Morgunblaðið - 03.10.2003, Blaðsíða 27

DAGLEGT LÍF
MORGUNBLAÐIÐ FÖSTUDAGUR 3. OKTÓBER 2003 27
NÝJAR
VÖRUR
Kringlunni & Hamraborg
568 4900 552 3636
MARKMIÐIÐ er að gerabörn leiknari í því að finnasitt eigið jafnvægi í gegnum
snertingu, jóga og slökun og efla
þannig lífsleikni þeirra,“ segja þær
Elín Jónsdóttir og Sigurlaug Ein-
arsdóttir, höfundar nýútkominnar
handbókar um jóga fyrir leik- og
grunnskólakennara.
„Í vestrænum samfélögum er oft
talað um hraða, streitu og ákveðna
firringu vegna þess að við erum ekki í
tengslum við það sem skiptir okkur
raunverulega máli. Hraði getur hins
vegar verið nauðsynlegur, ákjósan-
legur og jafnvel jákvæður. Streitan
getur einnig verið okkur nauðsynleg
til þess að örva okkur til dáða. Fari
hraði og streita úr hófi kemur það
niður á líðan okkar og samskiptum
við aðra. Mikilvægt að staldra við og
athuga hvort spyrna þurfi við fæti og
leita jafnvægis að nýju. Andstæða
hraðans er ró og andstæða streit-
unnar slökun. Á milli andstæðnanna
er mikilvægt að jafnvægi ríki.“
Svo mörg eru þau orð Elínar og
Sigurlaugar, höfunda bókarinnar
„Snerting, jóga og slökun“, handbók
fyrir leik- og grunnskólakennara.
Kveikjan að gerð bókarinnar er
tvíþætt. Annars vegar áhugi höfunda
fyrir mikilvægi þess að innleiða í leik-
og grunnskóla efni sem stuðlað getur
að meiri ró og friðsæld í
umhverfinu. Hins vegar
gerð meistaraprófsverk-
efnis sem Sigurlaug lauk
vorið 2002 um snertingu,
jóga og slökun í leikskólum – en Elín
var leiðbeinandi hennar í verkefninu.
Hvað útgáfu bókarinnar varðar, segir
Elín að þeim hafi þótt mikilvægt að
koma hugmyndunum um jóga inn í
skólakerfið og er nú bókin seld í
Skólavörubúðinni.
Meistaraprófsritgerðina vann Sig-
urlaug í samvinnu við tvo leikskóla og
segir hún það hafa gengið mjög vel.
„Annar skólinn er kominn með jóga á
námskrá, hinn skólinn hafði meiri
fyrirvara gagnvart jóganu en tók inn
snerti- og slökunarþáttinn.“
Ábyrgð kennara og starfsfólks
Hún segir að í grunnskólunum hafi
einstaka kennarar nýtt sér snerti- og
slökunaraðferðina, sem þær kenni og
einhverjir skólar séu að byrja á jóga-
kennslu og einnig sé sé kennt jóga í
Menntaskólanum í Hamrahlíð.
„Í leikskólum og grunnskólum er
mikilvægt að kenna jóga því þar
dvelja börn stóran hluta hvers dags.
Ábyrgð okkar kennara og annars
starfsfólks þessara stofnana er mikil.
Í þessum skólum fer fram mikil
fræðsla og það er mælt fyrir um í
námskrá um hvað eigi að fræða börn-
in. Þar er um að ræða alls kyns þekk-
ingaratriði, færni og leikni miðað við
aldur og þroska. Jóga, snerting og
slökun eykur styrk og jafnvægi –
bæði andlegt og líkamlegt og það er
þetta jafnvægi sem skiptir mestu
máli fyrir okkur. Í þeim hraða sem
við lifum veitir okkur ekki heldur af
því að kunna að slaka á,“
segir Sigurlaug.
Þær Elín, sem er
kennari og sálfræð-
ingur, og Sigurlaug,
leikskólakennari, telja að handbók
þeirra sé sú fyrsta sem gefin er út hér
á landi um jóga fyrir börn og ætluð sé
kennurum í leik- og grunnskólum. Að
minnsta kosti sé hún sú eina sem hafi
nákvæmar leiðbeiningar um það
hvernig eigi að gera hverja æfingu –
og hafi að geyma upplýsingar um
gagn þeirra og hvað beri að varast.
„Þótt bókin sé fyrst og fremst ætl-
uð þeim sem eru að kenna börnum,
getur hún mjög svo vel gagnast full-
orðnu fólki sem langar til þess að
byrja að gera jógaæfingar,“ segir El-
ín, „ekki síst vegna þess að til þess að
geta kennt börnum, verður maður að
hafa gert æfingarnar sjálfur.“
Ég dey ef þú snertir mig ekki
Þegar Sigurlaug er spurð hvers
vegna hún hafi valið að skrifa meist-
araritgerð um jóga, snertingu og
slökun, segir hún það hafa átt sér
nokkurn aðdraganda.
„Ég var búin að kljást mjög lengi
við stjórnunarstörf þar sem ég heyrði
fólk tala mikið um álag og streitu og
sjálf hef ég alltaf verið næm fyrir því
að taka inn á mig streitu. Ég hef verið
í jóga í mörg ár og fór að hugleiða
hvort ég gæti ekki þróað það sem var
að gera mér gott yfir til barnanna.
Mér fannst einfaldlega vanta þetta
inn í þann hraða heim sem þau lifa í.
Svo var það árið 1997 að hingað kom
Herdís Pálsdóttir, sem er grunn-
skólakennari í Noregi, og hélt nám-
skeið fyrir leik- og grunnskólakenn-
ara um snertinuddið sem er í bókinni
– og ég hef heyrt að Melaskóli sé að
vinna með og kallað er Herdís-
arnámskeið.
Þegar ég fór á námskeiðið hjá Her-
dísi var ég ekkert farin að velta fyrir
mér að skrifa meistararitgerð um
þetta efni, en hugmyndin fór að mót-
ast á þessum tíma. Síðan las ég
sænska bók sem heitir „Ég dey ef þú
snertir mig ekki“, og þá má segja að
ég hafi tekið ákvörðun.“
Elín starfar sem jógakennari í
Íþróttahúsi Hauka í Hafnarfirði, Sig-
urlaug heldur námskeið fyrir leik-
skólakennara út frá meistaraverkefni
sínu og þær segjast sjá daglega hvað
jóga á mikið erindi inn í skólastarfið.
„En við leggjum áherslu á að fólk
prófi æfingarnar í bókinni, áður en
það fer að kenna börnunum, einkum
til þess að upplifa áhrifin sjálft. Það
þýðir ekkert að kenna æfingar sem
þú veist ekki hvernig virka – og það
þýðir ekkert að kenna börnum snert-
ingu ef þú ert sjálf hrædd við snert-
ingu.“

BÆKUR | Andstæða hraðans er ró og andstæða streitu er slökun
Jóga
fyrir
börn
Morgunblaðið/Ásdís
Ró og friður:
Kveikjan að bók-
inni var áhugi höf-
undanna, Elínar
Jónsdóttur, t.h. og
Sigurlaugar Ein-
arsdóttur, á að
innleiða námsefni í
leik- og grunn-
skóla, sem stuðlaði
að meiri ró í um-
hverfinu.
Jafnvægið
skiptir mestu
máli.