Morgunblaðið - 03.10.2003, Blaðsíða 37

UMRÆÐAN
MORGUNBLAÐIÐ FÖSTUDAGUR 3. OKTÓBER 2003 37
SAND KONUR SÍMI 553 4141 KRINGLUNNI
Ný sending af
kápum og úlpum
Full búð
af nýjum vörum
Í DAG hefst landsþing Ungra jafn-
aðarmanna en þingið mun standa alla
helgina. Yfirskrift þingsins er Glæpir
2003. Umfjöllunar-
efnið er mjög áhuga-
vert og kemur inn á
marga fleti samfélag-
ins. Rætt verður um
afbrot, orsakir
þeirra, afleiðingar og
rétt viðbrögð sam-
félagsins við glæpa-
starfsemi. Við munum að auki ræða
um ýmis tengd vandamál; svo sem
forvarnir, fangelsismál, vændi og
mansal og siðferðisspurningar tengd-
ar klámvæðingunni.
Á þinginu verður einnig kjörin ný
framkvæmdastjórn. Ég hef ákveðið
að gefa kost á mér til formanns
Ungra jafnaðarmanna enda hef ég
mikinn áhuga á því að tala fyrir mál-
efnum og hugmyndum ungs Samfylk-
ingarfólks og reyna að gera hreyf-
inguna sem öflugasta.
Samfylking sterk
hjá ungu fólki
Í Ungum jafnaðarmönnum í
Reykjavík hefur okkur tekist að opna
hreyfinguna og verið áberandi í al-
mennri þjóðfélagsumræðu. Það hlýt-
ur enda að vera markmiðið að auka
þátttöku ungs fólks í stjórnmálum og
tiltrú þeirra á því að stjórnmálastarf
skipti máli. Fyrir vikið hefur starfið
verið sérstaklega ánægjulegt og lif-
andi. Ungt fólk var t.d. mjög áberandi
í allri kosningabaráttu Samfylking-
arinnar, ekki síst hér í Reykjavík. Við
uppskárum ríkulega og flestir úr hópi
yngstu kjósenda kusu Samfylkingu.
Samhliða því hrundi Sjálfstæð-
isflokkur í fylgi meðal yngstu kjós-
enda en sá hópur hefur löngum verið
sterkasta vígi flokksins.
Bið um stuðning til
áframhaldandi starfs
Við í Reykjavíkurfélaginu höfum
reynt að opna félagið og gera starfið
áhugavert fyrir sem flesta. Opin hús
hafa verið haldin reglulega sem og
fundir með það fyrir augum að kynna
Samfylkinguna, stefnu hennar og
þann drifkraft sem býr í flokknum
fyrir ungu fólki. Þetta höfum við gert
sannfærð um að fyrir vikið myndi
flokkurinn verða val unga fólksins.
Ég er þakklátur fyrir starfið í
Reykjavík. Það hefur einkennst af
góðri samvinnu félaga, málefnalegri
og skemmtilegri. Ég hvet ungt fólk til
að mæta á landsþing Ungra jafn-
aðarmanna í dag. Setning þingsins og
kosning fer fram í Hressingarskál-
anum, gamla McDonald’s, kl. 17.
Landsþing UJ í dag
Eftir Andrés Jónsson
Höfundur er formaður Ungra
jafnaðarmanna í Reykjavík.
VERA kann að sauðkindin
hugsi, vera kann hana dreymi
staði, hvar garðar eru fullir af
iðjagrænni töðu og
stampar af tæru
vatni. Enginn veit
það. Hitt vita allir
að sauðkindin getur
ekki látið slíka
drauma rætast.
Vera kann að
nær sauðkindin þraukar þorrann
og góuna geti hún notið minninga
um gróna haga og þyt vindsins.
Um það veit ég ekkert, en hitt
veit ég, að aldrei getur hún deilt
þeim tilfinningum til annarra.
Uppeldi
Það sem breiðast skilur milli
sauðkindarinnar og mannkind-
arinnar er hæfileiki mannsins að
skapa, að efnisbinda tilfinningar
sínar og hugsanir til varðveislu og
nota fyrir einstaklinga og kyn-
slóðir. Hæfileikinn að skapa er
sérgáfa mannsins og uppspretta
allrar menningar.
Uppeldisfræðingar fullyrða að
besta aðferðin til að þjálfa og
þroska þessa sköpunargáfu, sem
skilur milli manns og skepnu, sé
listaiðkun og listaneysla ein-
staklinga og hópa.
Listaverk, hvort sem eru skrif-
uð orð eða nótur á blað, litir á fleti
eða form í stein eða annað, eru ár-
angur gáfunnar að efnisbinda hug-
arástand sitt. Þau eru sköpun and-
ans.
Oft getur listaverk eitt og sér
komið til skila tilfinningu lista-
manns. Oft þarf milligöngu ann-
arra til að skynja hana. Þjálfaðir
flytjendur ljá textum og verkum
skálda og tónskálda orku sína og
tilfinningu og auðvelda þannig
öðrum neyslu þeirra. Beethoven
gat ekki látið okkur heyra hvernig
tónarnir ómuðu í höfði hans. En
hann gat efnisbundið þá með bleki
á blað og skapað listaverk, sem í
aldir hafa nært mannssálina og
aukið þroska hennar og sköp-
unarmátt.
Sinfónían
Flest sinfóníuverk eru svo um-
fangsmikil að tugir flytjenda með
margra ára tónlistarnám, þurfa að
æfa í mánaðavís til að flytja þau á
viðunandi hátt.
Samanborið við marga aðra list-
iðkun er framleiðsluferli sinfóníu
því afar langdregið og fjárhags-
lega erfitt. Til samlíkingar má
nefna hænsabónda, er klekur ung-
um úr eggjum, fóðrar nokkra
mánuði, selur og fær sitt fé, og
skógræktarbónda, sem iðjar árum
saman, utan að hafa arð af rækt-
unarstarfi sínu. Vegna þess mikla
umfangs, sem fylgir flutningi sin-
fóníutónlistar, og kostnaðar að
hafa langlært fagfólk í vinnu við
að æfa tónverkin, hefur verið
bærileg sátt um að sinfóníu-
hljómsveitin njóti stuðnings af al-
mannafé. Verulegur hluti af þeim
stuðningi er fenginn frá Reykja-
vík, sem kvöð á borgina um
greiðslu á tilteknum hundraðs-
hluta af rekstri hljómsveitarinnar.
Þegar forráðamenn borgarinnar
lýstu því síðsumars að þeir vildu
taka upp viðræður um breytt fyr-
irkomulag á stuðningi við sinfón-
íuhljómsveitina. Var það af ýmsum
túlkað svo að borgin vildi hætta
stuðningi við hljómsveitina. Sú
túlkun olli eðlilega ugg og kvíða
hjá þeim, sem meta vel, sinfóníul-
ist.
Það létti því mörgum þegar Al-
freð Þorsteinsson, formaður borg-
arráðs, lýsti yfir að hljómsveitin
væri mikils virt og það væri fjarri
því að meirihluti borgarstjórnar
vildi hætta stuðningi við hana, þó
að hann vildi taka upp viðræður
um breytt fyrirkomulag þess
stuðnings. Stefán Jón Hafstein,
borgarfulltrúi R-listans, tók undir
með formanni borgarráðs.
Ég held að enginn, sem til
þekkir, efist um heilindi borg-
arfulltrúanna. Samt er, vegna að-
komu annarra stjórnmálamanna,
ástæða til að hafa áhyggjur af
framvindu málsins.
Alþingismenn geta komið að
því, og því miður er full ástæða að
óttast að ýmsir þar á bæ telji
vænlega pólitík, að efna til ill-
deilna við höfuðborgina um sinfón-
íuna.
Ég vil því leyfa mér að hvetja
gott fólk í öllum flokkum, sem trú-
ir á mátt listarinnar til að skilja
milli mannkindarinnar og sauð-
kindarinnar, að taka höndum sam-
an og leysa málið strax.
Sinfónían og sauðkindin
Eftir Birgi Dýrfjörð
Höfundur er rafvirki.
ÉG vona að þú sért einn þeirra
sem gefur þér tíma í erli dagsins til
að setjast niður og eiga stund með
sjálfum þér, skapara
þínum og lífgjafa.
Vonandi ertu ekki
einn af þeim sem
mæðist í svo mörgu
að þú gleymir því
góða hlutskipti að
setjast niður við
fætur frelsara þíns
til að þiggja áfyllingu svo úthaldið
aukist. Alla þá næringu sem þarf til
að komast af.
Eitt er nefnilega nauðsynlegt á
tímum hraða, stress, óhófs og yf-
irkeyrslu. Það er að gefa sér tíma í
erli dagsins til að afstressast við
fætur Jesú Krists. Lesa kannski
eitt ritningarorð, hugleiða það og
eiga stutta bæn, samtal við Guð.
Þannig komum við á nauðsynlegum
fundi með okkur sjálfum og þeim
sem lífið gefur og einn megnar að
viðhalda því. Við hugleiðum stöðu
okkar, stefnu og tilgang auk þess
að meðtaka kærleika Krists sem
gefur okkur aðra vídd í daginn og
tilveruna Hann fyllir hjarta okkar
af himneskum friði. Hann veitir
okkur nýjan þrótt, uppörvun og
styrk til að halda göngu okkar
áfram.
Ég er þess fullviss að líðan þín
verður betri og stöðugri. Þú lærir
að meta sjálfan þig og mikilvægi
þess að vera. Þú lærir að meta
náunga þinn og þú munt sjá sam-
ferðamenn þína í nýju og kærleiks-
ríkara ljósi. Auk þess sem þú eign-
ast persónulegt samfélag við hinn
raunverulega og lifandi frelsara
þinn, Jesú Krist eins og þú varst í
raun skapaður til að gera.
Ef þú heldur að óhófleg vinna,
peningar og stress eða árangur,
frægð eða frami veiti þér einhverja
varanlega lífsfyllingu þá er ég viss
um að þú hafir eitthvað misskilið
tilgang lífsins. Þá er ég nokkuð viss
um að þú þurfir eitthvað að meta
stöðun upp á nýtt.
Gefðu þér tíma, lifðu lífinu, núna
og þiggðu þá næringu sem varir til
eilífs lífs og stendur þér til boða
ókeypis. Ævin flýgur frá þér áður
en þú veist af.
Veljum hið nauðsynlega og góða
hlutskipti og hættum að mæðast
um of í svo allt of mörgu. Lifi lífið!
Nauðsynleg
næring
í erli dagsins
Eftir Sigurbjörn Þorkelsson
Höfundur er rithöfundur,
framkvæmdastjóri Laugarnes-
kirkju og forseti Gídeonfélagsins á
Íslandi.
Vöggusæn
gur
vöggusett
PÓSTSENDUM
Skólavörðustíg 21
sími 551 4050
Reykjavík
www.thjodmenning.is