Morgunblaðið - 03.10.2003, Blaðsíða 4

FRÉTTIR
4 FÖSTUDAGUR 3. OKTÓBER 2003 MORGUNBLAÐIÐ
BYRJAÐ var að kenna brids sem
valfag í haust í Fjölbraut við Ármúla,
Menntaskólanum við Sund, Kvenna-
skólanum og Framhaldsskólanum í
Vestmannaeyjum og að sögn Ljós-
brár Baldursdóttur, fræðslufulltrúa
Bridgesambands Íslands, er næsta
öruggt að bridsnámskeið verði kennd
sem valfag í mun fleiri framhalds-
skólum eftir áramótin.
Það gekk mikið á þar sem Björg-
vin Már Kristinsson, bridsari og
nemandi við Kennaraháskólann, var
að kenna á þriðja tug nemenda í MS.
Víða voru hendur á lofti sem vildu fá
hjálp við sagnirnar og kennarinn á
hlaupum á milli nemenda.
Dóra og Daggrós fengu spilin gegn
Ívari Páli og Guðjóni og enduðu í
tveimur tíglum eftir nokkra umhugs-
un og lestur á sagnakerfinu í möpp-
um. Kannski ekki alveg drauma-
samningurinn miðað við spilin en
þær stóðust sögnina þó. Ekkert
þeirra hafði spilað brids áður og þau
eru öll sammála um að sagnirnar séu
erfiðasti hlutinn en minntu á að stutt
væri síðan námskeiðið hófst. Þau
voru líka sammála um að bridsið væri
allt öðruvísi en þau spil sem þau
kunna og mun erfiðara. Guðjón og
Ívar Páll sögðu þó að reynslan af
Kana kæmi að nokkru gagni.
„Kærastinn minn og vinir hans
spila brids á hverjum sunnudegi,“
segir Dóra, „en ég hugsa að ég fái
ekkert að vera með. Ætli ég verði
ekki bara að stofna eigin klúbb.“
„Ég kenni einfaldaða útgáfu af
standard-sagnakerfinu og er með
innlögn í hverjum tíma, mislanga eft-
ir því hvað ég er að tala um og svo er-
um við að reyna beita þekkingunni í
spilinu,“ segir Björgvin Már. „Það
eru skrifleg próf í námskeiðinu og
svo er mæting og frammistaða líka
metin. Ég er reyndar þegar búinn að
halda eitt skyndipróf. Líkindareikn-
ingur er einnig nauðsynlegur í bridsi
og ég kem til með að fara í hann. Það
verður síðan haldið framhalds-
skólamót í brids og við erum búin að
stofna bridsfélag fyrir krakkana en
þar er alltaf spilað á miðvikudags-
kvöldum. Við viljum auðvitað koma
krökkunum í bridshreyfinguna og
um leið og þeir eru farnir að spila
keppnisbrids og upplifa raunveru-
lega keppni er engin leið til baka,“
segir Björgvin Már.
Morgunblaðið/Þorkell
Guðjón og Daggrós, sem eru í hópi margra bridsnemenda í Menntaskólanum við Sund, bíða eftir að Dóra segi.
Brids valfag í framhaldsskólum
ÞVÍ var fagnað í gær að þrjátíu ár
eru síðan kennsla hófst við Háskóla
Íslands (HÍ) á námsbraut í hjúkr-
unarfræði. Erla Kolbrún Svav-
arsdóttir, deildarforseti hjúkr-
unarfræðideildar Háskóla Íslands
(HÍ), flutti erindi í hátíðarsal Há-
skólans, þar sem hún leit yfir farinn
veg og horfði einnig til framtíðar.
Erla segir að einnig sé verið að
heiðra minningu Maríu Péturs-
dóttur, sem var einn af frum-
kvöðlum í hjúkrun á Íslandi. „María
vann ötullega að því að námið yrði
flutt yfir á háskólastig og kenndi
hér á námsbraut í hjúkrunarfræði.
Hún var lengi formaður Félags ís-
lenskra hjúkrunarfræðinga og
vann mikið starf í þágu hjúkrunar.
Við höfum því ákveðið að helga 2.
október minningu Maríu.“
Hjúkrunarstarfið hefur breyst
mjög undanfarin ár. Hjúkr-
unarfræðingar starfa mjög víða í
samfélaginu og starfsvettvangur
þeirra er mjög fjölbreyttur. „Þetta
er ekki lengur umönnun í þröngum
skilningi. Hjúkrunarfræðingar
koma að forvarnarverkefnum og
þróunar- og rannsóknarverkefnum
auk þess sem markaðssetning á
heilsu- og heilbrigðishugtakinu er
orðin miklu sýnilegri og eftirsókn-
arverðari innan viðskiptalífsins.
Það má segja að við stofnun LSH
hafi sérþekking á sviði stjórnunar
verið krafa. Það er eitt sem við höf-
um veitt athygli, hjúkrunarfræð-
ingar hafa verið að leita meira í
framhaldsnám í stjórnun eftir að
LSH var stofnað.“
Erla segir vel hafa gengið að
kynna hjúkrunarfræðina fyrir körl-
um. „Strákum fer fjölgandi. Af 245
nýnemum í ár eru nú 22 strákar.“
Þrjátíu ár frá stofnun námsbrautar í hjúkrunarfræði við HÍ
Afar
breiður
starfsvett-
vangur
Morgunblaðið/Árni Sæberg
Vigdís Finnbogadóttir, fyrrverandi forseti, og Erla Kolbrún Svavarsdóttir,
deildarforseti hjúkrunardeildarinnar, við upphaf hátíðarinnar í gær.
VINNSLA er hafin á ný hjá Jökli ehf. á Rauf-
arhöfn, en öllum starfsmönnum fyrirtækisins var
sagt upp störfum þar sl. sumar og hefur vinnsla
legið niðri síðan. Vinnslan á Raufarhöfn verður
hluti af starfsemi fyrirtækisins GPG á Húsavík,
sem fyrst og fremst vinnur blautverkaðan saltfisk.
„Fólk var vissulega mjög ánægt að koma aftur
til vinnu, en jafnframt var í því ákveðinn kvíði
vegna þess að hér er um að ræða allt aðra vinnslu
en hér var áður,“ segir Gunnar Jónasson, fram-
leiðslustjóri hjá GPG á Raufarhöfn, en þar hófst á
miðvikudag vinnsla á léttsöltuðum, frystum
þorskflökum. Vinnslu á tvífrystum bolfiskafurðum
var hætt á Raufarhöfn í byrjun júlí sl. og ákveðið
að hefja vinnslu á léttsöltuðum þorskflökum. Tölu-
verðar breytingar þurfti að gera á vinnslunni, m.a.
taka út vinnslubúnað og setja annan í staðinn.
Gunnar áætlar að breytingarnar hafi kostað tugi
milljóna króna.
Stærsti markaður fyrir þessa afurð er Spánn.
Gunnar segir að til hafi verið um 300 tonn af
Rússafiski í frystigeymslum fyrirtækisins, sem nú
sé verið að vinna. „Við stefnum að því að vinna úr
að minnsta kosti tíu tonnum af hráefni á dag í
framtíðinni eða úr um 2.000 tonnum á ári. Það mun
taka dálítinn tíma að þjálfa starfsfólk og ná upp af-
köstum, fyrsta daginn unnum við úr 3,9 tonnum af
hráefni en munum síðan auka þetta stig af stigi,“
segir Gunnar og er bjartsýnn á framhaldið.
Tuttugu starfsmenn hófu störf hjá GPG á Rauf-
arhöfn í dag, þar af eru ellefu Pólverjar sem hafa
unnið í fiskvinnslu á staðnum undanfarin ár og fest
þar rætur. Gunnar segir að væntanlega þurfi að
bæta við starfsfólki þegar vinnslan kemst á fullan
skrið. Um 45 manns voru við störf hjá Jökli þegar
vinnslu var hætt þar sl. sumar.
Fiskvinnsla hafin hjá Jökli á Raufarhöfn eftir að hafa legið niðri frá því í sumar
Fólk kom ánægt til vinnu
SÝSLUMAÐURINN í Vestmanna-
eyjum, Karl Gauti Hjaltason, hefur
nú til athugunar mál sem tengjast
heimaslátrun á sauðfé í bænum og
hvort slíkt kjöt hafi farið í almenna
sölu. Karl Gauti staðfesti þetta í
samtali við Morgunblaðið en sagði
jafnframt að engar formlegar kærur
hefðu verið lagðar fram, eingöngu
athugasemdir hefðu borist.
Bannað er samkvæmt lögum að
selja heimaslátrað kjöt, það má ein-
göngu vera til eigin neyslu og ekki
flytja það á milli bæja.
Deilur hafa staðið yfir í Eyjum um
beitilönd fyrir sauðfé í eigu nokkurra
bænda. Helsta beitilandið hefur ver-
ið Heimaey en þar hafa einnig farið
fram ræktunartilraunir að frum-
kvæði garðyrkjustjóra bæjarins.
Nýlega féllst bæjarstjórnin á til-
lögu landnytjanefndar sveitarfé-
lagsins um breytingar á 5. grein
samþykktar um búfjárhald í Eyjum.
Samkvæmt breytingunni er haga-
ganga á skilgreindum svæðum á
Heimaey heimil frá 1. október til 31.
mars ár hvert. Landnytjanefnd get-
ur þá að fenginni umsögn búfjáreft-
irlitsmanns veitt undanþágu frá dag-
setningum ef nauðsyn krefur.
Endurskoða á mörk til hagagöngu
þriðja hvert ár.
Rannsakar
heimaslátr-
un í Eyjum
FIMM menn á aldrinum 25 til 35 ára
hafa játað aðild að smygli á 2 kg af
amfetamíni og einu kg af hassi til
landsins með skipi í eigu Samskipa
hf. Þeir sættu gæsluvarðhaldi vegna
málsins í september en hafa verið
leystir úr haldi.
Fyrsti maðurinn var handtekinn
síðla septermánaðar þegar hann var
á leið út af athafnasvæði Samskipa
með eitt kg af hassi og annað eins af
amfetamíni í fórum sínum. Daginn
eftir var leitað í einu skipinu með
fíkniefnaleitarhundum tollgæslu og
lögreglu og fannst þá eitt kg af am-
fetamíni til viðbótar. Handtaka
mannsins leiddi til handtöku félaga
hans og hafa þeir nú játað á sig sakir.
Játuðu smygl
á amfetamíni
og hassi
♦ ♦ ♦