Morgunblaðið - 09.01.2004, Blaðsíða 22

AUSTURLAND
22 FÖSTUDAGUR 9. JANÚAR 2004 MORGUNBLAÐIÐ
KYNNING á stefnu og
starfi Guðspekifélagsins
laugardaginn 10. janúar
kl. 15 í húsi félagsins í
Ingólfsstræti 22.
Guðspekifélagið er félagsskapur,
sem helgar sig andlegri iðkun og
fræðslu. Félagið byggir á skoðana-
og trúfrelsi ásamt hugsjóninni um
bræðralag alls mannkyns.
Starfsemi félagsins fer fram yfir
vetrartímann og felst m.a. í opinber-
um erindum, opnu húsi, námskeið-
ahaldi, námi og iðkun. Einnig býður
bókaþjónusta þess mikið úrval söl-
ubóka og bókasafnið bækur til út-
láns fyrir félaga.
Íslandsdeild félagsins býður áhuga-
fólki um andleg mál að kynnast
starfi félagsins.
Einkunnarorð félagsins eru:
„Engin trúarbrögð eru sannleikan-
um æðri.“
www.gudspekifelagid.is
Hugræktarnámskeið Guðspekifé-
lagsins hefst fimmtudaginn
15. janúar kl. 20.30.
SUÐURNES
Seyðisfjörður | Starfsfólk Shell-
stöðvarinnar á Seyðisfirði fékk á
gamlársdag uppsagnarbréf. Útlit er
fyrir að söluturni stöðvarinnar, sem
er sú eina í bænum, verði lokað í
byrjun mars og í staðinn settur upp
bensínsjálfsali. Skeljungur keypti
gamla Essostöð í bænum fyrir
nokkru og búið var að gera skipu-
lag að nýrri bensínsölu og Select-
verslun. Virðist sem kostnaður þyki
of hár við að endurbæta húsnæði
Essostöðvarinnar gömlu, sem og
húsnæði núverandi Shellbensín-
stöðvar, sem hvorki mun vera
vatns- né vindhelt að sögn starfs-
fólks.
Að sögn Margrétar Guðmunds-
dóttur, framkvæmdastjóra mark-
aðssviðs smásölu Skeljungs, er ver-
ið að endurskoða reksturinn á
Seyðisfirði um þessar mundir.
Of dýrt að gera
Essostöðina upp
„Við eigum orðið tvær eignir
undir bensínsölu á staðnum,“ segir
Margrét. „Uppsögn starfsfólks er
gerð í ljósi þess að við erum að end-
urskoða hvernig við ætlum að reka
bensínsölu á Seyðisfirði. Það liggur
ekki endanlega fyrir hvort við setj-
um þarna bensínsjálfsala, en það er
sú leið sem verið er að fara mjög
víða úti á landi, að setja niður sjálf-
sala þannig að aðgengi sé að elds-
neyti 24 tíma á sólarhring.
Húsakosturinn sem við erum í er
ekki góður. Því völdum við að
kaupa Essostöðina, en þar er komið
að miklu viðhaldi, en húsið þó í
miklu betra standi en Shellskálinn.
Við teiknuðum það upp og gerðum
kostnaðaráætlun en í ljós kom að sú
framkvæmd yrði okkur of dýr.“
Margrét segir að þrátt fyrir að
búið sé að segja starfsfólkinu upp,
sé ekki búið að ákveða hvenær
rekstri söluturnsins verði hætt.
Ákvörðun um þetta verði tekin á
næstu vikum.
Shellskálanum á
Seyðisfirði lokað
á næstu vikum
Grindavík | „Mér varð rórra eftir
fundinn með landlækni og er sátt
við að börnin mín búi áfram í
Grindavík,“ segir Kristín Sig-
urjónsdóttir, kaupmaður í Grinda-
vík. Fram kom hjá landlækni að
ekki væri hægt að sjá tengsl milli
nýgengis krabbameina í bæj-
arfélaginu og umhverfisþátta.
Umræða hefur verið meðal íbúa í
Grindavík um hverjar kynnu að
vera skýringar á því sem fólk hefur
talið verið óvenjumörg krabba-
meinstilfelli síðustu tuttugu árin
eða svo. Kristín hefur undanfarna
mánuði verið að spyrjast fyrir um
málið. „Það gerði ég vegna þess að
ég fékk sjálf krabbamein. Ég vildi
vita hvort sannleikskorn væri í full-
yrðingum um óeðlilega mörg
krabbameinstilfelli. Ég er þannig
manngerð að ég leita svara við
svona spurningum sem koma upp,“
segir Kristín þegar hún er spurð
hvers vegna hún hafi tekið málið
upp. Eftir að hún náði sér eftir
veikindin hefur hún rætt við ýmsa,
meðal annars bæjarfulltrúa og að
undanförnu hefur Ólafur Örn
Ólafsson bæjarstjóri unnið með
henni og fleirum að því að skýra
málið. Þau sneru sér meðal annars
til landlæknis og áttu fund með
honum í vikunni.
Fram kemur í svörum krabba-
meinsskrár Krabbameinsfélags Ís-
lands, sem landlæknir aflaði, að á
árunum 1991 til 2002 fengu 35 karl-
ar og 45 konur í Grindavík krabba-
mein í fyrsta skipti. Nýgengi karla í
Grindavík á þessu tólf ára tímabili
er lægra en á landinu í heild en ný-
gengi kvenna er hærra. Fram kem-
ur að líklegast er að hér sé um að
ræða venjulega tilviljanakennda
sveiflu.
Ekki talið tengt möstrunum
Kristín hefur kortlagt þau
krabbameinstilfelli sem vitað er um
í Grindavík. Hún segir einkennilegt
að undanfarna rúma tvo áratugi
hafi verið staðfest þrettán tilfelli í
tveimur götum og mörg önnur
krabbameinstilfelli í því hverfi.
Menn hafi velt því fyrir sér hvort
einhver umhverfismengun á þessu
svæði gæti valdið þessu og að helst
hafi verið rætt um geislun frá loft-
netsmöstrum varnarliðsins sem eru
þarna skammt frá. Þá segir hún
áberandi hvað margt ungt fólk hafi
veikst.
Ekki náðist í Sigurð Guðmunds-
son landlækni í gær en Kristín segir
að þau hafi fengið þau svör hjá hon-
um að ekki væri hægt að tengja ný-
gengi krabbameins í Grindavík við
umhverfisþætti. Þá þyrfti að fara
betur yfir búsetu viðkomandi ein-
staklinga síðustu áratugi til þess að
tengja veikindin við tiltekinn stað
því þau gætu myndast á löngum
tíma.
Kristín segist hafa komið rólegri
af fundi landlæknis. Hann hefði at-
hugað málið og skýrt það vel fyrir
þeim. Hún segir að þetta hafi verið
orðið talsvert mál í Grindavík. „Mér
þykir vænt um bæinn þótt ég sé
ekki fædd þar og er glöð yfir því að
þessari óvissu sé eytt. Ég veit að
svo er um marga fleiri,“ segir hún.
Kristín segir að ekki hafi tekist
að afla upplýsinga um notkun
mastra varnarliðsins og hugs-
anlega geislun frá þeim. Hún segist
í sjálfu sér óánægð með að ekki fá-
ist svör frá varnarliðinu. Hins veg-
ar hafi það komið fram á fundinum
með landlækni að um væri að ræða
venjulegar útvarpsbylgjur sem
ekki væru taldar skaðlegar heilsu
fólks.
Fylgir málinu eftir
Ólafur Örn Ólafsson bæjarstjóri
segir hryggilegt hversu margir ein-
staklingar í Grindavík hafi veikst af
krabbameinum á undanförnum ár-
um. Segir hann það þó ákveðinn
létti að veikindin tengist ekki þátt-
um í umhverfinu eins og fólk hefði
haft áhyggjur af.
Í greinargerð krabbameinsskrár
Krabbameinsfélags Íslands kemur
fram það sjónarmið að eðlilegt sé
að kanna tölur um nýgengi krabba-
meina í Grindavík aftur eftir fimm
til tíu ár. Kristín leggur áherslu á
að það verði gert og segist ætla að
fylgjast áfram með málinu.
Nýgengi krabbameins ekki rakið til geislunar eða annarra umhverfisþátta
Rórra eftir fund með landlækni
Morgunblaðið/Helgi Bjarnason
Ákveðinn léttir: Kristín Sigurjónsdóttir, kaupmaður í Aðalbraut og Að-
alvídeó, segir fólk ánægt með að umhverfið valdi ekki heilsutjóni.
Kárahnjúkavirkjun | Þeir fóru ekki
varhluta af þrettándagleði lands-
manna í ár, starfsmenn Kára-
hnjúkavirkjunar. Menn söfnuðust
saman við brennu um hálf-
níuleytið á þrettándakvöldið og
skutu svo upp flugeldum í átt að
nær fullu tungli, sem myndaði
góða bakgrunnslýsingu fyrir lit-
skrúðuga skoteldana. Brennan
var höfð að frumkvæði starfs-
manna Impregilo og með sam-
þykki og samvinnu öryggisdeildar
fyrirtækisins. Björgunarsveitin í
Garðabæ gaf flugeldana.
Ljósmynd/Leó Sigurðsson
Þrettándabrenna í Kárahnjúkum: Virkjunarstarfsmenn orna sér við eldinn.
Gáfu flugelda í Kárahnjúkavirkjun
Úrelding sláturhúsa | Land-
búnaðarráðuneytið mun veita
55 milljónir króna til úreldingar
sláturhúsa á Fossvöllum og
Breiðdalsvík. Verður fjármun-
unum varið til að greiða skuldir
við þá opinberu sjóði sem veð
áttu í þessum tveimur húsum.
Vilja halda afslætti | Á aðalfundi
Vísis, félags skipstjórnarmanna á
Suðurnesjum, var samþykkt að mót-
mæla harðlega áformum fjármálaráð-
herra um að fella niður sjómannaaf-
slátt. Vísað er til þess að engar
forsendur hafi breyst og ekki sétilefni
til að skerða kjör sjómanna.
Einnig var ályktað á fundinum að
veiðar með flotvörpu á síld og loðnu
verði bannaðar innan íslenskrar land-
helgi. Fyrir þeirri samþykkt eru færð
þau rök að áður en veiðar hófust með
flotvörpu við síldveiðar hafi kvótinn
ávallt náðst á 150–200 tonna skipum
en nú gangi erfiðlega að ná sama
kvóta á margfalt stærri skipum.
Refur fyrir bíl | Laust eftir klukk-
an eitt í fyrrinótt varð refur fyrir bif-
reið á Garðvegi og varð það hans
bani. Lögreglumenn hafa séð tölu-
vert af ref á eftirlitsferðum sínum í
vetur og segja ljóst að mikið sé um
hann á Suðurnesjum.
Grindavík | „Við fengum 2,8 tonn,
þar af 1,6 tonn af góðum þorski,“
sagði Jón Gauti Dagbjartsson,
skipstjóri á smábátnum Nónu
GK-166, þegar þeir félagarnir voru
að ljúka löndun í Grindavíkurhöfn
fyrr í vikunni og gera klárt fyrir
næsta túr.
Þeir fóru út um klukkan sex um
morguninn og voru búnir að landa
rétt fyrir klukkan átta um kvöldið.
Dagsverkið var því nokkuð gott hjá
þeim tveimur mönnum sem eru á
Nónu GK.
Þorskurinn var góður, að sögn
Jóns Gauta, en meðaflinn af ýms-
um toga og óvíst hvað hann gæfi í
aðra hönd vegna þess hvernig
verðinu hefur verið háttað á mörk-
uðunum að undanförnu. „Við vor-
um með tuttugu og fjóra bala
þannig að þetta telst ágætt eftir
frekar rólegt haust“, sagði Jón
Gauti Dagbjartsson.
Góður túr á Nónu
Morgunblaðið/Garðar Páll Vignisson
  
FASTEIGNIR
mbl.is