Morgunblaðið - 09.01.2004, Blaðsíða 45

MINNINGAR
MORGUNBLAÐIÐ FÖSTUDAGUR 9. JANÚAR 2004 45
bænum á Guðnabakka en ég hafði
ætlað mér að spyrja aðeins um þær.
Dúdda var langyngst systkina sinna
og eftir því mikið uppáhald allra að
ég held. Enda var alltaf gaman þar
sem hún var. Og þegar yfir lauk
mundi hún það best úr bernsku sinni
sem var gaman. Hvernig var á
Guðnabakka, spurði ég hana á loka-
sprettinum: Hæ gaman, sagði hún og
það eins og kumraði í henni hlátur-
inn. Það var alltaf blik í auga og það
kipruðust augnkrókarnir svo gleðin í
auganu breytti krabbameinsdeild-
inni í gleðihöll eitt augnablik. Henn-
ar lokakveðja til mín og okkar systk-
inanna, mín og Helgu, sem
heimsóttum hana saman var bros,
bros ... hæ gaman, líka þá.
Ég ætla að hvíla mig aðeins, Svav-
ar minn, sagði hún svo að lokum,
þegar ég leit til hennar síðast. Og á
nýársdag var hún öll aðeins 69 ára að
aldri.
Dúdda og Mundi áttu fjögur börn
og hóp barnabarna. Þeim sendi ég
samúðarkveðjur okkar Guðrúnar og
barnanna minna. Þau Helga, Röggi,
Addi og Binni eru gæfusöm að hafa
átt hana mömmu sína og litlu krakk-
arnir að hafa átt hana ömmu sína.
Nú er Dúdda frænka mín að hvíla
sig.
Svavar Gestsson.
Elsku amma mín, nú þegar ég sest
niður til þess að minnast þín í nokkr-
um orðum rifjast margt skemmtilegt
upp, enda af mörgu að taka þar sem
þið afi voruð ævinlega mjög dugleg
við að stjana við okkur barnabörnin
og ferðast með okkur. Við munum nú
öll eftir öllum sumarbústaðaferðun-
um sem voru farnar á hverju sumri.
Á þeim vikutíma sem við dvöldum
hverju sinni í bústöðunum lifðum við
börnin sældarlífi, því þá þurftum við
ekki að hafa mikið fyrir hlutunum
þar sem þú og afi hringsnerust í
kringum okkur allan tímann. Þessar
ferðir stóðu ævinlega uppúr hjá okk-
ur börnunum og þær gleymast aldr-
ei. Ég vil nota tækifærið og þakka
þér fyrir að vera svona frábær amma
eins og þú varst, betri ömmu er ekki
hægt að hugsa sér.
Það var rosalega erfitt að þurfa að
horfa uppá þig elsku amma liggja
uppá spítala, vera svona máttvana og
þjást svona eins og þú gerðir undir
lokin. Þetta bara einfaldlega passaði
ekki við þig, þú varst alltaf svo hress
og kát að eðlisfari. En þetta er ill-
vígur sjúkdómur sem þú þurftir að
berjast við og að lokum þurftir þú að
játa þig sigraða. Þín er sárt saknað
og skarðið sem þú skildir eftir þig
verður aldrei fyllt. Elsku amma, þú
getur treyst því að það verður hugs-
að vel um hann afa enda er hann
hluti af þér og í þann hluta getum við
ennþá haldið ásamt öllum fallegu
minningunum um þig.
Guð blessi minninguna þína elsku
amma mín og megi hún lifa vel og
lengi í minnum manna.
Þitt barnabarn
Tinna Rögnvaldsdóttir.
Opnir armar, hlýtt faðmlag, bjart
bros, mjúkar hendur... Allt þetta og
svo margt annað minnir á ömmu.
Amma var sú sem var alltaf hægt
að leita til, alltaf hægt að koma til og
tala við. Hún var engill í manns-
mynd. Þegar ég hugsa til baka og
leita í sjóð minninganna koma fyrst
upp í hugann allar sumarbústaða-
ferðirnar með ömmu og afa. Það
voru sannkallaðar dekurvikur fyrir
okkur barnabörnin. Þá var sko ekk-
ert stress eða læti. Ekið um sveitina,
farið í göngutúra, náttúran skoðuð í
bak og fyrir, farið í mini-golf, pönnu-
kökuspaðinn á lofti og spilað fram á
kvöld. Þessar ferðir voru hápunktur
sumarsins.
Þegar ég hugsa um ömmu renna
upp fyrir mér allar samverustund-
irnar okkar. Þessar hversdagslegu
stundir sem reynast manni svo ótrú-
lega verðmætar í minningunni.
Helgarnar sem ég fékk að gista
hjá ömmu og afa í Engihjallanum og
hvað það var gott að kúra frameftir í
fanginu hennar ömmu.
Þegar amma var að kenna mér að
naglalakka. Við höfðum pappír undir
puttunum og ég held að hann hafi
fengið meiri lit en neglurnar en
amma kippti sér ekkert upp við það
heldur taldi mér samt trú um að ég
væri voða fín.
Við fórum tvær saman í göngutúr í
grasagarðinum í haust og spjölluð-
um um heima og geima. Í þessum
síðasta göngutúr okkar saman fékk
ég margar góðar ráðleggingar og
þær verða allar vel geymdar og varð-
veittar.
Eftir að amma veiktist breyttist
allt en samt var ég, fram á það síð-
asta, nokkuð sannfærð um að hún
stæði þetta allt af sér. Gott dæmi um
baráttuþrekið hennar ömmu var
þegar hún spurði mig, í byrjun des-
ember sl., hvort ég myndi ekki
örugglega koma í jólaboðið sem hún
ætlaði að halda á jóladag. Boðið var
aldrei haldið. Við vorum öll saman-
komin uppi á spítala í staðinn en í
mun dapurri erindagjörðum. Síðasta
vikan var erfið og ömmu hrakaði
hratt. Nú eru þjáningarnar að baki
og amma getur brosað aftur á nýjum
stað.
Elsku afi, missirinn er mikill. Síð-
ustu vikur hafa verið ótrúlega erf-
iðar en þú haggaðist aldrei heldur
stóðst eins og klettur við hlið hennar
allan tímann. Ég dáist að þér.
Megum við öll öðlast styrk í sorg-
inni. Amma er farin en minningarnar
lifa um ókomin ár.
Ella Björg Rögnvaldsdóttir.
Elsku amma, nú ertu farin. Þú
kvaddir eftir erfið veikindi. Núna
þarftu ekki lengur að þjást. Þér líður
vel hjá guði. Þú getur hlaupið uppi á
himnum með öllum hinum englun-
um. Þetta er erfiður tími og mikill
söknuður í mörgum.
Fyrst eftir að þú greindist var
flest eins og áður. Ég fór reyndar að
koma oftar í heimsókn. Svo datt hár-
ið af en enn varstu nokkuð hress. Ég
heimsótti þig þrisvar á spítalann.
Fyrst þegar ég kom varstu með súr-
efnisgrímu, þú varst máttlaus en tal-
aðir samt við okkur og gerðir þitt
besta. Annað skipti var gríman farin
og í staðinn voru komnar slöngur. Þú
gast þá sest upp sjálf og varst hress-
ari. Á aðfangadag varstu send heim
af spítalanum. Margir voru stress-
aðir og hræddir enda kom í ljós að
það var tilefni til því daginn eftir, á
jóladag, varstu send uppá spítala
með sjúkrabíl og það kvöld var þér
ekki hugað líf. En allt í einu var eins
og þú lifnaðir við.
Eftir þetta kom ég svo í þriðju
heimsóknina. Þá varstu voða þreytt
og varst alltaf að loka augunum. Þú
talaðir við okkur en varst ekki eins
og þú varst vön því þú ruglaðir inn á
milli. Ég gat ekki komið oftar því
tíminn var á þrotum. Elsku amma ég
sakna þín,
Elsku afi, Röggi, Binni, Helga,
Addi og allir hinir, Guð styrki ykkur
í þessari miklu og erfiðu sorg.
Kristín Jónsdóttir.
Elsku amma, þú varst
besta amma í heimi. Ég vildi
að þú værir lifandi, elsku
amma.
Elsku amma Dúdda.
Þinn
Guðmundur.
Lítill sveinn á leyndardómum
lífs og dauða kann ei skil:
hann vill bara eins og áður
ömmu sinnar komast til,
hann vill fá að hjúfra sig að
hennar brjósti sætt og rótt.
Amma er dáin – amma finnur
augasteininn sinn í nótt.
(Jóhannes úr Kötlum.)
Elsku amma, ég sakna þín.
Arnar Eyberg.
Elsku amma mín.
Ég man þegar við komum
í heimsókn þegar þú varst
ekki veik. Þú hafðir alltaf svo
mikið fyrir okkur. Ég mun
aldrei gleyma þér. Þú varst
alltaf svo góð við okkur.
Trúðu á tvennt í heimi
tign sem æðsta ber:
Guð í alheimsgeimi,
Guð í sjálfum þér.
(Steingr. Thorsteinsson.)
Hrefna Björk Jónsdóttir.
Legg ég nú bæði líf og önd,
ljúfi Jesús, í þína hönd,
síðast þegar ég sofna fer
sitji Guðs englar yfir mér.
(Hallgrímur Pétursson.)
Elsku amma ég mun aldr-
ei gleyma þér.
Bryndís Helga Jónsdóttir.
HINSTA KVEÐJA
Elskuleg móðir okkar, tengdamóðir og amma,
HULDA EMILÍA JÓNSDÓTTIR,
andaðist á hjúkrunarheimilinu Sólvangi,
Hafnarfirði, miðvikudaginn 7. janúar.
Gunnar Rafn Einarsson, Fanney Kristbjarnardóttir,
Eygló Sævarsdóttir, Sveinþór Eiríksson,
Jón Þór Sævarsson, Guðrún Ásta Björgvinsdóttir
og barnabörn.
Ástkær móðir mín,
GUÐMUNDA GUÐMUNDSDÓTTIR
frá Búðum í Grindavík,
lést mánudaginn 22. desember á Hrafnistu í
Reykjavík.
Jarðarförin hefur farið fram í kyrrþey að ósk
hinnar látnu.
Fyrir hönd aðstandanda,
Þórður Guðmundur Guðlaugsson.
Elskuleg móðir okkar,
SIGURLAUG SIGURBJÖRNSDÓTTIR,
Tungvegi 82,
Reykjavík,
lést á Skjóli mánudaginn 22. desember.
Útförin hefur farið fram í kyrrþey að ósk hinnar
látnu.
Sérstakar þakkir viljum við færa starfsfólkinu
á Skjóli.
Ágúst H. Óskarsson,
Davíð J. Óskarsson,
Óskar P. Óskarsson,
Eggert Óskarsson
og fjölskyldur.
Ástkær faðir minn, tengdafaðir, afi og langafi,
MAGNÚS JÓN ÞORVALDSSON,
Drangavöllum 4, Keflavík,
frá Sveinseyri við Dýrafjörð,
lést á dvalarheimilinu Garðvangi, Garði, þriðju-
daginn 6. janúar.
Útför hans fer fram frá Keflavíkurkirkju mið-
vikudaginn 14. janúar kl. 14.00.
Blóm og kransar eru vinsamlegast afþakkaðir, en þeim, sem vilja minnast
hans, er bent á FAAS, Félag Alzheimersjúklinga.
Ingibjörg Magnúsdóttir, Júlíus Jónsson,
Hildur Hrund Hallsdóttir, Hreinn Ingi Hreinsson,
Andrea Mekkín Júlíusdóttir,
Jón Hallvarður Júlíusson
og langafabörnin Axel og Íris Marí.
Ástkær sonur okkar, stjúpsonur, bróðir, mágur
og barnabarn,
STEINGRÍMUR MÁR EGGERTSSON,
Smárahlíð 14D,
Akureyri,
lést á Fjórðungssjúkrahúsinu á Akureyri mánu-
daginn 5. janúar.
Útför hans fer fram frá Glerárkirkju mánu-
daginn 12. janúar kl. 14.00.
Þeim, sem vilja minnast hans, er bent á Krabbameinsfélag Akureyrar.
Steinunn Rögnvaldsdóttir, Bjarni Baldursson,
Eggert Jónsson, Guðbjörg I. Jónasdóttir,
Magnús Þór Eggertsson, Bergþóra St. Stefánsdóttir,
Heiðar Ingi Eggertsson,
Tinna Brá Þorvaldsdóttir,
Rögnvaldur Bergsson,
Cecelía Steingrímsdóttir.
Elskuleg móðir okkar, tengdamóðir, amma og
langamma,
UNNUR S. AUÐUNSDÓTTIR,
Smáratúni 17,
Selfossi,
sem lést á Heilbrigðisstofun Suðurlands, Sel-
fossi sunnudaginn 4. janúar, verður jarðsungin
frá Selfosskirkju laugardaginn 10. janúar
kl. 13.30.
Diðrik Haraldsson,
Gunnhildur Haraldsdóttir, Þorbergur Þ. Reynisson,
Hafdís Unnur Daníelsdóttir, Björn Þór Jóhannsson,
Haraldur Þór Þorbergsson,
Gunnhildur Karen Björnsdóttir.
Ástkær eiginmaður minn, faðir okkar, tengdafaðir og afi,
JÓN ÞORVARÐARSON,
Vindási,
Rangárvöllum,
lést á hjúkrunarheimilinu Lundi, Hellu, miðvikudaginn 7. janúar.
Karin Jónsdóttir,
börn, tengdabörn og barnabörn.
AFMÆLIS- og minningar-
greinum má skila í tölvupósti
(netfangið er minning@mbl.is,
svar er sent sjálfvirkt um leið
og grein hefur borist) eða á
disklingi. Ef greinin er á disk-
lingi þarf útprentun að fylgja.
Nauðsynlegt er að tilgreina
símanúmer höfundar og/eða
sendanda (vinnusíma og heima-
síma). Ekki er tekið við hand-
skrifuðum greinum.
Um hvern látinn einstakling
birtist ein aðalgrein af hæfi-
legri lengd á útfarardegi, en
aðrar greinar séu um 300 orð
eða 1.500 slög (með bilum) en
það eru um 50 línur í blaðinu
(17 dálksentimetrar). Tilvitn-
anir í sálma eða ljóð takmark-
ast við eitt til þrjú erindi.
Frágangur
afmælis- og
minningar-
greina