Morgunblaðið - 03.10.2003, Blaðsíða 57

KVIKMYNDIR
MORGUNBLAÐIÐ FÖSTUDAGUR 3. OKTÓBER 2003 57
ÞRIGGJA ára afrakstur kannana
franska heimildarmyndaleikstjórans
Jean-Michel Roux á yfirnáttúrlegum
fyrirbrigðum á ísa köldu landi, hefur
vakið mikla athygli á kvikmyndahá-
tíðum víða um heim undanfarið. Nú
hefur myndin, Rannsóknir á huliðs-
heimum, verið tekin til sýninga hér-
lendis og forvitnilegt að sjá hvernig
þjóðin bregst við og rétt að undir-
strika að sýningar verða aðeins örfá-
ar. Roux skoðar viðfangsefnið frá öll-
um hliðum en skyggnt fólk, miðlar,
sjáendur, heilarar og aðrir slíkir, fá
skiljanlega mest að leggja til málanna
auk þess sem rætt er við „venjulegt“
fólk, sem upplifað hefur dulræna
reynslu og menntamenn sem túlka
fyrirbrigðin út frá rökhyggju vís-
indanna. Almennir efasemdamenn
eru fjarri góðu gamni.
Ég gat ekki betur séð en Roux hefji
myndina með tilþrifum á einum dul-
arfyllsta stað í magnaðasta héraði
landsins: brunninum Fálka undir
Jökli. Það kemur reyndar ekki fram,
frekar en hrikaleg álögin sem á hon-
um hvíla og minnir okkur á hvílíka of-
gnótt við eigum af slíkum stöðum og
sögnum. Hann leitar útskýringa á öll-
um helstu fyrirbærum handan marka
hins almenna sjónsviðs manna: huldu-
fólki, álfum, draugum, englum, vernd-
urum, geimverum og þar fram eftir
götunum og ræðir við fjölda fólks sem
reynir að uppljúka huliðsheimunum
fyrir áhorfendum. Roux er greinilega
ofantekinn af stórbrotinni ægifegurð
landsins sem virkar ójarðnesk á mik-
inn fjölda landsmanna, hvað þá held-
ur á hrifnæma útlendinga sem óhjá-
kvæmilega verða bergnumdir af
umhverfinu og dulsagnahefðinni sem
ríkir í landinu. Þó svo að rafmagnið
hafi gerst mestur djöfla- og drauga-
bani í langri og litskrúðugri sögu
slíkra kynjamanna íslenskra hefur
Roux ekki þurft að kafa langt eða
djúpt til að finna yfrið nóg efni í marg-
ar heimildarmyndir. Það kemur í ljós
að dulhyggjan á sterkar rætur meðal
landsmanna í öllum stéttum og gefur
eyjunni okkar aðra vídd sem hefur
sterka samhljómun í þessu marg-
brotna landslagi sem á það til að
renna saman við eilífðina. Þetta fang-
ar Roux og hans fólk með miklum
ágætum og maður undrast ekki þá
hrifningu sem Rannsóknir á huliðs-
heimum hefur vakið erlendis.
Hún er forvitnileg, fróðleg og
hleypidómalaus, spinnur sig sam-
viskusamlega eftir einstigi þessa
heims og annars. Fjallar um við-
kvæmt og umdeilt viðfangsefnið
af fullri virðingu. Nær stundum
púlsinum á sagnahefðinni og
trúnni sem kristallast í hinu forn-
kveðna: „Veri þeir sem vera vilja,
fari þeir sem fara vilja, mér og
mínum að meinalausu.“ Viðmælendur
koma misjafnlega fyrir hvað snertir
framsögn, vægi og trúveruðgleika og
dálítill ljóður að áþreifanlegasti þátt-
urinn í tengslum tveggja heima í ís-
lenskri náttúru, álagablettirnir, hafa
mikið til gleymst. Þeir koma enn við
sögu, þó svo að þeir verði ógreinilegri
með hverjum deginum sökum órækt-
ar í heimatúnum sífjölgandi eyðibýla
og í vissri fyrirlitningu samtímans á
fyrirbrigðum sem ekki verða útskýrð
á viðskiptasíðum dagblaðanna. Ekki
síst þeim er myndin holl upplifun.
Eftir stendur sá grundvallarsann-
leikur sem sá merki maður, Hákon
Aðalsteinsson skógarbóndi, orðar á
þá lund að maður verður að vera heið-
arlegur gagnvart landinu, annars get-
ur illa farið.
Það er ýmislegt fleira en augað nemur
Myndin fjallar um álfatrú o.fl. á Íslandi.
KVIKMYNDIR
Háskólabíó – örfáar sýningar
Heimildarmynd. Leikstjórn og handrit:
Jean-Michel Roux. Aðstoðarleikstjóri:
Mireya Samper. Kvikmyndatökustjóri:
Jean-Louis Vialard. Tónlist: Hector
Zazou. Klipping: Joseph Licidé. 87 mín-
útur. Mars Distribution. Frakkland 2002.
Rannsóknir á huliðsheimum (Enquête sur
le monde invisible )
Sæbjörn Valdimarsson
Bring me to life
Evanescense
MB bringlife
Rock your body
Justin Timberlake
MB rockbody
In da club
50 Cent
MB inthaclub
Weekend
Scooter
MB weekend
Ketchup song
Las Ketchup
MB ketchup
St. Anger
Metallica
MB stanger
Feel good time
Pink
MB feelgood
Boom!
System of a down
MB soadboom
Where is love
Black eyed Peas
MB bepwhere
Faint
Linkin Park
MB lpfaint
Snake
R. Kelly
MB rksnake
Aisha
Outlandish
MB aisha
Something beautiful
Robbie Williams
MB rbsomet
X gonna give it to you
DMX
MB xgonna
Stál og hnífur
Bubbi Morthens
MB bmstal
Bump bump bump
B2K feat. P. Diddy
MB bump
I was made for
loving you
Kiss
MB 4lovingu
How soon is now
Tatu
MB tatuhows
MB missbeck
MB mamm
MB spg
MB 4heart
MB halldor
MB tat2
MB tat7
MB tat9
MB shep
MB mbl
MB peace
MB angel
MB owen
MB tat
MB tat8
Þú finnur rétta tóninn á mbl.is
Pantaðu með SMS í 1910
Hver tónn/tákn kostar 99 kr.
Þessi gamli góði
Opið 21.00-01.00 virka daga og 21.00-05.30 um helgar
Grensásvegi 7, sími 517 3535
Nýtt dansatriði