Morgunblaðið - 03.10.2003, Blaðsíða 14

ÚR VERINU
14 FÖSTUDAGUR 3. OKTÓBER 2003 MORGUNBLAÐIÐ
Kringlan 8-12, sími 568 6211.
Skóhöllin, Firði, Hf., sími 555 4420.
3.490
áður 6.990
st. 40-46
Helgartilboð
fös - lau - sun
EIN stærsta og fullkomnasta síld-
arflökunarverksmiðja heims verð-
ur formlega opnuð á þýsku eyjunni
Rügen í Eystrasalti á morgun.
Fjöldi íslenskra fyrirtækja kom að
uppbyggingu verksmiðjunnar, sem
heitir Euro Baltic og er í eigu hol-
lenska sjávarútvegsfyrirtæksins
Parlevliet en Van der Plas.
Verksmiðjan framleiðir síldar-
flök til manneldis og er stærsta og
fullkomnasta verksmiðja sinnar
tegundar í heiminum en áætlað er
að vinna þar úr um 50 þúsund
tonnum af síld á ári. Gert er ráð
fyrir að verksmiðjan velti um 4,5
milljörðum króna á ári. Húsnæði
verksmiðjunnar er um 17 þúsund
fermetrar og byggist tæknin inn-
anhúss á sjálfvirkum vélmennum,
færiböndum og öllum nýjasta bún-
aði til fiskvinnslu sem völ er á í
heiminum í dag. Áætlað er að
verksmiðjan kosti fullbúin um 100
milljónir evra, um 8,5 milljarða ís-
lenskra króna.
Nokkrir íslenskir framleiðendur
á tæknilausnum tóku þátt í upp-
byggingu verksmiðjunnar. Þannig
eru öll kör sem notuð eru í verk-
smiðjunni frá Sæplasti hf. Vél-
smiðjan 3X-Stál á Ísafirði afhenti
afar fullkomna og afkastamikla
karaþvottavél til fyrirtækisins í
vor, ásamt sjálfvirkum búnaði til
áfyllingar og stöflunar á tómum
körum. Þetta er stærsta verkefni
3X-Stál hingað til á sviði kara-
þvottar. Þá hefur Maritech sett
upp WiseFish-hugbúnaðinn í verk-
smiðjunni, auk þess sem Skaginn
ehf. á Akranesi hefur sett upp
töluvert af hugbúnaði í verksmiðj-
unni.
Mannshöndin komi sem
minnst nálægt vinnslunni
German Seafrozen Fish Hand-
elsgesellschaft mun annast sölu
síldarafurða úr verksmiðjunni á
Þýskalandsmarkaði en félagið er í
eigu Mecklenburger Hochsee-
fischerei sem aftur er alfarið í eigu
Parlevliet en Van der Plas.
Óskar Sigmundsson er fram-
kvæmdastjóri German Seafrozen.
Hann segir að verksmiðjan sé
hönnuð með það fyrir augum að
mannshöndin komi sem minnst ná-
lægt vinnslunni. Engu að síður sé
gert ráð fyrir að í verksmiðjunni
starfi til að byrja með hátt í 150
manns. „Í verksmiðjunni verður
hægt að verka síld á nánast alla
vegu. Þannig verður hægt að taka
hana ferska inn í vinnsluna, flaka
hana og skera í bita. Þar verður
einnig hægt að frysta og salta síld.
Verksmiðjan er þannig fyrst og
fremst hugsuð til vinnslu á síld en
þar er einnig möguleiki á að vinna
bæði þorsk og flundru.“
Óskar segir að skip Parlevliet en
Van der Plas muni leggja verk-
smiðjunni til frosið hráefni en
einnig sé gert ráð fyrir að þar
verði unnið talsvert af ferskri síld
úr Eystrasalti.
„Við verksmiðjuna er alsjálfvirk
22 þúsund tonna frystigeymsla
sem nú er nánast full af frosinni
síld sem halda mun uppi vinnsl-
unni til að byrja með. Parlevliet en
Van der Plas gerir út tíu frystitog-
ara, sá stærsti er 143 metra lang-
ur, frystir um 250 til 350 tonn á
dag og ber 6.500 tonn. Sú síld sem
þýsk skip veiða í Eystrasalti hefur
hingað til farið að mestu til vinnslu
í Danmörku og Hollandi. Þýsk
stjórnvöld og Evrópusambandið
hafa einmitt lagt talsverða fjár-
muni til uppbyggingar verksmiðj-
unar til þess að stuðla að því að
síldin verði unninn í heimabyggð
ef svo má segja.“
Óskar segir að ekkert sé því
heldur til fyrirstöðu að skip sem
stundi veiðar í Norðursjó eða á
norsk-íslensku síldinni landi afla
sínum til verksmiðjunnar.
Fullkomnasta síldarflökunarverksmiðja heims opnuð í Þýskalandi
Búin tækjum frá ís-
lenskum fyrirtækjum
Karaþvottavél frá 3X-Stál á Ísafirði sem sett var upp í Euro Baltic, stærstu
og fullkomnustu síldarflökunarverksmiðju heims.
SÍF hf. hefur nú í fyrsta
sinn hafið sölu á helztu sjáv-
arafurðum sínum á Íslandi.
Um er að ræða ferskar og
unnar sjávarafurðir, sem
pakkað er í handhægar um-
búðir, og tilbúnar til mat-
reiðslu. Þetta eru sömu
vörur og SÍF selur á kjarna-
mörkuðum sínum í Evrópu
og Norður-Ameríku. Vör-
urnar frá SÍF eru fram-
leiddar úr fyrsta flokks hrá-
efni í verksmiðjum
félagsins í Frakklandi, á Ís-
landi og hjá samstarfs-
aðilum félagsins hér á landi
sem erlendis.
Gera SÍF sjáanlegra
„Við vonumst til þess að geta auk-
ið fiskneyzlu Íslendinga með því að
bjóða upp á hágæðapakkaðar sjáv-
arafurðir á góðu verði og vera með
fjölbreytt úrval,“ segir Níels Rafn
Guðmundsson, framkvæmdastjóri
Tross, dótturfyrirtækis SÍF, sem sér
um þessa fisksölu ásamt útflutningi
á ferskum fiski.
Níels segir jafnframt að þeir renni
nokkuð blint í sjóinn hvað móttökur
varðar. Hann hafi sjálfur unnið í 10
ár erlendis, í Frakklandi og Bret-
landi við að selja fisk og mikil aukn-
ing hafi orðið þar í sölu kældra fisk-
afurða tilbúinna til matreiðslu. Því
mætti ætla að svo yrði hér líka, þeg-
ar borðið væri upp á pakkaðar há-
gæða vörur og ýmsar nýjungar. Það
sé spennandi að sjá hverjar móttök-
urnar verði, en Íslendingar séu van-
ir bæði sérstökum fiskbúðum og
fiskborðum í stórmörkuðum.
„Við sjáum einnig í þessu tækifæri
til að gera SÍF sjáanlegra á Íslandi.
Fyrirtækið er mjög umsvifamikið
erlendis en lítið ber á því hér heima.
Með því að gefa íslenzkum neyt-
endum kost á því að kaupa þær af-
urðir sem við erum að selja víða í
Evrópu og Norður-Ameríku, sýnum
við hvað við erum, meðal margs
annars, að gera erlendis,“ segir
Níels Rafn.
Reyktur makríll og fleira
Í fyrstu býður SÍF ferskar laxa-
steikur, saltfisk, þorskhnakka, roð-
laus og beinhreinsuð ýsuflök, kald-
sjávarrækju, reyktan lax og reyktan
piparmakríl sem er nýjung hér á
landi. Þegar fram líða stundir er
stefnt að því að bjóða fleiri sjávaraf-
urðir sem hafa verið sjaldséðar í
verslunum á Íslandi, svo sem tún-
fisksteikur, sverðfisk og heitsjáv-
arrækju. Vörurnar frá SÍF eru fáan-
legar í verslunum Hagkaupa, 10–11,
Gripið og greitt og í Fjarð-
arkaupum.
„Ástæða þess að SÍF hefur nú haf-
ið sölu á sjávarafurðum sínum á Ís-
landi er sú að íslenzki neyt-
endamarkaðurinn líkist nú meir
þeim mörkuðum þar sem SÍF hefur
starfað hingað til. Eftirspurn eftir
hollum, góðum og fljótmatreiddum
sjávarafurðum hefur aukizt hér á
landi og á SÍF auðvelt með að koma
til móts við þær þarfir. Öflugt dreif-
ingarnet félagsins gerir auðvelt að
koma vörunum á íslenzkan markað
auk þess sem ferskleiki og gæði
sjávarfangsins eru tryggð og verðið
er hagstætt og samkeppnisfært,“
segir meðal annars í frétt frá SÍF
um nýju afurðirnar.
Hjá SÍF starfa um 1.700 starfs-
menn í 15 löndum við framleiðslu,
markaðssetningu og sölu sjávaraf-
urða til rúmlega 60 landa víðsvegar
um heiminn.
Níels Rafn Guðmundsson, framkvæmdastjóri Tross, sem sérhæfir sig í út-
flutningi á ferskum fiski og sér um sölu nýrra afurða SÍF innanlands.
Bjóða landsmönn-
um sjávarafurðir í
gæðapakkningum
Vörur SÍF í handhægum umbúðum á
íslenzkan markað í fyrsta sinn
Í fyrstu býður SÍF upp á ferskar laxasteikur,
saltfisk, þorskhnakka, roðlaus og bein-
hreinsuð ýsuflök, kaldsjávarrækju, reyktan
lax og reyktan piparmakríl.
flísar
Stórhöfða 21, við Gullinbrú,
sími 545 5500.
www.flis.is
netfang: flis@flis.is
Allt fyrir baðherbergið
Tískuvöruverslun Laugavegi 25