Morgunblaðið - 07.01.2004, Blaðsíða 23

DAGLEGT LÍF
MORGUNBLAÐIÐ MIÐVIKUDAGUR 7. JANÚAR 2004 23
TVÆR af áttatíu sundlaugum á
ferðamannastöðum á Korfú og Mall-
orca reyndust viðunandi hreinar sam-
kvæmt mælingum rannsakenda á
vegum breskra neytendasamtaka og
ferðatímaritsins Holiday Which?, að
því er greint er frá á fréttavef BBC.
Ein af hverjum fjórum sundlaug-
um var svo óhrein að sundlaug-
arvatnið reyndist verulega hættulegt
heilsu fólks. Í sex sundlaugum fannst
mikið af saurgerlum sem þýðir smit-
hættu fyrir sundlaugargesti. Í sjö
sundlaugum var svo mikill klór að
hætta var á ertingu í augum og húð
en í fimm laugum var sótthreinsun
hins vegar svo ábótavant að sýking-
arhætta var fyrir hendi.
„Enginn af sérfræðingum okkar
hefði synt í laugunum sem komu
verst út í matinu,“ sagði Kim Winter,
ritstjóri Holiday Which? sem vill vara
ferðalanga við. Hann kallar eftir Evr-
ópureglum um eftirlit með vatns-
gæðum í sundlaugum líkt og nú gilda
um baðstrendur.
 SÓLARLÖND
Skítugar
sundlaugar
Korfú og Mallorca: Ein af hverjum fjórum sundlaugum var svo óhrein að
vatnið reyndist hættulegt heilsu fólks.
Morgunblaðið/Ómar
Fjórir af hverjum fimmstarfsmönnum í Bretlandihafa tilkynnt veikindi án
þess að þeir séu veikir, til að fá
aukafrídag, samkvæmt könnun
sem Guardian greinir frá á vef sín-
um, en úrtakið var 927 manns.
66% þeirra sem skrökvuðu til
um veikindi fundu ekki til sekt-
arkenndar. Algengustu ástæður
sem gefnar voru fyrir veikindadegi
voru inflúensa eða mikið kvef,
streita og meiðsli.
Aðstandendur könnunarinnar
segja að ósannar tilkynningar um
veikindi kosti fyrirtæki mikið fé á
hverju ári. Staðreyndin sé sú að í
nútímaþjóðfélagi sé auðvelt að
hringja og segjast vera veikur, at-
vinnurekendur hafi engan rétt til
að segja fólki upp vegna gruns um
að það ljúgi til um veikindi.
Þeir þurfi þess í stað að móta
skýra stefnu um veikindatilkynn-
ingar, þ.e. að hinn veiki skuli sjálf-
ur hringja og það fyrir ákveðinn
tíma og að tryggt sé að starfsmenn
þjáist ekki af mikilli streitu.
 HEILSA
Óraunveruleg veikindi
Morgunblaðið/Sverrir
Satt eða logið: Kvef er stundum
skáldað til að fá frí.
Borgartúni 28, símar 520 7901/520 7900
www.ef.is
• Hagstætt verð