Morgunblaðið - 07.01.2004, Qupperneq 18

HÖFUÐBORGARSVÆÐIÐ
18 MIÐVIKUDAGUR 7. JANÚAR 2004 MORGUNBLAÐIÐ
ÚLFHILDUR Dagsdóttir heldur
námskeið um myndasögur í Háskól-
anum á Akureyri laugardaginn 10.
janúar kl. 10–14 í stofu L-201.
Úlfhildur fæddist 1968 og hefur
lokið MA-prófi í almennri bók-
menntafræði frá Háskóla Íslands.
Hún er fastráðin sem stundakennari
við Listaháskóla Íslands og bóka-
verja á Borgarbókasafni Reykjavík-
ur. Hún er sjálfstætt starfandi fræði-
kona í Reykjavíkurakademíunni.
Á námskeiðinu verður lögð
áhersla á sérstöðu myndasögunnar
sem listforms og frásagnarforms.
Jafnframt er ætlunin að skoða sögu
myndasögunnar með sérstöku tilliti
til stöðu formsins nú. Einnig verður
farið í myndlestur og greiningu á
myndasögum og hrollvekjum til
sagna evrópskra höfunda og nýlegra
myndasagna á íslensku.
Meðal þess sem fjallað verður um
eru tengsl orða og mynda og frá-
sagnaraðferðir myndasagna. Þá
verður almenn kynning á myndasög-
um, fjallað um evrópskar myndasög-
ur, ofurhetjusögur, hrollvekjur og
japanskar myndasögur sem og
möguleika myndasögunnar og ólíkar
nálgunaraðferðir. Námskeiðið verð-
ur haldið í Háskólanum á Akureyri,
Sólborg, laugardaginn 10. janúar nk.
og eru allir velkomnir.
Námskeið
um mynda-
sögur
Hirðing
jólatrjáa
hafin
Höfuðborgarsvæðið | Starfsmenn
bæjarfélaganna og samstarfsaðilar
þeirra hefjast í dag handa við að
safna saman gömlum jólatrjám. Íbú-
ar eru hvattir til að setja trén út fyrir
lóðarmörkin til að nýta sér þessa
þjónustu.
Starfsmenn gatnamálastjóra í
Reykjavík munu annast hirðingu
jólatrjáa í borginni í dag og fram á
föstudag. Í Hafnarfirði verða tré hirt
í dag og á morgun. Í Garðabæ hjálp-
ast skátar og bæjarstarfsmenn að og
safna trjám í dag og fram á föstudag.
Í Kópavogi verður hafist handa í dag
og safnað eitthvað fram eftir vik-
unni. Í Mosfellsbæ safnar hand-
knattleiksdeild Aftureldingar saman
trjám í dag og á morgun.
Morgunblaðið/Þorkell
Ný umferðarljós | Á morgun kl. 14
verður kveikt á nýjum umferðarljós-
um á gatnamótum Strandvegar,
Gufunesvegar og Rimaflatar. Þang-
að til verða ljósin látin blikka á gulu
ljósi. Gatnamálastjórinn í Reykjavík
biður ökumenn að sýna aðgát og til-
litssemi á meðan.
STJÓRN Fasteigna Akureyrarbæj-
ar hefur samþykkt að ganga til
samninga við Hyrnu ehf. um bygg-
ingu tveggja fjögurra íbúða húsa við
Gránufélagsgötu 26 og 28 en Hyrna
átti næstlægsta tilboð í verkið.
Hyrna bauð tæpar 69,5 milljónir
króna í verkið, eða 94% af kostnaðar-
áætlun, sem hljóðaði upp á rúmar
73,8 milljónir króna. Alls bárust sjö
tilboð í verkið og var aðeins eitt
þeirra yfir kostnaðaráætlun. Lægsta
tilboð átti Tosco ehf., rúmar 68,7
milljónir króna, eða 93% af kostn-
aðaráætlun. Hæsta tilboð átti SS
Byggir, 78,3 milljónir króna, eða
106% af kostnaðaráætlun.
Samið við
Hyrnu
Foreldrar hittast | Janúarfundur
Hóps foreldra og aðstandenda sam-
kynhneigðra á Norðurlandi verður á
Sigurhæðum á Akureyri fimmtudag-
inn 8. janúar og hefst klukkan 20.00.
Á fundinum verður meðal annars
rætt um félagslega stöðu samkyn-
hneigðra á Íslandi og á Norð-
urlöndum í upphafi nýrrar aldar.
Nýir félagar eru ávallt velkomnir.
Kvosin | „Menn þurfa eiginlega að
vera pínulítið klikkaðir,“ segir Jó-
hann Jónsson, eigandi Ostabúð-
arinnar, sælkeraverslunar við
Skólavörðustíginn, spurður um
hvað fái menn til þess að reka svona
verslun. Jóhann er menntaður mat-
reiðslumeistari og segir grundvall-
aratriði að þekkja sjálfur vel til
sælkeravara til að geta rekið svona
verslun, enda mikið af vörunum
útbúið á staðnum.
„Áherslan er lögð á góða osta, ís-
lenska og erlenda og svo erum við
með forréttaborð þar sem við erum
með sérverkaða forrétti, villibráð
og aðra forrétti úr góðu hráefni,“
segir Jóhann. Einnig er selt mikið af
ýmiskonar ítölskum vörum, pasta,
sósum, olíum og öðru tilheyrandi.
Það sem seldist hvað mest af fyrir
jólin var heitreikt gæsabringa og
grafið ærfilet. Paté, lagað á staðn-
um, er alltaf vinsælt, sem og rjóma-
ostar og brauð bökuð á staðnum.
Veitingastaður í hádeginu
Búðin leynir á sér og það sem lít-
ur út fyrir að vera lítil verslun reyn-
ist vera hádegisveitingastaður líka
þar sem boðið er upp á breytilega
rétti fyrir svangt fólk. Jóhann segir
að það sem dragi fólk inn í hádeginu
sé góður matur, góðir skammtar og
gott verð. „Við erum alltaf með fisk
dagsins, fáum hann ferskan, og
hann er breytilegur, aldrei sami
fiskurinn. Svo erum við með tvær
tegundir af súpu, fisksúpu og súpu
dagsins. Svo erum við með brauð
sem er steikt upp úr ólívuolíu með
tómötum, mozzarella og parma-
skinku. Að lokum er það svo salat
hússins sem er lagað eftir kenjum
kokksins, að ógleymdum lang-
lokum.“ Hádegisstaðurinn er góð
kynning á vörunum í versluninni og
oft grípa menn með sér eitthvað á
leiðinni út, gjarnan brauð eða annað
sem þeir smökkuðu.
Borgað fyrir þjónustuna
Það er rosalega mikil breidd í
hópi viðskiptavina verslunarinnar,
segir Jóhann. „Svo langar ofboðs-
lega marga að koma og versla, en
það segir sig sjálft að hátt þjón-
ustustig kostar, það er bara alltaf
dýrara, þetta er alltaf dýrari búð.
Hérna færðu til dæmis að smakka á
næstum öllu, það eina sem ég myndi
sennilega ekki gera er að stökkva
niður í eldhús og sjóða pasta.“ Jó-
hann segir að fólk sé alltaf að gera
sér betur og betur grein fyrir því að
það fái það sem það borgi fyrir og
þeir sem komi í verslunina hans séu
þeir sem séu að leita að gæðum og
góðri þjónustu.
Jóhann er nú að reyna að fá í
verslunina nýja línu af frönskum
sælkeravörum sem aðeins fást í 40
búðum í heiminum, þar af 20 í
Frakklandi. Framleiðendurnir eru
mjög vandfýsnir á verslanir sem
selja vörurnar þeirra, og eru alfarið
á móti stórmörkuðum. „Ég smakk-
aði þessar vörur úti og þetta var
hvert öðru betra. Ekki mikið salt
heldur gæðin látin ráða alveg ferð-
inni,“ segir Jóhann, og vonast hann
eftir að fá svar frá framleiðand-
anum þegar vorar. Aðspurður segir
Jóhann að stórmarkaðirnir fylgist
sumir hverjir með því hvað hann
hefur á boðstólum, en hann segist
ekki hræðast samkeppni þaðan, þeir
geti ekki keppt við þjónustu og
þekkingu.
Jóhann segir að það sem geri búð-
ina sérstaka, og stuðli að velgengni
hennar, sé fyrst og fremst þjónusta
og gæði. „Það er kannski það sem er
vinsælast við búðina að þegar fólk
kemur inn þá fær það upplýsingar
um það sem það er að kaupa. Það er
fullt af fólki sem kemur hingað inn
og hristir bara hausinn, hefur ekki
hugmynd um hvað hlutirnir eru.
Hér getur það fengið upplýsingar
um vörurnar og smakk ef það vill,
og þess vegna kemur fólk aftur og
aftur.“
Rekur hádegisveitingastað og verslun með sælkeravörur á Skólavörðustígnum
Morgunblaðið/Árni Sæberg
Fyrir sælkerana: Í forréttaborðinu má meðal annars finna ýmiskonar pylsur sem eru skornar á staðnum.
Hræðist alls ekki stórmarkaðina
AKUREYRI
SKIPVERJAR á Súlunni EA tóku
nótina um borð í gærmorgun og
þegar kvöldaði var haldið á loðnu-
miðin norður af Kolbeinsey. Bjarni
Bjarnason skipstjóri sagði að þótt
lítið hefði verið að gerast á mið-
unum þennan fyrsta sólarhring ver-
tíðarinnar ætti að halda af stað.
„Maður veit aldrei hvenær þetta
brestur á.“ Bjarni sagðist hafa góða
tilfinningu fyrir vertíðinni. „Ég hef
aldrei efast um það eina mínútu að
vertíðin verði góð, vegna þess
hversu mikið var af loðnu fyrir
þremur árum. Ég ætla að það eigi
eftir að skila sér vel úr þeirri
hrygningu og er á því að vertíðin
nú og á næsta ári verði góðar en
hins vegar get ég ekki lofað neinu
um vertíðina eftir þrjú ár,“ sagði
Bjarni.
Loðnuver-
tíðin verð-
ur góð
Morgunblaðið/Kristján
Skipverjar á Súlunni EA koma nótinni fyrir í nótakassanum áður en haldið var á loðnumiðin.
  
HARÐUR árekstur varð á gatna-
mótum Kaupvangsstrætis og Gler-
árgötu í gærmorgun en ekki urðu
slys á fólki. Umferðarljós eru á
gatnamótunum en þar skullu saman
tveir fólksbílar, sem voru annars
vegar að aka suður Glerárgötu og
hins vegar austur Kaupvangsstræti.
Ökumennirnir sem voru einir í bílum
sínum sluppu með skrekkinn en bíl-
arnir eru mikið skemmdir. Höggið
var svo mikið að annar bíllinn snerist
nánast í heilan hring á götunni en
hinn kastaðist yfir á öfugan vegar-
helming. Töluverð hálka var á götum
bæjarins í gær, líkt og síðustu daga.
Harður
árekstur
Morgunblaðið/Kristján
Bílarnir eru mikið skemmdir eftir áreksturinn.