Morgunblaðið - 25.10.2003, Blaðsíða 6
FRÉTTIR
6 LAUGARDAGUR 25. OKTÓBER 2003 MORGUNBLAÐIÐ
• Baðinnréttingar
• Eldhúsinnréttingar
• Fataskápar
• Innihurðir
I n n r é t t i n g a r
Borgartúni 28 • Sími 562 5000 • www.bjorninn.is
10 ÁRA fangelsisrefsing liggur við ránum, en
heimilt er að dæma sakborning í 16 ára fangelsi ef
sérstök hætta er samfara ráninu samkvæmt al-
mennum hegningarlögum. Meðalrefsing fyrir
ránsbrot undanfarna áratugi hefur verið tveggja
og hálfs árs fangelsi og hefur Hæstiréttur kveðið
upp 26 refsiákvarðanir vegna slíkra brota á tíma-
bilinu 1951 til 2000. Meðalaldur brotamanna er 22
ár. Sé tekið mið af refsingum þar sem dæmt er
fyrir rán og alvarlegri brot jafnhliða s.s. mann-
dráp og nauðganir er meðalfangelsisrefsing 4 ár
og 7 mánuðir og hefur Hæstiréttur alls dæmt 31
mann til refsingar að þessu meðtöldu. Kemur
þetta fram í rannsóknarritinu Ákvörðun refsingar
eftir Sigurð Tómas Magnússon héraðsdómara og
Hildigunni Ólafsdóttur afbrotafræðing.
Skeljungsránið er eitt allra mesta rán sem
framið hefur verið hérlendis ef tekið er mið af
ágóðanum sem var 5,2 milljónir á verðlagi ársins
1995. Þar af voru 3 milljónir í peningum. Í rann-
sókn Sigurðar og Hildigunnar er vakin athygli á
því hversu lítinn ávinning brotamenn hafa að
jafnaði haft af ránum undanfarna áratugi en ráns-
fengurinn hefur í 73% tilvika verið undir 100 þús-
und krónum á tímabilinu 1951 til 2000.
Stór rán árið 1995
Nokkur stór rán skera sig úr á síðari árum. Ár-
ið 1995 kvað rammt að alvarlegum ránum, því auk
Skeljungsránsins í lok febrúar var framið rán í
útibúi Búnaðarbankans við Vesturgötu 17. des-
ember. Þar rændu tveir menn vopnaðir hagla-
byssu 1,5 milljónum króna og hafa enn ekki náðst.
14. apríl var 6,5 milljónum króna rænt af starfs-
manni 10–11 búðanna í Glæsibæ. Þrír menn ját-
uðu verknaðinn fyrir dómi.
17. febrúar 1984 var 1,8 milljónum króna rænt
af starfsmönnum ÁTVR í vopnuðu ráni þar sem
haglabyssu var beitt. Ræningjarnir hlutu tveggja
og hálfs árs og fimm ára fangelsi.
30. janúar 1987 rændu þrír grímuklæddir menn
hundruðum þúsunda króna með því að ráðast á
verslunarstjóra Stórmarkaðarins í Kópavogi og
komust undan.
9. febrúar 1984 var 364 þúsund krónum stolið
úr Iðnaðarbankanum í Drafnarfelli og er þjóf-
urinn ófundinn.
25. apríl árið 1990 myrtu tveir menn starfs-
mann bensínstöðvar við Stóragerði og rændu 300
þúsund krónum. Hlutu þeir 18 og 20 ára fangelsi.
Rammt kveðið að ránum á árinu
Rammt hefur kveðið að bankaránum á þessu
ári en fimm sinnum hefur fjármunum verið stolið
úr banka, þar af fjórum sinnum í vopnuðum rán-
um og einu sinni í gripdeild. 19 ára piltur hefur
hlotið eins árs fangelsi fyrir tvö ránanna, þ.e. í
Sparisjóði Hafnarfjarðar 1. apríl þar sem 1,7
milljónum króna var stolið og Landsbankaútibúi í
Grindavík 5. júní þar sem 914 þúsund krónum var
stolið. Síðast var framið rán í útibúi Landsbank-
ans við Lóuhóla 18. september. Ræningjans er
leitað.
Allt að 16 ára fangelsi ef
sérstök hætta fylgir ráni
RANNVEIG Gunnarsdóttir, for-
stjóri Lyfjastofnunar, segir að
ekki sé heimilt að versla með lyf í
gegnum Netið á Íslandi og það
gildi einnig um lausasölulyf þar
sem ekki þarf að framvísa lyfseðli.
Greint var frá því í Morgun-
blaðinu í gær að danskt fyrirtæki,
Euromedicin, ætli að selja lyf á
allt 30% lægra verði með því leita
ávallt að ódýrasta lyfinu í Evrópu
og senda þaðan síðan neytandan-
um.
Þá segir Rannveig að ekki sé
ljóst hvernig tryggingaryfirvöld
gætu komið að greiðsluþátttöku
við slíka verslunarhætti. „Raunar
er það þannig að ef menn hafa í
höndunum íslenskan lyfseðil eiga
þeir að geta fengið hann útleystan
í apótekum á Evrópska efnhags-
svæðinu, svo fremi sem viðkom-
andi lyf sé til. En það hefur verið
hugsað þannig að menn séu þá að
leysa lyfin út í eigin persónu er-
lendis.“ Rannveig segir því erfitt
að taka afstöðu til slíkar hugsan-
legrar nýrrar verslunar með lyf
þegar ekki liggi fyrir hver út-
færslan er.
Flókið umhverfi
Þetta sé flókið umhverfi og
ákveðnar reglur gildi um innflutn-
ing lyfja og lyf sem hér séu seld
hafi markaðsleyfi og hafi þá upp-
fyllt ákveðin skilyrði og þar á
meðal að íslenskur fylgiseðill sé
með lyfinu.
Rannveig tekur fram að þótt
apótek hér á landi séu með heima-
síður sé þeim ekki heimilað að
selja lyf á þeim. „Markaðurinn er
stöðugt að skoða nýjar leiðir en
síðan er auðvitað spurning hvað
löggjafinn gerir. Við hér á Lyfja-
stofnum gerum auðvitað ekki
annað en tryggja að farið sé eftir
þeim lögum og reglum sem
gilda.“
Ekki er heimilt
að kaupa lyf
gegnum Netið
KVENRÉTTINDAFÉLAGI Íslands var í gær veitt árleg jafnréttisvið-
urkenning Jafnréttisráðs. Formaður Kvenréttinafélagsins, Þorbjörg
Inga Jónsdóttir, tók við viðurkenningunni úr hendi Árna Magnússonar
félagsmálaráðherra við athöfn í Ráðherrabústaðnum. Fanný Gunn-
arsdóttir, formaður Jafnréttisráðs, sagði við þetta tækifæri að Kven-
réttindafélagið hafi í hartnær hundrað ár barist fyrir réttindum
kvenna. Fimm fyrrverandi formenn Kvenréttindafélagsins voru við-
staddir afhendinguna en þeir eru Áslaug Dóra Eyjólfsdóttir, Hólm-
fríður Sveinsdóttir, Inga Jóna Þórðardóttir, Bryndís Hlöðversdóttir og
Sigríður Lillý Baldursdóttir.
Morgunblaðið/Jim Smart
Kvenréttindafélagið fær jafnréttisviðurkenningu
KALDBAKUR hefur keypt
4,4% hlut í Íslandsbanka. Um
framvirkan samning er að ræða
sem gerður var hinn 14. októ-
ber sl. en fyrst var tilkynnt um
samninginn í Kauphöll Íslands í
gær. Framvirki samningurinn
er með gjalddaga hinn 28. októ-
ber nk.
Nafnverð hlutarins er 440
milljónir króna og var hann
keyptur á genginu 5,95. Kaup-
verðið er því 2.618 milljónir
króna.
Eftir þessi kaup er umrædd-
ur eignarhluti í Íslandsbanka
önnur stærsta eign Kaldbaks
næst á eftir þriðjungshlut í
Tryggingamiðstöðinni hf.
Frekari kaup ekki útilokuð
Eiríkur S. Jóhannsson, fram-
kvæmdastjóri Kaldbaks, segir
að Íslandsbanki sé vel rekinn
banki og þeir sem að Kaldbaki
standi telji að staða bankans sé
mjög góð. Væntingar til banka-
starfseminnar séu miklar og
því sé félagið ánægt með fjár-
festinguna. Hann segir að Ís-
landsbanki sé sá banki hér á
landi sem sé í hvað dreifðastri
eign, en það sé nokkuð sem
Kaldbaki líki, því það gefi tæki-
færi.
Annað sem Eiríkur segir að
geri Íslandsbanka áhugaverð-
an sé að Kaldbakur þekki hann,
þar sem félagið hafi átt hluta-
bréf í bankanum áður, en félag-
ið seldi hlut sinn í bankanum á
síðasta ári. Eiríkur segir ekki
útilokað að Kaldbakur muni
fjáresta frekar í Íslandsbanka á
næstunni.
Kaupir
4,4% í
Íslands-
banka
Kaldbakur
ÞING Bandalags starfsmanna ríkis
og bæja samþykkti að beina því til
aðildarfélaga BSRB að þau beittu
sér fyrir því að lágmarkslaun á
samningstíma næstu kjarasamninga
yrðu ekki lægri en 150 þúsund kr. á
mánuði. Þinginu
lauk í gær en þar
var fjöldi álykt-
ana samþykktur.
Þingið mót-
mælti m.a. harð-
lega þeim áform-
um ríkisstjórn-
arinnar að skerða
vaxtabætur
vegna húsnæðis-
kaupa með því að
lækka skerðing-
arákvæði eftirstöðva lána úr 7% í
5,5%. Þá mótmælti þingið harðlega
þeim áformum ríkisstjórnarinnar að
skerða atvinnuleysisbætur með því
að fella burt bótarétt fyrstu þrjá
dagana sem einstaklingur er at-
vinnulaus.
Ennfremur samþykkti þingið
ályktun þess efnis að mikilvægt væri
að lög verði sett um erlendar starfs-
mannaleigur. „Með lögunum þarf að
tryggja að erlendir starfsmenn sem
koma á vegum starfsmannaleiga til
starfa á Íslandi njóti sömu réttinda
og kjara og Íslendingar á vinnu-
markaði,“ segir í ályktun þings
BSRB.
Ögmundur endurkjörinn
Ögmundur Jónasson var endur-
kjörinn formaður BSRB. Sjöfn Ing-
ólfsdóttir er 1. varaformaður og Jens
Andrésson 2. varaformaður.
BSRB vill
150 þúsund í
mánaðarlaun
Ögmundur
Jónasson