Morgunblaðið - 26.03.2004, Side 30
LANDIÐ
30 FÖSTUDAGUR 26. MARS 2004 MORGUNBLAÐIÐ
Grundarfjörður | Lokahátíð stóru
upplestrarkeppni 7. bekkinga í
grunnskólunum fjórum á norðan-
verðu Snæfellsnesi fór fram í
Grundarfjarðarkirkju hinn 20. mars
sl. Þetta var í fjórða skiptið sem
þessir skólar standa að sameig-
inlegri lokahátíð en keppnin fór nú
fram í áttunda sinn. Að venju var
hátíðin krydduð með tónlistar-
atriðum nemenda og í hléi var boðið
upp á veitingar í boði Mjólkursam-
sölunnar og Brauðgerðar Ólafs-
víkur. Markmiðið með þessari upp-
lestrarkeppni er að vekja athygli
nemenda á og jafnframt að þjálfa þá
í vönduðum upplestri og framburði.
Að sögn Ragnheiðar Þórarins-
dóttur, sem stjórnaði samkomunni,
hefur þessi lestrarkeppni skilað
góðum árangri og kvaðst Ragnheið-
ur sjá árlegar framfarir. Þessi
keppni eykur sjálfstraust nemenda
og sjálfsvirðingu, sagði Ragnheiður.
Að keppninni standa stofnanir sem
tengjast menntun og starfsumhverfi
kennara og verndun íslenskunnar í
landinu og fer keppnin fram í sam-
vinnu við skólaskrifstofurnar víða
um landið. Alls munu 4.300 nem-
endur taka þátt í keppninni í ár og
koma þeir nemendur frá 151 skóla.
Úrslit stóru upplestrarkeppninar
urðu þessi: 1. sæti: Lilja Margrét
Riedel, Stykkishólmi, 2. sæti: Guð-
mundur Haraldsson, Grundarfirði,
og 3. sæti: Elín Sigurðardóttir,
Grundarfirði. Þá hlaut Hjörtur
Steinn Fjeldsted, Grundarfirði,
aukaverðlaun fyrir góðan lestur.
Árlegar framfarir
í lestrarkeppni
Morgunblaðið/Gunnar Kristjánsson
Þau lásu best í upplestrarkeppni á norðanverðu Snæfellsnesi : Frá vinstri
Guðmundur Haraldsson, Lilja Margrét Riedel og Elín Sigurðardóttir.
Húsavík | Þrautameistarinn 2004
var haldinn í íþróttahöllinni á Húsa-
vík á dögunum á vegum Töff Sport
heilsuræktarinnar. Keppt var í
þriggja manna liðum og einnig í
ein-staklingskeppni. Fjögur karla-
og fimm kvennalið mættu til leiks,
alls tuttugu og sjö keppendur.
Keppt var í þrautabraut og bíla-
drætti og svo sér í upphífingum og
dýfum.
Á milli atriða sýndu börn úr fim-
leika- og karate-deildum Völsungs
áhorfendum, sem voru fjölmargir,
listir sínar.
Eftir harða keppni varð ljóst að í
sigurliðið í kvennaflokknum voru
Gellurnar úr Framhaldsskólanum. Í
öðru sæti voru Þríhöfða stelpurnar
úr Töff Sport og í því þriðja
Stekkjarholts dýfurnar en nafn er
tilkomið vegna þess að dýfurnar
búa allar við sömu götu sen nefnist
Stekkjarholt. Karlaflokkinn sigruðu
Ungu töffararnir, í öðru sæti voru
Súkkulaðistrákarnir úr Framhalds-
skólanum í því þriðja.
Eldri Töffararnir
Þrautameistarinn 2004 í karla-
flokki var Víðir Guðmundsson en
hann sigraði einnig í upphífingum
og dýfum. Þrautameistarinn 2004 í
kvennaflokki var Sigurlaug Sævars-
dóttir en í upphífingum og dýfum
sigraði Arna Rún Oddsdóttir.
Hjónin Elísa Björk Elmarsdóttir
og Fannar Helgi Þorvaldsson reka
heilsuræktina Töff Sport. Þau voru
mjög ánægð með daginn sem
heppnaðist mjög vel. Að kveldi dags
var síðan haldin árshátíð sem hófst
með kokteilboði í stöðinni þar sem
vígð voru ný brennslutæki. Aðsókn-
in í Töff Sport hefur verið góð í vet-
ur og sagði Elísa Húsvíkinga alla
vera að taka við sér í þessum efn-
um.
Morgunblaðið/Hafþór Hreiðarsson
Víðir Guðmundsson, þrautameist-
ari karla 2004. Í öðru sæti varð
Gunnlaugur Stefánsson og í því
þriðja Björgvin Bessi Vilhjálmsson.
Morgunblaðið/Hafþór Hreiðarsson
Sigurlaug Sævarsdóttir varð
þrautameistari kvenna. Í öðru sæti
varð Arna Rún Oddsdóttir og í því
þriðja Helga Eyrún Sveinsdóttir.
Keppt í
þrauta-
braut og
bíladrætti