Laxdal
ákveður að hætta
Morgunblaðið/Þorkell
Helgi Laxdal, formaður
Vélstjórafélags Íslands.
HJÁ Landsbanka Íslands og Ís-
landsbanka hefur ekki verið tekin
ákvörðun um lækkun vaxta á inn- og
útlánum en Kaupþing Búnaðarbanki
lækkaði vexti í gær. Sparisjóðirnir
hafa ákveðið að lækka vexti sína, en
ákvörðun liggur ekki fyrir um hve
mikil sú lækkun verður.
Kaupþing Búnaðarbanki lækkaði
vexti á óverðtryggðum útlánum í
gær um 0,15-0,25% og á verðtryggð-
um útlánum um 0,20%.
Stóru tryggingafélögin þrjú, VÍS,
Sjóvá-Almennar og TM hafa öll
ákveðið að lækka vexti á bílalánum til
samræmis við lækkun vaxta á bíla-
lánum Frjálsa fjárfestingarbankans,
sem Morgunblaðið greindi frá í gær.
Lækka tryggingafélögin vexti af
óverðtryggðum bílalánum úr 10,3% í
10,0% og á verðtryggðum lánum úr
8,0% í 7,8% eins og Frjálsi fjárfest-
ingarbankinn hafði gert.
Fjármögnunarfyrirtækin Glitnir,
Lýsing og SP-Fjármögnun hafa ekki
ákveðið að lækka vexti á sínum bíla-
lánum. Vextir af bílalánum fjár-
mögnunarfyrirtækjanna eru í dag
þeir sömu og þeir voru hjá Frjálsa
fjárfestingarbankanum og trygg-
ingafélögunum fyrir lækkunina í
gær. Framkvæmdastjóri Lýsingar
segist þó fastlega gera ráð fyrir að
fyrirtækið muni fylgja eftir vaxta-
lækkun Frjálsa fjárfestingarbank-
ans.
Vaxtalækkun
ekki augljós
Sigurjón Þ. Árnason, bankastjóri
Landsbanka Íslands, segir að bank-
inn hafi ekki tekið ákvörðun um
breytingar á vöxtum á inn- og útlán-
um. Hann segist eiga von á því að
vaxtakjörin verði skoðuð í kringum
næsta vaxtabreytingardag, hinn 21.
september næstkomandi. Hugsan-
lega verði þó beðið með vaxtabreyt-
ingar þangað til eftir að nýjar upp-
lýsingar um verðbólguna verða
birtar.
Sigurjón segir að í ljósi þess hvað
verðbólgan hafi verið há í þessum
mánuði, eða 0,7%, sé ekki augljóst að
hreyfa eigi mikið við vöxtum á óverð-
tryggðum inn- og útlánum á þessu
stigi.
Jón Þórisson, framkvæmdastjóri
útibúasviðs Íslandsbanka, segir að
ekki hafi verið tekin ákvörðun um
lækkun vaxta á inn- og útlánum
bankans á næstunni. Bankinn líti svo
á að með vaxtalækkun Kaupþings
Búnaðarbanka á óverðtryggðum
kjörum í gær hafi hann verið að laga
sig að vöxtum sem verið hafi hjá Ís-
landsbanka í um hálfs árs skeið.
Þrátt fyrir þessar breytingar hjá
Kaupþingi Búnaðarbanka sé Ís-
landsbanki enn með lægri vexti í
sumum tilvikum.
Í sambandi við verðtryggð vaxta-
kjör segir Jón að Íslandsbanki hafi
fylgst með þeirri þróun sem verið
hafi á markaði. Að mati bankans
gætu verið að skapast aðstæður til að
lækka verðtryggða vexti og reynt
verði að nýta þau tækifæri sem gef-
ast til þess á næstunni.
Finnur Sveinbjörnsson, banka-
stjóri Sparisjóðabanka Íslands, segir
að í ljósi markaðsaðstæðna hafi
sparisjóðirnir tekið ákvörðun um
lækkun vaxta, en ákvörðun liggi ekki
fyrir um hve mikil sú lækkun verði.
Þó liggi þegar fyrir ákvörðun Frjálsa
fjárfestingarbankans um lækkun á
vöxtum bílalána, en bankinn sé innan
sparisjóðafjölskyldunnar.
Lægri vextir í boði
Í tilkynningu á heimasíðu VÍS í
gær sagði að lækkun á vöxtum af
bílalánum félagsins sé í samræmi við
þá stefnu VÍS að endurskoða vaxta-
kjör reglulega með tilliti til markaðs-
aðstæðna á hverjum tíma.
Ágúst Ögmundsson, aðstoðarfor-
stjóri TM, segir að félagið hafi ákveð-
ið að lækka vexti á bílalánum í gær
og það sama segir Kristján Björg-
vinsson, forstöðumaður fjármála-
sviðs Sjóvár-Almennra trygginga.
Lýsing mun að öllum líkindum
fylgja Frjálsa fjárfestingarbankan-
um og lækka vexti af bílalánum til
samræmis við hann, að sögn Ólafs
Helga Ólafssonar, framkvæmda-
stjóra Lýsingar. Hann segir að
ákvörðun um vaxtalækkun á bílalán-
um fyrirtækisins hafi þó ekki verið
tekin.
Kjartan Georg Gunnarsson, fram-
kvæmdastjóri SP-Fjármögnunar,
segist ekki gera ráð fyrir að fyrir-
tækið muni bregðast með nokkrum
hætti við vaxtalækkun Frjálsa fjár-
festingarbankans. Vextir af bílalán-
um SP-Fjármögnunar verði því
væntanlega óbreyttir.
Kristján Óskarsson, fram-
kvæmdastjóri Glitnis, segir að fyrir-
tækið muni skoða hvort vextir af
bílalánum verði lækkaðir. Ákvörðun
þar um hafi hins vegar ekki verið
tekin.
Að sögn Kristjáns býður Glitnir
lægri vexti á svonefndum bílasamn-
ingum en á bílalánum, eða 6,4%.
Hann segir að fjármögnunin sam-
kvæmt bílasamningi sé til helminga í
íslenskum krónum á móti erlendum
gjaldmiðlum samkvæmt svonefndri
myntkörfu, sem í eru Bandaríkjadal-
ur, evra og japönsk jen.
Landsbanki og Íslands-
banki lækka ekki vexti
Tryggingafélögin
fylgja Frjálsa
fjárfestingar-
bankanum og
lækka vexti
á bílalánum
ráðstefnunni í samvinnu við Afl-
vaka, Nýherja, Háskóla Íslands,
Frumkvöðlasetur Norðurlands og
Nýsköpunarsjóð.
Luis Sanz sagði í samtali við
Morgunblaðið í gær að reynslan af
vísinda- og tæknigörðum sé almennt
mjög góð. Þeim hafi stöðugt farið
fjölgandi á undanförnum árum og
ætla megi að það hafi gerst vegna
þess hvað þeir hafi skilað góðum ár-
angri. Þeim sem eiga aðild að al-
heimssamtökum vísinda- og tækni-
garða hafi einnig fjölgað hratt og
séu nú um 270 talsins frá 65 löndum.
Hann sagði að samtökin veiti
VÍSINDA- og tæknigarðar skapa
umhverfi sem kemur sér vel fyrir
fyrirtæki sem þurfa stuðning til að
þróast, að sögn Luis Sanz, fram-
kvæmdastjóra alheimssamtaka vís-
inda- og tæknigarða. Hann segir að
reynslan af svona görðum víða um
heim hafi sýnt að þróun fyrirtækja
verði hraðari og ódýrari séu þau í
návist fyrirtækja í sambærilegri
stöðu.
Luis Sanz flutti ávarp við setn-
ingu alþjóðlegrar ráðstefnu um gildi
vísinda- og tæknigarða sem hófst
hér á landi í gær og lýkur í dag. Það
er Iðntæknistofnun sem stendur að
stuðning og ráðgjöf og framkvæmi
rannsóknir og athuganir sem geti
nýst þeim sem hyggja á stofnun vís-
indagarða sem og fyrirtækjum sem
eru í slíkum görðum.
Hallgrímur Jónasson, forstjóri
Iðntæknistofnunar, sagði í samtali
við Morgunblaðið í gær að mark-
miðið með ráðstefnunni sé að þróa
umræðu um vísinda- og tæknigarða
sem aðferðafræði í því að byggja
upp ný fyrirtæki. Ráðstefnan sé leið
til að kynna þessi mál hér á landi
auk þess sem umræðan geti ýtt
undir að frekar verði aðhafst í þeim
málum.
Alþjóðleg ráðstefna um vísinda- og tæknigarða
Þróun fyrirtækja er
hraðari og ódýrari
SKATTUR Á FYRIRTÆKI er heiti
nýútkominnar bókar eftir Ásmund G.
Vilhjálmsson, héraðsdómslögmann
og forstöðumann
skattasviðs end-
urskoðunarfyrir-
tækisins Grant
Thornton. Bókin
er 885 síðna upp-
flettirit og að sögn
Ásmundar ætluð
fólki í atvinnu-
rekstri sem vill fá
upplýsingar um
skattamál á að-
gengilegan hátt. Spurður að því hvað
varð til þess að hann réðst í útgáfu
bókarinnar segir Ásmundur það fyrst
og fremst vera áhuga sinn á fræðun-
um. Hann hefur áður gefið út nokkur
rit um skattamál og segir bókina vera
nokkurs konar endurbætta heildar-
útgáfu af öllu því sem hann hefur áð-
ur ritað um skattlagningu fyrirtækja.
„Skattarétturinn hefur verið að
þróast þannig að greinarmörk ein-
staklingsskattaréttar og atvinnu-
skattaréttar eru alltaf að verða skýr-
ari. Útgáfa fyrri rita kenndi mér það
að það væri æskilegt að skrifa rit sem
fjallaði eingöngu um skattlagningu
fyrirtækja.“
Að sögn Ásmundar er bókin Skatt-
ur á fyrirtæki byggð upp eins og
rekstrarreikningur. Meginþættir
bókarinnr eru þrír: sá fyrsti fjallar
um hugtakið atvinnurekstur og þær
tekjur sem honum tengjast, í öðrum
þætti bókarinnar er fjallað um hvaða
gjöld megi draga frá þessum tekjum.
„Mörkin milli rekstrarkostnaðar og
einkaútgjalda geta oft verið óljós og
þess vegna er nauðsynlegt að reyna
að skýra það út,“ segir Ásmundur. Í
þriðja hlutanum er síðan tekið á vör-
unotkun, fyrningu rekstrarfjármuna
og því hvernig skattleggja eigi hagn-
að eða tap.
Ásmundur hefur unnið að ritun
bókarinnar í fimm ár. „Þessi bók er
sniðin eftir kennslubókum sem eru
notaðar við háskólakennslu í skatta-
rétti á Norðurlöndunum en hver sem
er sem er í fyrirtækjarekstri á að
geta haft not af bókinni.“ Sjálfur er
Ásmundur menntaður í skattarétti
frá Árósum í Danmörku og Lundi í
Svíþjóð. Í bókinni er að finna tilvitn-
anir í yfir þúsund dóma í skattamál-
um fyrirtækja. Útgefandi bókarinnar
er Skattvís slf. en nánari upplýsingar
um ritið er að finna á slóðinni
www.skattvis.is.
Ný bók um skattamál fyrirtækja
Ásmundur G.
Vilhjálmsson hdl.