Morgunblaðið - 14.03.2004, Qupperneq 16

16 SUNNUDAGUR 14. MARS 2004 MORGUNBLAÐIÐ
Úrhelli, hvassviðri og vegaskemmdir.
Það var vorlykt af vindum liðinnar viku.
Vatnið flæddi um sveitirnar, vegfar-
endum víða til ama, þótt börnin hafi
gaman af að sulla í pollunum. Það hlánar á fjöllum, brum birtist á trjánum
og skokkarar fagna hlýjunni. En þetta er líka tími efasemdamanna, sem
sitja inni, horfa á regntaumana á rúðunni og bíða páskahretsins.
Morgunblaðið/RAX
Hvassviðri: Frændsystkinin Einar Ágúst Hjörleifsson, Hjörleifur Þór Steingrímsson og Guðleif Erna Steingrímsdóttir léku sér úti við bæinn Foss í Hrunamannahreppi. Þar var bæjarfossinn æði bólginn.
Rispur
Morgunblaðið/Árni Sæberg
Riðið út: Elliðaárnar slæmdust yfir bakka sína næst Elliðavatni. Hestamenn láta stinningskalda og úrkomu ekki trufla útreiðar og þessi einmana knapi lét klárinn tölta lipurlega eftir reiðgötunni.
Morgunblaðið/RAX
Á flæðiskeri: Við Sólheima voru hrossin umflotin vatni; Stóra-Laxá ennþá stærri en venjulega.
Morgunblaðið/Kristinn
Á hlaupum: Með vindinn í bakið á Skothúsveginum.