Morgunblaðið - 26.03.2004, Side 25
AKUREYRI
MORGUNBLAÐIÐ FÖSTUDAGUR 26. MARS 2004 25
Hverafold 1-3 • Torgið Grafarvogi • Sími 577 4949
Akureyingar - Eyfirðingar
Athugið
Í tilefni af árs afmæli verslunar NÆS í Reykjavík
bjóðum við konum á Akureyri og í Eyjafirði
á sölukynningu að Skipagötu 7, Akureyri
Fimmtudaginn 25. mars frá kl. 10-20
Föstudaginn 26. mars frá kl. 10-20
Laugardaginn 27. mars frá kl. 10-18
Ath. aðeins þessa
3 daga
að þessu sinni
Persónuleg
ráðgjöf &
þjónusta
Verið hjartanlega
velkomnar
Opnunartími mán. - fös. kl. 11-18 & lau. kl. 12-16
ÞESSA dagana er verið að prófa þá
nýjung að bjóða öllum nemendum í 5.
bekk grunnskólanna á Akureyri upp
á skíðakennslu í Hlíðarfjalli þeim að
kostnaðarlausu. Kennslan byrjaði
mánudaginn 22. mars og stendur til
31. mars. Tekið er á móti nemendum
úr tveimur skólum í einu, eða 80–90
nemendum, en í allt er hér um að
ræða 259 nemendur sem er skipt nið-
ur á þrjá daga, mánudaga, þriðjudaga
og miðvikudaga. Kennt er í 2 klst. í
einu og munu nemendur fara tvisvar í
fjallið þetta árið. Til stóð að hver hóp-
ur færi þrisvar sinnum en vegna að-
stæðna varð að fækka skiptunum.
Þetta er samvinnuverkefni Skíða-
staða í Hlíðarfjalli, skóladeildar og
grunnskólanna, þannig að Skíða-
staðir leggja til búnað fyrir þá sem
þess þurfa, lyftugjöld og skíðakenn-
ara, en skóladeild greiðir kostnað
vegna skíðakennara og sér um skipu-
lagningu ferða í samvinnu við
skólana.
Það hefur komið á óvart hversu
hátt hlutfall þessara nemenda á ekki
búnað eða tæp 43% og að tæplega
helmingur (50%) nemendanna er
byrjendur.
Markmiðið með þessu átaki er að
kynna öllum nemendum í ákveðnum
árgangi skíðaíþróttina og þá aðstöðu
sem er í Hlíðarfjalli til að stunda holla
útiveru. Eins og með kynningu á
skautaíþróttinni í 3. og 4. bekk fyrir
áramót er verið að reyna að fá sem
flesta til þess að nýta sér þá góðu að-
stöðu sem er á Akureyri til þess að
stunda vetraríþróttir auk þess sem
þessari kennslu á að sinna í íþrótta-
kennslu samkvæmt Aðalnámskrá.
Á þetta verkefni er litið sem tilraun
nú, en hugmyndir eru uppi um að
færa þessa kennslu inn í stundaskrá
og skipulag skólanna á næsta ári og
helst að gera hana að föstum lið í
kennslu nemenda í grunnskólum Ak-
ureyrar, enda Akureyri vetr-
aríþróttamiðstöð Íslands, segir í
fréttatilkynningu skóladeildar.
Margir kunna ekki á skíðin
Nemendur í 5. bekk grunnskóla í skíðakennslu
Morgunblaðið/Kristján
Tekin á teppið. Eva Björk Heiðarsdóttir, skíðakennari í Skíðaskólanum í Hlíðarfjalli, ræðir við nemendur í 5. bekk í
Glerárskóla í skíðakennslunni í vikunni. Eva Björk var að kenna þeim að renna sér í pítsu, eins og það er kallað.
LEIKFÉLAG Akureyrar býður
leikhúsgestum uppá umræður eftir
sýningu á Draumalandinu sem og
skoðunarferð um Samkomuhúsið
eftir sýningu á verkinu annað kvöld
föstudagskvöldið 26. mars. Verkið
var frumsýnt nú nýlega, en það er
eftir Ingibjörgu Hjartardóttur.
„Þetta er leikrit sem fjallar um ís-
lenskan nútíma, samskipti fólks
með misjafnar áætlanir og langan-
ir. Spenna og átök. Margar spurn-
ingar hafa vaknað hjá áhorfendum
og miklar umræður spunnist um
verkið. Er betra að virkja árnar
eða nota þær á annan hátt t.d. í
sambandi við ferðamennsku? Á að
hætta búskap í sveitum landsins?
Er dulið ofbeldi í gangi gagnvart
eldra fólki? Þessar spurningar og
margar fleiri hafa heyrst,“ segir í
frétt frá félaginu og því bjóði það
upp á áðurnefndar umræður eftir
sýningu á föstudagskvöld.
Leikhúsið hefur verið end-
urbyggt og lagfært mikið síðast-
liðið ár og einnig er þar sýning á
Borgarasal um Jón Norðfjörð leik-
ara.
Morgunblaðið/Kristján
Skipst á skoðunum: Á myndinni eru
Skúli Gautason og Saga Jónsdóttir í
hlutverkum sínum í leikverkinu.
Umræður um
Draumalandið
eftir sýningu
Hraðskák | Árlegt marsskákmót
Skákfélags Akureyrar verður haldið
á sunnudag, 28. mars, kl. 14.
Að venju er teflt í Íþróttahöllinni
og eru allir velkomnir.