Morgunblaðið - 07.01.2004, Blaðsíða 45

MORGUNBLAÐIÐ MIÐVIKUDAGUR 7. JANÚAR 2004 45
 ELLERT Jón Björnsson, knatt-
spyrnumaður frá Akranesi, gekk í
gær til liðs við ÍA og gerði eins árs
samning við bikarmeistarana. Ell-
ert fór frá ÍA til Vals seinni part sl.
keppnistímabil og lék átta leiki með
Hlíðarendaliðinu. Hann á 34 leiki
með ÍA í efstu deild og hefur skorað
4 mörk í þeim leikjum.
 JÓHANN B. Guðmundsson lék í
gær með varaliði enska knatt-
spyrnufélagsins QPR þegar það
mætti Wycombe Wanderers. Jó-
hann, sem er til reynslu hjá QPR út
þessa viku, spilaði allan tímann og
átti þátt í báðum mörkum QPR sem
tapaði leiknum, 3:2.
 FYLKIR hefur gert þriggja ára
samning við Jóhann Ólaf Sigurðs-
son, 17 ára gamlan markvörð frá
Selfossi. Jóhann hefur leikið sjö
leiki með U-17 ára landsliðinu en
hann hefur æft með liði Örgryte í
Svíþjóð en þar eru foreldrar hans í
framhaldsnámi.
 SIGURD Pettersen, skíðastökkv-
ari frá Noregi, hefur farið á kostum
undanfarna daga í Þýskalandi og
Austurríki þar sem fjögur Heims-
bikarmót fóru fram með stuttu
millibili. Norðmaðurinn sigraði á
þremur af fjórum mótum og vann
samanalagt með nokkrum yfirburð-
um, 35 stigum ofar en Martin
Höllwarth frá Austurríki. Peter
Zonta frá Austurríki varð þriðji, 43
stigum á eftir hinum 23 ára gamla
Pettersen.
 MIKILL fögnuður braust út í gær
í norska bænum Tromsö í Norður-
Noregi þegar Íþrótta- og ólympíu-
samband landsins ákvað að fela
bæjaryfirvöldum að sækja um
Vetrarólympíuleikana sem fram
fara árið 2014. Á sama tíma voru
mikil vonbrigði í Lillehammer en
þar á bæ vonuðust menn eftir því að
hreppa hnossið, enda voru leikarnir
þar árið 1994. Norska ríkið þarf lík-
lega að leggja fram á bilinu 70-80
milljarða kr. vegna leikanna fái
Tromsö að halda þá.
 ALAN Smith framherji Leeds
United var í gær úrskurðaður í
tveggja leikja bann af aganefnd
enska knattspyrnusambandsins
fyrir að henda glerflösku upp í
áhorfendaskarann í leik Leeds á
móti Manchester United í október.
Kona skarst á höfði eftir að hafa
fengið flöskuna í andlitið. Bannið
tekur gildi 26. janúar og missir
Smith af leikjum sinna manna á
móti Middlesbrough og Aston
Villa.
 PETER Handyside fyrirliði
Barnsley skrifaði í gær undir samn-
ing við enska 2. deildarliðið sem
gildir út leiktíðina. Handyside, sem
einnig lék undir stjórn Guðjóns
Þórðarsonar hjá Stoke, var með
samning sem gilti frá mánuði til
mánaðar.
FÓLK
Heiðar sagði við Morgunblaðið ígær að fyrir leikinn hefði hann
velt þessum möguleika fyrir sér.
„Terry er vanur
svona slagsmálum
og er tilbúinn í þau.
Ég átti hins vegar
von á því að ég gæti
látið Desailly finna fyrir mér án þess
að fá of mikið til baka. Hann hefur
unnið allt sem hægt er að vinna í fót-
boltanum og mig grunaði að hann
yrði ekki alveg tilbúinn í slag eins og
þennan. Ég var því ánægður þegar
ég sá að Desailly var kominn inn á
völlinn en ekki Terry. Við breyttum
um leikaðferð, í stað þess að spila 4–
3–3 eins og venjulega var ég einn
frammi í 4–5–1-leikaðferðinni, og
það gekk mjög vel, sérstaklega í
fyrri hálfleiknum. Við mættum
Chelsea í æfingaleik fyrir tímabilið,
spiluðum 4–3–3 á móti þeim og þeir
völtuðu yfir okkur. Með fimm menn
á miðjunni gerðum við þeim lífið
leitt, þvinguðum þá til að senda háar
sendingar í átt að okkar marki og í
þeirri stöðu var Eiður Smári sá eini
sem ógnaði vörn okkar að ráði. Í
heildina séð held ég að við höfum
ekki átt minna í leiknum.“
Mega setja myndavélar
í mörkin mín vegna
Heiðar kom Watford yfir þegar
hann skallaði boltann upp í mark-
vinkilinn og þaðan fór hann niður á
marklínuna en aldrei yfir hana. En
aðstoðardómarinn benti samt á
miðju. „Það var fínt, ég hafði heppn-
ina með mér í þetta skiptið. Markið
var dæmt gilt, og það er það eina
sem máli skiptir. Þeir mega setja
myndavélar í mörkin mín vegna.“
Hann vonast eftir því að fá að glíma
við John Terry þegar liðin mætast
aftur á Stamford Bridge í næstu
viku. „Það yrði mikil áskorun að
spila á móti honum og ég hlakka
mjög til leiksins. Það verður fullt hús
á Stamford Bridge, Watford fær 45
prósent af tekjunum af leiknum, eins
og í okkar heimaleik, og þeir sem
stýra fjármálum Watford eru ofsa-
kátir þessa dagana. Svona leikir eru
sannkallaður happdrættisvinningur
fyrir félag eins og okkar. En ég
hugsa ekki mikið um þennan leik enn
sem komið er. Í okkar augum skiptir
miklu meira máli að við stöndum
okkur í deildaleiknum gegn Cov-
entry um næstu helgi,“ sagði Heiðar.
Hann er með samning við Watford
til vorsins 2006 og kvaðst ekki hafa
heyrt af áhuga neinna félaga á sér
eftir að félagaskiptaglugginn opnað-
ist. „Ég er búinn að vera meiddur frá
því í haust og því ekki verið mikið til
sýnis. Enda velti ég mér ekkert upp
úr þessu. Mér líður afskaplega vel
hjá Watford, hér spila ég undir
stjórn knattspyrnustjóra sem hefur
trú á mér og meðan svo er biður
maður ekki um meira í fótboltanum.“
Desailly hefur leikið 106 lands-leiki fyrir Frakkland og er fyr-
irliði liðsins. Hann lék í fimm ár með
AC Milan á Ítalíu við góðan orðstír
áður en hann gekk til liðs við Chelsea
árið 1998.
Fréttastofa Reuters hefur sent frá
sér grein þar sem fjallað er um
Desailly og stöðu hans eftir leikinn
gegn Watford. Þar skrifar Mitch
Phillips meðal annars:
„Desailly hefur verið gagnrýndur
víða eftir 2:2 jafntefli Chelsea gegn
Watford í enska bikarnum á laug-
ardaginn. Honum til varnar má
segja að ljóst hafi verið frá byrjun að
þetta yrði ekki leikur að hans skapi.
Hádegisleikur á moldarvelli á köld-
um degi, gegn upptendruðu 1. deild-
arliði, er nálægt því að vera martröð
fyrir mann sem setur á sig hanska
um leið og sólin hverfur á bakvið lítið
ský. Watford dældi háum sendingum
í áttina að Heiðari Helgusyni, sem
væri einn besti skallamaðurinn í
hvaða deild sem er, og Desailly var í
miklum vandræðum.“
Phillips segir ennfremur í grein
sinni að eftir þær hremmingar sem
franska landsliðið gekk í gegnum í
lokakeppni HM í Suður-Kóreu og
Japan fyrir tveimur árum, þar sem
liðið komst ekki áfram úr riðla-
keppninni, sé ólíklegt að Jacques
Santini landsliðsþjálfari vilji tefla á
tvær hættur í Portúgal. Vissulega
hafi Desailly leikið mikið í undan-
keppninni, hafi reyndar misst af
leikjum vegna bakmeiðsla, og hans
gífurlega reynsla tryggi honum
öruggt sæti í landsliðshópnum.
En þar sem búast megi við að hin
nýja kynslóð evrópskra sóknar-
manna láti til sín taka í Portúgal,
gæti hraði þeirra orðið Desailly um
megn, enda er hann orðinn seinn í
snúningum. William Gallas hjá
Chelsea, Mikael Silvestre hjá Man-
chester United, Sebastien Squillaci
hjá Mónakó og Jean-Alain Boum-
song séu allir ungir og hraðir og
óvíst að Santini standist þá freist-
ingu að nota þá í staðinn.
Reuters
Heiðar Helguson, lengst til hægri, fagnar með félögumsínum
öðru markinu sem Gavin Mahon, annar til vinstri, skoraði í bik-
arleiknum gegn Chelsea á Vicarage Road, 2:2.
ÚRVALSDEILDARLIÐ Snæfells í körfuknattleik fær í dag
til liðs við sig þriðja Bandaríkjamanninn, Edward Dotson.
Er honum ætlað að styrkja liðið enn frekar fyrir átökin sem
framundan eru í úrvalsdeildinni og bikarkeppninni.
Dotson kemur til landsins í dag og leikur væntanlega sinn
fyrsta leik með Snæfelli gegn Tindastóli í 8-liða úrslitum
bikarkeppninnar, en liðin mætast á Sauðárkróki annað
kvöld.
Dotson er frá Flórída og er rúmir tveir metrar á hæð og
liðlega 100 kg að þyngd. Hann leikur í stöðu miðherja.
Fyrir eru tveir Bandaríkjamenn hjá Snæfelli, Corey Dick-
erson og Dondrell Whitemore, og er ekki ætlað að breyting
verði á þeirra högum við komu Dotsons eftir því sem næst
verður komist.
Snæfell er um þessar mundir í öðru til þriðja sæti úrvals-
deildarinnar með 18 stig eins og Njarðvíkingar en Grindvík-
ingar tróna á toppnum með 22 stig. Áhuginn fyrir liði Snæ-
fells er mikill á Snæfellsnesi, enda gengi liðsins gott.
Þriðji Bandaríkja-
maðurinn til Snæfells
Heiðar Helguson um leikinn gegn Chelsea
Vonaðist eftir
að fá að glíma
við Desailly
HEIÐAR Helguson, landsliðsmaður í knattspyrnu og leikmaður Wat-
ford, kveðst hafa vonast eftir því að fá að glíma við Marcel Desailly
frekar en John Terry í bikarleiknum gegn Chelsea síðasta laugar-
dag. Liðin skildu þá jöfn, 2:2, og eftir að hafa farið halloka fyrir
Heiðari er staða Desaillys í franska landsliðinu talin veikari en áður.
Eftir
Víði
Sigurðsson
KARLALANDSLIÐ Íslands í tennis keppir í riðlakeppni 3. deildar
Davis-bikarsins, heimsmeistaramóts landsliða, sem fram fer í Litháen
í byrjun febrúar.
Fjórir leikmenn hafa verið valdir til fararinnar, þeir Raj Bonifacius
úr Þrótti Reykjavík, sem jafnframt er þjálfari liðsins og stigahæsti
tennisleikari landsins, Arnar Sigurðsson úr Tennisfélagi Kópavogs,
sem er efstur á styrkleikalista Tennissambands Íslands og keppir í
Bandaríkjunum á veturna og í Þýskalandi á sumrin, og þeir Andri
Jónsson og Jón Axel Jónsson úr Badmintonfélagi Hafnarfjarðar.
Ísland sigraði í 4. deild Davis-bikarsins í fyrra án þess að tapa leik.
Átta Evrópuþjóðir mæta til leiks í Litháen og tvær þeirra, sem ná
bestum árangri, komast upp í 2. deild.
Tennislandsliðið til Litháen
Desailly í vanda eftir
slaginn við Heiðar
MARCEL Desailly hefur um langt árabil verið kjölfesta í franska
landsliðinu í knattspyrnu og undanfarin ár hefur hann þótt ómiss-
andi í vörn Chelsea. En eftir að Heiðar Helguson lék hann grátt hvað
eftir annað í bikarslag Watford og Chelsea síðasta laugardag þykir
þessi 35 ára gamli jaxl vera farinn að láta á sjá og vangaveltur eru
komnar í gang um hvort hann sé nægilega góður til að stýra varn-
arleik franska landsliðsins í lokakeppni EM í Portúgal í sumar.
ÍÞRÓTTIR
SKÍÐASAMBAND Íslands sendi frá sér frétta-
tilkynningu í gær, þar sem segir frá því að
Dagný Linda Kristjánsdóttir skíðakona sé með
slitið fremra krossband í vinstra hné, auk þess
sem hætta sé á því að liðþófi sé rifinn. Aftara
krossbandið er einnig tognað. Dagný Linda fer í
aðgerð í kvöld í Austurríki en þar fór hún í skoðun
hjá sérfræðingi.
Það er því ljóst að Dagný Linda verður frá
keppni það sem eftir er keppnistímabilsins en það
tekur oftar en ekki 6-8 mánuði að ná sér eftir að-
gerð á krossbandi.
Dagný Linda hefur verið að æfa með sænska
skíðalandsliðinu í vetur og keppt á heimsbikar-
mótum í bruni fyrst íslenskra kvenna og að auki
hefur hún keppt í stórsvigi.
Dagný meiddist í upphitun fyrir heimsbikarmót
í Frakklandi um síðustu helgi.
Dagný Linda
frá í 6–8 mánuði