Morgunblaðið - 26.03.2004, Blaðsíða 9

FRÉTTIR
MORGUNBLAÐIÐ FÖSTUDAGUR 26. MARS 2004 9
RANNSÓKNARNEFND flugum-
ferðaratvika í Bretlandi telur að flug-
stjóri breskrar herþotu hafi ekki
gætt að hækkun þotu sinnar meðan
hann íhugaði breytta flugleið suð-
austur af Prestwick í Skotlandi 30.
júlí í fyrra og fór hann því upp í svæði
sem hann hafði ekki heimild til. Málið
tengist B737-þotu Íslandsflugs, en
hæðaraðskilnaður vélarinnar og
bresku vélarinnar fór niður í 600 fet
og fjarlægðin í eina sjómílu sem er
mun minni aðskilnaður en reglur
segja til um.
Málsatvik eru rakin í nýrri skýrslu
nefndarinnar og eru þau í stuttu máli
sem hér segir: Þota Íslandsflugs var
að komast á lokastefnu í aðflugi að
flugvellinum í Prestwick. Var þotan
að lækka í 6.000 feta hæð þegar
árekstrarvari hennar gefur skipun
um að sveigja til hægri og lækka í
flugið Flugstjóri þotunnar fer að fyr-
irmælunum og í 5.500 feta hæð var
hættan liðin hjá og honum gefin
heimild á ný til að halda aðfluginu
áfram.
Herþotur í árásaræfingum
Hawk-herþotan var að æfa árás á
þrjár aðrar herþotur á tilteknu svæði
upp að 4.000 fetum yfir hæðóttu
landslagi en í sjónflugi og undir
stjórn flugumferðarstjórnar her-
stöðvar þotanna. Nokkuð var þó um
skýjamyndanir á þessu svæði. Við
erfiðar æfingar þar sem reynir mjög
á verður flugstjóri Hawk-þotunnar að
nokkru fyrir skyntruflunum og
ákveður að hækka flugið til að ná átt-
um og fer þá upp fyrir 4.000 fet. Er
hann kominn í 6.500 feta hæð sem var
mun ofar en það svæði sem honum
var ætlað og tilkynnti hann ekki flug-
umferðarstjórn sinni um breyting-
arnar. Var herþotan þar með komin í
svipaða hæð og þota Íslandsflugs og
stefndu vélarnar hvor móti annarri.
Sem fyrr segir beindi árekstrar-
vari Íslandsflugsþotunnar flugmönn-
um hennar til hægri og hættunni var
afstýrt. Flugatvikið er skilgreint sem
atvik B sem þýðir að ekki hafi verið
hætta á árekstri en fjarlægð milli vél-
anna það lítil að hættuástand skap-
aðist. Fram koma í bresku skýrslunni
nokkur vonbrigði með svör flugum-
ferðarstjórnar herstöðvarinnar en
hún hafi þó ekki afsakað flug herþot-
unnar upp í almennt flugsvæði og hafi
upplýst áhafnir sínar um það atriði.
Flugmenn Íslandsflugs tilkynntu
atvikið Rannsóknarnefnd flugslysa,
RNF. Segir Þormóður Þormóðsson
rannsóknarstjóri að RNF hafi til-
kynnt bresku flugslysanefndinni um
atvikið og hún fengið það rannsókn-
arnefnd flugumferðaratvika til með-
ferðar.
Flugatvik þotu Íslandsflugs og herþotu yfir Skotlandi
Of lítill aðskilnaður en
ekki hætta á árekstri
ÞEGAR vetrarveðrin hafa að mestu
gengið yfir er nauðsynlegt að huga
að því að þvo gluggana. Versl-
unarmenn í miðborg Reykjavíkur
þurfa þó að þvo glugga í verslunum
sínum oftar en flestir aðrir. Óhrein-
ir gluggar eru nefnilega ekki til
þess fallnir að örva sölu. Það veit
þessi stúlka sem var að þvo glugga í
Lækjargötu.
Hreinir
gluggar í
Lækjargötu
LÖGREGLAN í Hafnarfirði hefur
tekið til rannsóknar tildrög þess að
bóndi á bænum Pálshúsum í Garðabæ
skaut boxer-heimilishund til bana
með riffli, en hundinum var sleppt
lausum inn á landareign bóndans í
fyrradag. Pálshús er innan bæjar-
marka Garðabæjar. Að sögn lögregl-
unnar urðu vitni að atburðinum.
Hundaeigendur hafa oft viðrað hunda
sína á opnu svæði sem er við land-
areignina og hefur komið fyrir að
hundar hafi áður farið inn á tún bónd-
ans í óþökk hans.
Lögreglan segir málið mjög alvar-
legt og varði við lög um ólöglega með-
ferð skotvopna. Hún segir að bóndinn
hafi þegar viðurkennt verknaðinn.
Bærinn Pálshús stendur við bæj-
armörk Hafnarfjarðar og Garða-
bæjar, skammt frá Hrafnistu í Hafn-
arfirði.
Banaði heimilishundi
í Garðabæ með riffli
SAMNINGANEFNDIR sjómanna
og útvegsmanna komu saman til
fundar hjá ríkissáttasemjara á mið-
vikudag og nýr fundur hefur verið
boðaður nk. mánudag. Friðrik J. Arn-
grímsson, framkvæmdastjóri LÍÚ,
segir að viðræðurnar við sjómenn séu
í eðlilegum farvegi. Þær hafi í raun
gengið ágætlega og samninganefndir
hist reglulega á fundum. „Þetta er
bara í vinnslu. Ég ætla rétt að vona að
við séum að þokast nær samkomu-
lagi. Menn eru að vinna sig áfram og
ég hef trú á að við klárum þetta. Hve-
nær það verður get ég ómögulega
sagt til um,“ segir Friðrik.
Viðræður
við sjómenn
í „eðlilegum
farvegi“
♦♦♦
Bankastræti 14, sími 552 1555
Ný sending af peysum
20% afsláttur
í dag og á morgun, laugardag
Ný sending frá
Síðbuxur - stuttbuxur - sportleg
pils o.fl.
Engjateigi 5, sími 581 2141.
Opið virka daga frá kl. 10.00—18.00, laugardaga frá kl. 10.00—16.00.
Gallabuxur - Gallajakkar
Gallapils - Gallavesti
Eddufelli 2 Bæjarlind 6
s. 557 1730 s. 554 7030
Opið mán.—fös. frá kl. 10—18
lau. kl. 10—16
Buxur og bolir í ótrúlegu úrvali
Laugavegi 84, sími 551 0756
Skóli Helgu
Helga Sigurjónsdóttir, s. 554 2337 og 696 2834.
1. Skólinn hefur flutt hluta
starfsemi sinnar að
Vífilsstöðum, Garðabæ.
2. Skólinn hefur fengið nýtt
netfang: helgasd@internet.is.
3. Skráning á næstu lestrarnámskeið er hafin.
4. Unglingadeild/fornám.
Mikil þörf er á markvissri og vel skipulagðri kennslu í íslensku,
stærðfræði, ensku og dönsku fyrir unglinga sem ljúka grunnskóla
með slökum árangri. Skólinn hefur hug á að koma á fót slíku námi í
anda fornámsdeildar sem var rekin í MK 1982-1999. Forráðamenn
unglinga og/eða fullorðnir sem kynnu að vilja notfæra sér slíkt nám
hafi samband við undirritaða sem gefur nánari upplýsingar.
www.skolihelgu.is
Geymið auglýsinguna.
undirfataverslun
Síðumúla 3 - Sími 553 7355
„Minimizer“
Skálastærðir
C,D,DD,E,F,FF, 34-44
Litir: Svart og kremað
Opið virka daga frá kl. 11-18,
laugardaga frá kl. 11-15.
stærðir: 36-44stærðir: 42-56
Sími: 568-1626 Sími: 564-1326www.stasia.is
Mikið úrval
af nýjum
sumarvörum
Kíktu á nýju
heimasíðuna okkar