Morgunblaðið - 18.03.2004, Qupperneq 8

FRÉTTIR
8 FIMMTUDAGUR 18. MARS 2004 MORGUNBLAÐIÐ
Í minni fyrstu opinberu heimsókn til útlanda eru nú „damerne först“, my darling.
Ný námsleið kynnt
Ný og spenn-
andi námsleið
Háskólaárið 2004–2005 verður ífyrsta sinn boðið
upp á nýja námsleið,
M.L.I.S. nám (Master of
Library and Information
Science) í bókasafns- og
upplýsingafræðiskor Há-
skóla Íslands.
Morgunblaðið ræddi við
Jóhönnu Gunnlaugsdótt-
ur, sjálfan skorarformann-
inn. Hún sagði okkur fyrst
þetta: „Námið hérlendis er
þróað með hliðsjón af til-
lögum frá alþjóðlegum
samtökum á sviði bóka-
safns- og upplýsingafræði.
Erlendir háskólar, m.a. í
Bretlandi og Bandaríkjun-
um, hafa þróað M.L.I.S.
nám í samræmi við þessar
tillögur. Mastersnámið við
H.Í. tekur ennfremur mið af fram-
haldsnámi í öðrum skorum í H.Í.
og sem dæmi má nefna M.P.A.
nám í stjórnmálafræðiskor.“
Segðu okkur nánar frá þessu...
„M.L.I.S. námið er til 60 ein-
inga og nemendur ljúka 30 eining-
um í námskeiðum, 15 einingum í
hagnýtu námi og meistaraprófs-
verkefni til 15 eininga. Námskeið-
in fjalla m.a. um skipulagningu
upplýsinga s.s. flokkun, lyklun og
skráningu; upplýsingaþjónustu,
-leitir og miðlun; mat á upplýsing-
um; Internetið, tölvunotkun, vef-
lausnir og lýsigögn; hönnun og
gerð gagnasafna; skjalastjórn;
þekkingarstjórnun; gæðastjórn-
un; stjórnun hinna ýmsu safna-
tegunda; aðferðafræði og rann-
sóknir í bókasafns- og
upplýsingafræði. Nánari upplýs-
ingar um námið er að finna í
Kennsluskrá H.Í. og á heimasíðu
http://felags.hi.is.“
– Til hverra höfðar þessi nýja
leið?
„Þetta er ný og spennandi
námsleið á meistarastigi fyrir þá
sem sem lokið hafa háskólagráðu í
annarri grein en bókasafns- og
upplýsingafræði. Þá á ég við nem-
endur sem lokið hafa B.A. gráðu í
hinum ýmsu greinum hug- og fé-
lagsvísinda, B.Ed. gráðu frá
Kennaraháskóla Íslands eða B.S.
gráðu í raungreinum svo að dæmi
séu tekin. M.L.I.S. námið gefur
þeim, sem hafa sérhæft sig í ein-
hverri grein, aukna möguleika á
áhugaverðum störfum m.a. til
þess að starfa sem bókasafns- og
upplýsingafræðingar, skjalastjór-
ar, gæðastjórar, þekkingarstjórar
og vefstjórar. Segja má að meist-
aranámið í bókasafns- og upplýs-
ingafræði gefi hinu fyrra háskóla-
prófi aukið gildi svo að um
munar.“
– Hverju breytir þetta?
„Hér áður fyrr var hlutverk
sérfræðinga í greininni að skipu-
leggja og gera aðgengilegt útgefið
efni á bókasöfnum s.s. bækur,
tímarit og skýrslur og þess má
geta að greinin hefur verið kennd
í H.Í. frá árinu 1956. Lengi vel
unnu þessir sérfræðingar lang-
flestir á bókasöfnum og voru þeir
því einfaldlega kallaðir
bókasafnsfræðingar og
fræðigreinin bóka-
safnsfræði. Síðar, eftir
að störfin þróuðust,
starfsvettvangurinn
breyttist og upplýsingar urðu í
auknum mæli á rafrænu formi
þótti rétt að breyta heiti greinar-
innar og gera það meira lýsandi.
Hér á landi var því breytt í bóka-
safns- og upplýsingafræði en á
enskri tungu er mönnum æ tam-
ara að nota orðin „information
specialist“ eða upplýsingafræð-
ingur og „information science“
eða upplýsingafræði. Ég verð því
eiginlega að svara því til að bóka-
safnsfræði og upplýsingafræði sé í
raun einn og sami hluturinn.“
– Er þetta að vekja athygli?
„Já og eftir að ný Kennsluskrá
H.Í. kom út í byrjun mánaðarins
höfum við fengið fjölmargar fyr-
irspurnir um námið og fólk er sér-
staklega áhugasamt. Það er því
mikil eftirspurn eftir náminu og
það er aukin eftirspurn eftir fólki
með þessa menntun.“
– Hvað með atvinnuhorfur?
„Þær eru góðar og sífellt vax-
andi eftirspurn er eftir bókasafns-
og upplýsingafræðingum í at-
vinnulífinu. Stjórnendur fyrir-
tækja eru í auknum mæli farnir að
gera sér grein fyrir mikilvægi
starfsstéttarinnar við að beisla
þekkingu í fyrirtækjum til þess að
hana megi nýta á árangursríkan
hátt. Fræðigreinin hefur þróast
samhliða þróun í upplýsingatækni
og þegar upplýsingafræðingar og
upplýsingatæknifræðingar vinna
saman að verkefnum fæst bestur
árangur við að nýta tæknina starf-
seminni til framdráttar.
Sérfræðingar í fræðigreininni
starfa á ýmsum vettvangi. Þeir
starfa sem bókasafns- og upplýs-
ingafræðingar og stjórnendur á
hinum fjölmörgu safnategundum
og sem skjalastjórar, gæðastjór-
ar, þekkingarstjórar og vefstjórar
í fyrirtækjum og stofnunum.
Bókasafns- og upplýsingafræð-
ingar hafa einnig stofnað ráð-
gjafafyrirtæki og veitt fyrirtækj-
um og stofnunum ráðgjöf í
upplýsingamálum.
Rannsóknarvirkni sér-
fræðinga í greininni
hefur færst í vöxt og æ
fleiri bókasafns- og
upplýsingafræðingar
stunda rannsóknir samhliða öðr-
um störfum.“
– Áttu von á góðri aðsókn?
„Já, ég á von á mjög góðri að-
sókn. Inntökuskilyrði í masters-
námið eru að nemendur hafi hlotið
að lágmarki meðaleinkunn 7,25 á
háskólaprófi. Ætlunin er að taka
inn nemendur bæði á vor- og
haustmisseri. Umsóknarfrestur á
vormisseri rennur út 15. apríl.“
Jóhanna Gunnlaugsdóttir

Jóhanna Gunnlaugsdóttir
fæddist í Skeiðháholti, Skeiðum,
1949. B.A. í bókasafns- og upp-
lýsingafræði og sagnfræði frá
H.Í., M.Sc. frá Háskólanum í
Wales í stjórnun og rekstri.
Leggur stund á doktorsnám við
Háskólann í Tampere, Finnlandi.
Starfar sem lektor og skorar-
formaður í bókasafns- og upplýs-
ingafræði við H.Í. og er ráðgjafi
hjá Gangskör sf., ráðgjafafyrir-
tæki í upplýsingamálum. Eigin-
maður er Árni Árnason rekstr-
arhagfræðingur og börn þeirra
Gunnlaugur og Halla.
Ég á von á
mjög góðri
aðsókn