Morgunblaðið - 26.03.2004, Blaðsíða 12

VIÐSKIPTI/ATHAFNALÍF
12 FÖSTUDAGUR 26. MARS 2004 MORGUNBLAÐIÐ
ÞETTA HELST …
VIÐSKIPTI
● STJÓRNARMENN Og fjarskipta hf.
hafa fengið greidd stjórnarlaun í
formi hlutabréfa í félaginu. Í hlut
stjórnarmannanna fimm koma sam-
tals 1.707.687 hlutir á genginu
3,38, en lokagengi félagsins í Kaup-
höll Íslands í gær var 3,32. Mest
kemur í hlut Bjarna Þorvarðarsonar
stjórnarformanns eða 700.000 kr.
að nafnverði, en minna í hlut annarra
stjórnarmanna, þeirra Jóns Pálma-
sonar, Kjartans Georgs Gunn-
arssonar, Kenneth D. Peterson, og
Vilhjálms Þorsteinssonar.
Fá stjórnarlaun í
hlutabréfum
● ÍSLENSK fyrirtæki munu verða með-
al fyrirtækja sem mynda svonefnda
heimsvísitölu FTSE Group (e. FTSE
Global Index Series). Frá þessu er
greint í frétt á vef Bloomberg fréttamið-
ilsins.
Auk íslenskra fyrirtækja munu fyr-
irtæki frá Kýpur, Jórdaníu, Sádi-Arabíu
og Slóveníu verða tekin inn í vísitöluna.
Þórður Friðjónsson, forstjóri Kaup-
hallar Íslands, segir að það sé áhuga-
vert að íslensk fyrirtæki verði inni í
heimsvísitölu FTSE. Það sé til vitnis
um að íslenskur hlutabréfamarkaður
sé að fá meiri og meiri athygli erlendis,
en þetta ýti enn frekar undir það. Þetta
komi og heim og saman við það sem
Kauphöllin hafi orðið vör við und-
anfarin misseri, að athyglin sem ís-
lenski hlutabréfamarkaðurinn fær er-
lendis sé smám saman að aukast.
Á vefsíðu FTSE segir að heims-
vísitalan sé yfirgripsmesta vísitala
sem fjárfestar hafi aðgang að. Í henni
séu yfir sjö þúsund fyrirtæki frá 48
löndum. Þau fimm lönd sem nú hefur
verið ákveðið að verði með í vísitölunni
eru þá ekki talin með.
Íslensk fyrirtæki í
heimsvísitölu FTSE
Málþing um skattamál í Við-
skiptaháskólanum á Bifröst í dag kl.
13.15. Rætt um mörk óleyfilegrar
sniðgöngu og eðlilegrar skattaráð-
gjafar, ábyrgð skattaráðgjafa, áhrif
skattlagningar milli landa og sam-
skipti við skattyfirvöld.
Morgunverðarfundur Hóp-
vinnukerfa undir yfirskriftinni „Hvað
þarf til að ná skilvirkni í mannauðs-
stjórnun?“ í dag kl. 8–9.50 í Hvammi
á Hótel Reykjavík.
Í DAG
● FISKMARKAÐUR Suðurnesja var
rekinn með 5,4 milljóna króna hagn-
aði á árinu 2003, samanborið við
20,7 milljóna króna hagnað árið áður.
Í fréttatilkynningu frá félaginu segir
að tekjur hafi verið 330,4 milljónir á
árinu, 4,1% minni en árið áður, en
rekstrargjöld án afskrifta hafi verið
295 milljónir króna, og hafi minnkað
um 1,7% á milli ára.
Fyrir afskriftir var hagnaður félags-
ins 34,7 milljónir samanborið við
43,8 milljónir árið áður.
Fiskmarkaður
hagnast minna
● MEÐALVELTA með markflokka
skuldabréfa hefur verið 6,7 millj-
arðar króna á dag það sem af er
marzmánuði. Þetta er mesta velta,
sem verið hefur á markaðnum frá
upphafi, að því er fram kemur í Morg-
unkorni Íslandsbanka. Þannig hefur
veltan numið 120 milljörðum það
sem af er mánuðinum og er hún þeg-
ar orðin fimmtungi meiri en í sept-
ember sl. Meðalvelta síðustu tólf
mánaða nemur um 80 milljörðum og
hefur tvöfaldazt á milli ára.
Metvelta á skulda-
bréfamarkaði
JÓN KARL Ólafsson, formaður
Samtaka ferðaþjónustunnar, sagði á
aðalfundi samtakanna í gær að
tryggja yrði betri arðsemi fyrir-
tækja í ferðaþjónustu þannig að
greinin yrði talin áhugaverður fjár-
festingarkostur hjá innlendum sem
erlendum fjárfestum. „Þetta eru há-
leit markmið og það er mikil vinna
framundan til að tryggja þau,“ sagði
Jón Karl.
Hreiðar Már Sigurðsson, forstjóri
KB banka, sagði í sínu erindi á fund-
inum að miðað við núverandi aðstæð-
ur væru fjárfestingar í ferðaþjón-
ustu hvorki óeðlilega litlar né miklar.
„Ég er [líka] þeirrar skoðunar að
þolinmótt fjármagn geti ávaxtast vel
í íslenskum ferðageira. Ég er hins
vegar ekki sannfærður um að lengi
til viðbótar verði unnt að setja sama-
semmerki á milli fjölgunar ferða-
manna og bættrar afkomu í grein-
inni,“ sagði Hreiðar en áður hafði
hann bent á það að fagfjárfestar og
stjórnendur fjármagns og sjóða sem
ekki væru í einkaeign gætu ekki fjár-
fest nema von um arðsemi væri eðli-
leg og áhættan innan eðlilegra
marka. Eftir stæðu því fjársterkir
einstaklingar sem reiðubúnir væru
að setja fjármuni í uppbyggingu sem
e.t.v. skilaði arði eftir allmörg ár.
„Slíkir menn eru hins vegar vand-
fundnir – en alltaf jafneftirsóttir!“
Hreiðar sagði einnig að Ferða-
þjónustan væri ein af fáum greinum
þar sem landsbyggðin hefði enn
raunverulega hlutfallslega yfirburði
vegna landfræðilegra aðstæðna og í
því tilliti nær eini augljósi vaxtar-
broddurinn í nær öllum byggðum
landsins og hlyti þess vegna að
tengjast byggðastefnu stjórnvalda
með afgerandi hætti.
Þá sagði Hreiðar að lokum að
framtíðin ætti að vera björt en engu
að síður væru mörg verkefni óleyst
áður en hægt yrði að tala um veru-
legan kynþokka ferðaþjónustunnar í
heild sinni gagnvart fjárfestum, eins
og Hreiðar orðaði það í erindi sínu á
fundinum.
Tvöföldun gjaldeyristekna
Jón Karl fór í erindi sínu yfir
framtíðarsýn Samtaka ferðaþjónust-
unnar þar sem fram kemur að stefnt
er að tvöföldun gjaldeyristekna af
ferðaþjónustu fyrir lok árs 2012 og
að beinar gjaldeyristekjur verði þá
komnar í a.m.k. 80 milljarða króna.
Samtökin vilja að hans sögn efla enn
samstarf ferðaþjónustufyrirtækja
og annarra hagsmunaaðila til að
styrkja innviði greinarinnar. „Við
viljum að landið allt verði kynnt til
eflingar ferðaþjónustu og að ímynd
byggi á hreinleika, heilsu, öryggi og
fegurð landsins okkar. Við viljum
líka að nýsköpun og fagmennska í
greininni tryggi arðsemi greinarinn-
ar á heilsársgrunni.“
Á fundinum var samþykkt tillaga
um stofnun nýsköpunarsjóðs og
vöruþróunarsjóðs SAF með fyrr-
greint að markmiði, sem á að hvetja
fyrirtæki innan samtakanna til ný-
sköpunar og vöruþróunar, með því
að veita viðurkenningar fyrir athygl-
isverðar nýjungar.
Evrópusókn boðuð
Sturla Böðvarsson samgönguráð-
herra boðaði markaðssókn inn á
meginland Evrópu í erindi sínu á
ráðstefnunni. Hann sagði að í ljósi
þeirrar reynslu sem fengist hefur
með Iceland Naturally vestanhafs,
samstarfsverkefni Icelandair, Ice-
landic USA, Iceland Seafood Corp.,
Bændasamtakanna, Flugstöðvar
Leifs Eiríkssonar og Ölgerðarinnar,
hefði hann verið áhugasamur um að
sams konar átaki yrði hleypt af
stokkunum í Evrópu enda álfan sem
heild mikilvægasta markaðssvæði ís-
lenskrar ferðaþjónustu, að sögn
Sturlu. „Í ljósi mjög góðs árangurs
undanfarin ár af samstarfi ríkis, fyr-
irtækja og annarra hagsmunaaðila í
IN í N-Ameríku hef ég ákveðið að
láta kanna á meginlandi Evrópu
hvaða þættir það séu líklegastir til að
vera sameiginlegir til að koma ís-
lenskri ferðaþjónustu enn frekar en
tekist hefur á framfæri á þessu
svæði. Í framhaldi af slíkri rannsókn
verði hannað slagorð og „logo“ í sam-
ræmi við niðurstöður með sama
hætti og gert er undir merki Iceland
Naturally,“ sagði Sturla.
Til að vinna að gerð þessa verk-
efnis sagðist Sturla ætla að leita
samstarfs við utanríkisráðuneyti,
Samtök atvinnulífsins, Þýsk-ís-
lenska verslunarráðið og Fransk-ís-
lenska verslunarráðið. Starfsmaður
undirbúningshóps verkefnisins verð-
ur Haukur Birgisson, forstöðumaður
Ferðamálaráðs í Frankfurt.
Áfram Iceland Naturally
Þá sagði Sturla að til skoðunar í
samgönguráðuneytinu væri að gera
nýjan samning um Iceland Naturally
frá og með 1. janúar nk. og byggja
hann á þeirri reynslu sem náðst hef-
ur með núgildandi samkomulagi en í
máli Sturlu kom fram að góður ár-
angur hefði náðst með Iceland Nat-
urally. Verkefnið hefur kostað eina
milljón dollara á ári. Samgönguráðu-
neytið hefur bæði stýrt átakinu og
lagt fram 70% fjárins.
Ferðaþjónustan verði áhuga-
verður fjárfestingarkostur
Markaðssókn
boðuð á megin-
landi Evrópu
Morgunblaðið/Golli
Meiri arðsemi Jón Karl Ólafsson á ráðstefnu Samtaka ferðaþjónustunnar.
ÚRSKURÐUR samkeppnisyfir-
valda Evrópusambandsins, ESB,
varðandi viðskiptahætti banda-
ríska hugbúnaðarfyrirtækisins
Microsoft, gildir á öllu Evrópska
efnahagssvæðinu og þar með
einnig hér á landi. Guðmundur
Sigurðsson, forstöðumaður sam-
keppnissviðs Samkeppnisstofnun-
ar, staðfesti í samtali við Morg-
unblaðið að úrskurðurinn myndi
gilda á Íslandi. Í ákveðnum til-
vikum geta ákvarðanir í sam-
keppnismálum, sem teknar eru af
framkvæmdastjórn ESB eða Eft-
irlitsstofnun EFTA, gilt á öllu
efnahagssvæðinu.
Yfirvöld samkeppnismála hjá
ESB úrskurðuðu fyrr í vikunni að
Microsoft skyldi greiða nærri 44
milljarða íslenskra króna í sekt
fyrir að misnota raunverulega ein-
okunarstöðu sína á markaði fyrir
stýrikerfi einmenningstölva. Fyr-
irtækinu er jafnframt gert að
skilja á milli Windows-stýrikerf-
isins og Media Player-forritsins
fyrir hljóð og myndskrár. Var
Microsoft gefinn 90 daga frestur
til að skilja þarna á milli. Fyr-
irtækinu var jafnframt gert að
veita öðrum fyrirtækjum upplýs-
ingar svo þau geti framleitt vef-
þjóna, sem nota má með Wind-
ows.
Sér ekki að úr-
skurðurinn hafi áhrif
Elvar Steinn Þorkelsson, fram-
kvæmdastjóri Microsoft Íslandi,
segist ekki hafa kynnt sér úrskurð
ESB varðandi Microsoft. Hann
segist hins vegar í fljótu bragði
ekki sjá að úrskurðurinn muni
hafa nokkur áhrif hér á landi.
Mega ekki selja stýrikerfi
með margmiðlunarspilara
Morgunblaðið/Ásdís
Minna í pakkanum Samkvæmt ákvörðun ESB má margmiðlunarspil-
arinn Media Player ekki fylgja Windows-stýrikerfi Microsoft.
Úrskurður ESB varðandi Microsoft gildir einnig hér á landi
SVÞ, Samtök verslunar og þjónustu, hafa
sent frá sér fréttatilkynningu þar sem segir
að MasterCard-Kreditkort hafi á sl. 6 mán-
uðum nærri tvöfaldað þjónustugjöld sín á
verslanir og þjónustuaðila sem taka við deb-
etkortagreiðslum.
„Fyrirtækið hefur hækkað gjaldskrána
tvisvar á skömmum tíma án þess að til-
kynna söluaðilum um það fyrirfram. Þjón-
ustugjald söluaðila á færslu með debetkorti
getur numið allt að 212 krónum eftir síðustu
hækkun,“ segja samtökin. Mest er hækk-
unin sögð gagnvart þeim verslunum og
þjónustuaðilum sem beina kreditkorta-
færslum til danska greiðslumiðlunarfyrir-
tækisins PBS. Segja samtökin að Master-
card-Kreditkort hegni þeim söluaðilum með
hæstu gjöldum, sem einungis beini debet-
kortaviðskiptum sínum til fyrirtækisins en
ekki kreditkortafærslum.
Samkvæmt gjaldskrá Kreditkorta hf.,
sem tók gildi 18. þessa mánaðar greiða þeir
seljendur sem aðeins taka debetkort, að
lágmarki 5 krónur og að hámarki 212 krón-
ur fyrir hverja færslu. Seljendur sem taka
bæði debet- og kreditkort greiða hins vegar
frá 4 krónum upp í 190 krónur á færslu.
„SVÞ hafa gert kröfu um að kortafyrir-
tækin þurfi að afla samþykkis Samkeppn-
isstofnunar fyrir öllum veigameiri breyting-
um á gjaldskrám söluaðila þar sem þeir
síðarnefndu hafa ekki val um annað en að
veita kortum viðtöku. Það er að mati sam-
takanna lágmarkskurteisi að fyrirtæki til-
kynni viðskiptavinum sínum um áformaðar
gjaldskrárbreytingar með sannanlegum
hætti,“ segir í tilkynningu SVÞ.
Tvöföldun
þjónustu-
gjalda á 6
mánuðum
SVÞ segja Kreditkort
hf. hegna seljendum