Morgunblaðið - 07.01.2004, Blaðsíða 4
FRÉTTIR
4 MIÐVIKUDAGUR 7. JANÚAR 2004 MORGUNBLAÐIÐ
Útsala
50% afsláttur
Skólavörðustígur 8
Sími: 552 4499
tsalan
er hafin
RÚMLEGA þrítugur karlmaður
vaknaði upp við það í fyrrinótt að
fjórir menn stóðu yfir honum með
læti og háreysti þar sem hann dvaldi
tímabundið í íbúð í austurbæ Reykja-
víkur. Höfðu þeir brotist inn í íbúðina
og drógu manninn út í hans eigin bíl
og reyndu að toga upp úr honum upp-
lýsingar um hvar kona, sem þeir
vildu hafa upp á, væri niðurkomin.
Samkvæmt upplýsingum Morgun-
blaðsins töldu þeir konuna hafa svikið
sig í bílaviðskiptum og áttu ýmislegt
vantalað við hana. Fórnarlambið var
sett í farangursrými bifreiðarinnar
eftir að hafa greint frá mögulegum
dvalarstað stúlkunnar. Barst leikur-
inn suður í Kópavog og Hafnarfjörð
og var manninum misþyrmt reglu-
lega til að fá upp úr honum upplýs-
ingar. Þá var hann næst færður í
geymslu í Kópavogi og beittur þar of-
beldi. Af hræðslu við misindismenn-
ina er talið að hann hafi reynt að
verða við óskum þeirra um að upp-
lýsa hvar stúlkan væri niðurkomin.
Að endingu barst förin í Höfð-
ahverfi í Reykjavík þar sem teygju
var brugðið um háls mannsins og
hann dreginn eftir bílnum á svelli.
Eftirlitsmaður á svæðinu varð vitni
að atburðinum og tilkynnti lögregl-
unni strax um tilvikið. Þá var klukkan
rúmlega hálftvö um nóttina. Styggð
kom að þeim sem voru að verki þegar
þeir urðu mannsins varir og flýðu
strax af vettvangi en skildu manninn
eftir. Vitnið gat hins vegar gefið
greinagóða lýsingu á bíl mannanna
og hafði lögreglan fljótt uppi á bíln-
um. Var þá stúlkan, sem leitað var að,
komin í leitirnar og voru fimm manns
handteknir.
Tengist ekki fíkniefnum
Hörður Jóhannesson, yfirlögreglu-
þjónn í Reykjavík, segir að mennirnir
hafi verið yfirheyrðir í gær. Reynt sé
að komast til botns í málinu en enn
séu ekki öll kurl komin til grafar. Því
geti hann ekki úttalað sig um málið.
Hann segir ljóst að málið tengist ekki
fíkniefnum eða fíkniefnaviðskiptum.
Samkvæmt heimildum Morgun-
blaðsins fundust þó ætluð fíkniefni í
bílnum; átta grömm af hvítu efni og
níu grömm af því sem talið er vera
hass. Þá kannaðist lögreglan við
flesta mennina vegna fyrri afskipta af
þeim.
Hörður segir að fórnarlambið sé
ekki mikið slasað og hafi mætt í
skýrslutöku til lögreglunnar í gær.
Hafði hann um nóttina verið til rann-
sóknar á slysadeild Landspítala – há-
skólasjúkrahúss í Fossvogi vegna
áverka á höfði, hálsi og höndum.
Mönnunum var sleppt að loknum yf-
irheyrslum í gærkvöldi. Þeir eru
fæddir á árabilinu 1971–1981 og
tengjast ekki allir umræddum bíla-
viðskiptum, sem ósætti er um, beint.
Samkvæmt heimildum Morgun-
blaðsins er ólíklegt að fórnarlambið
þori að kæra frelsissviptinguna og
barsmíðarnar af ótta við mennina. Þó
getur lögregan rannsakað málið sjálf
sökum alvarleika þess.
Manni misþyrmt þegar leitað var að stúlku
Dreginn á eftir bíl
með teygju um hálsinn
HOLLENSKT skip fór fullhlaðið
4.200 tonnum af brotajárni frá
Hafnarfjarðarhöfn í gærkvöldi á
leið sinni til Sevilla á Spáni.
Bjarni Þorsteinsson og Haraldur
Þór Ólason höfðu unnið hörðum
hönum við að fylla skipið síðustu
tvo daga – mest af bílum sem
höfðu verið hakkaðir mélinu
smærra. Virða þeir fyrir sér járn-
hauginn í lest skipsins á myndinni.
Haraldur Þór, sem er fram-
kvæmdastjóri og eigandi Furu
ehf., hefur flutt út brotajárn í um
11 ár og vinna hjá honum 25
manns. Fær hann brotajárn alls
staðar að af landinu og er með
risastóra hakkara sem mylja járn-
ið og flokka. „Þetta eru vélar eins
og sjást í mafíósamyndunum,“
segir Haraldur og í gegnum þær
fóru um 20.000 tonn í fyrra sem
voru flutt út til endurvinnslu. „Ég
kvarta ekki,“ segir hann að-
spurður hvort þetta séu arðvæn-
leg viðskipti.
Morgunblaðið/RAX
Hakkaðir bílar
sendir til Spánar
Smit þarf
ekki að
þýða
veikindi
HARALDUR Briem sóttvarn-
arlæknir segir að heilahimnu-
bólgan sem greindist í starfs-
mönnum Alcan sé smitandi
sjúkdómur en ekki sé í raun
hægt að tala um bráðsmitandi
sjúkdóm á borð við til dæmis
inflúensu. Náið samneyti þurfi
til að smitast, dagana áður en
viðkomandi veikist.
,,Jafnvel þó einhver smitist
af meningókokkum C er ólík-
legt að hann veikist. Ef veikindi
koma fram er það oftast þrem-
ur eða fjórum dögum eftir smit.
Hafi engin einkenni komið
fram sjö dögum eftir að við-
komandi var útsettur fyrir
smitun er afar ólíklegt að hann
veikist, segir Haraldur.
Hann segir að þótt flestir
starfsmenn álversins hafi haft
lítil sem engin samskipti við
sjúklingana hafi verið ákveðið
að afmarka bólusetningar við
svæðið þar sem erfitt sé að
skera úr um samskiptin í ein-
stökum tilvikum. Engar sér-
tækar aðgerðir séu fyrirhugað-
ar vegna þeirra sem starfa utan
vinnustaðarins.
LÆKNAFÉLAG Íslands sendi í
gær frá sér yfirlýsingu þar sem
vísað er á bug fréttum um að
samningar hafi náðst við einstaka
sérfræðilækna eða hópa þeirra.
Upplýst var að framlengdir hefðu
verið tveir eða þrír samningar við
einstök fyrirtæki um sérhæfða
þjónustu.
Enginn samningafundur hefur
verið boðaður en hins vegar
fundaði samninganefnd heilbrigð-
isráðuneytisins í gær og til stend-
ur að samninganefnd sérfræði-
lækna muni funda með
sérfræðilæknum í kvöld.
Engir samningar við
einstaka sérgreinalækna
Læknafélagið segir að í tilefni af
frétt Fréttablaðsins í gær hafi
margir sjúklingar leitað til skrif-
stofu félagsins til að fá upplýs-
ingar um hvaða lækna hefði verið
samið við.
„Læknafélag Íslands vill því
koma á framfæri til sjúklinga að
ekki hafa verið gerðir neinir samn-
ingar við einstaka sérgreinalækna
né hópa þeirra og þykir miður að
sjúklingar hafi verið blekktir með
þessum hætti. Læknafélag Íslands
mun að sjálfsögðu auðvelda að-
gengi almennings að upplýsingum
um sérgreinalækna, sem hafa
samning við TR, um leið og þær
upplýsingar fást,“ segir í yfirlýs-
ingu Læknafélagsins, undirritaðri
af Sigurbirni Sveinssyni formanni
og Gunnari Ármannssyni fram-
kvæmdastjóra.
Samningar fram-
lengdir við ein-
stök fyrirtæki
Deila sérfræðilækna og TR
LÚÐVÍK Geirsson, bæjarstjóri
Hafnarfjarðar, mun í dag kl. 14 setj-
ast upp í 45 tonna gröfu og taka
skóflustunga að fyrstu bensínstöð
Atlantsolíu að Óseyrarbraut 23 í
Hafnarfirði við hlið birgðastöðvar
fyrirtækisins. Áætlað er að verktak-
inn, Ístak, ljúki verkinu um mánaða-
mótin mars-apríl í vor en kostnaður
er áætlaður 25 milljónir króna. Stöð-
in verður alsjálfvirk með átta dælum
og mun eingöngu taka við debet- og
kreditkortum.
Hugi Hreiðarsson, markaðsstjóri
Atlantsolíu, segir stefnt að því að
opna bensínstöðina og hefja sölu á
bensíni um leið og verkinu er lokið.
„En áður munum við þó hefja að
selja bensín á stöð okkar við Kópa-
vogsbraut vestast í Kópavogi þar
sem við seljum dísilolíu nú.“
Hugi segir að Atlantsolía muni
flytja inn bensínið á eigin vegum rétt
eins og þá dísilolíu sem félagið selji.
Spurður um verðið á bensíninu segir
Hugi að Atlantsolía ætli sér að bjóða
lægra verð en keppinautarnir aug-
lýsi nú, þar með talið á sjálfsaf-
greiðslustöðvum þeirra, en af skilj-
anlegum ástæðum sé ekki hægt að
segja fyrirfram hvert það verði.
Hugi segir menn renna nokkuð blint
í sjóinn með hversu mikil bensínvelta
nýju stöðvarinnar í Hafnarfirði
verði. „En miðað viðtökur neytenda
á stöðinni við Kópavogsbraut erum
við bjartsýnir, þar varð 26-földun á
sölu á dísilolíu í desembermánuði
eftir að við tókum við.“
Atlantsolía reisir
bensínstöð í Hafnarfirði
Ætla að bjóða lægra verð en keppinautarnir
Ók í veg
fyrir bíl
ÖKUMAÐUR fólksbíls keyrði úr
stæði í veg fyrir bíl sem ók eftir
Reykjavíkurvegi í Hafnarfirði rétt
fyrir klukkan eitt í gærdag. Var
hann fluttur á slysadeild en er ekki
talinn alvarlega slasaður.
Ökumaður bílsins sem keyrði eftir
Reykjavíkurvegi meiddist ekki við
áreksturinn.
RÍKISSTJÓRNIN samþykkti á
fundi sínum í gær að veita tíu millj-
ónir króna til mannúðaraðstoðar við
Íran vegna jarðskjálftanna á dög-
unum í borginni Bam og nágrenni
hennar.
Samkvæmt upplýsingum utanrík-
isráðuneytisins verður Rauða krossi
Íslands væntanlega falið að ráðstafa
meginhluta aðstoðarinnar.
Tugir þúsunda létust í jarðskjálft-
unum sem urðu 26. desember síð-
astliðinn og lögðu borgina nánast í
rúst.
10 milljónir vegna
jarðskjálftanna í Íran