Morgunblaðið - 01.04.2004, Síða 6

FRÉTTIR
6 FIMMTUDAGUR 1. APRÍL 2004 MORGUNBLAÐIÐ
ÖLLUM starfsmönnum Íslensks
sjávarfangs ehf. í Hrísey hefur verið
sagt upp störfum frá og með morg-
undeginum. Næstu mánuðir verða
notaðir til að endurskipuleggja
reksturinn og leita leiða til að
tryggja framtíð félagsins.
„Þetta er gríðarleg blóðtaka fyrir
Hrísey ef rétt reynist,“ segir Ragnar
Jörundsson, sveitarstjóri í Hrísey.
Hann segir uppsagnirnar bitna illa á
samfélaginu. „Svo virðist sem verið
sé að slátra þessu samfélagi gjör-
samlega, með þessum aðgerðum og
þeim sem hafa verið hér undangeng-
in ár, alveg frá því um áramótin
1999–2000, þegar Snæfell fór héðan
með alla vinnslu og allan kvóta.“
Íbúar í Hrísey eru nú um 175 tals-
ins en hefur, að sögn Ragnars, fækk-
að um hundrað á örfáum árum.
Íslenskt sjávarfang er annar
stærsti vinnustaðurinn í Hrísey,
hinn er Hvammur, en á bilinu 14–20
manns hafa unnið hjá hvoru fyrir-
tæki um sig við fiskvinnslu. Ragnar
segir að Hvammur hafi staðið nokk-
uð traustum fótum.
„Þessi fallega eyja virðist hafa
verið skilin eftir af stjórnvöldum
gjörsamlega,“ segir Ragnar. „Við
höfum verið að reyna að koma með
nýja atvinnuvegi hér og fáum ákaf-
lega lélegar undirtektir.“ Ragnar
bendir á að menn hafi reynt fyrir sér
í kræklingarækt, en fengið allt of lít-
inn stuðning. „Þetta er borðleggj-
andi ef vel er staðið að þessu,“ segir
Ragnar. Fyrirtækið Norðurskel hef-
ur staðið fyrir kræklingarækt í Hrís-
ey og hefur að sögn Ragnars barist í
fjögur ár og fórnað sér alveg í þetta.
Markaðir lofi góðu en starfsemin sé
lömuð sökum skorts á fjármagni. Þó
sé hún vonandi að glæðast.
Ragnar segir Hríseyingum finnast
þeir eiga rétt á stuðningi eins og
önnur byggðarlög sem lent hafi í
vanda vegna fiskveiðistjórnunarinn-
ar. „Þetta þorp byggist á sjávarfangi
og það datt engum í hug þegar verið
var að byggja þetta upp að einhverj-
ir einn eða tveir aðilar geti bara farið
og stútað heilu samfélagi. Eftir situr
fólkið með verðlausar eignir og
bundið áttahagafjötrum en það reyn-
ir nú að fara í burtu fremur en að
gera ekki neitt.“ Ragnar segir Hrís-
eyinga vita að ástandið sé ekki þeim
að kenna, það stafi t.a.m. ekki af of
mikilli framkvæmdagleði. „Hér er
reynt að þrauka en þetta er afleið-
ingin af fiskveiðistjórnuninni og sýn-
ir, hvernig hún kemur niður á litlum
samfélögum.“
Hríseyingar eru nú í sameining-
arviðræðum við Akureyri og segir
Ragnar að vonast sé til þess að sam-
eining muni bæta mannlífið í eynni.
Hríseyingar sjái vart annan kost en
að sameinast Akureyri, eins og staða
mála sé. „Ef það verður ekki sam-
þykkt veit ég ekki hvernig þetta fer
því sveitarfélagið hefur ekki tekjur
til þess að sinna þeirri lögboðnu
þjónustu sem sveitarfélögum er
skylt að gera. Við stefnum að því að
kosið verði um sameiningu um leið
og forsetakosningar verða 26. júní í
sumar,“ segir Ragnar.
Íslenskt sjávarfang ehf. framleiðir
fiskbita og fullunna fiskrétti og selur
á innanlandsmarkaði, þ.e. í stór-
mörkuðum, til mötuneyta og stórra
eldhúsa og ennfremur hefur talsvert
af afurðum fyrirtækisins verið selt á
erlendum mörkuðum. 14 manns
starfa hjá fyrirtækinu, í tæplega 12
stöðugildum, en þar af eru um 10 í
Hrísey. Fyrirtækið náði nauðasamn-
ingum við helstu lánardrottna fyrir
um ári, en þær aðgerðir skiluðu ekki
tilætluðum árangri og hefur fyrir-
tækið verið rekið með tapi.
„Það eru ýmis batamerki í rekstr-
inum en verðfall á erlendum mörk-
uðum og aukin samkeppni á innan-
landsmarkaði eru aðalástæðurnar
fyrir því að reksturinn hefur ekki
gengið samkvæmt áætlunum,“ segir
Kristján Kristjánsson, fram-
kvæmdastjóri Íslensks sjávarfangs.
Hann segir að unnið verði að end-
urskipulagningu á rekstrinum en ný-
verið hafi félagið t.a.m. gert samning
við SÍF um sölu nýrra afurða sem
framleiddar verða í Hrísey. Ýmissa
leiða hafi verið leitað til að styrkja
reksturinn í sessi og segir Kristján
að þeirri vinnu verði haldið áfram.
FUNDUR var haldinn í gær með
starfsfólki og fulltrúum verkalýðs-
félagsins Einingar-Iðju þar sem
uppsagnirnar voru tilkynntar og
málin rædd.
Elísabet Jóhannesdóttir, formað-
ur stéttarfélagsins Einingar-Iðju í
Hrísey, segist ekki svartsýn fyrir
hönd starfsfólks Íslensks sjáv-
arfangs. Hún segir fyrirtækið hafa
stokkað mikið upp í rekstrinum að
undanförnu og gert stóra samn-
inga. Því sé engin ástæða til ann-
ars en að ætla að takist að end-
urskipuleggja reksturinn.
„Ég held að þeir hafi þetta af.
Það merki ég af samtölum mínum
við starfsfólk fyrirtækisins, það er
bjartsýnt á að úr rætist. Auðvitað
er einhver uggur í fólki þegar
svona tíðindi berast, ástandið á
vinnumarkaðnum er þannig að
enginn veit hver staðan verður á
morgun. Það á við hér eins og alls
staðar annars staðar,“ segir
Elísabet.
Bjartsýni meðal starfsfólks
Íslenskt sjávarfang
segir öllum upp
Morgunblaðið/Kristján
Öllu starfsfólki Íslensks sjávarfangs hefur verið sagt upp störfum og er
framtíðin afar óviss vegna viðvarandi rekstrarerfiðleika.
„Verið að slátra þessu samfélagi með þessum aðgerðum“
SAMNINGURINN sem Orkuveita
Reykjavíkur og Jarðboranir hafa
skrifað undir um boranir á tíu holum
á Hellisheiði er skilyrtur þannig að
Orkuveitan getur rift honum fyrir
lok maí næstkomandi, komi til þess
að samningar takist ekki við Norð-
urál um stækkun álversins á Grund-
artanga. Þrátt fyrir ofangreind
ákvæði mun Orkuveitan láta bora
fjórar holur á þessu ári.
Eins og fram kom í Morg-
unblaðinu í gær hljóðar samning-
urinn upp á 2,3 milljarða króna, og
er sá stærsti sem gerður hefur verið
hér á landi á þessu sviði. Verkinu á
að vera lokið í nóvember á næsta ári.
Útboð fór fram á Evrópska efna-
hagssvæðinu. Þrír aðilar lýstu yfir
áhuga á að bjóða í verkið og sendu
inn gögn. Að því loknu var tveimur
boðið að gera tilboð, Jarðborunum
og Ístaki en eingöngu Jarðboranir
sendu tilboð á endanum. Samkvæmt
upplýsingum blaðsins var Ístak með
erlendan samstarfsaðila sér við en
ekkert varð af tilboðsgerð.
Eiríkur Bragason, verkefnisstjóri
Hellisheiðarvirkjunar fyrir OR, seg-
ir að framkvæmdir hefjist fljótlega
eftir páska. Byrjað verði á að
stækka borteiga og síðan hefjist for-
borun með bornum Saga. Jarðbor-
anir munu síðar nota Jötun um leið
og nýjan og tæknilegan bor, Sol-
imec, sem fluttur verður sérstaklega
til landsins vegna verksins.
Dagsetning hefur ekki verið
ákveðin á undirskrift samnings milli
Norðuráls, OR og Hitaveitu Suð-
urnesja en verið er að leggja loka-
hönd á samningstexta og ganga frá
fjármögnun stækkunarinnar. Vonir
höfðu verið bundnar við undirskrift í
mars en nú er ljóst að það frestast
fram í apríl.
Bent S. Einarsson, forstjóri Jarðborana, og Alfreð Þorsteinsson, stjórn-
arformaður Orkuveitu Reykjavíkur, skrifa undir samninginn um boranir.
Borsamningi rift
ef ekki semst um
stækkun Norðuráls
DORRIT Moussaieff for-
setafrú opnar í dag norræna
hönnunarsýningu í Mílanó. Um
er að ræða viðamikla yfirlits-
sýningu á norrænni hönnun í
La Triennale di Milano sýning-
arsalnum. Alls eiga 22 íslenskir
hönnuðir verk á sýningunni. Á
opnunarhátíðinni í dag verða
sýnd verk sjö íslenskra fata-
hönnuða og fjögurra hönnuða
skartgripa og fylgihluta.
Heiti sýningarinnar er
„Scandinavian Design - Beyond
the Myth“ en hún spannar síð-
astliðna hálfa öld í norrænni
hönnun. Meira en 200 verk frá
Íslandi, Danmörku, Noregi,
Svíþjóð og Finnlandi verða á
sýningunni, þar af 30 íslensk.
Norræna ráðherranefndin
styrkir sýninguna. Fyrirhugað
er að sýningin fari víðar um
Evrópulönd, Bandaríkin og
Kanada, að því er segir í til-
kynningu frá embætti forseta
Íslands.
Verk eftir
22 íslenska
hönnuði
sýnd í Mílanó
SNJÓKOMAN á höfuðborgar-
svæðinu síðustu daga hefur komið
þeim á óvart sem voru farnir að
fagna vorinu og jafnvel búnir að
skipta yfir á sumardekk á öku-
tækjum sínum.
Áður en jörð hvítnaði var gróður
einnig víða farinn að taka við sér
og garðlaukar að spretta upp úr
moldinni. Aðspurð hvaða áhrif
snjórinn hafi á garða og gróður
segir Guðný Olgeirsdóttir, skrúð-
garðyrkjumeistari hjá Reykjavík-
urborg, að garðeigendur geti verið
áhyggjulausir á meðan ekki frystir
að neinu ráði. Miðað við hitastigið
samfara snjókomunni hafi gróður-
inn miklu frekar hlotið skjól held-
ur en skaða af.
Snjórinn
óskaðlegur
gróðrinum